Рубрикатор

Cобытия недели Иван велявтсь кудов... войнасто
Иван велявтсь кудов... войнасто

Сизьгемень ниле иеть ютасть, кода прядовсь войнась. Эрьва Изнямонь чистэ ледстявить войнасо чавовозтнень, ёмазтнень лемест; весень, кить малавгавтсть изнямонть.

Дубенкасто ятонть каршо тюреме туекшнесть 7513 ломанть, пеледест ламотне эзть велявто кудов. Сынст ютксо Кочкур велень цёрась Кочетков Иван Васильевич. Сон чачсь 1911 иестэ. Тонавтнесь эсь велень школасо. Армиясо служамодо мейле аламос важодсь «Марс» (Кочкур велень) колхозсо. Урьвакстсь ды нинзэ марто туекшнесть Нижний Тагил ошов важодеме. Семиясь покшолгадсь: чачсть тейтерест ды цёраст, учость колмоце эйде...

Ушодовсь войнась ды Иванонь саизь фронтов. Низэ, Екатерина Васильевна, сайсь мель эйкакштнень марто сыргамс эсь велев. Эсеть ёнкс... Кода кортыть: эсеть ёно коштоськак лезды...

А шождаль эрямозо аванть велесэ. Кшисускомонь кисэ  важодсь ломанень хозяйствасо, эсест мезесткак арасель. Эйкакштнеде башка сынст марто эрясть сыре атявтозо ды ававтозо. Авась сонськак эзь сода, косто саевсть вийтне те стака канстонть кандомс. Кандсь. Кемсь: курок войнась прядови, Иван велявты кудов. Сынь таго кармить вейсэ.




1942 иень чадыковсто семиянтень сась апаро куля: Ржев ошонть ало тюремстэ ёмась кулявтомо Иван. Эзь кеме те апаро кулянтень авась. Сон кемсь: Иван сы кудов. Тейтерензэ ёвтнемаст коряс, Екатерина Васильевна малав кемень иеть яксиль Отяжелень станцияв поездэнь вастомо. А те ялго малав 20 вайгельпе.

Зярошка вий эрявсь авантень тень весе кандомс. Седеесь ялатеке кемсь: зярдо а зярдо сы Иван кудов.

2014 иестэ Екатерина Васильевнань нуцьказо Валерий Геннадьевич Журавлев «Подвиг народа» сайтстэнть мусь сёрмадовкс: «Кочетков Иван Васильевич сапёрось чавовсь Ржевской райононь Полунина веленть ало ды калмазь те велесэнть вейсэнь калмосо. Малавикстнэ те кулянть вастызь паро мельсэ: муевсь Иван,  муевсь тетяст, муевсь покштяст. Сайсть мель: пачкодемс тов, сюконямс калмозонзо. Лиссь истя: эзть сыргаво, эрямосонть эрьва кодат тамашат эрсить...

Екатерина Васильевна куломадонзо икеле (сон кулось колмо иеде икеле) пшкадсь тейтерензэ туртов: «Калмавтынк тетянк церьковасо, ней содатано: сон маштовсь». Нама, тейтертне топавтызь аваст кармавтоманть... Ды кулясь, муевсь тетяст, покштяст, весень талакавтынзе. Малавикстнэ сынсь содасть, мезе ульнесь потсост. Васняяк, кеняркс, окойники, тетяст велявты кудов васоло войнастонть. Сынь вастовить мартонзо. Эдь конаськак эйстэст сонзэ эзизе нее. Вера Васильевна Кочеткова, солдатонь тейтересь, ёвтызе весень пельде ёжост: «Кенярксонок мастордо – менельс…»

Ды те вастоманть казизе Кочетковонь покш родонтень (Иван Васильевичень 17 нуцьканзо, 27 правнуцьканзо, 25 праправнуцьканзо...) Чувашиянь И.И.Яковлев лемсэ государственной пединститутонь студентэнь войнасо чавовозтнень «Память» вешнема отрядось (командирэсь Н.С.Мясников). Сынст те ульнесь 5-це вахта. Сась отрядось Ржевской райононь Полунина веленть малас. Сындест икеле тесэ а весть ютасть вешнемат. Сынь васняяк ванкшнызь тюрема таркатнень. Нама, минектнень позицияст ятонтень парсте неявсть ды вийтнеяк ульнесть авейкеть. Ламо тезэнь маштовсть солдатт, ламот эзть учово кудов...

Е.В.Машнин, командирэнь полавтыцясь (сон муинзе И.В. Кочетковонь ловажанзо), кармась вешнеме колмо килейтнень ало, конатне кассть Раужо леенть чиресэ. Тестэ мусь РГД-33 граната. Седе тов поладызе вешнеманзо ды... эртевсь солдатонь челькес. Вешницясь састыне тейсь эсь тевензэ, капшамс а эряви, шкась ламо ютась. Ды кодамо ульнесь кеняркс, зярдо муевсь солдатонть медальонозо, конанть потсто мусть сёрмадовкст. Неть сёрмадовкстнэнь коряс кармасть содамо солдатонть лемензэ, чачома тарканзо.

Те вахтастонть вешницятне таргасть кемнилее солдатонь ловажат ды ансяк кавтотнень ульнесть сёрмадовкст медальонсост. Вейкесь ульнесь Иван Васильевич Кочетковонь. Сон тюремадо икеле эсензэ ланга сёрмадовкстнэнь путынзе медальонс. (А стяко велесэнть тензэ мерсть  – Мудрой Иван).

Цёратне муизь И.В.Кочетковонь малавиксэнзэ. Ёвтасть эсь муевкстэст... Лисни: Кочетков солдатось Полунинань вейсэнь калмосо арасель, сонзэ рунгось вельтявсь модасонть се таркасо, косо Раужо леесь пры Доброй леентень. Тосо, лашмосонть, маштовсь Иван...

Иванонь вастомо лиссь весе велесь, ламот састь омбо велестэ. Истят дивань тевть Дубенка ёно арасельть...

Веленть куншкасо Ине Отечественной войнасо чавовозтненень памятникенть ваксс путызь кандолазтнэнь. Райононь прявтось С.Г.Плешаков панжизе митингенть, конась алтазель И.В.Кочетковонь тиринь ёнксов пачкодемантень. Истя жо Сергей Геннадьевич ёвтась сюкпря «Память» вешницянь отрядонтень. Каршо валсонть командирэсь ёвтнизе, кода сынь вешнить войнань паксятнесэ, кода муизь Иван Кочетковонь ловажанзо. Солдатонть тейтерензэ туртов – Вера Ивановнанень ды Анна Ивановнанень – максызь тетяст муезь курмонзо-кармонзо. Иван Васильевичень малавикстнэ истя жо ёвтасть седейшкавань сюкпря тетяст муемань кисэ.

Митингтэнть мейле Кочкур велень церьковасо солдатонть лемс ютавтозель панихида. Ды веленек сыргасть ильтямо солдатонть меельце тарказонзо. Калмизь И.В.Кочетковонь нинзэ ды цёранзо ваксс. Окойники, пачкодсь Иван войнасто кудов...

Кадык чевте ацавксокс карми тензэ тиринь модась. Валдо ледстнематне сондензэ кадовить эрицятнень седейтнес.

 

Елизавета Бурнаева.

Кочкур веле

 23.05.2019

 

Новости

Партийцы провели мониторинг реконструкции здания детсада и парковой зоны в селе Большие Березники
Ремонтные работы проходят в рамках партийных проектов «Новая
школа» и «Городская среда»
В 2019 году на ремонтные работы и строительство дополнительного
корпуса к Большеберезниковскому детсткому саду «Теремок» выделено
около 53 миллионов рублей в рамках партийного и национального
проектов. Всего в районе 424 ребенка дошкольного возраста, в райцентре
Большие Березники проживает 326 детей. В электронной очереди на
получение мест в дошкольном учреждении стоят 77 ребят. В Больших
Березниках ждут открытия реконструированного детского сада с
нетерпением. Окончание работ запланировано на 31 октября. Депутат
Государственного Собрания республики Александр Акайкин,
представители районной администрации ,местного отделения партии
остались довольны качеством проведенных работ. Строящийся новый
корпус детского сада рассчитан на 60 мест. Здесь будут размещены
ясельные группы. Уже практически закончены строительно-монтажные
работы.
Подробнее ...
 
В День физкультурника в спортивных сооружениях Мордовии прошли Дни открытых дверей
День физкультурника широко отпраздновали в Саранске и районах республики. В этот день в физкультурно-оздоровительных комплексах и бассейнах, построенных в рамках реализации федерального партийного проекта «Строительство физкультурно-оздоровительных комплексов» в Республике Мордовия прошли спортивные праздники.


 
Подробнее ...
 
«Почти половина россиян готова проголосовать за "Единую Россию"
По сообщению  информационного агенства  ИНТЕРФАКС - "Единая 
Россия", КПРФ и ЛДПР прошли бы в Госдуму нового созыва в случае, если 
бы парламентские выборы проводились в ближайшее воскресенье, 
свидетельствуют данные опроса "Левада-центра", поступившие в 
"Интерфакс".
Согласно результатам социологического исследования, среди 
участников опроса, готовых отправиться в этот день на избирательные 
участки и определиться с партией, за которую хотят голосовать, 44% 
респондентов отдали бы предпочтение партии власти.
Подробнее ...
 
«Единая Россия» поддержала создание в каждом федеральном округе учебных центров для волонтеров
В каждом федеральном округе России при поддержке «Единой России», МЧС
России и Министерства просвещения появятся учебные центры для волонтеров.
Они помогут им получить необходимые знания и умения для оказания
эффективной помощи людям во время чрезвычайных ситуаций (ЧС). Об этом
заявил секретарь Генсовета «Единой России», вице-спикер Совета Федерации
Андрей Турчак во время посещения учебного центра Всероссийского
студенческого корпуса спасателей (ВСКС) в Москве.
Подробнее ...
 
Локомотивы роста: В ходе семинара обсудили расширение доступа субъектов малого предпринимательства к закупкам крупнейших заказчиков
В Торгово-промышленной палате при поддержке рабочей группы проекта
«Единой России« «Локомотивы роста» состоялось заседание, в ходе которого
обсуждались возможности расширения предпринимательства к закупкам крупнейших заказчиков. На встрече обсудили
меры финансовой поддержки субъектов МСП, способы их участия в закупках,
систему информационного обеспечения и контроль деятельностью.
«Сейчас для нас одной из главных задач является развитие промышленного и
высокотехнологичного малого и среднего бизнеса. Для этого нужно помочь
предпринимателям участвовать в закупках, в том числе и через механизм
лизинга», - сказал координатор партийного проекта «Локомотивы роста» в
республике Юрий Левашкин.