Рубрикатор

Домашнее хозяйство Эмежпирень мелявкст
Эмежпирень мелявкст

 

Тундось – те пертьпельксэнь сыргоземань шка. Текень марто ушодови мелявксонь шка эмежпирень кирдицятнень туртов, эряви весементь анокстамс ды ушодомс пирень путомантень. Ванносынек, мезе мереви путомс пирес тунда, мейсэ сюпалгавтомс моданть.

Васняяк эряви анокстамс моданть сы шкань важодематнес: пурнамс шукшпрятнень, коське лопатнень, тарадтнэнь – сынь миненек а эрявить. Эряви алкуксокс кундамс те тевентень: эдь шукштне аволь ансяк колыть садпирень мазычинть, сынь теить вадря лув унжатнень ламолгадомаст туртов. Пиренть ванськавтомсто истя жо эряви таргсемс модастонть пакся тикшень лисевкстнэнь. Зярс сынь эзть виенза, шождасто таргавить модастонть. Истя жо эряви истожамс зыянонь кандыця унжатнень ды сукскетнень, конатнень тынь, нама, вастсынк пирестэнть тунда. Пурназь лопатнень, тарадтнэнь, тикшенть пултынк эли кандынк навозонь куцяс.

Модась

Пиресэ моданть марто важодемась веши вийть ды башка ёрокчи. Сави важодемс коймесэ ды тачкасо, конась эряви удобрениянь усксемс. Эмежтнень путомадост икеле, моданть эряви сюпалгавтомс.

Ламо иень касовкстнэнь туртов ладить калиень кирдиця минералтнэ. Сынст шождасто полавтсынзе саразонь навозось. Пирень эмежтнень туртов моданть мереви сюпалгавтомс навозсо. Тунда пирень анокстамось – тевесь пек ответственной.

Теледенть мейле эряви ванномс моданть:

- бути сон пек стака, эряви шождалгавтомс сонзэ эчке човаронть вельде. Сестэ ведесь а карми таштавомо эмежтнень ундокстнэс.

- бути модась пек кавшаня, тозонь эряви путомс сёвонь, те лезды ванстомс питательной веществатнень ды летькечинть.

Теде мейле эряви кундамс чувомантень. Бути модась чувозь ранаяк, те лезды седе вадрясто ванстомс летькенть эмежтнень туртов. Тунда пиренть эряви чувомс 5-8 сантиметрань сэрьс. Те карми пек вадря эмежтнень туртов, ундоксост куроксто пурныть вийть.

Лембелгадомадонть мейле эрявить ванськавтомс кстыень куротнень коськезь ды сэредиця лопатнень эйстэ, керсемс а эрявикс усатнень.

Чувтотне ды куракштне

Лембенть самонзо марто башка мель эряви явомс ламо иень касовкстнэнень ды садпирень чувтотненень. Мезе мереви теемс тунда?

- Уш апрельстэ эряви ушодомс куракштнень ды фруктань чувтотнень путомо. Теде башка, те шкастонть сынст мереви озавтомс лия таркас.

- Тунда эряви керсемс инзеень, крыжовникень, шукшторовонь ды лия куракштнень – сынь кармить касомо од вийсэ.

- Мазылгавтыця (декоративной) куракштнень ды чувтотнень мереви керсемс ансяк сёксня, бути сынь цветить тунда эли кизна. Невтемга, розатне.

- Тунда истя жо мереви кундамс чувтотнень ды куракштнень ламолгавтомантень.

Майстэ эряви керсемс кельмезь чувтотнень. Васенце иестэнть а эряви нолдамс сынст цветямонть, шкастонзо валномс, сюпалгавтомс удобрениясо.

Майстэ садпиресэ прявт тевтнестэ вейкесь – чувтотнень ды куракштнень унжатнеде ды орматнеде ванстомась. Илядо капша нолдамс тевс ядохимикаттнэнь. Унжатнень-сукстнэнь эряви пурнамс кедьсэ, эмежтнень валномс тикшеведьсэ: нартемксэнь, тюжа цецянь, ашо цецянь, ашо пря нартемксэнь ды лиянь.

Чувтотнень пургондамонть шкасто умаринастонть, вишнястонть, инзейтнестэ эрявить чукамс сынст сэвиця унжатнень. Седе вадря тень теемс валске ланга, зярдо коштось пек эзь эже, те шкастонть неть унжатне удыть ды а кенерить туемс ливтязь. Те тевенть эряви теемс вете чинь ютазь. Зярдо крыжовниксэнть ды шукшторовсонть лиссть 3-4 лопинеть, куракштнень алга моданть эряви вельтямс тольсэ эли лия ацавкссо, те тееви сень туртов, модасто илязт лисеве куракштнень сэвиця унжинетне. Цветямодост мейле кедьсэ эряви пурнамс колазь лопинетнень ды шанжавонь коцттнэнь.

Эмежтне

Зярдо модась эжи 6-7 градусос, мереви кундамс эмежень путомантень. Кода свал, те шкастонть путыть модамаренть.

Бути чинь перть ушосо коштось 5-10 градуст лембе, чокшне ланга жо а валгони -50 ламос, сестэ уш мереви путомс чурькань, пейне чурькань пандят, росаданть. Путомадост икеле видьметнень а мереви лопавтемс, эдь бути прыть кельметь, сынь а лисить. Седе мейле, зярдо модась парсте эжи тундонь чипаенть ало (чизэнзэ сехте аламо +10), мереви путомс морковонть, кснавонть, салатонть.

Апреленть прядовомсто – маенть ушодовомсто мереви озавтомс кстыенть ды лия ягодатнень. Бути касовкстнэнь ундоксост ушосот, сынст эряви вельтямс модасо.

Апреленть прядовомсто эряви путомс кельмеде а пелиця касовкстнэнь: редисэнть, копёронть, петрушканть ды лиятнень. Вельтявкс алов озавтыть капстанть.

Томатонть, порцьканть, баклажанонть ды куяртнэнь озавтыть тундонть прядовомсто. Ламотне тень теить теплицасо. А эряви стувтнемс, ламот эмежтне пелить кельметнеде, секскак панжомс сынст мереви ансяк вадрясто лембелгадомадонть мейле.

Майстэ кулозь кстыенть таркас озавтома од касовкст. Бути сынь кармить цветямо коське ды пси шкастонть, сынст эряви валномс. Эмежпирев опылениянть туртов мекштнень тердемга пирявксонть кувалт эряви озавтомс ламо нектаронь кирдиця касовкст: копёр, горчица, вараканьпал. Сынь истя жо тердьсызь садпирентень лезэв лия унжинетнень.

Луганарось

Ловонть соламодонзо мейле, башка мель эряви явомс луганаронтень. Мелень тикшенть эряви урядамс граблясо. Латкинетнень валямс човар марто човорязь модасо. Луганаронть эряви ванськавтомс, почодомс видьметь сеть таркатнес, косо тикшесь а касы. Тунда истя жо эряви витнемс-петнемс пирявксонть.

Тунда пирень анокстамось – мелень витемань тев. Сень эйстэ, кода тынь топавтсынк неть тевтнень, ашти пиренк мазычизэ ды эмежтнень ламочись-сюпавчись. Пирень мазылгавтомась, эмежтнень путомась, цецятнень мельга ванномась кандыть тенк ёжонь кепедема, бути карматадо путомо те тевентень весе ойменк.

Тундонь тешкст

 

Бути апрелень 21-це чистэ ушось лембе – кизэсь ули вадря.

Пиземев маесь алты «начко кизэ» ды коське сёксь.

Бути маень 8-це чинть самс умаринатне эзть нолда цветт – ули берянь, урожайтеме ие.

Пек ламо маень жукт – карми ликшань ды суронь сюпав урожай.

Маенть прядовомсто ушодовсть пиземеть – фруктат а чачить.

Бути килеесь нолдынзе лопанзо лепеденть икеле – кизэсь карми улеме коське. Бути жо лепесь «сыргози» килейденть икеле, кизна учодо виев пиземеть.

Бути маесь экше – чачи ламо сюро.

 

Мариде куконь кукордома – седе тов кельметь а прыть.

 

Новости

20 лучших водных ревизоров Мордовии продолжат свою работу в Артеке
Сегодня в Саранске прошло заседание регионального штаба Всероссийской
экологической акции «Вода и здоровье». Там были названы имена 20 лучших
водных ревизоров республики, которые станут участниками федерального этапа
акции «Вода и здоровье»
Подробнее ...
 
Директор спортивной школы попросил депутата ГД Александра Воробьева помочь мордовской биатлонистке
 9 июня депутат Госдумы РФ, член Комитета Госдумы по
аграрным вопросам Александр Воробьев встретился с жителями
Мордовии на личном приеме. Люди обращались по разным вопросам
– в сфере ЖКХ, обеспечения лекарствами, помощи в получении жилья
и другим.
Подробнее ...
 
Молодогвардейцы - победители «Школы парламентаризма«посетили высшие законодательные органы страны
Первым пунктом экскурсии для ребят из Мордовии стал Совет Федерации Федерального
Собрания Российской Федерации, внутренний интерьер и дизайн которого поразил их своей
красотой и величием. Экскурсовод познакомила ребят с особенностями здания, провела по
главным местам Совета Федерации. Ребятам также удалось побывать в большом зале
заседаний, увидеть своими глазами рабочие места сенаторов и кресло председателя
Валентины Матвиенко. Также молодогвардейцы узнали, как проходит подготовка к
заседанию и собственно
сама
работа
заседаний.
Подробнее ...
 
Путин казизе Мордовиясто семиянть «Родительская слава» орденсэ

Июнень 1-це чистэ, Эйкакшонь ванстомань раськеютконь чистэ, РФ-нь Президентэсь Владимир Путин казинзе ламо эйкакшонь триця семиятнень «Родительская слава» орденсэ. Покш казнесэ тешкстазель Мордовиянь Зубова-Полянань райононь Ширингуши велень Урсовтнень кудораськесь. Покш промксонтень истя жо тердевсть РФ-нь ёнкстнэнь прявттнэ, косто састь семиятне, сынст ютксоль МР-нь Прявтось Владимир Волковгак.

Подробнее ...
 
Эрзянь моротне гайгсть омбо масторсо

Швейцариянь Тоггенбургс пурнавкшность Европасто ды масторлангонь эрьва кодамо масторсто исполнительть. Тосо ютась «Природный голос» раськеютконь вокальной фестиваль. Россиянь вейкине представителекс тосо ульнесь Мордовиянь «Мерема» фольклорной группась, конась эсь морамосонзо токакшнынзе седеест ваныцятнень Финляндиясо ютавтозь теке фестивальсэнть. Ды швейцарецтнэ тердизь Екатерина Модинань прявтсо «Мерема» группанть эстест. Эдь сынст творчестваст пек лади музыкальной форумонь форматонтень. Фестиваленть лиятнень ёнов амолемачись сеньсэ, весе вокалисттнэ – хортнэяк, солисттнэяк, невтить национальной фольклор седямопелень тевс апак нолда.

Подробнее ...