Рубрикатор

Здравоохранение
Аштить сайтсэст

 

Те иень апрелень 1-це чистэ топодсь ие, кода Росздравнадзорось кемекстась питнеть сеть надобиятнень лангс, конатневтеме ломанесь а эряви. Ледстясынек, сындест международной аволь патентованнойтнеде – 500, микшнемань лемтнеде малав кото тыщат. РФ-нь эрьва субъектэсь неть надобиятнень лангс кемекстынзе эсензэ питнень покшолгавтоманзо (надбавкатнень): вейке-вейкень ды ламонь-ламонь рамамсто. Кемекстазь питнетненень путсынек микшнемань надбавканть, сестэ лиси се суммась, конась а мереви седе пек покшолгавтомс. Алкиньгавтомс мереви, кастомс – арась. Питнетне кармить ванкшновомо весть эрьва иестэ декабрянь 1-це чинть самс.

Теде башка, пачтятано, Мордовиясо, кода Россиянь лия регионтнэсэяк, стака сэредицятненень надобиятне максовить питневтеме. Республикань эрицятне, кинь улить льготаст врачонь рецептэнь коряс питневтеме надобиянь рамамс, явовить колмо енкска. Васенцетнень юткс совить сеть, кинень максови государствань социальной лезкс зярыя социальной услугань коряс. Омбонстнэнь юткс совить сеть, конат а цидярдыть сисем видэнь лецямопельттеме. Колмоце енксонть коряс надобиятне питневтеме максовить сеть сэредицятненень, кить совить МР-нь Правительствань Постановлениянть коряс, конась кемекстазель 1998 иень октябрянь 5-це чистэ.

2010 иестэ республикань эрицятненень ОНЛС программанть коряс надобиятнеде максозельть 144455,9 тыщат целковоень питнес. Федеральной льготань коряс максозь рецептэнть средней питнезэ ульнесь 937 тыщат 30 целковойть.

2011 иень январень 1-це чинтень минек республикасо 765 семият, конат совавтозь региононь регистрас, косо улить стакасто сэредицят, пек питней надобият эрявсть 385 ломаннень. 2010 иестэ максозь 3756 рецептт ды нолдазь 221283,8 тыщат целковойс надобият. Кода пачтясь МР-нь здравоохранениянь льготань коряс надобиянь максомань отделэнь прявтось Н.Тихонова, маныть весе категориянь льготниктненень максозь 527014,3 тыщат целковоень питнес.

В.Юдина

 

 
Шумбрачинть паролгавтомга

Вете иеде икеле ушодовсть национальной проекттнэ. Васень таркас юткозост аравтозель «Шумбрачи» нацпроектэсь. Корязонзо Мордовиясо рамазь уш кавто миллиардт целковоень питнесэ медицинской оборудования ды сядот санитарной машинат. Неть читнестэ республикасонок ушодовсь тевс нолдавомо шумбрачинь коряс тевтнень одкстомтомань региональной программась. Тень туртов васень шкастонть Мордовиянтень явовить колмо миллиардт целковойде седе ламо ярмакт. Лецямонь-профилактикань учреждениятненень, эйзэст неень шкань оборудованиянть ладямодо кевкстематненень покш мель явовсь РФ-нь Президентэнть ды МР-нь Прявтонть эрьва иень Кучомасост. МР-нь здравоохранениясо тевтнень одкстомтомадост неть читнестэ минь кортнинек министрань васенце полавтыцянть Е.А.Степанова марто.

Ошонь ды велень эрицятненень

лездама вейкетьстэ

Меельце кемень иетнень перть республикасо киртявсть ансяк чачозетнень ютксто кулыцятне. Эйкакштнень ванстомаст коряс невтевксэнек ков седе парт Россиянь лия регионтнэнь коряс.

Тень лангс апак вано, кода целанек Россиянь келес, истя жо Мордовиясояк демографиянь тевтне а кенярдовтыть. Течи велетнесэ чачтыцятнеде ков седе аламо ошонь коряс. Аволь ансяк те тувталонть коряс иестэ иес киртявить велетнесэ эрицятне, ламот юткстост туить эрямо ошов, кить аволь сатышка мель явить шкастонзо шумбрачист витемантень.

Неть асатыкстнэнь ловозь, отраслянть одкстомтомсто программасо васень таркас аравтови здравоохранениянь васенце лезксэнть республикань эрьва эрицянтень шкастонзо максомась, сень лангс апак вано, ломанесь эри велесэ эли ошсо.

Подробнее...
 
Од ормаменькс

Февралень 4-це чись яволявтозь раконть каршо весемасторлангонь чикс. Тедедень те датантень ученойтне анокстасть вадря куля: Сеченовонь лемсэ Васенце МГМУ-сонть арсесть-тейсть раконть каршо вакцина. Вакцинась нолдави тевс те ормасонть сэредемстэ, аволь сонзэ а нолдамсто.

А стяко кортави: раксо сэредемстэ ломанесь кулы аволь ормадонть, а лецямодонть. Зыянов таргозькстнэде виев ормаменькстнэ маштыть аволь ансяк раконь клеткатнень, истя жо шумбратненьгак. Ули седе шожда енкскак – ломаненть аволь моряма «ядсо», эряви кармавтомс иммунной системанть бороцямс орманть каршо. Кода сонзэ кармавтомс тень тееме?

Те кевкстеманть лангс ученойтнень кувать арасель каршо валост. Невтемакс, зярдо вирусось сови клеткантень, сон аламонь-аламонь калады, лангс лисить белоктне, конатне евтыть ормадонть иммунной системантень. Сон карми арсеме: «Тесэ вирус. Эряви сонзэ маштомс». Таргозьксэнь клетканть зыяновчизэ жо сеньсэ, кувать а лиси лангс. Секс иммунной системась а сеске чарькоди сонзэ улемантень, тень кувалма а бороцияк мартонзо. Ученойтне састь мельс, те информациянть пачтяма иммунитетэнтень. Таргозьксэнть эйстэ ушодсть саеме белокт, конатне содыть эйстэдензэ, ды мекев нолдасызь ломанентень.

Подробнее...
 
Сельмтненень лездыть нанотехнологиятне

Специалисттнэнь ловомаст коряс, неень шкасто масторлангсонть 45 млн. анеицят. Орматнень ютксо, конатне ветить сельмевалдонь емавтомантень, васенце таркасо ашти глаукомась. Ансяк Россиясо истят сэредицятнеде миллиондо ламо. Ды, бути а арсезевемс тень коряс, 2020 иентень анеицятнеде кармить 2 млн. ламо. Неень шкас глаукомась допрок а лецяви, ансяк лоткавтови седе тов виевгадомазо. Устройстватне, конатне топавтыть искусственной сельмень функциятнень, улить, но сынь разработкань лувсот. Германиянь, Япониянь, США-нь, Астралиянь лабораториятнесэ теевить сельмс путомань чипть. Ламот орматне, конатне ветить сельмевалдонь емамонтень, колыть сельмень клеткатнень. Валдонть сынь велявтыть электрической сигналокс, конатне теде мейле пачкодить пряудементень. Ученойтне арсесть-тейсть прибор. Сон вийсэнзэ топавтомс те тевенть сетчаткань колазь таркатнень кис. Ансяк тесэяк кортамось а моли 100% неемадонть. Но ули реальной перспектива теемс истя, штобу анеиця ломантне неть датчиктнень лездамост кувалма ловновольть, киньгак лезкстэме ськамост якавольть ды топавтовольть кудоютконь тевть.

Подробнее...
 
Семиянь питнейчитнень ванстомга, шумбра эйдетнень чачтомга

Российской Федерациянь Президентэсь Д.А.Медведев эсь Кучомасонзо ламо кортась семиянь питнейчитнень ванстомадо, шумбра эйдетнень чачтомадо, превей эйкакштнень кастомадо. Меельце иетнестэ масторсонок ламо тееви од семиятненень лездамга: тевс нолдазь ипотекань программась, пандовить ярмакт эйкакшонь чачтомань кис ды ламо лия мезе. Те, нама, пек кенярдовты. Государствась бажи ламолгавтомс эйкакшонь чачоманть, а ашти ве ено од семиятнень эйстэ. Венсти тенст лезксэнь кедь. Ансяк ули мезень кисэ ризнэмскак. Кода пачтясь МР-нь ЗАГС-нь службань прявтонь полавтыцясь М.П.Сенькина, ютазь иестэ республикасонок чачсть малав 8 тыщат эйкакшт, кулость жо – 13229 ломанть. 2009 иень невтевкстнэ малав истят жо. Эрицятнень куломань тувталокс седе сеедьстэ эрсить седеень-санонь ды онкологиянь орматне.

Мария Павловна тешкстызе, келя, меельце колмо иетнень перть эйкакшонь чачомась республикасонок кассь 6 %, куломась жо аламолгадсь 1,8 %. Весемезэ неть колмо иетнень перть Мордовиясо чачсть малав 25 тыщат эйкакшт. Течи – венчить,

ванды – явить…

Ютазь иень кемгавтово ковтнень перть республикасонок налксезь 5874 свадьбат. Те – 80 семиядо седе ламо 2009 иенть коряс. Явсть жо 2980 семият, 2009 иестэнть – 3339. Кенярдовты, невтевкстнэ полавтовсть вадря енов. Ялатеке республикасонок ды целанек масторсонок явоматне вастневить пек сеедьстэ. Эрьва нилеце венчицятне-урьвакстыцятне шкань ютазь явить. Ды зяро бу вий тень а нолдамга аволь путо государствась, бути ломантнень арась эсест мелест ванстомс семиянть, те киненьгак а тееви.

Подробнее...
 
<< Первая < Предыдущая 1 2 3 4 5 6 7 8 9 10 Следующая > Последняя >>

Страница 9 из 10

Новости

В «Единой России» проверят состояние детских площадок по всей России
До конца июня 2019 года активисты партпроекта «Единой
России» «Народный контроль» проведут проверку состояния детских
площадок в 85 регионах - насколько они соответствуют нормативам и
безопасны для жизни и здоровья детей. Информация о выявленных
нарушениях будет передана в администрации муниципалитетов,
управляющим
компаниям,
товариществам
собственников
недвижимости с требованием устранить выявленные недостатки. Об
этом заявила координатор партпроекта «Народный контроль»,
депутат Госдумы Анна Кувычко.
Подробнее ...
 
Аршинова направила в Правительство РФ пакет предложений для включения в программу «Земский учитель»
В целях реализации Послания Президента Владимира Путина
Федеральному Собранию в регионах активисты партпроекта «Новая школа»
организовали широкое обсуждение проекта программы «Земский учитель» с
привлечением представителей профильных ведомств и институтов развития
образования, ведущих экспертов, педагогического и родительских
сообществ. По их итогам был выработан комплекс важных предложений для
включения в программу «Земский учитель», которые были отправлены на
имя вице-премьера Правительства РФ Татьяны Голиковой. Об этом заявила
координатор партпроекта «Новая школа», член комитета Госдумы по
образованию и науке Алена Аршинова.
Подробнее ...
 
Жители Мордовии обратились к главному федеральному инспектору за содействием в решении проблем

В соответствии с поручением полномочного представителя Президента России в Приволжском федеральном округе Игоря Комарова 22 мая 2019 года в приемной Президента Российской Федерации в Республике Мордовия состоялся прием граждан. Провел его главный федеральный инспектор Михаил Сезганов.


Подробнее ...
 
Госдума приняла во втором чтении поправки «Единой России», разрешающие продажу театральных билетов без кассовых аппаратов
Депутаты Государственной Думы поддержали во втором чтении
поправки, разработанные депутатами от «Единой России», в закон «О
применении контрольно-кассовой техники», которые в том числе
предусматривают освобождение распространителей театральных билетов от
обязанности использовать кассовые аппараты с 1 июля 2019 года.
Подробнее ...
 
Медведев поддержал предложения участников Форума сельских депутатов «Единой России»
Председатель «Единой России», премьер-министр Дмитрий Медведев
поддержал предложения участников Форума сельских депутатов, который
прошел 21 мая в Воронеже.
Подробнее ...