Рубрикатор

Cобытия недели Сатункинтнэнь династиясь пштистэ вансты сэтьмечинть
Сатункинтнэнь династиясь пштистэ вансты сэтьмечинть

 Сатункинтнэнь династиянть правань ванстомань органтнэсэ служамонь стажозо – вейксэньгемень кавто иеть! Те кудораськесь Чаунзань районсо содавикс. Сатункинтнэнь весе колмонест лелятне-ялакстнэ служасть милициясо: Иван Григорьевич ульнесь разрешительной системань коряс важодеманть прявтсо, конась видьстэ сюлмавозь оружиянть марто, Борис Григорьевич тусь пенсияв уголовной розыскень старшей оперуполномоченноень таркастонть, Анатолий Григорьевич 27 иень перть ванстсь сэтьмечинть Чаунзань китнень лангсо. Сонзэ тевенть поладызе Вячеслав цёразо, сон котоце ие важоди ГАИ-нь инспекторокс.




Сатункинтнэ чачсть-кассть кезэрень Мокшалей велесэ. Тетяст-аваст, Григорий Дмитриевич ды Марфа Никифоровна, трясть-кастсть сисем эйкакшт. Вишкинетнень туртов прявт невтемакс свал ульнесь тетяст, сон ютызе войнанть, 4,5 иеть ульнесь полонсо, войнадо мейле пингензэ прядовомс важодсь эсест велень колхозсо. Важодемантень вишка шкасто тонавтозельть весе эйкакштне. Кода ледстнить Борис ды Анатолий, каникулатнень шкасто сынь лездасть тетянстэнь колхозсо, теде башка, топавтсть кудоютконь весе тевтнень: ледсть ды анокстасть тикше ракшатнень туртов, андсть-симсть эйсэст, кастсть-мотыжасть модамарь, якстерькайть… Школаст прядомадо мейле, весе цёратне служасть армиясо. Ёвтасынек, покшось – Николай, моряк-подводник, службанть прядовомадо мейле кадовсь Владивостокс, 42 иеть алтась военной службантень. Иван служась пограничной войскатнесэ, велявтсь велев ды кармась Чаунзань ОВД-нь дежурной частьсэнть милиционерэкс. Зярыя шкань ютазь сон ютась милициянь райононь отделэв, косо ульнесь разрешительной системань коряс важодемань прявтокс. Сон кулось 62 иесэ, стакасто сэредемадонть мейле. Сестэ сон, отставкасо капитанось, уш пенсиясоль. Внутренней тевень органтнэсэ службантень макссь колоньгемень иеть.

Борис, армиясто велявтомадо мейле, кочкизе лелянзо кинть ды истя жо кармась милиционерэкс. Те шкантень Иван уш невтизе прянзо тевензэ вадрясто топавтыця сотрудникекс, конась пек вечксы эсь профессиянть. Обуцянь некеть жо ёнкстнэнь васенце читнестэ саезь невтинзе Борискак. Тесэ, Комсомольскоень отделениясонть, сон ютынзе од боецэнь курсатнень: дежурстват, зыянонь лисема таркатнес ардомат, чумондовицятнень кевкстнемат, документациянь анокстамот… Важодеманть вечкемась ды путозь тевтнень топавтомась – весе те малавикс Бориснэнь вишкапингстэ саезь. Васенце шкастонть сонензэ лездыцякс ды превспутыцякс кармасть – отделениянь прявтось Д.Д.Андриянов, И.Г.Городнов, В.И.Гусаров, Н.И.Наумов. Весе те лездась тензэ пурнамс покш опыт ды кастомс профессионализманть. Вете иень ютазь Борисэнь аравтызь Медаева ды Мачкасы велетнес участковой уполномоченноекс. Астяко участковоенть лемдить народной полицейскоекс, сон сехте малавикс эрицятненень, содасы эсензэ участкань эрьва ломаненть. Службань кевейкее иетнень перть Сатункин участковоентень савкшнось васенцекс лездамс эрицятненень, кить понгсть стакачис. Апак учо лисезь весе тевтнень топавтсь закононть ды видечинть коряс, бороцясь симицятнень ды аважодицятнень марто. Зярдо жо сайсь мель ютамс райононь ОВД-в, велень эрицятне куватьс кортавтсть сонзэ кадовомс, истя пек тонадсть эсест участковоентень. Од должностесь – уголовной розыскень старшей оперуполномоченной – вешсь Борисэнь пельде эсь вийтнень седеяк покш путоманть. Тевтне ламолгадсть: весе содыть, оперэнь тевтеемась аволь шождатнестэ, мекевлангт, стака, веши ламо вийть. Сон ды отделсэнть важодиця колмо цёратне ванность-панжсть весе преступлениятнень, конат лиснесть районсонть, вешнесть зыянонь топавтыцятнень, истя жо сетнень, конат кекшнесть следствиянть ды дознаниянть эйстэ, кулявтомо ёмазтнень, топавтсть профилактикань тевтеема.

– Савкшнось важодемс чинь-вень перть, лиясто колмо чить араселинь кудосо, – ледстни Борис Григорьевич. – Ансяк панжозь эрьва зыянов тевесь кепедсь минек бажамотнень од изнямотнес.

Якась командировкав Северной Осетияв. Тесэ, следствиянь-оперативной тевтнень топавтомсто, лездась бороцямс терроризманть каршо. Борис Григорьевич тусь пенсияв внутренней службань подполковникень званиясо, казезь Мордовия Республикава МВД-нь ламо грамотасо ды благодарностьсэ. Внутренней тевень органтнэсэ важодсь колоньгемень иеть. Нейгак сон пек учовиця инже Чаунзань полициясонть, кенярды, зярдо сонзэ тевенть поладыцятне панжить стака преступленият. Борис Григорьевич сови МВД-нь ветеранонь организациянтень, сеедьстэ якси эрьва кодат вастовоматнес.

Весе содатано, уцясканть туртов ломанентень эряви аволь ансяк важодемась, истя жо семиясо вечкемась ды лездамось. Вера Петровна нинзэ марто  эрить вейсэ ниленьгемень иеть, кавто эйкакшост, ниле нуцькаст. Олег цёраст прядызе юридической факультетэнть, ансяк тетянзо тевенть эзизе поладо.

Анатолий Григорьевич, кода кавто лелянзояк, милицияв сась армиясо служамодо мейле, кармась важодеме ГИБДД-нь инспекторокс. Сон 27 иень перть ванстсь эрицятнень эрямост ды шумбрачист Чаунза ёнксонь китнень лангсо. Кевкстеманть лангс: «Ламолгадсть-арась китнень лангсо зыянов тевтне?», мерсь: «Нама, 80-це иетнестэ районсонть ульнесть малав 300 машинат, ней жо кемень тёжат. Лиясто руленть экшс озыть иредьстэяк. Вана тень кувалма ламот зыянтнэ лиснитькак». Райононь весе китнень мельга пштистэ ванномась, кода ветницянть, истя жо ялго молицянть туртов сэтьмечинь топавтомась – прявт тевтне, конат лездыть а нолдамс китнень лангсо зыянов тевтнень, сынст лангс свал нежедсь ГАИ-нь инспекторось, ней отставкасо полициянь лейтенантось Анатолий Григорьевич Сатункин.

Сонзэ тевенть поладызе Вячеслав цёразо. Кото иеде икеле прядызе Россиянь МВД-нь Нижегородской академиянть ды велявтсь посёлкав. Сон – Госавтоинспекциянь инспектор. Вячеслав видькстась, свал ды весемесэ тетязо ульнесь ды кадови сонзэ туртов невтемакс. «Тетям свал ашти видечинь кисэ, служась честень ды закононь коряс, сонзэ пельде ули мезес тонавтнемс», – видькстась Вячеслав.

Сатункинтнэнь покш семиясь, кадык аволь сеедьстэ, ансяк юткошкань муезь, пурнавкшны тетяст-аваст кудос.

– Тетянок-аванок кирдсть минек кувалма покш каштанчи, – кортыть Борис ды Анатолий, МВД-нь ветерантнэ. – Сынь кастымизь алкуксонь ломанекс, тонавтымизь видестэ эрямо ды важодеме. А минь, васняяк, кирдтяно каштанчи сень кувалма, кочкинек милиционерэнь тевенть, ламо иень перть служинек Тиринь ёнксонтень ды Закононтень, кадовинек кемевиксэкс Присягантень, кандынек лезэ ломантненень.

 

Анокстызе Татьяна Аксенова

10.05.2019

 

Новости

В «Единой России» разместят на «Карте доступности» данные о кинотеатрах, оборудованных для людей с ОВЗ
Активисты партийного проекта «Единой России» «Единая страна – доступная среда»
разместят на созданном в рамках партпроекта портале для маломобильных групп населения
«Карта доступности» (kartadostupnosti.ru) информацию о кинозалах, оборудованных для
людей с ограниченными возможностями здоровья. Данные о них будут получены по итогам
мониторинга, который пройдет в июне. Об этом сообщил координатор партпроекта,
заместитель председателя комитета Госдумы по труду, социальной политике и делам
ветеранов Михаил Терентьев.
Подробнее ...
 
Госдума единогласно приняла в первом чтении поправки Турчака в закон о местном самоуправлении
Государственная Дума единогласно (397 депутатов – «за», против и 
воздержавшихся не было) приняла в первом чтении поправки в статью 40 ФЗ
«Об общих принципах организации местного самоуправления в Российской 
Федерации», которые 3 апреля внес вице-спикер Совета Федерации, 
секретарь Генерального совета «Единой России» Андрей Турчак.
Подробнее ...
 
Партийцы Мордовии совместно с минсельхозом обсудили проект Госпрограммы комплексного развития сельских территорий на 2020-2025 года
 

21 мая 2019 в  Воронеже состоится форум «Единой России», посвященный российскому селу. В преддверии  форума 13 мая партийцы республики совместно с министерством сельского хозяйства и продовольствия РМ провели «круглый стол», посвященный путям решения проблем российского села.

На «круглом столе» под председательством  первого заместителя министра сельского хозяйства и продовольствия Республики Мордовия Юрия Голова были обсуждены вопросы разработки муниципальных программ комплексного развития сельских территорий на период до 2025 года.

Подробнее ...
 
Представители «Единой России» в рамках всероссийской акции по озеленению городов высадят 3 млн деревьев
В рамках всероссийской акции партийного проекта «Единой России» «Чистая страна» по
озеленению городов с мая по октябрь будет высажено около 3 млн деревьев. Так, на майских
праздниках в 36 субъектах РФ будет высажено более 1 млн деревьев. В акции примут участие
депутаты всех уровней от «Единой России». Об этом сообщил координатор партийного
проекта, председатель комитета Государственной Думы по экологии и охране окружающей
среды Владимир Бурматов.
Подробнее ...
 
В Саранске состоялся турнир по боевому самбо на призы МРО Партии «Единая Россия»
Сегодня, 11 мая, состоялся турнир по боевому самбо на призы
Мордовского регионального отделения Партии «Единая Россия».
Открывая соревнования, заместитель Руководителя Мордовского
регионального исполнительного комитета Партии «Единая Россия»
Сергей Губарев отметил, что региональное отделение Партии
ежегодно выступает организатором спортивных турниров по разным
видам спорта и активно поддерживает развитие спорта в республике.
Подробнее ...