Рубрикатор

Витаминт

 

Тундось – иень сехте кенярксов шка. Ансяк сонзэ самонть марто сюлмавозь а кенярдовтыця тевтькак. Стака кецямс эрямонтень, бути тынк арасть виенк, нувсетядо, ацирьгалетядо стяконь тевень кисэ, черенк лоткасть цитнемеде ды кармасть шождасто синдтревицякс, чамакиськенк луводи. Весе неть невтевкстнэ кортыть витаминтнэнь асатомадост (авитаминоз).

 

Витаминтнэнь асатомаст кувалма пштилгадыть организмасонть улиця орматне. Седе сеедьстэ те эрси тундонть ушодовомсто. Кизэнь коряс тельня минь ярсатано ков седе аламо свежа фруктат ды эмежть. Сетнесэ жо, конатнень минь сэвсынекак, пек аламо витаминт. Тундос ванстовозь фруктатнесэ ды эмежтнесэ лезэв микроэлементтнэде кавксть седе аламо. Бути организмасонть а саты куш вейке витамин, сон вети аволь вадряс: колавить полавтневемань процесстнэ, пштилгадыть хронической орматне, ломанесь карми эчкелгадомо, эли, мекевланк, коськи, мазычизэяк еми.

витаминэнь

асатомась

Витаминэнь асатоманть эряви лецямс. Ламот арсить, кизна минь карматано ярсамо ламо эмежть ды фруктат, ды стакачитне ютыть сынсь.

Ансяк те тевенть а мереви кадомс мельтеме. Ярсамопельтнень сэвемстэяк минь аволь свал сайсынек эрявикс витаминтнэнь ды микроэлементтнэнь. Эрявикс норманть получамга ломанентень чизэнзэ сэвема 1,5 килот фруктат ды эмежть. Нама, тень теемс пек стака. Секскак витаминэнь асатомань васенце невтевкстнэнь редямсто эряви симемс витаминэнь цела курс. Поливитаминтнэ микшневить эрьва аптекасо. Седе вадря васняяк кортамс врачонть марто ды вейсэ кочкамс тыненк ладиця витаминтнэнь. Витаминтнэнь мереви симемс валске марто, мельганзо симемс газтомо ведь.

 

Лезэв

ярсамопельть

Икелепелев эряви арсезевемс тундонь витаминэнь асатоманть а нолдамонть коряс. Теньсэ лезды видестэ ярсамось-симемась.

А витаминэсь ули скалойсэнть, морковсонть, якстерькайсэнть.

В1 витаминэсь – сюросонть, чапамо ловсосонть.

В2 витаминэсь – сырасонть, ликшань, пинемень ямкстнэсэ.

В6 витаминэсь – саразонь ды скалонь сывельтнесэ, пешттнесэ, фасольсэнть, модамарьсэнть.

С витаминэсь – умарьтнесэ, овтоумарьтнесэ, цитрусовойтнесэ, облепихасонть.

Профилактиканть туртов витаминэнь комплексэнть мереви симемс теленть прядовомсто ды тундонть ушодовомсто. Якшамо шкастонть а мереви ярсамс ансяк лапшадо, сывельде, ристэ ды прякадо. Организманть эряви сюпалгавтомс клетчаткасо ды минералтнэсэ. Секскак тунда мереви ярсамс ямксто, калдо, фруктадо, эмежде. Бути кортамс фруктатнеде, тунда бажадо седе ламо сэвемс кельмевтезь фруктатнеде: куроксто кельмевтемась лезды ванстомс седе ламо витаминт. Ламо лезэв микроэлементт ванстовить кудонь анокставкстнэсэ – варениятнесэ, салтовкстнэсэ, косьтязь эли кельмевтезь ягодатнесэ, эмежень ды фруктань соктнесэ.

Мезе ломаненть туртов сехте прявтось? Нама, шумбрачись! Бути арась шумбрачи – сюпавчиськак а канды кодамояк кенярксчи. Лезэв ярсамопелесь – те аволь ансяк мазый валт, те мазычинь ды шумбрачинь прявт пельксэсь. Сон лезды ломанентень марямс прянть шождасто, виевстэ. Видестэ ярсамс аволь истя стака, кода маряви васенце вановтонть коряс. Ютамс лезэв ярсамопельтнес эряви аламонь-аламонь. Тень туртов а эряви рамсемс питней ярсамопельть, ламось ашти сень эйстэ, кода тынь пидесынк неть сэвемапельтнень.

Чизэнзэ мереви сэвемс эрьва кодат ярсамопельть: фруктат, эмежть, ягодат, пангт, ямкст, сывель, кал, ловсонь ярсамопельть, алт, пештть, ой ды истя седе тов. Ярсамс эряви чизэнзэ нилексть, аламонь-аламонь. Эряви бажамс ярсамс эрьва чистэ секе жо шкастонть, те канды покш лезэ пекень важодемантень. Бажадо сэвемс седе аламо сал, сеедьстэ тевс нолдадо йодсо сюпалгавтозь салонть. Седе вадря ули, бути пидевксэнк улить аламодо салтомот.

Сахаронь сэвемантькак эряви киртямс. Сонзэ сеедьстэ мереви полавтомс медьсэ. Медень зярыя пенчтнень сэвемась сюпалгавтсы организманть эрявикс витаминтнэсэ ды минералтнэсэ, кепедьсы иммунитетэнть. Ансяк илядо кая меденть пси чайс, теде медесь емавтсы лезэвчинзэ.

Чинь перть бажадо симемс седе ламо ванькс ведь. Сон пек эрявикс минек организманть туртов. Ведесь канды покш лезэ чамань кедентень, ливти организмастонть а эрявикс токсинтнэнь. Вадря ули, бути чизэнзэ симтядо малав 2 литрат ведь. Ансяк а мереви ламо симемс мадемадо икеле.

Эряви пштистэ ваномс - весе ярсамопельтне улест свежат. Седе вадря пидемс ярсамопеленть вишка порциясо, аволь покш кастрюля цела недляс. Куватьс ванстомсто ярсамолесь сырги. Лавкав молемстэ эряви пштистэ ванномс, илязо юта продуктань ванстомань шкась.

Седе сеедьстэ мереви ярсамс духовкасо пидезь ярсамопельде, ды седе чуросто – рестазь. Покш лездыцякс лезэв ярсамопелень пидемстэ ули пароваркась. Пидемс эйсэнзэ шожда ды курок. Паронть вельде пидезь ярсамопельтнесэ ванстовить лезэв весе витаминтнэ. Теде башка, тов а мереви каямс ой, тень вельде ярсамопельсэнть тееви аволь ламо холестерин.

 

Кода ванстомс

витаминтнэнь?

Ярсамопельтнень лезэвчист ванстомга эряви топавтомс зярыя аволь стака вешемат:

- сэвемапельтнень эряви ванстомс чопода экше таркасо;

- илядо кирде фруктатнень ды эмежтнень куватьс ведьсэ;

- бути сывеленть ды калонть пидемс фольга потсо, сестэ эйсэст ванстовить седе ламо витаминт. Микроволновкась – лезэв ярсамопеленть ятозо.

- седе сеедьстэ пидеде ярсамопеленть пароваркасо;

- сывеленть солавтодо холодильниксэ. Солавтоманть туртов а мереви путомс сонзэ ведьс.

- ведьсэнть, косо лопавтевсть бобатне, пек ламо витаминт, илинк ерто сонзэ, каинк пидемстэ.

- илядо сеедьстэ човоря пидевиця ярсамопеленть;

 

- пидезь ярсамопеленть эряви сэвемс сеске, а кирдемс куватьс.

 

Новости

«Маска» АРТ-кафесэнть – кулинаронь-футболонь матчт

 Мейсэ Мордовиясь карми андомо ды дивавтомо 2018 иень Футболонь коряс масторлангонь чемпионатонь инжетнень? Неть салавачитнень панжомга «Маска» АРТ-кафесь ютавты кулинаронь-футболонь матчт. Кафень инжетнень туртов тесэ пидевить-паневить чемпионатонь мастортнэнь-участницатнень раськень ярсамопельть. Сынст варчамодост мейле эряви максомс вайгель вечкевикс ярсамопеленть кисэ ды анокстамс-пурнамс 2018 иень Футболонь коряс масторлангонь чемпионатонь ваныцятнень ды эсенк туртов меню.

Подробнее ...
 
Инжетненень невтема национальной культуранть мазычинзэ

Мордовиянь Прявтось Владимир Волков неть читнестэ вастневсь «Ассоциация финно-угорских народов» общественной вейсэндявксонь председателенть, Саранск ошонь администрациянь прявтонть Пётр Тултаев, ды эрзя-мокшонь раськетнень регионъютконь общественной вейсэндявксонь исполкомонь председателенть Александр Лузгин марто.

Подробнее ...
 
Кулят Ошонь Администрациясто

Пондельникстэ, мартонь 26-це чистэ, ошонь Администрациясо ютась оперативной совещания, конань ветясь ошонь округонь прявтось Петр Тултаев. Промксось ушодовсь Кемерова ошсо чавовозтнень коряс чатьмонемань минутасто. Саранскоень мэрэсь тешкстызе: «Объекттнэнь эксплуатацияс совавтомга вешематнень эрявить полавтомс. Минек ошсояк, койсэнь, микшнемань ламо комплекстнэ кандыть зыян. Саемга, ульнинь «Киномакс-Победа» кинотеатрасо ды сеансто мейле дивазевинь, лисема таркась вейке! Бути мезеяк тееви, арседе тынсь, мезе карми! Икелень шкатнестэ тосо ульнесть совамонь-лисемань кавто таркат. Сестэ строительтне арсесть зыяндо ванстоманть коряс. Паряк эряви анокстамс законодательной инициатива, проектно-сметной документациясь ютаволь экспертиза безопасностень лувтнень коряс».

Подробнее ...
 
Шумбрачинь чи

Эйзюрковонь 3-це чистэ Саранскойсэ ютавтови ошонь Шумбрачинь чи. Ленинской ды Пролетарской райононь парктнесэ, Экопарксонть ды конькасо кирякстнема таркатнесэ (Коваленконь, Гожувской куротнесэ ды «Саранск» стадионсонть) 11.00 чассто ушодовить концерттнэ, 12.00 чассто – спортонь пелькстамотне. Ленинской районсо арсевить «Тетям, авам, мон – спортонь семия» стартось, эрьва кодат пелькстамот ды квестт.

Подробнее ...
 
Чемпионатонть шкасто транспортонть ды общественной таркатнень важодемадо

Ошонь мэрэнтень эрицятнень пельде сеедьстэ максовить кевкстемат, кода Футболонь коряс масторлангонь чемпионатонь шкастонть кармить важодеме общественной транспортось, рынкатне ды микшнемань лия таркатне.

Подробнее ...