Рубрикатор

Здравоохранение Сценанть лангсо Ицялбуесь...
Сценанть лангсо Ицялбуесь...

 

Неть оймсема читнестэ Республикань Культурань Кудосо ютасть «Шумбрат, Мордовия!» народной творчествань фестивалень меельце концерттнэ. Кадовсь ансяк Гала-концертэсь, кона карми декабрянь 11-це чистэ. Сценанть лангс лиснесть Ицялбуень, Ковылкина ёнксонь ды Саранск ошонь округонь артисттнэ.

 

Коень коряс, тесэ важодсть декоративно-прикладной творчествань сюпав выставкатне. Кедьчелькев ломантне невтнесть эсь теевксэст: викшневкст-кодавкст, чувтосто теезь налкшкеть. Сельметькак а саевить те мазычиденть.

Выставкатнень вакссо седясть гармониятне, ломантне апак визде морасть ды киштсть. Весень чамасост неявсь мельспаронь ёжо.

Ицялбуесь эсест концертэнь программаст алтызь «Любовь и голуби» содавикс кинофильмантень. Ды лиссь те пек парсте. Райононть пельде морасть кода ансамблятне, истя жо ськамост морыцятне.

Кецявтызь ваныцятнень Ковылкина ёнксонь «Каприз» ды «Конфетти» эйкакшонь киштемань коллективтне. Ламо цяпамот алтавсть Валентина Сурняеванень, кона сонсь ладси ды морси частушкат. Парсте морась Надежда Павлова.

Саранскоень артисттнэнь концертэсь, нама, виевель. Кодат ансяк морот эзть мора! Ламотне саезь содавикс кинофильматнестэ. Парсте вастозельть 76№, 121№  эйдень кужонь эйкакштне, 7№ лицеень тонавтницятне.

Эрзянь ды мокшонь морот казсть ваныцятненень «Морденс», «Мерема», «Морама», «Ламзурь» фольклорной ансамблятне.

Весе артисттнэнень сюкпрянь валт ёвтась Саранскоень мэрэсь П.Н.Тултаев. Эряви меремс, сонгак морась ды седясь те чистэнть.

 

Якстере чевгельть

 

Новости

Чувашиясто – казне марто

 

Мартонь 24-це чистэ И.Я.Яковлев лемсэ Чувашиянь государственной педагогической университетсэ ютась этнопедагогикань ды поликультурной образованиянь коряс студентэнь Весероссиянь олимпиада. Сон алтавсь РАО-нь академикенть Г.Н.Волковонь 90 иетненень.

Подробнее ...
 
Од ломанень ассамблея

 

Мордовия Республикасо теезь «Молодежная Ассамблея народов России «МЫ – РОССИЯНЕ» Общероссийской общественной движениянь региональной отделения. Республикасонть од ломанень движениянь теемась карми общероссийской гражданской идентичностень формированиянть коряс ушодкстнэнень, раськетнень ютксо ояксчинь кемекстамонтень ды  межкультурной вейсэнь важодеманть келейгавтомантень лездамонь площадкакс.

Подробнее ...
 
Диктантось – эрявикс тев

Те иень апрелень 8-це чистэ Саранскойсэ малав 400 ломантне кармить «Тотальной диктантонь» участникекс. Мероприятиянь ютавтомань меленть шнызе Мордовиянь Прявтось Владимир Волков.

Подробнее ...
 
Сценанть лангсо Ицялбуесь...

 

Неть оймсема читнестэ Республикань Культурань Кудосо ютасть «Шумбрат, Мордовия!» народной творчествань фестивалень меельце концерттнэ. Кадовсь ансяк Гала-концертэсь, кона карми декабрянь 11-це чистэ. Сценанть лангс лиснесть Ицялбуень, Ковылкина ёнксонь ды Саранск ошонь округонь артисттнэ.

Подробнее ...
 
Мамаева омбоце

 

Ноябрянь васенце пельксстэнть евтазельть Россиянь республикатнень государственной кельтнень коряс школасо тонавтницянь ды студентэнь Весероссиянь васенце олимпиадань итогтне.

Подробнее ...