Рубрикатор

Здравоохранение
Голикова содавтызе перинатальной центранть

Россиянь Здравоохранениянь ды социальной развитиянь министрась Татьяна Голикова вастовкшнось Мордовиянь медиктнень марто ды ульнесь республикань перинатальной центрасонть. Мордовияв самонь тувталось – РФ-нь Госсоветэнь президиумонь заседаниясо улемась.

Татьяна Голикова тешкстызе, масторонь здравоохранениянь одкстомтомась поладови, ды те сферасонть уш неявить паро полавтоматне – вадрялгавтови медицинань учреждениятнень материальной базась, рамави неень шкань оборудования, кастови врачтнень зарплатаст. 2012 иень январьстэ саезь совась вийс ломантнень шумбрачист ванстомадо од законось, кона лади сонзэ правовой, организационной ды экономической ушодкстнэнь ды Россиянь эрицятнень башка группатнень праваст ды обязанностест, властень органтнэнь те сферасонть отвественностест ды полномочияст.

Татьяна Голиковань валонзо коряс, масторсонть здравоохранениянь системанть паро енов полавтомань невтемакс ашти Мордовиясо 2011 иестэ панжозь перинатальной центрась. Лецямонь те учреждениясь кочказель а стяко – меельце иетнестэ республикасонть пек аламолгадсть кулыця эйкакштне, ансяк ютазь иестэ аламолгадсть 17 %. Те теевсь ансяк чачозь эйкакштнень ды сынст аватнень мельга тевень содазь ды вадрясто якамонть вельде. Мордовиянь перинатальной центрантень сакшныть чачтомо аволь ансяк республикань районтнэстэ, истя жо лия регионтнэстэяк, те корты пациенттнэнь мельга парсте якамодонть.

 
Ванстынк прянк орматнеде

Пертьпельксэнть якшавтоманзо марто эрицятнень кармить талновтомо истят орматне, кода гриппесь ды ОРВИ-сь. 2011-2012 иень сексень-телень шкастонть экшендямонь орматнень а нолдамга кармить ютавтозь профилактикань мероприятият. Теде тешкстазь Мордовия Республикань государственной санитарной главной врачонть И.Н.Пикаловонь постановлениясонзо.

Тешкстасынек, 2011 иень январень-сентябрянь ковтнестэ гриппсэ ды ОРВИ-сэ сэредсть 421 ломань. Весемезэ 2010-2011 иень сексень-телень шкастонть 270 тыщат 810 ломантненень путозь прививкат экшендямонь орматнень каршо, сынст ютксо 45,4% – эйкакшт.

2011-2012 иетнес гриппенть каршо вакцинатнень составось апак полавто. Васняяк прививкатне путовить кото ковдо седе покш эйкакштненень, 1-11 классо тонавтницятненень, студенттнэнень, медицинань ды образованиянь, транспортонь, коммунальной сферань важодицятненень, 60 иеде седе сыретненень. Республикань медицинань учреждениятне анокстыть гриппсэ ды ОРВИ-сэ ормалгадозетнень лецямо. Постановлениянть коряс, тонавтнемань сеть учреждениятне, косо 25 % ламо эйкакштне ормалгадыть, пекставить карантинс.

Эрицятненень, нама, эряви седе пштистэ ваномс шумбрачист мельга. Экшендямонь орматнень а нолдамга лецицятне кармавтыть:

седе сеедьстэ шлямс кедтнень сапонь марто ведьсэ;

– покш мель явомс шумбрачинь витемань тевтненень, ярсамс «лезэв» ярсамопельде, удомс 7 чассто аволь седе аламо, явомс мель спортонтень;

– бути маласонк улить сэредицят, вельтинк кургонк ды судонк маскасо. Сеедьстэ нолдадо свежа кошт нупалентень, косо ашти сэредицясь.

Бути тынь ормалгадыде, кадоводо кудос ды илядо моле важодеме, тонавтнеме. Лецицятне кармавтыть седе ламо симемс ведте.

Подробнее...
 
Максовить од вешематнень коряс

Тедедень июлень 1-це чистэ саезь Россиянь Минздравсоцразвитиянь Приказонть коряс больничной листтнэ кармасть сермадовомо од бланк лангс. Од бланктне явовить таштотнень эйстэ, анокстазель башка документ, конасонть тешкстазь, кода сермадомс ды максомс сэредемадо листнэнь.

РФ-нь социальной страхованиянь фондонь МР-со региональной отделениянь Страховазтнень реабилитациянь вейсэндявксонь ды нетрудоспособностень экспертизань анализэнь отделэнь прявтось Н.А.Девайкина толковинзе больничной листтнэнь сермадомань од вешематнень. Надежда Алексеевна тешкстызе, неть полавтоматне кодаяк а токасызь сэредицятнень. Сеть ломантненень, конат ормалгадыть эли томбавить, истя жо пешксесэ аватненень медучреждениятнесэ максовить сэредемадо листт, конатнень сынь кандсызь важодема таркас ды сыненст пандовить больничнойть.

Документсэнть истя жо тешкстазь: больничнойть максовить сеть ломантненень, конат тусть важодема таркасто трудовой договоронь коряс ды 30 читнень перть теде мейле ормалгадсть эли томбавсть. Сэредемадо листэсь максови аватненень, конат панезельть важодема таркасто кодамояк тувталонь кувалма, бути сынь пекиясть меельце 12 недлятнень перть, зярдо кадовсть важодема таркавтомо.

Документсэнть истя жо тешкстазь, кинень мереви максомс больничноенть. Те лециця врачтненень, фельдшертнэнень ды пеень лецицятненень, истя жо НИИ-тнень юрсо клиникатнень лецицятненень (минздравсоцразвитиянть марто тешкстазь соглашениянть коряс). Больничной листт а мереви максомс «Медицинань курок лезксэнь максомань», верень переливаниянь станциянь, больницянь приемной отделениянь врачтненень.

Подробнее...
 
Аштить сайтсэст

 

Те иень апрелень 1-це чистэ топодсь ие, кода Росздравнадзорось кемекстась питнеть сеть надобиятнень лангс, конатневтеме ломанесь а эряви. Ледстясынек, сындест международной аволь патентованнойтнеде – 500, микшнемань лемтнеде малав кото тыщат. РФ-нь эрьва субъектэсь неть надобиятнень лангс кемекстынзе эсензэ питнень покшолгавтоманзо (надбавкатнень): вейке-вейкень ды ламонь-ламонь рамамсто. Кемекстазь питнетненень путсынек микшнемань надбавканть, сестэ лиси се суммась, конась а мереви седе пек покшолгавтомс. Алкиньгавтомс мереви, кастомс – арась. Питнетне кармить ванкшновомо весть эрьва иестэ декабрянь 1-це чинть самс.

Теде башка, пачтятано, Мордовиясо, кода Россиянь лия регионтнэсэяк, стака сэредицятненень надобиятне максовить питневтеме. Республикань эрицятне, кинь улить льготаст врачонь рецептэнь коряс питневтеме надобиянь рамамс, явовить колмо енкска. Васенцетнень юткс совить сеть, кинень максови государствань социальной лезкс зярыя социальной услугань коряс. Омбонстнэнь юткс совить сеть, конат а цидярдыть сисем видэнь лецямопельттеме. Колмоце енксонть коряс надобиятне питневтеме максовить сеть сэредицятненень, кить совить МР-нь Правительствань Постановлениянть коряс, конась кемекстазель 1998 иень октябрянь 5-це чистэ.

2010 иестэ республикань эрицятненень ОНЛС программанть коряс надобиятнеде максозельть 144455,9 тыщат целковоень питнес. Федеральной льготань коряс максозь рецептэнть средней питнезэ ульнесь 937 тыщат 30 целковойть.

2011 иень январень 1-це чинтень минек республикасо 765 семият, конат совавтозь региононь регистрас, косо улить стакасто сэредицят, пек питней надобият эрявсть 385 ломаннень. 2010 иестэ максозь 3756 рецептт ды нолдазь 221283,8 тыщат целковойс надобият. Кода пачтясь МР-нь здравоохранениянь льготань коряс надобиянь максомань отделэнь прявтось Н.Тихонова, маныть весе категориянь льготниктненень максозь 527014,3 тыщат целковоень питнес.

В.Юдина

 

 
Шумбрачинть паролгавтомга

Вете иеде икеле ушодовсть национальной проекттнэ. Васень таркас юткозост аравтозель «Шумбрачи» нацпроектэсь. Корязонзо Мордовиясо рамазь уш кавто миллиардт целковоень питнесэ медицинской оборудования ды сядот санитарной машинат. Неть читнестэ республикасонок ушодовсь тевс нолдавомо шумбрачинь коряс тевтнень одкстомтомань региональной программась. Тень туртов васень шкастонть Мордовиянтень явовить колмо миллиардт целковойде седе ламо ярмакт. Лецямонь-профилактикань учреждениятненень, эйзэст неень шкань оборудованиянть ладямодо кевкстематненень покш мель явовсь РФ-нь Президентэнть ды МР-нь Прявтонть эрьва иень Кучомасост. МР-нь здравоохранениясо тевтнень одкстомтомадост неть читнестэ минь кортнинек министрань васенце полавтыцянть Е.А.Степанова марто.

Ошонь ды велень эрицятненень

лездама вейкетьстэ

Меельце кемень иетнень перть республикасо киртявсть ансяк чачозетнень ютксто кулыцятне. Эйкакштнень ванстомаст коряс невтевксэнек ков седе парт Россиянь лия регионтнэнь коряс.

Тень лангс апак вано, кода целанек Россиянь келес, истя жо Мордовиясояк демографиянь тевтне а кенярдовтыть. Течи велетнесэ чачтыцятнеде ков седе аламо ошонь коряс. Аволь ансяк те тувталонть коряс иестэ иес киртявить велетнесэ эрицятне, ламот юткстост туить эрямо ошов, кить аволь сатышка мель явить шкастонзо шумбрачист витемантень.

Неть асатыкстнэнь ловозь, отраслянть одкстомтомсто программасо васень таркас аравтови здравоохранениянь васенце лезксэнть республикань эрьва эрицянтень шкастонзо максомась, сень лангс апак вано, ломанесь эри велесэ эли ошсо.

Подробнее...
 
<< Первая < Предыдущая 1 2 3 4 5 6 7 8 Следующая > Последняя >>

Страница 6 из 8

Новости

Путин казизе Волковонь Александр Невскоень орденсэ

Россиянь Президентэсь Владимир Путин тешкстась Указ «О награждении государственными наградами Российской Федерации». Зярыя кементь фамилиятнень ютксо Мордовиянь Прявтось Владимир Волков. Государствань руководителенть Указонзо коряс сонензэ максови Александр Невскоень орденэсь.

Подробнее ...
 
Кулят мэриясто

Ошонь Администрациясо ютась промкс, кона ушодовсь коммунальной техниканть телентень анокстамодо кевкстематнестэ. РФ-нь МЧС-нь ГУ-нь МР-нь представительтне пачтясть, маласо читнестэ Саранскойсэ температурась валги -5 градусос, чить термометрась невти +1, +2 градуст. Карми прамо начко лов. Ошонь прявтось Пётр Тултаев тешкстызе, машинань ветницятне чарыст зярс эзизь полавто. ГИБДД-нь важодицятне мерсть, ветницятненень ютавтыть профилактической кортамот. «Чуваронь-салонь почодыця машинатне телень шкане улест весе зыянов таркатнесэ, сэдтнень вакссо, пандопряв молиця килангтнесэ. Ошонь хозяйствань департаментэнь важодицятне кадык стувтсызь оймсема читнень. Субутась тынк туртов – важодемань чи», – мерсь Пётр Тултаев.

Подробнее ...
 
Литературанть марто вейсэ

А.С.Пушкин лемсэ республикань Национальной библиотекасо ютась «Литература и природа – рука об руку» эрьва иень акциясь. Сон юты колмоцеде ды тедеде алтавсь Экологиянь иентень. Сонзэ ютавтыцятне – Ицялбуень куншкакуронь библиотекась, «Смольный» национальной паркось ды А.С. Пушкин лемсэ библиотекась.

Подробнее ...
 
Сюкпрянь валт

Мордовия Республикань Прявтонть Владимир Волковонь лемс сась благодарность Адмирал Ушаков эскадрань миноносецэнь командирэнть Игорь Никитинэнь пельде. Мордовия Республикань подшефной миноносецэнь экипажонь прявтось республикань руководителентень ёвтась сюкпрянь валт военной моряктнень эрямост ды бытэст коряс мелявтоманть кисэ.

Подробнее ...
 
Сайсть медальть

Аволь умок Московсо ютавтозель «Сырнень сёксь» 19-це весероссиянь агропромышленной выставкась. Тосо эсь продукцияст невтизь Мордовиянь комсте ламо велень хозяйствань предприятиятне. Вана «Хорошее дело» агрогруппась тов усксесь «Мечта» ды «Юбилейное» кавто предприятиятнень продукцияст.

Подробнее ...