Рубрикатор

Домашнее хозяйство Кудазораватненень
Кудазораватненень

 

Эрямосонть истя кемекставсь, тейтерьаватненень эряви маштомс тантейстэ пидеме, парсте муськеме, шлямо кудонть, эште кастомс эйкакшт, ванстомс семиянь юронть. Лиякс меремс, улемс алкуксонь кудазоравакс.

Вадря кудазоравантень эряви улемс паро экономистэкскак, маштомс явшемс семиянь бюджетэнть, шождасто нолдамс тевс кудоютконь бытовой техниканть, эрьва мезес чарькодемс. Неть лезэв превспутоматне лездыть эрьва кудазоравантень.

Лавкав сыргамодо икеле анокстадо меню: мезе карматадо пидеме недлянь перть. Тень лангс нежедезь, раминк эрявикс ярсамопельтнень. Совавтодо тов эмежть, фруктат, сывель, сараз ды кал. Холодильниксэ свал кирдеде чапакс, кельмевтезь ягодат ды эмежть, колбаса. Те лезды куроксто, 20 минутань перть, анокстамс ужин, бути сыть апак учонь инжеть.

Илядо рамсе ламо полуфабрикатт – сынь кандыть зыян аволь ансяк шумбрачинтень, истя жо семиянь бюджетэнтень. Седе вадря карми, бути раматадо свежа сывель, сараз эли индейка, керсинк рамсезенть ды путынк морозилкас. Пелензэ сывеленть нолдынк фаршокс ды тейнеде котлетат, тефтельть эли голубцат. Те лезды ванстомс шканть ужинэнь пидемстэ.

Эрьванть кудосо улить цецят. Пек вадря валномс сынст модамарень эли лапшань пидема ведьсэнть. Тосо кирдевить пек ламо лезэв витаминт, сал. Веденть кельмемадонзо мейле валнынк эйсэнзэ цецятнень ды кудонь лия касовкстнэнь.

Бути кудосонк улить алюминиень кастрюлят, конат умок лоткасть цитнемеде, лакавтынк неть кастрюлятнень модамарень, умарень ватксевкстнэнь марто ведьсэ.

Эрьва кухнясо ули бытовой техника. Сынь шождалгавтыть кудоютконь тевтнень ветямонть. Холодильникесь лезды ванстомс ярсамопельтнень. Газонь плитатнень ды духовкатнень вельде минь пидетяно тантей ярсамопельть. Ансяк сеедьстэ  стувтнетяно пеельтнеде ды васоньпеельтнеде. Неть кедьёнкстнэнь ули башка тешксэст – сынь ношкалгадыть. Пеельтнень ды васоньпеельтнень шожда човамонть туртов, путынк сынс 25-30 минутас салов ведьс. Те шканть ютазь, апак нарда ушододо сынст човамо. Бути а машттадо пеелень човамо, рамадо керамикань пеельть. Ансяк кирдеде мельсэ, бути правтсынк, сынь колавить.

Мясорубканть вадрясто ванськавтомга нолдадо пачканзо зярыя модамарть. А мереви костямс мясорубканть батарея вакссо, пеельтне куроксто ношкалгадыть.

Саинк мельс

Неень шкане лавкатнесэ микшневи эрьва кодамо бытовой химия, конась лезды шлямс-ванськавтомс кудонть. Ансяк мазый рекламась сёпи эйстэнек, кодамо покш зыян кандыть неть химиятне шумбрачинтень. Мекс бу а полавтомс неть химикаттнэнь кезэрень шкасто содазь ули-паротнень лангс, конат ванстовить эрьванть кудосо? Текень пингстэ, сынь аволь питнейть ды пек лезэвть. Саинк мельс!

Миненек эрявить сал, уксус, сода, лимон, постной ой (оливкань эли чиньжарамонь).

Салось

Салось пек лезды пенчтнестэ-вакантнэстэ оенть шлямс. Невтемга, пидемадо-панемадо мейле почодынк пачалгонть салсо, шкань ютазь састыне нардынк конёвсо.

Аламошка корицась ды сурпрясо саезь салось лездыть ванськавтомс духовканть, истя жо паньсызь апаро чиненть. Те човорявкссонть эрявить почодомс рудазов таркатнень, зярс духовкась эзь кельме. Седе мейле, зярдо сон кельми, щётканть вельде вадринестэ сынст ёзамат.

Тенстесь саты седе куватьс, бути тевс нолдамодонзо икеле лопавтемс сал марто пси ведьс. Бути арсетядо шлямс ташто тенстенть, истя жо тень теинк салов ведьсэ. Те лезды вадрясто сонзэ ванськавтомс.

Губкатнесэ, конатнень нолдатано тевс кудоютконь тевтнесэ, кирдевить пек ламо зыянов бактерият. Сынст изнямга, губкатнень ёзамат хозяйственной сапоньсэ, мейле кавто часос лопавтемат салов ведьс: стопка ведьс каямс 2 покш пенчть сал.

 

Уксусось

Неень шкане эрьва квартирасо ули кафель, сон вадрясто шляви уксусонть вельде. Човорядо бутылкас 1 литра ведьс 3 покш пенчть уксус, пургсинк плитканть ды кадынк зярыя шкас. Теде мейле нардтнинк плитканть летьке нулынесэ.

Ваннанть эли умывальникенть лангсто чемененть шлямс истя жо лезды уксусось. 100 мл винань уксусонть човоринк 2 покш пенчть сал марто, путынк човорявксонть ведень баняс. Эждинк 70 градусос. Теде мейле ваднинк эйсэнзэ ваннанть ды кадынк 15 минутас, мейле ёрвалдынк ведьсэ.

Уксусось лезды чайникстэ лакавксонть шлямскак. Саеде 1/4 стопка уксус. 25-35 минутань перть вадринестэ лакавтынк, зярс чайникесь а ванськавтови. Мейле чайникенть парсте шлинк ведьсэ.

 

Содась

Муськемстэ шлямонь средстванть юткс каядо аламошка сода – амуськевиця весе рудазтнэ ёмить.

Содась истя жо ютавты аволь паро чинетнень. Стопкасо сода марто човорязь веденть путынк холодильникс. Зярыя часонь ютазь весе чинетне ёмить.

Содась пек вадрясто ванськавты сиянть. Пси ведьс каядо зярыя пенчть сода. Каинк тов сиянь кедьгенть 20 минутас. Мейле таргинк ды вадринестэ ёзынк щёткасо.

 

Лимонось

Лимонось пек вадрясто шлясынзе ваннань нупальстэ чудевкстнэнь. Пель лимононь соконть човоринк пель стопка ведь марто, шлинк эйсэнзэ кенкштнень, кафеленть, душонь кабинанть. Тынк дивавтадызь ваньксчись ды тантей чинесь.

Фарфорсто теезь вазатнень истя жо мереви шлямс лимон марто кельме ведьсэ. Сынь кармить теке одт.

 

Постной оесь

Сеедьстэ пек стака лутамс од вакантнэстэ этикетканть. А эряви синдтремс кенжтнень тень теемстэ. Седе вадря ули, бути каятадо аламошка ой, сестэ педявтовкстнэ шождасто саевить.

Металлонь цитнеманть туртов, ёзынк сонзэ постной оень зярыя петнявкссо. Чувтосто теезь стольтнень-стултнэнь мазылгавтомаст туртов ваднинк сынст истямо човорявкссо: оливкань оень кавто пелькстнэнь човоринк лимононь соконь вейке пельксэнть марто.

Кудоютконь неть ули-паротне теить дивань тевть, ды, прявтось – сынь улить эрьва кудосонть ды аволь питнейть.

 

 

 

Новости

Повышение уровня занятости на селе – один из приоритетов «Единой России»
На XVIII Съезде «Единая Россия» предложила дать возможность расширения
рынков сбыта для личных подсобных хозяйств (ЛПХ).
 В рамках обсуждения на дискуссионной площадке XVIII Съезда Партии, 
посвященной вопросам сельского хозяйства, было предложено дать 
возможность применения добровольной патентной системы 
налогообложения для крупных личных подсобных хозяйств (ЛПХ). Тех, что 
намеренны выйти на более широкие рынки сбыта, нежели фермерские 
ярмарки.  «Но для этого им сейчас нужно оформляться в качестве 
фермерского хозяйства или индивидуального предпринимателя. Это уже 
другая отчетность и налогообложение.  подача деклараций и заполнение 
нескольких видов отчетностей. Мы предлагаем дать  возможность 
владельцам ЛПХ, которые этого захотят, приобрести патент. Если у вас есть 
личное подсобное хозяйство, вы реализуете излишки, и не планируете 
выходить на уровень более широкой торговой деятельности, то и 
приобретать патент не нужно», - пояснил заместитель Председателя
Госдумы, руководитель фракции «Единая Россия» Сергей Неверов.
Подробнее ...
 
Премьера!

Декабрянь 8-це чистэ 17:00 чассто Эрзянь ды мокшонь национальной драматической театрасо ваныцятнень учи премьера. Тесэ невтить М.Камолеттинь «Играем в дружную семью, или гарнир по-французски» од путовкс. Спектаклясь алтави МР-нь заслуженной артисткатнень Марина Аверкинань ды Галина Самаркинань юбилеень тешкстамонтень. Режиссёрось-путыцясь МР-нь заслуженной артисткась Л.Шахова.

 
Ардоманть кис питнетне яла касыть

Саранск ошонь общественной транспортонь частной предприятиятне бажить кепедемс ардоманть кис питнетнень декабрянь 25-це чистэ саезь. Теде сынь пачтясть ошонь администрацияв. 2, 5, 10, 15, 16, 18, 19, 21, 22, 24, 25, 28, 32, 35, 36, 37, 38, 40, 41, 44 ды 45№ маршурттнэсэ питнесь карми 25 целковойть (ней – 20). 23, 34 ды 66№ – 23 целковойть. Мэриясо пачтясть: неень шкане Саранскойсэ важодить кавто ООО-т («Сигнал С» ды «ПАТП»), конат усксить ломанть, истя жо индивидуальной кавксо предпринимательть. Частной усксицятнеде 35%.

Подробнее ...
 
Важоди Якшаматянь почта

Мордовиянь Главпочтамтсо декабрянть прядовомс карми важодеме Якшаматянь Почтась. Сёрмадомс ды нолдамс почтань ящикс телень прявт волшебникентень пачтямо мереви эрьвантень, иетнень лангс апак вано.

Подробнее ...
 
Партийцы ждут от Съезда конструктивных дискуссий

  - Именно в первый день  XVIII  Съезда Партии, который пройдет  7-8 декабря в Москве, состоится работа трех дискуссионных площадок «Обновление», «Открытость», «Партия и выборы», на которых мы сможем обсудить свои предложения и принять  решения, действительно позволяющие   наладить более эффективную и открытую работу партийных структур», -  сказал секретарь  Регионального отделения  «Единой России», Председатель Государственного Собрания республики Владимир Чибиркин.

Подробнее ...