Рубрикатор

Здравоохранение Лезэв ормаменькст
Лезэв ормаменькст

 

Течинь чине ламот майсить экшендемань орматнеде. Теке шкасто, аволь весе симить надобиятнень, ловить, келя, таблеткатне вейке орманть лецясызь, омбоце ёндо, мекевлангт, кандыть зыян ломанентень. Ламот кемить пертьпельксэнь надобиятнень лангс. Течи ловныцятненень ёвтнетяно тикшесэ-мейсэ (фитотерапиянь) лецямонь лувдонть.

 

Неень шкане нолдазь ламо эрьва кодат энциклопедият ды справочникть сеть ломантнень туртов, кить вечкить тевс нолдамо пертьпельксэнь надобиятнень (фитотерапиянть). Теке шкасто, содадо, сынь сеске лезкс а максыть. Секс тикшестэ теезь веденть (отваронть) эряви симемс свал, лезэсь эйстэнзэ карми шкань ютазь. Течи минь ловныцятненень пачтятано седе, кодамо тикшестэ теема симемапеленть, штобу кемекстамс шумбрачинть (кастомс иммунитетэнть).

пизёлонь чай

Шумбрачинь кандыцякс ловови пизёлсто теезь чаесь. Саевить костязь пизёлонь столовой кавто пенчть, термосос каяви 0,5 литрат лакиведь, кирдеви тосо 1-2 част, педяви ды симеви чизэнзэ колмоксть     1/3 стопкань туросо. Сон кемексты шумбрачинть ды организмас канды витаминт.

Якстере пизёлсонть ламо витаминт: микроэлементт, органической кислотат, конат ванстыть ды лецить те эли тона экшендемань орманть.

Фитотерапия

Фитотерапиясь а лади пешксесэ аватненень ды эйкакшонь андыцятненень. Сыненст мереви чайс каямс ансяк мелиссанть ды мятанть, бути ёматы удомаст.

Сехте кажов тикшетне пешксесэтненень – барбарисэсь, тысячелистникесь, карвотикшесь, ожо цецясь. Теде мик эйдень каявомат эрсить.

Пек ванома тикшень вечкицятненень сэпень ды пекекирдань орматнень пингстэ. Ансяк содыця врачось-фитотерапевтэсь соды, кодат тикшетне лездыть сэпенть функциянзо парсте топавтомантень.

Аллергиясо сэредицятненень тунь а мереви симемс тикшень ведте.

Кемнилее иес эйкакштненень а мереви врачонь апак кевксте лецямс тикшесэ.

Аламо кие соды седе, кода эряви ванстомс тикшетнень. Видестэ костязь тикшесь ванстови иень эли омбоце пель иень перть. Теде мейле сон ёмавтсы лезэвчинзэ ды канды зыян шумбрачинтень. Илядо стувтне, ютазь иень майстэ-июньстэ пурназь тикшетне тевс нолдавить ансяк те иень кизэнть прядовомс.

Тикшенть а мереви пурнамс автомобилень китнень, промышленной предприятиятнень, заводтнэнь, рудазов таркатнень маласто.

Тикшестэ заваркась мереви симемс ансяк се чистэнть, зярдо сонзэ теинк, шлямс эйсэнзэ мереви 48 часонь а седе ламо шкань ютазь.

Настойкатне ванстовить холодильниксэ ды симемс мереви колмо суткань перть, шлямс эйсэст 5 суткань, а бути каявить мазень теемстэ, косо ули ой (жир), сестэ 9 чиде а седе ламо шкань перть.

лопавтезь товзюро

Саема100 гкостязь товзюро цёратнень туртов, тейтерьаватнень –80 г. Кочксемат, шлямат лакавтозь лембе ведьсэ, седе тов ёрвалдомат кельме ведьсэ ды ацамат аволь чинь токамо таркас махровой нардамо лангс истя, штобу нардамонь омбоце песэнть сынь вельтявольть. Кастомат чинь ды вень перть, нурькинестэ, се шкас, зярс касовкстнэ кепедить1 мма седе верев. Теде мейле парсте сынст шлямат, колмоксть полавтома ведест ды мереви парсте порезь ярсамс. Бути пей ало кармить пек чикордомо, а поревить, сестэ сынст томбинк. Тень а мереви теемс кофемолкасо. Седе паро фарфорсто теезь кедьгесэ. Истя жо а мереви сюронть валомс лакиведьсэ, весе лезэв веществатне ёмить.

Овтоумарень витаминт

Саема20 гтомбазь овтоумарть, каяма эйзэст0,5 ллакиведь, пачтяма лакамос ды апокш толсо пидема 10 минутань перть пекстазь, теде мейле эштё кирдема лембе таркасо 4-6 част, педяма ды симема 1/3 стопка чизэнзэ 2-3-ксть. Истя тееви, бути организмасо а сатыть витаминт, ды экшендемань орматнесэ сэредемстэ паролгады ёжомарямось. Истя жо организмасто ливтевить зыянонь кандыця веществатне (интоксикациясь), лезды аволь благоприятной метеорологической фактортнэнь пингстэ.

симеде стамбарнэ

 

Бути ломаненть сеедьстэ кепедеви эли валги давлениязо, лиякс меремс, майси гипертониянь ормадонть, эли седеезэ маряви, санонь ормасо сэреди, сестэ тикшень лакиведесь эряви симемс стамбарнэ. Эште вейке пелема ули, кой-кона тикшетне истя молить вейке-вейке ёнов, аволь эрьва ломанесь сынст парсте содасынзе, ансяк тикшень коряс специалистэнтень эряви кемемс. Эдь аламо ломанть алкуксонь умбравонь тикшенть явсызь алашансенть эйстэ. А зяро зыянонь кандыця тикшеть! Саемс куш вараканьпря тикшенть (клеверэнть), ансяк вейке видэсь эйстэнзэ лезэнь кандыця. Секс пурнамодо икеле васняяк парсте тонавтнинк весе тикшетнень, конатне тенк эрявить.

чаень тикше

Саемс сёвонень вишка чайник, тов каяма 1 столовой пенч тапазь, коське чайтикше ды0,5 ллакиведь, кирдема 10 минутань перть ды симема пельстопкань туро. Тов мереви эштё каямс варения эли медь. Сон ловови организманть кемекстыцякс ды орманть а нолдыцякс.

медь марто Пинеметь

Саема 1 стопка пинемень зёрнат, 1 литра лакавтозь ведь ды апокш тол лангсо кирдема семс, зярс весе веденть эйстэ а кадови нилеце пельксэсь. Теде мейле сонзэ педяма ды симема пельстопкань туросо медь марто (чизэнзэ колмоксть-нилексть ярсамодо икеле). Те ведесь максы вийть, лезды желудканть, сюлотнень, эзнетнень сэредемстэ. Истя жо леци артритэнь орманть.

 

Новости

Предложенный ЕР законопроект о зачислении в ПФР конфискованных средств коррупционеров принят Госдумой в первом чтении

Госдума приняла в первом чтении законопроект, позволяющий перечислять в Пенсионный фонд Российской Федерации средства от реализации конфискованного имущества коррупционеров. С данным предложением ранее, 20 августа, на совместном заседании Генерального совета Партии и Совета руководителей фракций «Единой России» выступил секретарь Генерального совета Партии, вице-спикер Совета Федерации Андрей Турчак.

Подробнее ...
 
А.С.Пушкин лемсэ библиотекась тешкстызе чачома чинзэ

Сентябрянь 14-це чистэ Мордовия Республикань А.С.Пушкин лемсэ Национальной библиотекантень топодсть 119 иеть. Кенярксчинть кувалма библиотекань важодицятненень поздоровт ёвтась МР-нь Культурань, национальной политикань, туризмань ды архивень тевень министрась Анатолий Чушкин. Сон ёвтась покш сюкпря топавтовиця важодеманть кисэ, арсесь библиотекантень ансяк касомс-кепетемс ды муемс седе ламо од ловныцят.

Подробнее ...
 
Госдума приняла в первом чтении президентский законопроект о защите людей предпенсионного возраста

Рассматриваемый в Госдуме президентский законопроект, которым устанавливается уголовная ответственность за необоснованный отказ в приеме на работу или необоснованное увольнение лица по мотивам достижения им предпенсионного возраста, призван изменить отношение работодателей к сотрудникам старшего возраста. Об этом заявил первый заместитель руководителя фракции «Единой России» Андрей Исаев в ходе рассмотрения Госдумой законопроекта в первом чтении 13 сентября.

Подробнее ...
 
Лиседе чиеме!

Сентябрянь 15-це чистэ Саранскойсэ, Советской площадьсэ, ютавтови «Кросс-нации – 2018» Чиемань весероссиянь чись. Те  мероприятиясь карми молеме «Спорт против терроризма» девизэнть ало. Те тердеманть ало шожда атлетикань стартс лисить малав 4500 ломанть, юткозост совить шабра регионтнэстэ сазь инжетнеяк.

Подробнее ...
 
Ванстынк прянк грипптенть

Республикасонть ушодовсь грипптенть иммунизациясь. Кода пачтясть Роспотребнадзоронь региональной управлениясо, неть тевтнес нолдавить минсенек масторсо нолдазь вакцинатне, конатне ванкшнозельть парочинть ды зыяновчинть коряс. Неть: «Совигрипп» покштнень туртов ды «Совигрипп», конасонть арасть консервантт, эйкакштнень ды пешксесэ аватнень туртов. Вакцинатнень составс совить гриппень вирустнэнь актуальной штаммтне.

Подробнее ...