Рубрикатор

Здравоохранение Учаева – кеме обуця тейтерь-ава
Учаева – кеме обуця тейтерь-ава

Тиринь газетань ловныцятненень течи минь ёвтнетяно кеме обуця тейтерь-авадо. Галина Николаевна Учаева – чевте седей, панжадо ойме, виздиця ломань, эрямосонзо лисезь покш зыянонть лангс апак вано, сон эзинзе нолда лавтовонзо, пурнынзе весе виензэ ды кармась эрямо одс. Килангонь покш зыян, операцият, зярыя  ковонь перть ютавтозь реабилитация, инвалидэнь коляска… Весе тень пачк ютазь, Галина Учаева эзизе ёмавто эсензэ вийтнес кемеманть. Течи сонзэ лемензэ вадрясто содасызь республикань ды весе масторонь спортонь вечкицятне. Те тейтерь-авась сеедьстэ лисни изницякс инвалидтнэнь ютксо спортонь эрьва кодамо пелькстамотнесэ, спартакиадатнесэ, турниртнэсэ. Сон кемень иеде ламо ашти инвалидэнь коляскасо, тень лангс апак вано, а лововить сонзэ изнямонзо армрестлингень ды пауэрлифтингень коряс. Галина Учаева совавтозь Россиянь сехте виев тейтерь-аватнень юткс. Теде башка, сон кишти коляскасо, получась водителень прават ды ули покш мелезэ стявтомс кудо.

– Мон чачинь Свердловской областьсэ. 1971 иестэ тетянь-авань марто сынек эрямо Саранскоев. Сестэ тонавтнинь нилеце классо. Кавксоце классонть прядомадо мейле молинь тонавтнеме строительной училищав. Прядыя сонзэ 1980 иестэ ды сеске молинь важодеме телевизионной заводов. Шкань ютазь туинь ламповой заводов, мейле – «Электровыпрямителев», те монь важодемань меельце таркам. Тосо важодинь 2006 иенть самс, се иенть августсто минек семиясо лиссь покш кажо – мирдень марто понгинек аварияс, монь сивсь карязловажам. Савсь тень озамс инвалидэнь коляскас, – ёвтни Галина Учаева. – Нама, васенце шкастонть ульнесь пек ды пек стака. Весементень савсь тонавтнемс одс. Сюкпря Пазонтень, монень лездась семиям, эзимизь кадо. Ней эйкакштне – тейтерем ды цёрам – уш покшт, сынст эсест семияст, эрить башка. Зярс мирдень ульнесь кеме шумбрачизэ, сон якась монь мельга. Ансяк сонзэ мартояк лиссь покш зыян, инсультто мейле пек сэреди. Сестэ чарькодинь, седе тов эрямосонть монень сави кемемс ансяк эсень виень лангс. Содатадо, кодамо покш изнявксокс ульнесь се чись, зярдо монсь ичинь чапакс ды панинь прякат!

Галина Учаева ламо ардтнесь реабилитациянь куншкакуротнева, ды, эряви меремс, аволь ансяк эсенек масторонь. Ды вана весть Крымсэ, сестэ те ульнесь эштё Украина, сон неизе, кода киштить коляскасо аштиця инвалидтнэ. Галинанень те пек тусь мельс, эсензэ туртов сон арсизе: Саранскоев самсто сонгак карми тонавтнеме те тевенть. Ансяк сеске вастовсь стакачи марто: минек ошсо арасель вейкеяк хореограф, конань бу улевельть ёрокчинзэ-содамочинзэ инвалидтнэнь марто важодемасонть. Эряви видькстамс, Галинадо икеле киньгак арасель мелезэ тонавтнемс киштеме коляскасо аштезь. Сестэ кеме обуця те авась мольсь энялдома марто Саранскоень се шкань мэрэнтень В.Ф.Сушковнень, сон алтась лездамс.

– Монень макссть вейке хореограф, мейле омбоце, колмоце. Ансяк конаньгак арасель покш мелезэ важодемс мартон, виест эзть сато. Зярдо уш овсе нусмакадынь, арсинь, а топавтови бажамом, Пазось лездась тень теевемс содавиксэкс Руслан Морозов хореографонть марто. Васняяк минь важодинек Коваленко куросонть аштиця ФОК-сонть, ансяк тосо коштонь якамось лия ёнов а молиця, монень  пек стакаль лексемс, ды миненек савсь туемс «Мордовия» спорткомплексэнтень, – ёвтни Г.Н.Учаева. – Сюкпря прявттнэнень, тосо тень явсть шка ды макссть покш зеркала марто тренировкань зал.

Лия стакачикс кармась коляскась. Инвалидэнь свалшкань коляскась киштемань занятиятнень туртов а лади. Сонзэ лангсо а теевить кодаткак чарамот, специальноесь жо пек питней. Галина Николаевна ламонень пшкалесь лезкс мельга, вачкоесь ламо кенкшс, ансяк те весе ульнесь стяко. Кода эрямосонть сеедьстэ эрси, лезксэсь сась косто эзь учово. Весть телевизоронь ваномсто Галина маризе, кода вадрясто минек республикадонть кортась Государственной Думань депутатось Шустов. Сон алтась лездамс весе инвалидтнэнень, кинь улить стакачист ды кевкстемаст. Галина Николаевна шкань апак ёмавтне сёрмадсь пшкадема депутатонтень. Уцяскантень, энялдоманзо маризь, ды аванть ней ули пек вадря креслазо, конась теезь сонзэ покшолманзо коряс. Коляскасонть а усксить мекев-васов, сон ванстови спорткомплекссэнть. Галина хореографонть марто васняяк тонавтнесть киштеме вальс. Те номерэнть сынь сеедьстэ невтнить Саранскоень чачома чистэнть ды эрьва кодамо фестивальтнесэ. Мейле жо тонавтнесть пек эряза киштема – ча-ча-ча.

Спортонтень мель явомо Галина кармась кавто иеде икеле.

– Мон теевинь содавиксэкс тейтерь марто, истя жо инвалид, ней эри Серпуховасо. Сон ветимим армрестлингс. Мон ульнинь Московсо тейтерем кедьсэ, сон гайневтсь тень ды тердимим армрестлингень коряс соревнованияс. Покш мельсэ молинь сынст клубс ды панжия эсень туртов пауэрлифтингенть. Саранскойсэ спортонь те видэнтень явови покш мель. 2015 иень октябрясто саезь яксян «Вымпел» спортонь клубонтень. Васня мелявтынь, монь тов а сайсамизь. Эдь те клубонтень яксить ансяк шумбра ломанть. Ансяк весе талноматне ульнесть стяконь, Сергей Прокофьев прявт тренерэсь вастымим кеняркс марто, – ёвтни Г.Н.Учаева. – Сон кармась важодеме аволь ансяк монь, истя жо лия инвалидтнэнь марто – кить аштить коляскасо, сэредить ДЦП-сэ. Минь тесэ марятано эсь прянок шумбра ломанекс. Спортсментнэ ламосо лездыть тенек, максыть превс путомат.

Зярыя тренировкатнеде мейле Учаева изнясь республикань пелькстамотнесэ. 2015 иень октябрясто сон васенцеде примась участия Россиянь первенствас кочкамонь пелькстамотнесэ, косо саизе васенце тарканть. 2016 иень февралень 12-це чистэ Московсо армрестлингень коряс Россиянь чемпионатсонть саизе «бронзанть».

Галина Учаева изнясь бронзань ниле медальть инвалидтнэнь ютксо армрестлингень коряс мирэнь чемпионатсонть ды Кубоксонть, конат ютавтовсть 2016 иень ноябрясто Польшасо.

Тедедень маень 12-21-це читнестэ Польшасо ютавтовсь армрестлингень коряс мирэнь чемпионатось. Тозо пурнавкшность пелькстыцят 15 мастортнэстэ. Галина Учаева сась кудов сиянь ды бронзань медаль марто.

– Монь категориясонть медаленть кисэ пелькстынек колмоненек: Саранскоень тейтересь Татьяна Килюкова, Турциянь спортсменкась ды мон. Лия пелькстыцятне ульнесть седе лавшот ды лиссть бороцямостонть ков седе икеле. Койсэнь, масторлангонь те чемпионатсонть невтинь пек вадря результат. Путынь икелень задача – саемс медаль, ды топавтыя сонзэ. Маласо шкастонть бажан саемс «сырненть», – мельспаросо корты Г.Н.Учаева.

– Галина Николаевна, тынь эрятадо мирденк марто кавоненк. Кияк лезды тенк кудоютконь тевтнесэ?

– Эрямось тонавтымим весементь тееме эстень. Минь эрятано ламо квартирань кудонь ветеце этажсо, ды сехте покш стакачись монь туртов – те лифтэсь. Кенкштне пек теинеть. Коляскась тов а кельги. Пурнамс ды лисемс ушов – покш ды стака тев монь туртов. Аламо валгомс васенце этажс, эдь тосо эштё вете кузтемат. Пандус подъездсэнть арась, ды монень куватьс савкшнось энялдомс ютыця ломантненень лездамс тень. Ломантнень мелест мольстинь, сынь кармасть веёнга якамо эйстэнь. Арази вечкеват асодавикс ломаннень?! Сестэ меринь эстень: эряви мезеяк теемс. Ванынь телевизорсо, вешнинь Интернетстэ, кода лия оштнесэ теить коляскасо инвалидтнэнь туртов кепсемат. Муинь чертёж марто пек вадря проект, сёрмадыя сонзэ дискс ды карминь ардтнеме минек ошонь заводтнэва, кеминь, тосо лездыть тень. Энялдомам маризь ансяк кавтосо – телевизионнойсэ ды «Электровыпрямительсэ», косо икеле важодинь. Телевизионнойсэ мерсть, сынь анокт теемс сметанть, ансяк весементь сави пандомс эстень. Ансяк «Электровыпрямительсэ» весементь теизь стякодо. Те, нама, ульнесь покштояк покш казне монь туртов. Теньсэ лездась заводонь се шкань прявтось В.В.Чибиркин.

Эряви тешкстамс, Г.Н.Учаева, коляскасо киштемадонть ды спорттонть башка, коды, викшни, тейни эрьгинеть. Сон машты эрьва мезень пидеме, тантей прякань панеме. Кудоютконь весе тевтнень топавты сонсь.

Арсетяно те кеме обуця авантень кеме шумбрачи, ламо вийть, цидярдома ды покш изнявкст те аволь шожда эрямосонть.

Т.Аксенова

 

Новости

«Единая Россия» возьмет на контроль реализацию закона о паллиативной помощи

Партия «Единая Россия» поддержит парламентский мониторинг за реализацией закона о паллиативной помощи. Об этом заявил член общественного совета партпроекта «Единой России» «Здоровое будущее», член комитета Государственной Думы по охране здоровья Юрий Кобзев. 

Подробнее ...
 
150 человек пройдут обучение в рамках модуля «Политический лидер» Высшей партийной школы «Единой России»

Первые занятия стартуют 25 февраля

Экспертной группой первого модуля Высшей партийной школы «Единой России» «Политический лидер» по итогам всех испытаний из более чем 6,6 тысяч участников были отобраны 150 слушателей. Из них 50 приступят к учебе уже с 25 февраля, еще 100 пройдут обучение в Высшей партийной школе в следующих потоках в марте-апреле. Конкурс на участие в проекте составил 44 человека на место.

Подробнее ...
 
Республикадонть – социальной сетьсэ

Печатень кудонь Пресс-центрасо аволь умок ютавтовсь мероприятия, конанть лувсо невтевсь социальной сеттнесэ Мордовия Республикань официальной аккаунтось. Пилотной нолдамось ульнесь уш даволковонь 1-це чистэ, секскак васень подписчиктне уш ванызь контентэнть вадрячинзэ.

Подробнее ...
 
Ловонть ускома шкастонзо

Неть читнестэ Саранскоень Администрациясо ютавтозь промкссонть башка мель явовсь ошсонть эйсюротнень, эенть ды ловонть урядамонь кевкстемантень. Ленинской райононь прявтось Александр Юткин ёвтнесь, управляющей компаниятне тагояк рамасть сал китнень ды ютамо таркатнень почодомс. «Эйсюротнень урядамонь коряс роботатне ветявить эрьва чистэ. Тевенть топавтыть верьга якицят ды специализированой техника», – пачтясь Александр Юткин.

Подробнее ...
 
Автобусонь од маршрут

Ошонь прявтось сонсь ловны эрицятнень сёрмаст, конат кучовить сонзэ лемс. Мэрэнть кедьсэ промкссонть Пётр Тултаев пшкадсь Транспортонь управлениянь прявтонь полавтыцянтень Елена Потапованень: «Сась пеняцямо, конасонть тешкстави, автобуссо эли троллейбуссо ардоманть кис карточкасо пандомадонть мейле ярмактне саевить аволь сеске эли аволь зняро эряви. Ломантне арсить те «Горэлектротранс» муниципальной предприятиянть вановтост ало. Ёвтадо: кие чумось ды ков пшкадема?»

Подробнее ...