Рубрикатор

Cобытия недели
СЫНЬ ВАНСТЫТЬ ВИРТНЕНЬ

Ютазь недлячистэ тешкставсь Вирень важодицятнень чись. Икелень пецястонть Мордовиянь раськень драмань театрасонть пурназель торжественной промкс, кона алтавсь профессиональной кенярксчинтень. Мордовиянь Прявтонть Владимир Волковонь пельде республикань вирень отраслянь важодицятненень лембе поздоровт ёвтась МР-нь Правительствань Председателесь Владимир Сушков.

– Эрьва сёксня минь ёвтатано сюкпрянь валт вирень хозяйствань важодицятненень, вадря специалисттнэнень, конат вечксызь эсь тевест ды топавтыть сонзэ кода эряви. Минь тешкстатано сеть ломантнень, кинь важодемаст сюлмавозь вирень вельмевтеманть ды ванстоманть, мельганзо якамонть марто, – мерсь Владимир Сушков.



Подробнее...
 
Мордовиянь полицейскойтне макссть 55 литрат верь!

Неть читнестэ Мордовиянь полицейскойтне вейсэ «Мордовская республиканская станция переливания крови» ГБУЗ-нть марто ютавтсть Доноронь чи. Акциянтень мель явсть аволь ансяк МР-нь МВД-нь сотрудниктне, истя жо коллегаст Росгвардиясто. Верень максомань мобильной пунктось аравтозель МВД-нь зданиянть ваксс. Васняяк умонь ды од донортнэ сёрмадсть анкетат, козонь тешкстызь эсест ланга эрявикс даннойтнень, мейле ютасть тест гемоглобинэнть ды верень группанть явомань коряс. Меельцекс ютызь терапевтэнть. Вейке чис верень саема станциянтень максозель 55 литрат верь! Тосо тешкстызь, минек региононь МВД-сь – сехте эряза ведомства, конась свал анок самс истямо акцияв ды зярдояк медиктнень энялдоманть а кадсызь мельтеме. Полицейскойтнень вересь лезды лецямс ды идемс эрямост минек республикань зярыя эрицятнень.

Эряви тешкстамс, Мордовиянь МВД-сэ улить сядодо ламо сотрудникть, конатне максыть верь уш зярыяксть. Теде башка, сынь оштё кортавтыть те паро тевенть теемс ялгаст-ояст. Ниле полицейскойть кандтнить Россиянь Почетной доноронь лементь. Сынь макссть верь 40-де ламоксть ды 60-де ламоксть плазма. Иестэ иес верень максыцятнень командась МВД-сэ яла седе покшолгады.

Доноронь движениянтень региононь МВД-сь совась 2012 иестэ. Сестэ ГИБДД-нь региононь Управлениянь ДПС-нь башка батальононь 47 сотрудниктне ды республикань од ломанень организациятнень активисттнэ кармасть «Автомотодонор» МВД-нь Весероссиянь акциянь участникекс. Сынь вейсэ аволь ансяк макссть верь, истя жо ютавтсть флэшмоб авариясо чавовозтнень ледстнемга. Васенце акциянть шкасто максозель 20 литрат верь, конань ильтизь Саранск ошонь больницятнес. Се иестэнть саезь истят акциятне теевсть коекс. Верень саемань мобильной пунктось сакшны МВД-в иезэнзэ малав нилексть.

«Силовой ведомстватнень сотрудниктне явовить лиятнень эйстэ кеме шумбрачисэ, секскак малав эрьвась нолдави донациянтень (верень максомо), – ёвтни  «Медико-санитарная часть МВД России по Республике Мордовия» ФКУЗ-нь военно-врачебной комиссиянь прявтось, внутренней службань подполковникесь Алексей Викторович Вавилин. – Специалисттнэ тешкстыть, полицейскойтне свал анокт совамс доноронь рядтнэс».

МВД-нь прявттнэяк а аштить ве ёно. «Мон свал якан неть акциятнес, – ёвтни МР-нь МВД-нь министрань полавтыцясь, внутренней службань полковникесь Владислав Александрович Смирнов. – ДТП-с понгомадо кияк апак страхова, секскак  вересь  сеедьстэ эряви вакссонок эрицятненень. Арсян, эрьва ломаненть ды гражданинэнть долгозо – максомс  лезкс сетненень, кинень сон эряви».

Тедеде МР-нь МВД-нь доноронь движениясь седеяк келейгадсь. Зярыя сотрудникть ды министерствань важодицят регистрировизь пряст костной удемень (мозгонь) доноронь регистрантень. Сынь макссть верь ды анокстасть специальной анкетат. Неть ломантне васенцекс минек республикасо совасть истямо доноронь рядтнэс, ды ней сынст вересь карми лездамо «тюреме» стакадояк стака орматнень каршо аволь ансяк Мордовиянь, весе Россиянь эрицятнень лезэс.

 
В сентябре пройдет открытый LAN-турнир по СS:GO

Региональная физкультурно-спортивная организация «Федерация компьютерного спорта Республики Мордовия» при поддержке компании BYTEX и киберспортивного клуба АРЕНА13 организует турнир по Counter-Strike: Global Offensive.


Подробнее...
 
Седейризкс

Августонь 6-це чистэ тусь эрямосто Нина Андреевна Кипайкина, тонавтыця, эрзянь келенть содыця ды вечкиця, тонавтома книгань теиця-сёрмадыця, превей эрзянь ава.

Нина Андреевна чачсь 1939-це иень ноябрянь 5-це чистэ, а вана вельсоветэнь прявтось сёрмадызе чачома чинзэ ноябрянь 21-це чис. Паряк, те тувталоськак макссь тензэ обуця пингензэ перть, иетнень лангс апак вано, улемс обуцянь коряс одокс, свал бажамс содамочитнес, а пекстнемс ойменть-седеенть ломантнеде, кенярдомс эрьва чинтень, конань казиль тензэ Инешкипазось.



Одсто сон пек бажась улемс артисткакс. Тонавтнесь рольтнень, арсевтиль ды стыль эстензэ артисткань оршамопельть, налксиль чавачамо икеле ды малавикстнэнь туртов… Мейле ульнесь мелезэ молемс тонавтнеме медучилищав… Ансяк вана мольсь филфаков – ды лиссь эйстэнзэ пек паро тонавтыця. Васняяк ушодсь тонавтомо эйкакшт Кочкур буень Од Мурзасо ды Сурвелесэ, мейле комсь иеть тонавтсь студенттнэнень тиринь эрзянь келенть М.Е.Евсевьев лемсэ государственной педагогической институтсо, седе тов сон важодсь тонавтыцятнень содамочист кастомань институтсо, Ичалка буень Ламбаське велень школасо, Кочкур буень Семилей велень школасо. Эрьва косо сеске редявиль, кода парсте Нина Андреевна содасы тевензэ ды кода сон вечксынзе тонавтницятнень. Весемезэ сон важодсь тонавтыцякс колоньгемень колмо иеть ды теке шкастонть сёрмадсь-анокстась зярыя тонавтома книгат школасо тонавтницятнень туртов, практикумт – вузсо тонавтницятнень туртов, методической литература – тонавтыцятнень туртов. Н.А.Кипайкина казезь «За доблестный труд» медальсэ, сон Мордовиянь государственной премиянь лауреат. Эрзянь раськесэнть Нина Андреевнань ловить эрзянь келенть пек парсте содыцякс, пародояк паро тонавтыцякс. Ды кадык тень а стувтнить сы шкатнестэяк од пингень ломантне, савиндеряй оштё тенст кортамс эрзякс ды тонавтнемс эрзянь келенть. Кадык мельсэст-превсэст ванстови те лемесь, те ломанесь, кинь тонавтома книгатнень коряс тонавтнесть тиринь келенть эрзятне.

«Эрзянь правда» газетань коллективесь печти седейризкс Нина Андреевнань куломанзо кувалма ды ёвты седеймарямо сонзэ малавикстнэнень.

 14.08.2019

 

 
Строицятне тешкстызь кенярксчист

 Аволь умок МР-нь Прявтось В.Д.Волков ульнесь промкссонть, кона алтазель Строителень чинтень. Сон ютавтозель Саранск ошонь Рузонь драмань театрасо.

В.Д.Волков тешкстызе, Мордовиянь строительной отраслянь неень шкань историясь – те историясь сетнень, кить певтеме вечксызь эсь тевест. Неть – специалисттнэ, учёнойтне ды архитектортнэ, инженертнэ, проектировщиктне, каменщиктне ды штукатуртнэ, монтажниктне ды бетонщиктне, электриктне ды маляртнэ.

– Строительной отраслясь теевсь республикань комплексной виевгавтомань ловомань точкакс, – корты В.Д.Волков. – Мордовиянть туртов меельце иетне кармасть строителень алкуксонь келей кикс. Васня минь виевстэ строинек тёжа иень объекттнэнь. Мейле тевтне седеяк ламолгадсть Футболонь коряс масторлангонь чемпионатонтень анокстамсто. Ламо ломантне, кить кавто-колмо иеть арасельть Саранскойсэ, монень видькстасть, келя, Саранскоесь допрок полавтовсь вадря ёнов. Те весемесь теевсь тынк «сырнень» кедтнесэ.

МР-нь Прявтонть В.Д.Волковонь валонзо коряс, стадионось, аэропортось, гостиницатне, китне, инженерной сеттне, эрямо кудотне ды студентэнь общежитиятне, школатне ды больницятне, театратне, торгово-развлекательной куншкакуротне, од сквертнэ ды мазый лей чиртне – весе кармить служамо оштё ламо кементь иетнень перть Мордовиянь эрицятненень.

– Тесэ кода а ледстямс РФ-нь Президентэнть В.В.Путинэнь, кона покш мель яви Мордовиянть виевгавтомантень, – мерсь В.Д.Волков.

А мерят седе, течи Мордовиянь строительтне важодемстэ а вастнить стакачить. Сынь улить, ансяк неть стакачитне – нурька шкань. Икелепеле – виевгавтомань од эскелькс, кона сюлмавозь Мордовиясо национальной проекттнэнь эрямос совавтоманть марто.

– Конкурсонь процедуратнень парсте ютамонть пингстэ кото иень перть Мордовияв сыть федеральной бюджетстэ малав 55 миллиардт целковойть. Истянь зняро ярмакт Мордовияв оштё эзть сакшно, – тешкстызе МР-нь Прявтось В.Д.Волков.

Уш тедеде национальной проекттнэнь эрямос совавтомантень арсеви явомс 11 миллиард целковойть, топавтомс тевть капитальной витнемань коряс 208 объекттнэсэ. Те кемень эйдень кужот, кавто школат, Химмашсо эйдень поликлиникась ды онкодиспансерэнь поликлиникась, кавто ФАП-т, кеменде ламо культурань ды спортонь объектт, конатнень ютксо Республиканской някань театрась, спортивной площадкатне ды школань спортзалтнэ, культурно-досуговой куншкакурось ды кинотеатрась. Сави витнемс-петнемс малав 130 вайгельпеть кить ды мазылгавтомс малав 100 кудонь перька таркат.

МР-нь Прявтонть валонзо коряс, республикасонть виевстэ важодить истят подрядной организациятне, кода «СМУ 27», «СУ 13», «Фобос», «Магма-Строй», «Саранский ДСК», «Саранскстройзаказчик» холдингесь, «Анелиясь», «Ремстроесь» ды истя седе тов.

Течи Саранскойсэ поладовить строямонь тевтне «Юбилейный» эрямо комплексэнь колмоце ды нилеце микрорайонтнэсэ. Тосо арсеви строямс оштё 31 кудо, кавто эйдень кужот, 1500 таркас школа.

Теде башка, од эрямо микрорайонт теевить Васенко ды Лесная куротнесэ, Фурмановонь, Гагаринэнь ды Коммунистической куротнень маласо.

МР-нь Прявтось В.Д.Волков башка сюкпря ёвтась отраслянь ветерантнэнень, конатненень Прявтонть пельде максозь цецят.

Строительтненень истя жо поздоровт ёвтасть ды арсесть кеме шумбрачи, уцяска, важодемасо од изнявкст МР-нь Госсобраниянь Председателень полавтыцясь Иван Москаев, МР-нь Правительствань Председателесь Владимир Сушков, Правительствань Председателень полавтыцясь – Строительствань, транспортонь ды кинь хозяйствань министрась Виктор Цыганов.

Строительной отраслясо сехте вадрятненень максозь покш казнеть. Вана П.И.Автаевнень максозь «Почетный гражданин РМ» лемесь. Пётр Ивановичень покш таликазо республикань велетнес «сэнь уштомапеленть» ветямосо.

Кодамо кенярксчи моровтомо ды киштемавтомо! Мордовиянь филармониянь артисттнэ невтсть концерт.

 

Пётр Зиновьев

 
<< Первая < Предыдущая 1 2 3 4 5 6 7 8 9 10 Следующая > Последняя >>

Страница 3 из 46

Новости

Эрицятнень сёрмадстомантень анокстамотне ушодовсть



Малав ие кадовсь эрицятнень Весероссиянь сёрмадстоманть самс. Аволь умок МР-ва Федеральной службань государственной статистикань территориальной органсонть ютавтовсь вастовома, конанть шкасто видео-конференциянь лувсо ветявсь кортамо Росстатонь прявтонть Павел Малков марто. Вановсть сёрмадстомань шкатне ды невтевсь официальной тешксэсь.


Подробнее ...
 
В Мордовии собрано более 700 подписей на запрет «наливаек»
 
В Республике Мордовия завершились мероприятия по сбору информации и
подписей в поддержку инициативы об ограничении работы питейных заведений,
расположенных на первых этажах многоквартирных домов и придомовых
территориях в Республике Мордовия.

Подробнее ...
 
Награждение победителей акции «Здоровое питание - активное долголетие»
 
  Уже сегодня, 17 октября,  34 ученика из Мордовии отправятся на 12-ю  смену  
Международного детского центра «Артек». Победителей акции, их наставников и кураторов 
поприветствовал  секретарь Регионального отделения «Единой России» Владимир
Чибиркин. Он  подчеркнул, что пропаганда  здорового образа жизни и оздоровление нации 
являются одними из ведущих направлений деятельности «Единой России», акция 
реализуется в рамках партийного  проекта «Здоровое будущее».  Это дает свои плоды - с
каждым годом в нашей стране увеличивается  число неравнодушных людей,  которые 
начинают сами вести здоровый образ жизни и ведут за собой других.

Подробнее ...
 
В республике успешно реализуются социально значимые проекты первичных отделений «Единой России»
 
Первичные отделения поселка  Ромоданово и поселка  Зубова Поляна   успешно
реализуют на практике  свои социально  значимые проекты, удостоенные грантовой
поддержки по итогам конкурса проектов первичных отделений, инициированного 
«Единой Россией»
  Цель проекта  «Мы рядом», реализуемого в Ромоданове - помощь пожилым людям и 
инвалидам, имеющим  заболевания опорно-двигательного  аппарата.   Прокат технических 
средств реабилитации  организован на бесплатной основе для граждан пожилого возраста, не 
имеющих группы инвалидности, но,  в силу возрастных изменений или перенесенных 
заболеваний, травм, потерявших способность свободно передвигаться. В июле этого года в 
Ромодановском  местном отделении партии прошла  презентация проекта.  Открывая
презентацию,  секретарь  Ромодановского местного отделения Партии  Наталья Хомякова  
отметила, что  основная  задача проекта   помочь людям в трудный для них период 
реабилитации.


Подробнее ...
 
Баталина: Предложение Минтруда о новых правилах выплаты пособий по уходу за ребёнком создаст проблемы родителям
 
Предложение Минтруда, согласно которому претендовать на выплату 
пособия по уходу за ребенком до полутора лет может только тот, кто 
фактически ухаживает за ребенком, избыточно и может создать лишние 
проблемы родителям. Не исключено, что Фонд социального страхования при 
назначении будет требовать документально подтвердить, что именно 
заявитель (мать или отец ребенка) фактически за ним ухаживает. Об этом 
заявила первый заместитель секретаря Генерального совета «Единой России»
Ольга Баталина.
Подробнее ...