Рубрикатор

Здравоохранение Кода видестэ кирдемс постонть
Кода видестэ кирдемс постонть

 

Неень шкане ёвтавить ламо эрьва кодат а вейкеть мельть-арсемат постонь шкасто ярсамодонть. Веенст кортыть сывельденть ды ловсодонть нурька шкас кирдемадо, лият а шныть верекстэ эмежде ярсамонть. Кода улемс постонь шкасто пешксесэ тейтерь-аватненень? Неть ды ламо лия кевкстематнень лангс толковамот максы терапевтэсь Наталья Юрьевна Тарасова.

Сывелесь

Постто кортамонть ушодовлия бу Василий Великий святителенть валтнэстэ, келя, постось ванстсы ансяк чачозенть, путы превс одонть, мазылгавты сыренть (старецэнть).

Медицинанть вановтонзо коряс, ломаненть шумбрачинзэ невтьсы  сонзэ эрямонь лувось ды кода сон ярсы. Тень мельс саезь, постось кодамокс бу аволь уле, сон канды лезэ ломанентень. Эдь сонзэ юрсо ашти зыянонь кандыця продуктатнеде а ярсамось: ракшань белоктонть ды куядонть.

Постовамсто минь лоткатано куяв продуктатнеде ярсамо, мейсэ алкиньгавтсынек верьсэнек холестеринэнть.

Постонть покш лезэзэ истят стака орматнень а нолдамосо, кода гипертониясь, таргозьксэсь ды седеень-санонь сэредемась. Кодамокс эрси сынст тувталось? Те васняяк верень санонь стенкатнень коламось, сынь теевить седе эчкекс, кода рузокс мерить, теевить атеросклеротической бляшкат. Тувталокс тенень эрси нормадо велькска холестеринэсь, конадонть пек ламо сывельстэ ды скалой марто пидезь-панезь продуктатнесэ. Секс, зярдо кирдтяно пост (лоткатано ракшань, нармунень сывельде ярсамо, тов ловцоськак совавтови), ярсатано седе ламо эмежде, тикшеде, фруктадо, минь алкиньгавтано верьсэнек холестеринэнть ды теньсэ лоткавтано атеросклеротической бляшкатнень ламолгадоманть. Тень пингстэ а эряви стувтомс седе, пиресэ кастовиця ярсамопельсэнть улить аминокислотат, конат алкиньгавтыть холестеринэнть.

Лезэв ярсамопелекс лововить соясто теезь продуктатне, конатнеде истя жо сеедьстэ ярснить постонь шкасто. Сынь лездыть максостонть киртямс холестеринэнь секрециянть, мезесь истя жо лезды алкиньгавтомс холестеринэнь весе уровененть.

Свалшкань эрямосонок а сатныть эмежтне, сынст эйстэ теезь салаттнэ, пиже тикшетне: коперось, пиже чурькась, петрушкась ды истя седе тов. Минь жо бажатано седе сеедьстэ сывельде, колбасадо, коптязь ярсамопельде  каванямс эсь прянть ды тень  пингстэ седе аламо бу якавлинек. Весе те пачти куявчинтень (ожиренияс) ды атеросклеротической процесстнэс. Лиякс меремс, истят казямо орматнес, кода инфарктось ды инсультось. Постось куш нурька шкас лоткавты неть апаро тевтнень.

Эште весть мерян, бути ломанесь топавты ламо иень перть тонадовозь посттнэнь, сестэ те пек парсте неяви сонзэ ёжомарямосонть, сонзэ шумбрачисэнть. Бути эрьва чинь эрямосонть ков седе ламо ярсавлинек сеть продуктатнеде, конат меревить ярсамс постонь шкастонть, сестэ бу 90% паролгавтовлинек шумбрачинь невтевкстнэнь ды аламолгавтовлинек стака орматнень.

киртинк

ярсамопеленк

Чарькодеви, постось лезэнь кандыця ды аволь пек шумбра ломанеськак сонзэ ютавтсы эсензэ  рунгонтень зыянонь апак кандо.

Минь, врачтне, содатано ламо ломанть, кить эсест лангсо редизь, аволь пек ламо ярсамопелень сэвемстэ марясть лезэ. Эште вестькак тень эзь савкшно неемс, постось кинень-бути кандсь берянь ёжомарямо. Посттонть лезэсь эште сеньсэ, ломанесь сюпалгады духовна. Постонь кирдезь ломанесь бажи савтомс Пазонтень, нама, сонензэ васняяк эряви парсте чарькодемс эсензэ туртов – мекс ды мезень кисэ сон кирди пост. Теньсэ постось явови  диетатнеде, конатнень течи ламот нолдыть тевс. Содама, постонть ды диетанть аволь вейкеть смустест.

Мик истят стака орматнень пингстэ, кода онкологиясь, стака педиця орматне, максонть стакасто сэредемась (цирроз печени), сеедьстэ савсь редямс, кить кирдсть постонть, сеть ломантнень ежост паролгадоманть. Истя, медицинань препараттомо, ансяк постовазь зярыя недлянь ютазь минь неинек сэредицянть максостонть ферментэнь активностенть алкиньгадоманзо, сакшность нормас АЛТ-нь, АСТ-нь невтевкстнэ ды холестеринэнь обменэсь. Эдь максонь куялгадомань тувталтнэстэ вейкесь  – обменной процесстнэнь колавомась. Вейке сэредицянок туртов путозель раконь нилеце стадиясь. Орманть стакачинзэ лангс апак вано, химиотерапиянь курстнэнь ютамстояк свал кирдсь пост, ульнесь Пазнэнь пек кемиця ломанекс. Сон кеместэ аштесь пильге лангсо, сень лангс апак вано, што врачтне ёвтасть тензэ видестэ. Тейтерь-авась духовной вийтнень кирдезь эрясь пек кувать кажов диагнозонть марто ды казсь кеняркс малавиксэнзэ туртов.

Сэредицятнень марто кортамсто мон свал ушодан вейке ёвтамосто: «Ушодтано сехте эрявиксэнть эйстэ: ярсамопеленть киртямсто». Сеть сэредицятнень, кить лоткить куяв сывельде, тантей прякадо-мезде ярсамо, ютыть вегетарианонь ярсамопелентень, сахарост, холестеринэст, давленияст сыть нормас. Истят сэредицятненень минь истя жо мертяно седе ламо якамс, физической эрязачи невтемс. Лисни, орманть ушодовомсто, шумбрачись витеви надобиявтомо. Практикасон истямо тев аволь весть уш ульнесь.

Зярдо монень сы сэредиця, кинь верьсэ нормадо седе ламо сахар, чарькодян: васенце ёнксось – ломанесь аволь видестэ ярсы, лия ёнксось васенцеде лангс ливтеви сахаронь диабетэсь. Секс мон аволь сеске кармавтан сонзэ симеме препаратт, конат алкиньгавтыть сахаронть. Васняяк кевкстнеса, мезде седе сеедьстэ ломанесь ярсы, кодамо сонзэ питаниязо ды кармавтан постонь кирдеме. Истя минь добоватано паро результатт.

Монень а чарькодевить сеть, кить ловить пряст христианокс, посттонть кортамсто мерить истя: «Арась мелем», «А карман».

А согласян сень мартояк, зярдо ломантне (сехте пек Ине постонть ушодовомсто) арсить постонть вейсэндямс диетанть марто, штобу берякадомс. Тень минь а шнатано. Кемевтян, те аволь вейкеть тевть, сынст эрявить явомс.

Эште вейе ёнксто пачтян. Пазнэнь кемицятне постонть ушодыть кирдеме баславамодо мейле. Ёвтан эсь эрямостон истямо тев. Операциянь теемадо мейле пек кавтолдынь кирдеви-арась тень постось, сатыть ли виень? Пшкадинь те кевкстеманть марто минек батюшкантень, сон мерсь недляшкань туро аштемс вачо. Васень варштавкс лангс, стака орма цидярдынь, операция тень тейсть, батюшкась баславимим ды мон цидярдынь. Истя шождасто ютась шкась, ёжомарямомгак паролгадсь. Эште весть тешкстаса, бути тевенть теят баславамо вельде, сонсь Пазось теть лезды.

Весемеде

аламонь-аламонь

Постонь шкасто рационстонок сайтяно весе сывельстэ теезенть (кой-кона посттнэстэ калонтькак, ловцонтькак, алтнэньгак. Ярсамопеленек васняяк весе  касыцястонть, кой-зярдо ансяк  мереви кал. Постонть лезэвстэ ютавтомсто эряви а стувтомс меранть. Пек ламо пижеденть ды верек эмежтнеде а мереви ярсамс, иляст лисе стакачить желудканть ды сюлотнень марто. Весементь ярсама аламонь-аламонь, штобу желудкась пек а эцевель. Касыця  ярсамопеленть сэвемстэяк эряви содамс норманть.

Илинк стувтне

кашанть

Теде башка эрьва чистэ ярсама кашатнеде: пинемень, ликшань, рисэнь, суронь. Пинеменсесь пек лезэв. Кезэрень шкасто саезь минек покштятне-бабатне пинемень почтсто тейсть поза, конась антибиотиктеме педиця орматнень изнясь. Ломантне витсть шумбрачист истямо сюлонь стака ормадонть, кода дизентериясь.

 

Бути ломанесь педиця орманть пингстэяк видестэ ярсы, сестэ пелевидьс, эли мик 90% паролгады шумбрачизэ. Эряви свал ярсамс сюпав клетчатка марто ярсамопельде: брокколиде, брюсселень капстадонть – сынь покш  лезэнь кандыцят. А вана лия капстатнень, сехте пек салтозенть желудканть сэредемстэ мереви седе аламо сэвемс.

 

Новости

«Маска» АРТ-кафесэнть – кулинаронь-футболонь матчт

 Мейсэ Мордовиясь карми андомо ды дивавтомо 2018 иень Футболонь коряс масторлангонь чемпионатонь инжетнень? Неть салавачитнень панжомга «Маска» АРТ-кафесь ютавты кулинаронь-футболонь матчт. Кафень инжетнень туртов тесэ пидевить-паневить чемпионатонь мастортнэнь-участницатнень раськень ярсамопельть. Сынст варчамодост мейле эряви максомс вайгель вечкевикс ярсамопеленть кисэ ды анокстамс-пурнамс 2018 иень Футболонь коряс масторлангонь чемпионатонь ваныцятнень ды эсенк туртов меню.

Подробнее ...
 
Инжетненень невтема национальной культуранть мазычинзэ

Мордовиянь Прявтось Владимир Волков неть читнестэ вастневсь «Ассоциация финно-угорских народов» общественной вейсэндявксонь председателенть, Саранск ошонь администрациянь прявтонть Пётр Тултаев, ды эрзя-мокшонь раськетнень регионъютконь общественной вейсэндявксонь исполкомонь председателенть Александр Лузгин марто.

Подробнее ...
 
Кулят Ошонь Администрациясто

Пондельникстэ, мартонь 26-це чистэ, ошонь Администрациясо ютась оперативной совещания, конань ветясь ошонь округонь прявтось Петр Тултаев. Промксось ушодовсь Кемерова ошсо чавовозтнень коряс чатьмонемань минутасто. Саранскоень мэрэсь тешкстызе: «Объекттнэнь эксплуатацияс совавтомга вешематнень эрявить полавтомс. Минек ошсояк, койсэнь, микшнемань ламо комплекстнэ кандыть зыян. Саемга, ульнинь «Киномакс-Победа» кинотеатрасо ды сеансто мейле дивазевинь, лисема таркась вейке! Бути мезеяк тееви, арседе тынсь, мезе карми! Икелень шкатнестэ тосо ульнесть совамонь-лисемань кавто таркат. Сестэ строительтне арсесть зыяндо ванстоманть коряс. Паряк эряви анокстамс законодательной инициатива, проектно-сметной документациясь ютаволь экспертиза безопасностень лувтнень коряс».

Подробнее ...
 
Шумбрачинь чи

Эйзюрковонь 3-це чистэ Саранскойсэ ютавтови ошонь Шумбрачинь чи. Ленинской ды Пролетарской райононь парктнесэ, Экопарксонть ды конькасо кирякстнема таркатнесэ (Коваленконь, Гожувской куротнесэ ды «Саранск» стадионсонть) 11.00 чассто ушодовить концерттнэ, 12.00 чассто – спортонь пелькстамотне. Ленинской районсо арсевить «Тетям, авам, мон – спортонь семия» стартось, эрьва кодат пелькстамот ды квестт.

Подробнее ...
 
Чемпионатонть шкасто транспортонть ды общественной таркатнень важодемадо

Ошонь мэрэнтень эрицятнень пельде сеедьстэ максовить кевкстемат, кода Футболонь коряс масторлангонь чемпионатонь шкастонть кармить важодеме общественной транспортось, рынкатне ды микшнемань лия таркатне.

Подробнее ...