Рубрикатор

Здравоохранение Лембесэнзэ эжди эйкакшт
Лембесэнзэ эжди эйкакшт

 

Покш Березникень специализированной эйдень кудось панжозель 1989 иестэ. Эйсэнзэ трявить-кастовить эйкакшт чачомсто саезь ниле иес. Неть эйкакштнень уцяскаст стака, кой-конатнень тезэнь усксызь овсе чачомадо мейле, улить тесэ эйкакшт-инвалидт, уроз эйкакшкеть ды эйдеть, конатне саезь тетятнень-аватнень кедьстэ.

 

Эйдень кудонть панжомастонзо саезь тесэ прявт врачокс важоди Н.Б.Кулагина. Сонзэ вельде тесэ пурназь паро коллектив, эйдень кудось ловови пек паро учреждениякс, тесэ ули весемесь эйкакштнень лецямонть ды эрямонть туртов. Сынст мельга якить чевте седей воспитательть ды ваныцят.

Любовь Ивановна Потапкина тесэ важоди прявт воспитателекс. Сон чачсь-кассь Покш Березникень Эрзянь Найман велесэ. Тонавтнесь Н.П.Огарев лемсэ МГУ-со ды 1992 иестэ сась эйдень кудонтень важодеме воспитателекс. Кавто иень ютазь кармась воспитательтнень лангсо прявтокс. Любовь Ивановна ёвтни, келя, васняяк стакаль важодемс, ваномс неть эйкакшкетнень лангс, конатне а содасызь «авай» валонть. Эрьванть бажась эждемс эсь седеень лембесэнзэ, теемс те кудонть эйстэ алкуксонь паро эрямо тарка. Эйдетнень марто воспитательтне ушодыть важодеме вишкинестэ саезь. Седе касозь, мартост ютавтыть эрьва кодат занятият: артыть, керсить, теить пластилинстэ фигуркат, невтнить фильмат. Эйкакштне пек вечксызь музыкань занятиятнень, косо сынь киштить ды налксить. Лециця физкультурань занятиятне истя жо тукшныть мельс весенень, сынь ютавтовить врачонь мерематнень коряс.

Ули эйдень кудосонть сенсоронь комнатаяк, козонь рамазь специальной оборудования, дидактикань кабинет, покш бассейна. Сеедьстэ эйкакштненень инжекс сакшныть студентт-волонтёрт. Сынь ютавтнить кенярксчить, морсить-киштить, оршнить эрьва кодамо мазый оршамопельсэ. Весе сыцятне свал кандыть эйдетнень туртов каванямкат, оршамопельть, лецямопельть. Тезэнь кияк а сакшны казневтеме. Секскак цёрынетне, тейтерькатне свал оршневтезь мазый оршамопельсэ-карсемапельсэ.

Любовь Ивановна ютавтымизь минек эйдень кудованть ды, алкукскак, тесэ маряви, теке совить варштамо эйдень кужос. Ансяк эйкакшкетнень тестэ чуросто сайнесызь кудов. Ялатеке улить мельстуиця историяткак.  Весть вейке ава, конань уш ульнесь эйкакшозо, чачтсь омбоце эйде – тейтерькась Даунонь синдром марто. Тетянть марто васняяк сёрмадсть яволявтома кадомадо ды эйкакшонть ильтизь Покш Березникев. Эряви меремс, авась сеедьстэ сакшнось тейтерьканть варштамо. Эйдесь кассь, ды  семиясь колмо иесэ саизе сонзэ мекев. Зярыя ковт мейле авась гайневтнесь воспитательтненень ды ёвтнесь, кода касы эйкакшось, мезе тонадсь тееме. Улить лия историяткак. Лиясто стака орма марто чачозь эйкакштнень ярмаконь асатоманть кувалма тетятне-аватне ильтясызь эйдень кудов. Тесэ государствань средстватнень лангс эйкакшось лецяви. Бути эряви, тензэ тееви операция, ды тетятне-аватне мекев сайсызь тиринь кудов.

 

Марина Девятова

 

Новости

Инжетне содавтовить эрзятнень эрямо коест марто

Мордовия Республикасо Эрзянь культурань ды ремеслань куншкакуронь теемань коряс дизайнерэнь арсемань объектэкс кармась Отяжелесэ пичень чочксто чапозь сокицянь-видицянь семиянь кудось. Сонзэ вакссо анок уш баняськак, кона уштови «раужосто», тунда путневить эмеж марто пандяткак.

Подробнее ...
 
Саранскойсэ панжови приют

Саранскойсэ панжови приют азортомо ракшатнень туртов. Кода пачтясть ошонь администрациясто, ней уш ули тень туртов таркаяк. Панжома шкась – те иень июнь ковс.  Приютонтень кармить кельгеме 100 каткат ды 300 кискат.

Подробнее ...
 
Удостовереният – судьятненень

Ютазь пецясто Мордовиясо Прявт федеральной инспекторось Михаил Сезганов МР-нь судьянь сообществань представительтненень явшесь удостовереният, конатнень лангс кедьчелькензэ путызе сонсь РФ-нь Президентэсь Владимир Путин. Мероприятиянтень сакшнось МР-нь Верховной судонь прявтось Сергей Штановгак.

Подробнее ...
 
Московсо гайгить эрзянь морот!

Москов ошсо поладовить концерттнэ, конатнень анокстыть МР-нь заслуженной артисткась, «Садко» рузонь музыкань ды киштемань государственной ансамблянь морыцясь Вера Прохорова ды «Эрзянь вайгель» культурно-просветительской вейсэндявксось. Эряви меремс, васенце истямо концертэсь ютась декабрянь 17-це чистэ Московонь Раськетнень кудосо. Сон алтавсь велень моротненень.

Подробнее ...
 
Мордовиянь сехте вадря сувенирт

Декабрянь 22-це чистэ яволявтозельть «Мордовия Республикань туристической сувенир» конкурсонь изницятнень лемест. Истямо пелькстамонть ютавтсть МР-нь Культурань, национальной политикань, туризмань ды архивень тевень министерствась, Туристэнь-информациянь куншкакурось. Конкурсонть вельде эрявсть муемс сувенирэнь сехте вадря продукциянть, тешкстамс производительтнень, кочкамс лия ёнов а молиця сувениртнэнь ды невтемс сынст FIFA-нь болельщикень фестивальсэ.

Подробнее ...