Рубрикатор

Здравоохранение Медицинань сестрась – врачонть вить кедезэ
Медицинань сестрась – врачонть вить кедезэ

Сынь прявт лездыцят поликлиникасо врачонть кедьсэ приёмсо, операционной столенть вакссо, процедурань эли физиокабинетсэ, стационарсо… А мезть кортамс: медицинань услугатнень покш пельксэнть топавтыть самай сестратне. Ды аволь ансяк те теи медсестрань профессиянть сехте прявтокс ды эрявиксэкс. Врачтнень кармавтомаст топавтомсто сынь лецить сэредицятнень седейлембесэст. Аволь стяко икеле сынст лемдсть милосердиянь сестракс.

Елизавета Беляйкина кевейкее ие важоди участковой медицинань сестракс 5№ Республиканской клинической больницянь 2№ поликлиникасонть, кона ашти Саранскоень Ярославской куросонть. Те эрзянь мазый тейтеренть лангс ваномсто сы мель: вана истямо сон – неень шкань медицинань сестрась: эряза, эсь тевенть вадрясто топавтыця, весе одонтень куроксто чарькодиця. Чачсь-кассь Елизавета Отяжелень райононь Аловелесэ.
– Монень свал вечкевсть ашо халатсо ломантне, пек мазыйть тень марявсть. Свал ловинь сынст Пазонь ломанекс, эдь весе виест максыть кочказь тевентень, казить сэредицятненень-пшкадицятненень седейлембест. Вишка шкасто саезь уш пек бажинь важодемс больницясо, лездамс сэредицятненень. Монськак а содан, косто саевсь те мелесь. Авам, Вера Васильевна, колоньгемень иеть важодсь скалонь потявтыцякс. Тетям истя жо роботась колхозсо, ульнесь машинань ветницякс, – ёвтни Елизавета Беляйкина. – Сон пек рана тусь эрямосто, ведьгемень иесэ. Авам ськамонзо кастсь-кепедсь кавто эйкакшт.
Школань прядомадо мейле Елизавета мольсь тонавтнеме Орданьбуень медицинань училищав. Сонзэ прядомадо мейле сеске кармась важодеме Саранск ошонь 5№ больницянь поликлиникасо медицинань сестракс. Тейтересь видькстась, ульнесь покш мелезэ тонавтнемс врачокс, ансяк неть бажамотне эзть топавтово.
– Ней мон уш а янксянгак сень коряс, кадовинь медицинань сестракс. Мекевлангт, сюкпря ёвтан уцяскантень, весемесь истя лиссь. А мезть сёпомс, медицинань сестратне врачтнеде ламо шка ютавтыть пациенттнэнь марто, кунсолыть шумбрачинь коряс кевкстемаст, эрямонь стакачисткак.
Елизавета видькстась, сынст участкась покш, тов совить 1500 ломанть. Тешкстызе, важодемс аволь стака, теке шкасто пек ответственной тевесь. Эдь медицинань важодицятнень кедьсэ сехте прявтось – ломантнень шумбрачист ды эрямост. Участкасонть эрить ламо сыре ломанть, конатненень стака яксемс процедуратнень тееме поликлиникав, секскак участковой медицинань сестрантень сави яксемс кудова, путнемс уколт, онкстнемс сэредицятнень давленияст. Эрсить кармавтомат хирургонть пельдеяк: теемс перевязкат, ванкшномс керявкстнэнь-томбавкстнэнь. Медицинань сестратне ваныть эрицятненень ливкстнэнь шкастост путоманть мельга, тердить эрицятнень ютамс диспансеризация, флюорография.
– Нама, важодемань васенце иетнестэ ульнесь стака. Чарькодевсь лангозон путозь ответственностесь. Сюкпря Пазонтень, понгинь важодеме Валентина Александровна Перепёлкина участковой врачонть марто. Весементень сон тонавтымим: важодемань башка ёнкстнэнь чарькодеме, пшкадицятнень-сэредицятнень марто кель-валонь муеме. Ней сон отделениянь прявт, тевензэ вадрясто содыця ды превей специалист, одтнэнь тонавтыця-превспутыця, – ёвтнесь Е.Беляйкина. – Пек лездась тень старшей медсестрась Вера Васильевна Эрькина. Койсэнь, чуросто вастат истят чевте седей, вадря ломанть.
Кевейкее иень перть важодемань кисэ Елизавета казезь 5№ Республиканской клинической больницянь прявт врачонть А.Н.Пинямаскинэнь, Саранск ошонь округонь прявтонть П.Н.Тултаевень, МР-нь Прявтонть В.Д.Волковонь пельде Почётонь грамотасо ды Благодарностьсэ. Видькстась, сонзэ аволь весть путыксэлизь старшей медсестракс, ансяк отказась: тандавты покш ответственностесь.
– Медицинань сестрань тевсэ прявтось – те сэредицятнень, сынст малавиксэст марто кортамось, сюлмонь кирдемась. Миненек эряви маштомс кемевтемс тенек пшкадицятнень, витемс шумбрачинь коряс стакачист, – корты важодемань салавачитнеде Е.Беляйкина. – Эряви улемс мелень явицякс, чарькодицякс. Свал улемс анококс лездамс ломантненень, вадрясто топавтомс эсенек тевенек, текень пингстэ киньгак а покордамс.
Елизавета ёвтнесь, сынст важодемантень свалшкане совавтовить од ёнкст, конат, васняяк, аравтозь эрицятнень лезэс.
– Истя, 2017 иестэ минек поликлиникась кармась лемдевеме «Бережливая поликлиника» – те федеральной варчамонь проект. Сонзэ прявт смустезэ – киртямс пациентэнть поликлиникасо улемань шканть. Киртявсть врачтненень очередтне. Тень удалась топавтомс кавто ёнкстнэнь вельде: панжозь медицинань куроксто лезксэнь максомань кабинет ды аволь очередной пациентэнь кабинет. Ней ломантненень а эряви аштемс регистратура икеле карточкань кисэ, сынь витьстэ молить се врачонтень, кинень сёрмадстозь, амбулаторной карточкаст уш тосот, – ёвтни од полавтоматнеде Е.Беляйкина. – Пациенттнэнень весе те одось пек вечкеви. Минек поликлиниканть варштамо сакшнось Московсто покш делегация, конань прявтсо ульнесь Здравоохранениянь министрась Вероника Скворцова. Эряви эштё тешкстамс, поликлиникасонок ули маммограф, икеле сон ульнесь ансяк Республиканской онкодиспансерсэ.
Елизавета Беляйкина видькстась, медицинань сестрань важодемась аволь шождатнестэ, саи ламо шка ды вийть. Эрьва пшкадицянть сон бажи чарькодемс, лездамс тензэ, каземс седейлембензэ.
Эряви тешкстамс, Елизавета – вечкиця ни ды уцяскав ава. Мирдензэ марто кастыть цёра. Кудосонзо свал ваньксчи ды тантей ярсамопелень чине. Кольневти малавиксэнзэ эрьва кодамо тантей пидевкссэ-паневкссэ: пани прякат, панжакайть, пиццат. Куроксто керси-човорды куш кодамо салат. Лиза сонсь ветни машина, видькстась, васенце шкастонть талнось, ней руленть экшсэ прянзо мари пек кеместэ. Кизна семиянек ардтнить иневедь чирев, телень якшамо читнестэ оймсить тиринь ёнкссо, Аловелесэ.


Т.Аксенова


10.01.2019

 

Новости

Эрицятнень сёрмадстомантень анокстамотне ушодовсть



Малав ие кадовсь эрицятнень Весероссиянь сёрмадстоманть самс. Аволь умок МР-ва Федеральной службань государственной статистикань территориальной органсонть ютавтовсь вастовома, конанть шкасто видео-конференциянь лувсо ветявсь кортамо Росстатонь прявтонть Павел Малков марто. Вановсть сёрмадстомань шкатне ды невтевсь официальной тешксэсь.


Подробнее ...
 
В Мордовии собрано более 700 подписей на запрет «наливаек»
 
В Республике Мордовия завершились мероприятия по сбору информации и
подписей в поддержку инициативы об ограничении работы питейных заведений,
расположенных на первых этажах многоквартирных домов и придомовых
территориях в Республике Мордовия.

Подробнее ...
 
Награждение победителей акции «Здоровое питание - активное долголетие»
 
  Уже сегодня, 17 октября,  34 ученика из Мордовии отправятся на 12-ю  смену  
Международного детского центра «Артек». Победителей акции, их наставников и кураторов 
поприветствовал  секретарь Регионального отделения «Единой России» Владимир
Чибиркин. Он  подчеркнул, что пропаганда  здорового образа жизни и оздоровление нации 
являются одними из ведущих направлений деятельности «Единой России», акция 
реализуется в рамках партийного  проекта «Здоровое будущее».  Это дает свои плоды - с
каждым годом в нашей стране увеличивается  число неравнодушных людей,  которые 
начинают сами вести здоровый образ жизни и ведут за собой других.

Подробнее ...
 
В республике успешно реализуются социально значимые проекты первичных отделений «Единой России»
 
Первичные отделения поселка  Ромоданово и поселка  Зубова Поляна   успешно
реализуют на практике  свои социально  значимые проекты, удостоенные грантовой
поддержки по итогам конкурса проектов первичных отделений, инициированного 
«Единой Россией»
  Цель проекта  «Мы рядом», реализуемого в Ромоданове - помощь пожилым людям и 
инвалидам, имеющим  заболевания опорно-двигательного  аппарата.   Прокат технических 
средств реабилитации  организован на бесплатной основе для граждан пожилого возраста, не 
имеющих группы инвалидности, но,  в силу возрастных изменений или перенесенных 
заболеваний, травм, потерявших способность свободно передвигаться. В июле этого года в 
Ромодановском  местном отделении партии прошла  презентация проекта.  Открывая
презентацию,  секретарь  Ромодановского местного отделения Партии  Наталья Хомякова  
отметила, что  основная  задача проекта   помочь людям в трудный для них период 
реабилитации.


Подробнее ...
 
Баталина: Предложение Минтруда о новых правилах выплаты пособий по уходу за ребёнком создаст проблемы родителям
 
Предложение Минтруда, согласно которому претендовать на выплату 
пособия по уходу за ребенком до полутора лет может только тот, кто 
фактически ухаживает за ребенком, избыточно и может создать лишние 
проблемы родителям. Не исключено, что Фонд социального страхования при 
назначении будет требовать документально подтвердить, что именно 
заявитель (мать или отец ребенка) фактически за ним ухаживает. Об этом 
заявила первый заместитель секретаря Генерального совета «Единой России»
Ольга Баталина.
Подробнее ...