Рубрикатор

Cобытия недели
Кудонь кенкшензэ свал ульнесть панжадот

2014 иень июлень 31-це чистэ эрзянь содавикс критикентень, литературоведэнтень Василий Владимирович Горбуновнень чачома чистэнзэ саезь топодсть 100 иеть. Те покшчинть кувалма МР-нь Правительстванть юрсо Гуманитарной наукань научно-исследовательской институтсо ютась Учёной советэнь промкс. Тесэ ледстнесть филологиянь наукань докторонть, профессоронть, СССР-нь Писателень союзонь членэнть В.В.Горбуновонь валдо лемензэ. Институтсонть учёноесь ламо иень перть важодсь ды ульнесь тесэ прявтокс.
Вастовоманть ушодызе НИИ-нь прявтось, профессорось В.А.Юрчёнков. Сон тешкстызе, келя, теевсь паро коекс эрьва кемень иень ютазь вана истя пурнавомс ды ледстнемс В.В.Горбуновонь. Сонзэ валонзо поладынзе литературоведэсь, критикесь, педагогось Генрих Иванович Горбунов, учёноенть малавиксэзэ. Лелядонзо ёвтнесь ламо ды домкасто.

Подробнее...
 
Пачалксень панеме тонадсь армениянь эрзятнень пельде

Неть читнестэ минек редакцияв совсесь инже. Сусанна Дегоян энялдсь кедьстэнек муемс тензэ рузонь-эрзянь валкс. Мезекс армянонь авантень валксось? Теевинек мартонзо содавиксэкс.
Сусанна Цатуровна чачсь Армениянь Баязетовской райононь Сарухан покш велесэ. Сынст семиясо трясть-кастсть 7 эйкакшт. Тетязо – Ине Отечественной войнань участник, сась фронтсто омбоце группань инвалидэкс. Покштязо эсензэ ёнкссо панжтнесь школат, кудова яказь, пурнась тов тонавтнеме эйкакшт. Сонсь тонавтсь эйсэст ловномо ды сёрмадомо. Сусанна школанзо прядомадо мейле тонавтнесь Ереванонь педагогической училищасо. Мейле комсь иень перть важодсь начальной классонь тонавтыцякс. Те тевесь ульнесь сонензэ оймень коряс.
Аванть мирдезэ важодсь Россиясо, минек республикасо. Шкань ютазь, сон тердизе нинть самс варштамо Мордовияв. Ульнесь мелезэ ускомс семиянзо эрямо тей.

Подробнее...
 
«Вайгелесь» кецявты кунсолыцянзо раськень ёжосо

«Вайгель» национальной радиоканалось ушодсь важодеме 2007 иестэнть саезь 73, 88 УКВ частотасонть. Эфирэнь шкась – 16.00 чассто саезь 19.00 часос. Радиось гайги эрзянь ды мокшонь кельтнесэ, пачти республикань общественно-политической, социально-экономической, образованиянь ды культурань эрямодо. «Вайгелесь» яви покш мель эрзянь ды мокшонь кельтненень, литературантень, койтненень-кирдатненень. Эфиртнэсэ ёвтневи, кода эрить Мордовиянь ды сонзэ томбале эриця эрзятне-мокшотне. Кунсолыцятне содавтовить финнэнь-угрань раськетнень марто. Ды, нама, радиосонть свал гайгить тиринь кельсэ кезэрень ды неень шкань морот.
«Вайгельсэнть» важодить од ломанть, конат прядызь Н.П.Огарёв лемсэ МГУ-нь «Журналистика» отделениянть. Сынь парсте кортыть эсест тиринь кельсэ, тевень содазь саить интервьют, вадрясто анокстыть эфиртнэнь. Путыть весе виест ды оймест вечкевикс тевентень.
Кода эри «Вайгелесь» неень шкане? Течинь номерсэнть миненек пачти радиоканалонь корреспондентэсь Светлана Сюваева-Ёжикова.

Подробнее...
 
«СМИротворец» конкурсось

Те иень августонь 22-це чистэнть ушодызе важодеманзо «СМИротворец» весероссиянь журналистэнь конкурсось. Сонзэ участникекс яволявтовить федеральной, региональной ды этнической СМИ-тне, конатнень материалост межэтнической отношениятнень теманть лангс ульнесть печатазь (эли лиссть эфирс) 2013 иень августонь 1-це чистэнть саезь 2014 иень августонь 1-це чинть видьс. Материалтнэнь ванкшномо ды питнейчинь максомо кармить кавто специализировазь жюрить, конатне кочкасызь СМИ-тнень ютксто сехте партнэнь «Телевидение», «Радио», «Печать», «Интернет», «Эйкакшонь ды од ломанень СМИ-тне» ды «Рузонь мир» лемтнесэ. Кода толковизь конкурсонь оргкомитетсэнть, лемсэнть «рузонсесь» – те чарькодемась цивилизационной, конась сравтовсь весе постсоветэнь пространстванть эзга ды кирди мельсэнзэ философиянть ды эрямонтень ломантнень отношенияст, истя жо мирэнтень ды вейкест-вейкест туртов, конат аштить Россиянь государствань историянть базань питнейчитнень лангсо. Важодевкстнэ примавить 2014 иень октябрянь 1-це чинть видьс. Седе парсте содамонть кис ванодо сайтонть: www.nazaccent.ru

 
ОТЯЖЕЛЕНТЕНЬ – 120 ИЕТЬ

Отяжеле посёлкась стявтозель 1894 иестэнть, зярдо тия кармась молеме Московонь-Казанень чугункань кись. Те станциясь уставась аламонь-аламонь касомо ды ней уш тесэ эрить 6 тёжадо ламо ломанть. Станциянь васень эрицякс ульнесь Пётр Ефимович Мясников сокицясь-видицясь. Чугункань кинть кувалт тей кармасть само эрьва кодамо микшницят ды купецть. Тесэ вейке-омбоце мельга кармасть панжтневеме лавкат, склад ды эрьва кодамо конторат. Чугункань кись путсь покштояк покш ушодкс станциянть келейгавтоманзо ды кастоманзо туртов. 1919 иестэнть Отяжелентень лоткакшнось «Октябрянь Революция» Михаил Иванович Калининэнь прявтсо агитпоездэсь.

Тешкстасынек, меельце шкастонть Отяжелесэ теезель пек ламо. 1998 иестэнть посёлкасонть панжозель АЗС-37, ниле иень ютазь стявтозель почтань отделениянь од зданиясь, реконструировазель 1 № эйкакшонь садикесь, кемень иеде теде икеле стявтозель сквер, фонтан ды Славань аллеясь. 2005 иестэнть ацазель од ки ланго Низовка велев ды Дубёнкав. Эштё иень ютазь Отяжелес панжозель спортонь дворец, соксонь база, витнезель-петнезель больницясь. 2008 иестэнть педе-пев витнезельть васенце микрорайононь кудотне. 2011 иестэнть тесэ панжозель В.Г.Шуваловонь лемсэ Эень дворецэсь.

Подробнее...
 
<< Первая < Предыдущая 31 32 33 34 35 36 37 38 Следующая > Последняя >>

Страница 38 из 38

Новости

«Единая Россия» возьмет на контроль реализацию закона о паллиативной помощи

Партия «Единая Россия» поддержит парламентский мониторинг за реализацией закона о паллиативной помощи. Об этом заявил член общественного совета партпроекта «Единой России» «Здоровое будущее», член комитета Государственной Думы по охране здоровья Юрий Кобзев. 

Подробнее ...
 
150 человек пройдут обучение в рамках модуля «Политический лидер» Высшей партийной школы «Единой России»

Первые занятия стартуют 25 февраля

Экспертной группой первого модуля Высшей партийной школы «Единой России» «Политический лидер» по итогам всех испытаний из более чем 6,6 тысяч участников были отобраны 150 слушателей. Из них 50 приступят к учебе уже с 25 февраля, еще 100 пройдут обучение в Высшей партийной школе в следующих потоках в марте-апреле. Конкурс на участие в проекте составил 44 человека на место.

Подробнее ...
 
Республикадонть – социальной сетьсэ

Печатень кудонь Пресс-центрасо аволь умок ютавтовсь мероприятия, конанть лувсо невтевсь социальной сеттнесэ Мордовия Республикань официальной аккаунтось. Пилотной нолдамось ульнесь уш даволковонь 1-це чистэ, секскак васень подписчиктне уш ванызь контентэнть вадрячинзэ.

Подробнее ...
 
Ловонть ускома шкастонзо

Неть читнестэ Саранскоень Администрациясо ютавтозь промкссонть башка мель явовсь ошсонть эйсюротнень, эенть ды ловонть урядамонь кевкстемантень. Ленинской райононь прявтось Александр Юткин ёвтнесь, управляющей компаниятне тагояк рамасть сал китнень ды ютамо таркатнень почодомс. «Эйсюротнень урядамонь коряс роботатне ветявить эрьва чистэ. Тевенть топавтыть верьга якицят ды специализированой техника», – пачтясь Александр Юткин.

Подробнее ...
 
Автобусонь од маршрут

Ошонь прявтось сонсь ловны эрицятнень сёрмаст, конат кучовить сонзэ лемс. Мэрэнть кедьсэ промкссонть Пётр Тултаев пшкадсь Транспортонь управлениянь прявтонь полавтыцянтень Елена Потапованень: «Сась пеняцямо, конасонть тешкстави, автобуссо эли троллейбуссо ардоманть кис карточкасо пандомадонть мейле ярмактне саевить аволь сеске эли аволь зняро эряви. Ломантне арсить те «Горэлектротранс» муниципальной предприятиянть вановтост ало. Ёвтадо: кие чумось ды ков пшкадема?»

Подробнее ...