Рубрикатор

Здравоохранение
Алкуксонь специалисттнэ - Республикань психиатрической больницясонть

 

Июнень 15-це чистэ масторсонок тешкставсь Медицинань важодицянь чись. Сонзэ тешкстыть сетне, кить эрьва чистэ теить дивань тевть – казить ломантненень шумбрачи, максыть тенст кемема. Те кенярксчись – врачтнень ды медсестратнень, лаборанттнэнь ды санитартнэнь.

Медицинань важодицятне шкаст ды виест апак вансто важодить ломантнень лезэс. Ванстыть сехте прявт питнейчитнень – эрямонть ды шумбрачинть, сынтемест ломанесь а ули уцяскав, ды сынст а полавтсызь кодаткак ярмакт. Медицинасо полавтоматнень, од технологиятнень совавтомаст лангс апак вано, сехте прявтось медицинасо ульнесь ды кадови – ломанесь. Седеень чевтечинть ды оймень валдочинть эйстэ аштить ламотнень шумбрачист.

Лецицятнень тевдест, стакачиденть башка, кортамс а эряви. Кавксть седе стака врачтненень-психиатратненень. Ведь сынь ванкшныть-тонавтнить ды лецить ломанень пряудементь. Витить тосо улиця коламотнень. Течи минь ёвтнетяно те стакадояк стака тевенть топавтыцятнеде – «Мордовская республиканская психиатрическая больница» ГАУЗ-нь важодицятнеде.

Людмила Доронькина: «Лецицянь тевсэнть

прявтось – сэредицятнень потмоёжост чарькодемась»

Доронькина Людмила Михайловна психиатрической больницясонть уш комсь иеть. Колмотне эйстэст – сестринской уходонь отделениянь прявт. Н.П.Огарев лемсэ МГУ-нь медицинань факультетс документэнзэ кандомсто сон эсензэ туртов кемекстызе, кочкасы психиатрань тевенть.

Медицинань те ёнксонтень явинь покш мель вишка шкасто саезь. Эдь врачонть-психиатранть тевезэ пек мельстуиця ды явови лиятнень эйстэ. Ломаненть пряудемесь педе-пес апак тонавтне, тесэ улить пек ламо апак ванкшно ёнкст. Ды сынст седе тов тонавтнемась-чарькодемась монь туртов пек интересна, – ёвтни Людмила Михайловна. – А меревлинь, минек тевесь кандови шождатнень юткс. Врачонтень-психиатрантень, кода лиятнененьгак, васняяк эряви маштомс вечкемс ломантнень, чарькодемс тензэ пшкадицятнень. Тень туртов, васняяк, эряви вадря образования ды уликс содамочитнень свалшкане домкалгавтомась ды одкстомтомась.

Подробнее...
 
Казнеть – ашо халатсосетненень

Июнень 15-це чистэ масторсонок тешкставсь Медицинань важодицянь чись. Тень кувалма И.М.Яушев лемсэ театрасонть ютавтовсь торжественной промкс. Тей сакшность сеть, кить эрьва чистэ казить ломантненень шумбрачи.

Васенцекс весе пуромозтненень поздоровонь валт ёвтась МР-нь Прявтось В.Д.Волков:

Тынь алтынк эрямонк ломантнень шумбрачист ды эрямост ванстомантень. Течи ёвтатано тенк покш сюкпря ашожда тевенк кисэ, примадо пельденек поздоровт те кенярксов чинть кувалма.

Подробнее...
 
Гриппесь малавгали

Республикасонть ламолгадсть гриппсэ сэредицятне. Ансяк меельце недлястонть медицинань учреждениятнес лезкс мельга пшкадицятне ламолгадсть икельце недлянть коряс 81 процентс. Саранскойсэ – кавксть.

Весемезэ ОРВИ-нь коряс лезкс мельга пшкалесть 2689 ломанть, ютксост 2035 Саранскоень эрицят (икельце недлястонть пшкалесть ков седе аламо – 980). Ормалгадозтнень ютксо ансяк 75 покш ломанть, кадовозтне весе эйкакшт. Больницянь койка лангс понгсть 112 ломанть, малав 4 % весе сэредицятнестэ. МР-ва Роспотребнадзоронь Управлениянь эпиднадзоронь отделэнь прявтонть М.Чумаковонь валонзо коряс, ормалгадозтнень ламочист лангс апак вано, ялатеке сынь эпидемиянь тешкстэнть 36 % седе аламо. Гриппень эпидемиянть вакска ютамс а удалы. Уш ковонть прядовомсто гриппсэ ды ОРВИ-сэ сэредицятне ков седе ламолгадсть.

М.Чумаковонь валонзо коряс, специалисттнэ тейсызь весементь ломантнень гриппень вирустонть ванстомга. Республикасонть, школатнесэ киртявить ламо ломанень пурныця мероприятиятне, бути эряви, совавтови карантин.

 
Голикова содавтызе перинатальной центранть

Россиянь Здравоохранениянь ды социальной развитиянь министрась Татьяна Голикова вастовкшнось Мордовиянь медиктнень марто ды ульнесь республикань перинатальной центрасонть. Мордовияв самонь тувталось – РФ-нь Госсоветэнь президиумонь заседаниясо улемась.

Татьяна Голикова тешкстызе, масторонь здравоохранениянь одкстомтомась поладови, ды те сферасонть уш неявить паро полавтоматне – вадрялгавтови медицинань учреждениятнень материальной базась, рамави неень шкань оборудования, кастови врачтнень зарплатаст. 2012 иень январьстэ саезь совась вийс ломантнень шумбрачист ванстомадо од законось, кона лади сонзэ правовой, организационной ды экономической ушодкстнэнь ды Россиянь эрицятнень башка группатнень праваст ды обязанностест, властень органтнэнь те сферасонть отвественностест ды полномочияст.

Татьяна Голиковань валонзо коряс, масторсонть здравоохранениянь системанть паро енов полавтомань невтемакс ашти Мордовиясо 2011 иестэ панжозь перинатальной центрась. Лецямонь те учреждениясь кочказель а стяко – меельце иетнестэ республикасонть пек аламолгадсть кулыця эйкакштне, ансяк ютазь иестэ аламолгадсть 17 %. Те теевсь ансяк чачозь эйкакштнень ды сынст аватнень мельга тевень содазь ды вадрясто якамонть вельде. Мордовиянь перинатальной центрантень сакшныть чачтомо аволь ансяк республикань районтнэстэ, истя жо лия регионтнэстэяк, те корты пациенттнэнь мельга парсте якамодонть.

 
Ванстынк прянк орматнеде

Пертьпельксэнть якшавтоманзо марто эрицятнень кармить талновтомо истят орматне, кода гриппесь ды ОРВИ-сь. 2011-2012 иень сексень-телень шкастонть экшендямонь орматнень а нолдамга кармить ютавтозь профилактикань мероприятият. Теде тешкстазь Мордовия Республикань государственной санитарной главной врачонть И.Н.Пикаловонь постановлениясонзо.

Тешкстасынек, 2011 иень январень-сентябрянь ковтнестэ гриппсэ ды ОРВИ-сэ сэредсть 421 ломань. Весемезэ 2010-2011 иень сексень-телень шкастонть 270 тыщат 810 ломантненень путозь прививкат экшендямонь орматнень каршо, сынст ютксо 45,4% – эйкакшт.

2011-2012 иетнес гриппенть каршо вакцинатнень составось апак полавто. Васняяк прививкатне путовить кото ковдо седе покш эйкакштненень, 1-11 классо тонавтницятненень, студенттнэнень, медицинань ды образованиянь, транспортонь, коммунальной сферань важодицятненень, 60 иеде седе сыретненень. Республикань медицинань учреждениятне анокстыть гриппсэ ды ОРВИ-сэ ормалгадозетнень лецямо. Постановлениянть коряс, тонавтнемань сеть учреждениятне, косо 25 % ламо эйкакштне ормалгадыть, пекставить карантинс.

Эрицятненень, нама, эряви седе пштистэ ваномс шумбрачист мельга. Экшендямонь орматнень а нолдамга лецицятне кармавтыть:

седе сеедьстэ шлямс кедтнень сапонь марто ведьсэ;

– покш мель явомс шумбрачинь витемань тевтненень, ярсамс «лезэв» ярсамопельде, удомс 7 чассто аволь седе аламо, явомс мель спортонтень;

– бути маласонк улить сэредицят, вельтинк кургонк ды судонк маскасо. Сеедьстэ нолдадо свежа кошт нупалентень, косо ашти сэредицясь.

Бути тынь ормалгадыде, кадоводо кудос ды илядо моле важодеме, тонавтнеме. Лецицятне кармавтыть седе ламо симемс ведте.

Подробнее...
 
<< Первая < Предыдущая 1 2 3 4 5 6 7 8 9 10 Следующая > Последняя >>

Страница 9 из 12

Новости

Съезд «Единой России» будет посвящен старту избирательной кампании в Госдуму в 2021 году
Предстоящий Съезд «Единой России» будет посвящен подготовке к
избирательной кампании в Государственную Думу в 2021 году и оценке
результатов прошедших выборов. На Съезде также предстоит обновление
партийных институтов с акцентом на электоральную составляющую. Об этом
заявил секретарь Генерального совета «Единой России» Андрей Турчак на
заседании Президиума Генсовета Партии.
Подробнее ...
 
В Мордовии стартовала акция «Круг добра»
Акция «Круг добра» проводится в рамках сотрудничества Центра
поддержки гражданских инициатив, сторонников «Единой России» и
благотворительного фонда «ДаДобро». Это еще один этап реализации
Календаря Добрых дел.

Подробнее ...
 
Кочкицятне ёвтызь мелест


Сентябрянь 8-це чистэ Россиясо ютасть кочкамот местной самоуправлениянь органтнэс. Тенень алтазель журналисттнэнь туртов пресс-конференциясь, конань сентябрянь 9-це чистэ Саранскойсэ, Союзонь кудосо ютавтызе «Единая Россия» политической партиянь региононь отделениясь. Журналисттнэнь кевкстемаст лангс отвечась МР-нь Государственной Собраниянь Председателесь, «Единая Россия» Мордовиянь региононь отделениянь прявтось В.В.Чибиркин.

Пачтязель, Мордовиясо истя жо ульнесть кочкамот. 407 мандаттнэнь кис снартнесть 1054 ломанть. Республикань келес вайгелест максомо сакшность 63 % эрицят. Вайгелест максомо сехте ламо сакшность Ромодановань районсо – 74,24 %. Аламодо эйстэст кадовсть Инсаронь райононь эрицятне. Тосо – 73,01 %. Вейке проценттэ аламо сакшность Отяжелень районсо. Ламо кандидаттнэнь ютксо 98 % вайгельтне максозь «Единая Россия» политической партиянь представительтнень кис. Ды те а стяко. Ламо шкань перть мольсь анокстамонь робота. Сехте паро кандидаттнэнь эрицятне тешкстакшнызь эштё маень 26-це чистэ, зярдо ютавтозель предварительной вайгелень максомась. Сондензэ икеле ютавтозельть эрицятнень марто вастовомат, конатнесэ ломантне теевсть содавиксэкс кандидаттнэнь ды сынст проекттнэнь марто. Сестэнь изницятне вастовоматнень поладокшнызь велесэ эрицятнень марто. Ютавтозельть 114 вастовомат. Эрицятнень ламо кармавтоматне топавтозельть.

Мордовиясо кочкамотне ютатсть закононь колсемавтомо.

Подробнее ...
 
Единороссы Октябрьского района вручили юбиляру поздравительное письмо от Президента Владимира Путина
10 сентября 90-летний юбилей отмечает жительница Октябрьского района
Новикова Мария Ивановна. Родилась женщина в Нижегородской области,
всю жизнь трудилась звеньевой бригады в колхозе. Военные и
послевоенные годы вспоминает со слезами на глазах: «Мы жили небогато,
растили детей, очень много работали, сил своих не жалели».


Подробнее ...
 
Александр Воробьев осмотрел ход строительства детского сада в Ромодановском районе


6 сентября депутат Госдумы РФ, член комитета по аграрным вопросам Александр Воробьев встретился с главой Ромодановского района Анатолием Гурьяновым. Они обсудили ход строительства детского сада на 160 мест в поселке Ромоданово, который строится в рамках национальных проектов "Демография" и "Образование". По словам Анатолия Гурьянова, на 80% возведение здания завершено, ведутся работы по устройству коммуникаций.
«Мы сумели ликвидировать некоторое отставание по срокам, которое возникло ранее, но теперь строители работают в соответствии с графиком», - отметил глава Ромодановского района.

Александр Воробьев подчеркнул, что детский сад строится по наказам избирателей. По демографическим показателям Ромодановский район занимает вторую строчку в регионе после Саранска, и на данный момент существует потребность в обеспечении малышей местами в детских садах.
Детский сад планируется сдать уже в декабре текущего года.