Рубрикатор

Здравоохранение Пилотонь проектэнть юрсо
Пилотонь проектэнть юрсо

Неть читнестэ Мордовия Республикань Прявтонь тевтнень нурька шкас топавтыцясь В.Д.Волков содавтызе Республикань клинической 5№ поликлиниканть, косо тевс нолдави «Ванстыця поликлиника» федеральной пилотонь проектэсь ды ютавтовсь вастовома медицинань общественностенть марто.

Ледстясынек, неень шкане минек республикась совавтозь Россиянь сеть 23 регионтнэнь юткс, косо тевс нолдави «Ванстыця поликлиника» пилотонь проектэсь. Мордовиянь лецямонь кавто учреждениятнесэ – Республикань 5 № клинической больницясо ды эйкакшонь 3 № больницясо – стакачитнень витемга ушодсть важодеме од лувсо, конань пингстэ ванстови шкаст кода врачтнень, истя жо медицинань лезкс мельга пшкадицятнень.

Васняяк В.Д.Волков теевсь содавиксэкс регистратуранть, врачонь примамодо икелень ды диспансеризациянь кабинеттнэнь, колл-центранть марто. Ледстязель, те проектэнтень, конась совавтови эрямос минек республикасо, августонь 5-це чистэ Киров ошсо улемстэ РФ-нь Президентэсь В.В.Путин путсь покш питне.

Масторонь Прявтось здравоохранениясо важодицятнень икелев путсь пек эрявикс тев – олякстомтомс врачтнень конёвонь сталмодонть, седе ламолгавтомс шкаст пациенттнэнь марто важодемстэ. Теньсэ седе паролгавтомс шумбрачинь витицятнень условияст, «Ванстыця поликлиника» проектэнть вельде киртяви шкась куш кодамо специалисттнэнь учомсто. Седе, кода те проектэсь совавтови эрямос 5 номер поликлиникасонть, инжетненень пачтясь лецямонь те учреждениянь прявт врачось А.Н.Пинямаскин. Сон пачтясь, кода «Электронный регистратор», «Электронная очередь» системанть вельде важодить медицинань сотрудниктне. Комплексной медицинань информационной системанть тевс нолдазь, ветяви медицинань документациясь, ды пшкадицятне сёрмадовить врачтненень. Тень вельде ков седе пек паролгады медицинань лезксэнь максомась.

Кода мерсь В.Д.Волков, од проектэнть вельде седе паролгавтови регистратуранть, медроботниктнень ды лабораториятнень важодемаст ды ормалгадозтне олякстомтовить кабинеттнэва якамодонть. Сы иестэ те проектэсь арсеви эрямос совавтомс Саранск ошонь 2 № поликлиникасонть ды 4 № эйкакшонь поликлиникасонть, мейле Мордовиянь весе поликлиникатнесэ.

А.Н.Пинямаскинэнь пачтямонзо коряс, те лецямонь заведениясонть сёрмадстозь 41 тёжа ломанть. Медицинань лезкс мельга, Химмашонь эрицятнеде башка, истя жо сакшныть Лямбирь ёнксонь ды Саранск ошонь «Юбилейный» микрорайононь эрицятне. Эрьва чистэ тей сакшныть малав ветесядт ломанть, куш эйсэнзэ таркатне 300. Анатолий Николаевичень валонзо коряс, 50% пшкадицятнестэ тей сакшныть икелепелев сёрмадстомадо мейле, 50% – сеть, кинень эряви медицинань куроконь лезкс.

Одкстомтозь поликлиникасонть улемстэ В.Д.Волков кортась тов сыця ломантнень марто. Сынь мельспаросо ёвтнесть од лувсо лецямонь паро ёнкстнэде.

Алкукскак, тосо весемесь теезь ломантнень лезэс. Регистратурасонть колмо вальмат. Тосо важодицятнень икеле ансяк компьютерт, эдь эрьва сэредицянть лангс теезь медицинань электронной карта. Виде, икелень карточкатне истя жо, ансяк башка, ванстовить поликлиникасонть. Телефононь весе гайневтематне сыть аволь ансяк регистратурас, истя жо колл-центраскак.

Врачтнень пшкадемадо икелень кабинетсэнть, икелепелев апак сёрмадсто, максыть направления лабораторияв, сёрмадыть справкат ды выпискат. Истя жо, бути ули мелеть, онкстасызь температурат, артериальной давленият.

 

Новости

Сюкпрянь валт

Мордовия Республикань Прявтонть Владимир Волковонь лемс сась благодарность Адмирал Ушаков эскадрань миноносецэнь командирэнть Игорь Никитинэнь пельде. Мордовия Республикань подшефной миноносецэнь экипажонь прявтось республикань руководителентень ёвтась сюкпрянь валт военной моряктнень эрямост ды бытэст коряс мелявтоманть кисэ.

Подробнее ...
 
Сайсть медальть

Аволь умок Московсо ютавтозель «Сырнень сёксь» 19-це весероссиянь агропромышленной выставкась. Тосо эсь продукцияст невтизь Мордовиянь комсте ламо велень хозяйствань предприятиятне. Вана «Хорошее дело» агрогруппась тов усксесь «Мечта» ды «Юбилейное» кавто предприятиятнень продукцияст.

Подробнее ...
 
Апандыцятнень лангс – судс

Саранскойсэ поладовить важодематне жилищно-коммунальной услугатнень кис апандыцятнень марто. Сынст лангс каявить яволявтомат судс. Истя, ошонь Ленинской районсонть судс максозь 1160 искт 56 миллиондо ламо целковойс. Течинь чине эйстэст пандозь малав 2 миллионт целковойть. Кемекстазь 52 договорт долконь реструктуризациянть лангс. Теке марто 116 квартиратнесэ керязь электроэнергиясь.

Подробнее ...
 
Кода уштовить кудотне?

Саранскоень мэрэнть кедьсэ промкссонть кудотнень уштоманть коряс кевкстемась кармась сехте пштикс. Администрациянь прявтонь васень полавтыцянть, Ошонь хозяйствань департаментэнь директоронть Алексей Егорычевень валонзо коряс, Саранскойсэ ламо квартирас весе кудотнесэ ули лембесь. Ансяк улить мелявкст зярыя стояктнень коряс, кевкстемась решави.

Подробнее ...
 
Вадрятнень ютксо

Политикань ды экономикань коммуникациятнень агентствась нолдась РФ-нь субъекттнэнь прявттнэнь рейтинг. Сентябрянь цётамотнень коряс Мордовиянь Прявтось Владимир Волков совась вадря губернатортнэнь юткс ды саизе 19-це тарканть. Меельце ковонть перть сон кемекстызе те тарканть кавто пунктс.

Подробнее ...