Рубрикатор

Cобытия недели Наталья Ведяшова: «Авечкевикс, А эсеть тев марто эрямот сюлмамс а эряви»
Наталья Ведяшова: «Авечкевикс, А эсеть тев марто эрямот сюлмамс а эряви»

МВД-нь Следствиянь органтнэсэ важодицятнень чинтень

Чадыковонь 6-це чистэ тешкставсь МВД-нь Следствиянь органтнэсэ важодицятнень чись. Ламонень маряви, те тевесь лади ёроков, виев, кеме цёратненень. Теке марто, неень шкане следователень профессиясь эрямонь тевекс кармась ламот тейтерь-аватнень туртов. Истятнэнь ютксо превей, эряза, мазый авась-следователесь, Россиянь МВД-нь «Чамзинский» ММО-нь следственной отделэнь прявтось, юстициянь подполковникесь Наталья Владимировна Ведяшова. Профессиясонть уш 25 иеть. Те шканть перть тёжат панжозь закононь коламот, важодемань стака чить ды апак удо веть. Ансяк эсь кочкавт тевденть эзь янксе зярдояк.




Чаунзань 1-це № школанть прядомапелев Наташа эсензэ туртов кемекстызе – молемс тонавтнеме юридической факультетэв ды кармамс следователекс. Те тевентень мелензэ кепедизе сынст классос Т.В.Пугачёвань самось, конась се шкане роботась Чаунзань милициянь ПДН-нь прявтокс. «Кода те – панжомс закононь коламотнень, калавтомс сынст теке суре тапаркст?», – истят арсемат ульнесть кемзисемге иесэ тейтерьканть прясо. Авазо, Нина Николаевна, вишка класстнэсэ тонавтыцясь, тейтерензэ несь педагогической институтонь тонавтницякс ды седе тов эйдень кужосо воспитателекс эли музыкань ветицякс. Ансяк вана Наталья эзизе топавто аванзо меленть ды мольсь тонавтнеме Ковылкинань строительной техникумов «Правоведение» специальностенть коряс, конань прядомадо мейле тонавтнеманть поладызе МВД-нь Нижегородской академиясонть. Теке шкастонть ушодсь важодеме милициясо, штобу варчамс эсь прянть тевсэ. «Сестэ, 1993 иестэ, тейтерь-аватнень милицияв важодеме саильть а покш мельсэ ды мон чарькодинь, понгомс карми пек стака, ансяк ялатеке молинь МР-ва МВД-нь Следственной управлениянь прявтонтень Ю.А.Ястребцевнень кортамо, – ледстни Н.В.Ведяшова. – Сон кувать монень толковась, што тевесь аволь авань, ансяк «лавшомсь», зярдо алтынь, бути ацирьгавтса тевсэнь, сеске туян ды лиянь тарка саеме а карман. Саимем кармавтома марто, васняяк роботанть ванса, седе парсте чарькодьса. Истя, эйзюрковстонть саезь умарьковонть самс эрьва чине капшилинь отделэв тевентень тонавтнеме. Следственной отделсэнть важодильть малав весе цёрат ды ансяк вейке ава – Ольга Григорьевна Шехмаметьева, конась кармаськак монь тонавтыцякс. Вейсэ ардтнинек зыянонь лисема таркатнес, ваннынек тевтнень. Эрьва чи роботась тень яла седе вечкевиль. Ды вана учовсь, умарьковсто монь кемекстымизь следователень лездыцянь должностентень».

РОВД-нь следственной отделэнь прявтокс сестэ ульнесь Василий Иванович Ларькин, пек превей юрист, эсь тевень алкуксонь профессионал. Сонензэ ды ветерантнэнень-следовательтненень И.П.

Комкиннэнь, А.П.Андреевнень, В.И.Чаиркиннэнь лезксэнть ды тонавтоманть кисэ Наталья Владимировна ёвты покш сюкпря. Эсь валонть сон топавтызе: прявттнэнь эзинзе ацирьгавтокшно, сон ютась 25 иень важодемань ки, следователень лездыцясто кассь отделэнь прявтокс. Ансяк весть лисекшнесь истямо тев: отделэнь прявтонь полавтыцякс улемстэ арсекшнесь варчамс эсь прянть лия ёнкссонть ды туекшнесь паспортонь-визань службав. «Ялатеке велявтат, – кортась С.П.Бикеев прявтось, – а эряват следствиявтомо, миньгак тонтеметь кодаяк, – полады ёвтнеманзо монь героинясь. – Ды сонзэ валонзо ульнесть видеть! Кирдевинь тосо ие ды велявтынь мекев теке должностентень, теке столенть экшс. Эстень эштёяк кемекстыя, а вечкевикс, а эсеть тев марто эрямот сюлмамс а эряви. Кадык роботась минек аволь шождатнестэ – апрядовикс дежурстват, свалшкань, пертьпельксэнть ды шканть лангс апак вано, тердемат зыянов тевтнень лисема таркатнес, чинзэ перть теема сядот тевть, теке марто, роботама конёвтнень марто, ве шкане ветяма уголовной зярыя тевть, чумондовицятнень, свидетельтнень кевкстнемась, вещдоктнень ванкшномась. Арсемат, мелявтомат, алкуксчинь вешнемат... Ансяк вейкеяк следователь а неи эсь прянть лия тевсэ, эдь те профессиянть сон кочкизе парсте арсезь».

Отделсэнть, конась важоди колмо район марто (Чаунзань, Дубенкань ды Покш Березникень) ды конань прявтсо вана уш кемень иеть ашти Наталья Владимировна, роботыть самай истят следовательть – эсь тевень вечкиця профессионалт. Сонзэ вановт ало 14 ломанть, пелест – тейтерь-ават. «Коллективесь минек пек паро, эрятано ояксчисэ. Маштано аволь ансяк парсте роботамо, лезэвстэ оймсемеяк: покш мель явтано спортонтень (отделэнь цёратне налксить футболсо, волейболсо, якатано пелькстамотнес), приматано участия художественной самодеятельностьсэ», – корты Наталья Владимировна. 

Следственно-оперативной группанть юрсо следователесь – те прявт ломань. Седе, кода домкасто сон ванкшносы зыянонь лисема тарканть, аравты задача оперуполномоченноенть, участковоенть, экспертэнть-криминалистэнть икеле, икелепелев ашти тевень панжовомань лувось. Вадря важодеманть туртов эряви парсте содамс законодательстванть, маштомс неть содамочитнень нолдамс тевсэ, башка мель явома чумондовицятнень-свидетельтнень кевкстнемань ёнксонтень. Эдь муемс зыянов тевсэнть чумондовицянть – те пелезэ тевесь, эряви маштозь пурнамс доказательной базанть ды кемекстамс сонзэ протоколтнэсэ. Следователентень эряви улемс алкуксонь психологокс. Наталья Владимировнань валонзо коряс, эрьва ломанентень (улезэ те чумондовицясь, зыянс понгозесь эли свидетелесь) эряви муемс башка кель-вал.

«Мартон важодицятнень тонавтан улемс чевтекс, тактичнойкс, кие бу икелеть аволь аште – иля пелькста, кевкстематнень макст видестэ ды тевень коряс. Эряви аволь ансяк тевенть пачтямс пес, чарькодемс, мезе ломаненть кармавтызе зыянонть тееме, кода тензэ лездамс седе тов истят тевть а нолдамс. Ды примерт, зярдо икелень закононь колыцятне стить виде ки лангс, улить, эрьванть эрямонзо мельга минь вантано, мелявтано кисэст», – ёвтни Н.В.Ведяшова.

Следственной отделэнть важодемадо аштить межмуниципальной отделэнть невтематне. Ютазь иенть перть следственной отделэнть вийсэ, конань прявтсо ашти Н.В.Ведяшова, судс максозь уголовной 70 тевть ды ответственностентень тердезь 81 ломань, конатнень ютксо аваткак, од ломантькак. Закононь коламотне ульнесть ламо ёнксонь коряс – экономикань тевтнесэ, ЖКХ-нь, транспортсо зыянтомо ардомань сфератнесэ, эрямонть ды шумбрачинть каршо закононь коламотне, саламот ды седе тов.

Следователекс важодемань иетнень перть Н.В.Ведяшовань вановт ало панжозь  закононь эрьва кодат коламот. Панжозь эрьва тевесь – те покштояк покш робота. Секскак, кода тешкстызе Наталья Владимировна, зярдо панжат стака тевенть, эсеть мелеть витеви: аволь стяко пелевес аштить роботасо, ваныть тевень эрьва ёнксонть, вешнить чумондовтыця кемевтематнень.

Иетне ютыть, молить полавтомат масторсонть, арсевить од законт ды нормат, аполавтовиксэкс кадови ансяк се, што ломантне истя жо теить зыянов тевтнень, молить закононть каршо. Эсь важодемань васенце шкатнень ледстнемстэ, Наталья Владимировна тешксты закононь колыцятнень «чачост» полавтоманть. Бути икеле зыянов тевтнень теильть средней иесэ цёратне, аламонь-аламонь преступностесь кармась «аваломанень» ды одкстомсь. Ламот берянь тевтне теевить иредьстэ, классической схемань коряс: «салась, симсь – тюрьмав». Чумондовицянь эзем лангс седе сеедьстэ понгить 20-25 иесэ од цёратне, конатнень лавтов удало уш вете-кото чумондомат. Лиясто зыянов тевтне теевить овсе од цёрынькатнень кедьсэ, конат а чарькодить теезенть стакачинзэ. Тесэ пек эрявикс ёнксось – важодеманть ветяма вейсэ ПДН-нть, аватнень-тетятнень марто, муемс кель-вал эсест эйкакштнень марто.

Наталья Владимировнань эсь «подопечнойтне» вечксызь, сынь а стувтнить следователенть, ушосо вастовомстояк шумбракстнить. Сон те шкас вансты поздоровонь открыткатнень 14 иесэ кавто цёрынькатнень пельде, конат чумондовсть ды аштесть Жигулёвскойсэ исправительной колониясонть. Сон вансь сынст эрямост мельга ды кенярды, од ломантнень весемесь ладявсь парсте. Истят тевтнеде кортамсто Наталья Владимировна тешкстась аволь аламо: сон мелявты сетнень кисэ, кинь марто тензэ савкшнось вастовомс важодемань тевень коряс, сыненст арсесь ванкшномс эсь эрямост ды икелепелев а понгомс зыянс.

Наталья Владимировна Ведяшовадо ёвтнемась ули аволь пешксекс, бути панжовлинек ансяк профессиональной вадря ёнксонзо. А эряви стувтнемс, што Россиянь МВД-нь «Чамзинский» ММО-нь следственной отделэнь прявтось, юстициянь подполковникесь – васняяк, ава, вечкиця ава, тейтерь ды ни. Нама, эрямонь истямо лувсонть пек эрявиксэсь – малавикстнэнь лезксэсь, конатненень Наталья Владимировна свал бажась явомс седе ламо мель. Мирдензэ, Дмитрий Васильевич марто (конась шкадо икеле тусь эрямостонть ютазь иестэ ды истя жо важодсь полициясо) сынь трясть-кастсть вадря тейтерь – Наталиянь. Сонензэ 22 иеть, сон – Н.П.Огарёвонь лемсэ МГУ-нь экономической факультетэнь студентка. Вишкинестэ налксесь следователекс, бажась улемс аванзо кондямокс. Ды кадык эзь моле теке кияванть, «экономическая безопасность» специальностесь истя жо малавикс аванзо профессиянтень.

Наталья Владимировна – вадря кудазорава, весементень тонавтозь уш вишкапорасто. Кудо видьс сон снартни якамс ялго (ютамсто прясонзо арси тевтнеде), ютко шкасто вечки вирьга кирякстнемс сокссо ды кепетеме эсь меленть пертьпельксэнть мазычисэ.

Ламо иень перть вадря важодеманть кисэ Н.В.Ведяшова казезь  «За отличие в службе» III-це степенень медальсэ, «За безупречную службу» тешкссэ, ламодояк ламо грамотанзо, Шнамонь конёвонзо. Сон – «Мордовия Республикань сехте вадря следователь», а ютазь иестэ тензэ максозь  «Заслуженной юрист» лемесь. Ансяк аволь казнетне эрявикст, прявтось – те вечкевикс тевесь. Сон – следователь. Самай следователень тевсэнть сон муизе эсь эрявиксчинзэ ды кенярды – эзь велявто кемекстазь кистэнть, конаванть юты течияк.

 

Анокстызе

Юлия Еремина


09.04.2019

 

 

Новости

Эрицятнень сёрмадстомантень анокстамотне ушодовсть



Малав ие кадовсь эрицятнень Весероссиянь сёрмадстоманть самс. Аволь умок МР-ва Федеральной службань государственной статистикань территориальной органсонть ютавтовсь вастовома, конанть шкасто видео-конференциянь лувсо ветявсь кортамо Росстатонь прявтонть Павел Малков марто. Вановсть сёрмадстомань шкатне ды невтевсь официальной тешксэсь.


Подробнее ...
 
В Мордовии собрано более 700 подписей на запрет «наливаек»
 
В Республике Мордовия завершились мероприятия по сбору информации и
подписей в поддержку инициативы об ограничении работы питейных заведений,
расположенных на первых этажах многоквартирных домов и придомовых
территориях в Республике Мордовия.

Подробнее ...
 
Награждение победителей акции «Здоровое питание - активное долголетие»
 
  Уже сегодня, 17 октября,  34 ученика из Мордовии отправятся на 12-ю  смену  
Международного детского центра «Артек». Победителей акции, их наставников и кураторов 
поприветствовал  секретарь Регионального отделения «Единой России» Владимир
Чибиркин. Он  подчеркнул, что пропаганда  здорового образа жизни и оздоровление нации 
являются одними из ведущих направлений деятельности «Единой России», акция 
реализуется в рамках партийного  проекта «Здоровое будущее».  Это дает свои плоды - с
каждым годом в нашей стране увеличивается  число неравнодушных людей,  которые 
начинают сами вести здоровый образ жизни и ведут за собой других.

Подробнее ...
 
В республике успешно реализуются социально значимые проекты первичных отделений «Единой России»
 
Первичные отделения поселка  Ромоданово и поселка  Зубова Поляна   успешно
реализуют на практике  свои социально  значимые проекты, удостоенные грантовой
поддержки по итогам конкурса проектов первичных отделений, инициированного 
«Единой Россией»
  Цель проекта  «Мы рядом», реализуемого в Ромоданове - помощь пожилым людям и 
инвалидам, имеющим  заболевания опорно-двигательного  аппарата.   Прокат технических 
средств реабилитации  организован на бесплатной основе для граждан пожилого возраста, не 
имеющих группы инвалидности, но,  в силу возрастных изменений или перенесенных 
заболеваний, травм, потерявших способность свободно передвигаться. В июле этого года в 
Ромодановском  местном отделении партии прошла  презентация проекта.  Открывая
презентацию,  секретарь  Ромодановского местного отделения Партии  Наталья Хомякова  
отметила, что  основная  задача проекта   помочь людям в трудный для них период 
реабилитации.


Подробнее ...
 
Баталина: Предложение Минтруда о новых правилах выплаты пособий по уходу за ребёнком создаст проблемы родителям
 
Предложение Минтруда, согласно которому претендовать на выплату 
пособия по уходу за ребенком до полутора лет может только тот, кто 
фактически ухаживает за ребенком, избыточно и может создать лишние 
проблемы родителям. Не исключено, что Фонд социального страхования при 
назначении будет требовать документально подтвердить, что именно 
заявитель (мать или отец ребенка) фактически за ним ухаживает. Об этом 
заявила первый заместитель секретаря Генерального совета «Единой России»
Ольга Баталина.
Подробнее ...