Рубрикатор

Здравоохранение Ванстынк седеенк
Ванстынк седеенк

Мезе теема ломанентень омбоце инфарктонть эйстэ менемга

 Эрьва ковсто инфарктось масторонь келес среднейстэ саи 5 тёжат ломанень эрямот. Лиякс меремс, эрьва чассто 7 ломанть. Седеень-санонь орматне Россиясо аштить васенце таркасо эрямосто а шкасто туемань коряс. Кодат валт авольть ёвта бу минек медицинадонть, ялатеке ламось ашти эсенек эйстэ, седе, кода минь вансттано шумбрачинек. Сень ловозь, бути содамс прявт ильведевкстнэнь, сестэ верьсанонь кажось, паряк, а лисевель, эли айгевель пек седе васов. Вана кода теде толковить минек ловныцятненень содавикс кардиологтне, конат пурнавкшность «Азбука фармации» «кругловой столентень». Тосо ульнесть ёвтазь ламо превс путомат, конатнень эрявить содамс ормадонть икеле, сонзэ пингстэ ды теде мейле, бути ломаненть ули мелезэ эрямс кувать ды уцяскавсто. 

1.   «Сэреди ды лотки»

«Инфарктонть пингстэ шканть а эряви таргсемс: бути 6-12 часонь перть санганть веренть а кармавтомс одс якамо, ушодови миокардонть куломазо», – корты Москов ёнксонь прявт кардиологось, Сеченовонь лемсэ 1 № ГМУ-нь кардиологиянь профилактикань ды куроконь лезксэнь максомань кафедрань профессорось Мария Глезер.

Неень шкане «куроконь лезксэнь максомань» бригадантень вешематне пек седе кассть, тердемадост мейле тенст максови 20 минутат. Истямо ормасо сэредицятненень теезь сосудистой центрань сеть – тосо ормалгадозентень лездыть курок ды квалификация марто. Паро, ней минек улить вадря лецямопельть ды виевгавтовить малоинвазивной лувтне, теевить стентированият, ангиопластикат. Сынст вельде ков седе шожда лецямс инфарктонть.

Седе сеедьстэ стентэнть путомадо мейле ормалгадозесь больницясто нолдави 2-3 чинь ютазь, куроксто ломанесь карми марямо прянзо шумбракс.

Истямо лезксэнть тевс нолдамга, ормалгадозенть пачтяма больницяв ков седе курок. Тень пингстэ кардиологтне кармавтыть: эрьва колмоце инфарктось юты сэредькстэме, седеень човорятовтомо, прянь апак чара эли неть симптомтне аволь пек неявикст. ЭКГ-ськак аволь свал невти полавтоматнень. Текенень поладсынек, ормалгадозесь кардиологнень  молеме аволь свал капши.

«Мон кевкстнян эсень сэредицятнень: мезекс аштема кудосо? – корты Мария Глезер. – А сынь монень прок эйкакшт кортыть: «Мон кеминь, сонсь юты…» Самай те тувталонть коряс инфаркто эрьва омбоце куломась эрси кудосо. Текень пингстэ, бути ормалгадозенть шкастонзо ускомс сосудистой центрав, пшти инфаркттонть куломась киртяви 60%».

2. «Лецямодо мейле – эряма икеле ладсо»

Истя арсить сынсь ормалгадозтне, кинь врачтне курок стявтызь пильге лангс, ансяк сынь а чарькодить, кодамо стака ормаст.

«Ней минек ули возможностенек лецямс ломаненть, кие печтясь истямо куломань орма, одс велявтсь икелень эрямонтень, а мари прянзо лиятнень коряс мейсэ-бути явовицякс, – толкови РАН-нь членэсь-корреспондентэсь, профессорось Симон Мацкеплишвили. – Ды теньсэ ули покш пелема. Васняяк, сон сеньсэ, се ломанентень, кинь ульнесь весть инфаркт, ды бути сон прянзо вети а видестэ, эштеяк сави печтямс истямо орма». Омбоцеде истямо апаро тевесь лисни лиясто секе жо иестэнть (10-20%). Мезе теема тень а нолдамга? Эряви весементь теемс апак капша, тевень содазь. «Инфарктонь печтицясь а ашти, кода икеле, ковонь перть больницясо. Сонзэ нолдасызь зярыя чинь ютазь, мари прянзо а беряньстэ ды а лови эрявиксэкс топавтомс минек кармавтоматнень, – корты Мацкеплишвили профессорось. – Седеяк стака кармавтомс свал надобиянь симеме, сеедьстэ пингень перть».

3. «Марян прям парсте – таблеткатнень ёртан, таргамонть поладан»

«Эряви ормалгадозтненень чарькодемс, миокардонь инфарктось – те кувать шкань перть таштавозь орма. Сон ушодовсь санонь кажодонть икеле ды, ризксэнтень, поладови лангс ливтемадо ды лецямодо мейлеяк, – толкови ФМБА-нь физико-химиянь медицинань ФНКЦ-нь Кардиологиянь лабораториянь старшей научной сотрудникесь, медицинань наукань докторось Алексей Эрлих. – Инфарктось – орма, конась сюлмавозь кавто патологиянь процесстнэнь марто: атеросклерозонть ды тромбозонть марто, зярдо сантнэсэ касыть атеросклеротической бляшкат ды сынст эйсэ теевить тромбат. Ризксэнтень, инфарктонть ютамодо мейлеяк те тевесь поладови».

Специалисттнэ кортыть, улить кавто виев лепштямот ломанень организманть лангс: аволь медикаментозной ды медикаментозной. Мельс саеви кода васенце, истя омбоце ёнксось.

Аволь медикаментозноенть пингстэ совавтовить полавтомат эрямо лувонтень:

· лоткамс таргамодо ды симемадо;

· теемс физической упражненият, аламонь-аламонь сынст ламолгавтозь;

· «сырнень стандартось» лади кода шумбратненень, истя ормалгадозтненень – 10000 эскелькст эрьва чистэ эли 30 минутат аэробной нагрузка;

· видестэ ярсамс: улест сатышка белокт, седе аламо куяв ярсамопель ды куроконь углеводт, седе ламо эрьва кодамо эмежть, фруктат, тикшеть;

· аламолгавтомс сахаронть, салонть, коптязь ды рестазь ярсамопеленть. Эряви теемс весементь, штобу улемс аволь эчкекс!

4. «Сантнэ ванськавтовить пейне чурькасояк»

Ризксэнтень, неень шкане микшневить ярсамопельс эрьва кодамо каямот, конатнень нолдыцяст ёвтнить седе, сынь лездыть седеень сэредемадо. Келя, эйсэст «ванськавтовить» сантнэ, ды те пек паро инфарктонь профилактика.

«Эште весть ледстясынь вере ёвтазь кавто пек эрявикс процесстнэнь, конат пачтить инфарктонтень, – толкови Алексей Эрлих. – Эряви симемс кавто группань препаратт, конат лоткавтыть те орманть. Кодаткак БАД-тнэ сынст а полавтсызь. Атеросклерозонть виевгадоманзо лоткавтыть статинтнэ. Мезе сынст ланга авольть корта, келя, сынь максонтень зыян кандыть ды миопатияс пачтить, ансяк статинтнэ – «сырнень стандарт» седеень ишемической ормань профилактиканть ветямосо. Текенень поладсынек, неть препараттнэнь группась пек покш, секс свал муеви се, конась тенк лади. Неень шкань препараттнэ седе ванстыть организманть. Врачтненень уш мерсть а ванкшномс весе пациенттнэнь, кить симить статинт, максонь важодемаст. Сынь максонтень зыян а кандыть».

Омбоце пек эрявикс надобиятнень вельде орманть эйстэ менемась – а нолдамс тромбозтнэнь коронарной артериятнень, седеень сантнэнь, потсо. Те лемдеви антитромбоцитарной терапиякс.

«Надобиясь а нолды тромбоциттнэнь вейс педямост, – корты Алексей Эрлих. – Лиясто сави тевс нолдамс вейсэ кавто надобият, лиясто мик колмо, сынст эряви симемс обязательна инфарктто эли коронарной сосудтнэс операциядо мейле».

 Превс путомат

 Минь кортатано: «Зяро врачт – зняро жо мельть-арсемат». Лиясто сэредицянтень маряви, сонзэ «а истя лецить», врачось аволь покш мель тензэ яви, эли аламо соды. Интернетсэ кулятнеде пек ламо, явомс эрявиксэнть, виденть псевдорекламанть эйстэ аволь специалисттнэнень пек стака.

«Кругловой столень» эксперттнэ прасть вемельс сень коряс, «кедте кедьс якамось» – вейке докторсто омбоцес – те аволь виде. Стандартной терапиянть ютавтомсто эрьва кодамо специалисттнэ мерить симемс аволь вейкеть надобият. Се шкане ормалгадозентень маряви, сонзэ эйсэ «сезнить» ды а содыть, кода видестэ лецямс.

Мезе теемс, бути мельс а тукшны се, кода тынк лецить? Эряви вешнемс эсеть докторонть. Сехте эрявиксэсь се, кие сонзэ туртов карми улеме авторитетэкс, кинь кармавтоматне топавтовить. Те васняяк эряви секс, а лисевель истя, што ормалгадозенть терапиянть ютавтомсто валгсь холестеринэсь, паролгадсть верень свёртываемостень невтевкстнэ, ды ломанесь кармась кемеме сенень, сон шумбра, сась шка лоткамс лецямодо. Куш кодамо ответственной врачось мери, пациентэнть лецямонтень кемемась пачти шумбралгадомантень.

Саезь «Российская

Газета неделя» изданиястонть

 

Новости

Андрей Макаров: Проект бюджета гарантирует выполнение государством всех социальных обязательств

    Внесенный Правительством РФ проект бюджета гарантирует выполнение государством всех социальных обязательств. Об этом заявил председатель комитета Госдумы по бюджету и налогам Андрей Макаров в ходе выступления от фракции «Единой России» на пленарном заседании нижней палаты парламента. 

     - Гарантированное выполнение государством всех социальных обязательств - это важнейшая задача бюджета, которую внесенный Правительством проект, безусловно, решает», - заявил Макаров, отметив, что «Единая Россия» вместе с Правительством РФ в рамках нулевого чтения прорабатывала проект бюджета, чтобы решить задачи, поставленные Президентом России Владимиром Путиным. 

        Он обратил внимание на то, что фактические доходы в 2019 году составили 19,969 трлн рублей, превысив прогноз на 22%. «Это показатель того, в каком состоянии находится наша экономика», - отметил парламентарий. 

Подробнее ...
 
Валдонть кисэ – социальной норма

Россиясо тагояк электричестванть кисэ арсеви совавтомс социальной норманть, зярдо кемекстазь лимитэнть велькска ютавтоматнень сави пандомс седе покш тарифень коряс. Минэнергонь ды Минэкономикань сентябрянь 19-це чистэ ютавтозь промкссонть те схеманть кемекстызе вице-премьерэсь Дмитрий Козак. Ведомстватненень жо документэнь проекттнэнь анокстамат 2019 иень якшамковонтень.

Подробнее ...
 
«Од Ривезесь» сы Саранскоев

Мордовиянь прявт ошсо, Саранскойсэ, карми молеме неень шкань хореографиянь «Новая Лиса – 2018» Раськеютконь VII фестивалень-конкурсонь Гала-концертэсь. Те мельстуиця мероприятиянть ютавтомс лезды РФ-нь Театральной деятелень вейсэндявксось.

Подробнее ...
 
Василий Пискарев принял участие в проведении тренировки по гражданской обороне

С 1 по 3 октября в соответствии с поручением Правительства РФ на территории всей страны прошли тренировки по гражданской обороне. Председатель Комитета Госдумы РФ по безопасности и противодействию коррупции Василий Пискарев в ходе региональной недели посетил завершающий третий этап Всероссийской тренировки, который прошел в мордовской столице.

Подробнее ...
 
Жители Саранска попросили Сергея Чиндяскина помочь получить льготные лекарства и разъяснить порядок начисления пенсии

Сегодня, 4 октября, в рамках региональной недели депутат Госдумы РФ Сергей Чиндяскин провел прием граждан по личным вопросам в региональной общественной приемной Председателя Партии. По-прежнему, наиболее актуальными вопросами, с которыми обращались заявители, стали темы перерасчета пенсий и лекарственного обеспечения граждан.

Подробнее ...