Рубрикатор

Cобытия недели Ули истямо профессия...
Ули истямо профессия...

Ламот профессиятнень ютксо ули истямо, конась сеедьстэ а неявикс, конадонть кортыть чуросто, ансяк вана сонтемензэ  а кода. Неть ломантне важодема таркасот, зярдо ошось ансяк эштё сыргозсь. Кода сынст а ледстямс, бути валске марто эрьвась эйстэнек кудосто лисемстэ васенцекс вастсы дворникенть. Бути жо сон арась, минь куроксто редясынек урядазь-арась ловось эли чувто лопатне, пурназь-арась шукшось. Кие жо сон – дворникесь?

Дворникесь – те кода сеедьстэ эрси, эряза, ёроков, важодемань вечкиця ломань, конантень сеедьстэ савкшны эсь снартнеманть невтемс ды, натой, воспитательной тевсэнтькак ёроковокс улемс. Саранск ошсо истят важодицятнеде аволь аламо. Вейкесь эйстэст – «ЖЭК № 18» ООО-нь дворникесь Виктор Иванович Ситенков. Кадык те тевсэнть сон важоди овсе аволь кувать, весемезэ кавто иеть, ансяк прянзо невтизе ды эрицятнень марто мусь кель-вал.




Виктор Ситенков весе эрямонзо перть сюлмавозель робочей профессиятнень марто. Чачсь цёрась Кадошкина ёнксонь Пушкино велесэ. Школанть прядомадо мейле тонавтнесь училищасо, кемекстызе водителень тевенть. Седе тов служась армиясо (Красноярскоень ёнксось, РВСН-нь войскатне), эсь олясо якась Казахстанов сюронь урядамо. Тиринь Мордовияв велявтомадо мейле роботамс савсь эрьва косо: ульнесь водителекс литейной заводсо, 5-це № Автобазасонть, «ПМК-280» организациясонть, важодсь ловсонь заводсо ды троллейбусонь парксонть. Мейле ялганзо марто кортамодо мейле мольсь домоуправленияв, варчизе эсь прянзо сантехникекс. Те тевсэнть котьмась зярыя шкань перть, мекс-бути ульнесь аволь мелень коряс, кармась дворникекс.

– Роботан вана уш кавто иень перть. Пек тень вечкеви. Нама, стака, роботадонть ламо. Ансяк улить те тевсэнть вадря ёнксткак – тон свал ломань ютксат, – корты Виктор Ситенков. – Монь вановт ало 5 кудотнень перька таркась. Сынст урядамат эрьва чистэ. Нама, сехте стака шкась – телесь. Пек роботавтымизь те иень телесь. Ловдонть ульнесь ламо, кода валске пиже-пелеветь лисят, чинь-чоп сонзэ урядат. Сатныть тевтне лия шкатнестэяк. Дворникенть роботазо а прялевкшны кизэнек-теленек. Тунда, ловонть соламодо мейле, пурнатано шукшонть, урядатано кудотнень перька таркатнень, керсетяно чувттнэнь. Кизэнть перть ванстано кудотнень перька теезь мазычинть. Сёксня эрьва дворникенть прябезарьксэкс аштить лопатне. Ве таркасто урядасыть, лияв туеме а кенерят, прасть уш лият. Ды истя чиде-чис, свал тевсат, свал эрявиксат.

«ЖЭК № 18» ООО-нь важодицятне, кода весе лия коммунальщиктнеяк, ютазь иенть перть покш робота тейсть Футболонь коряс масторлангонь чемпионатонтень анокстамонть ды мундиалень матчтнень ютавтома шкастонть. Домоуправлениянть вановт ало ульнесь Республиканской курось. Ды, кода корты Виктор Ситенков, эсь территориядонть башка важодемс эрявсь тосояк. Ды роботанть теемс истя, штобу а сёвновтомс эсь прявтонть. Те важодеманть кисэ В.И.Ситенков тешкстазь Мордовиянь Прявтонь Сюконямонь конёвсо. Теке марто эсь тевенть вадрясто топавтоманть кисэ Виктор Ивановичень улить дипломонзо ошонь мэрэнть пельдеяк.

Ялатеке эрьва дворникенть туртов сехте покш ды питней казнекс аштить эрицятнень паро валост. Ды, кода мерсь Виктор Иванович, седейшкава ёвтазь «сюкпрясь» – дворникень тевентень максозь сехте покш питнесь.

Ю.Еремина

04.04.2019

 

 

Новости

Эрицятнень сёрмадстомантень анокстамотне ушодовсть



Малав ие кадовсь эрицятнень Весероссиянь сёрмадстоманть самс. Аволь умок МР-ва Федеральной службань государственной статистикань территориальной органсонть ютавтовсь вастовома, конанть шкасто видео-конференциянь лувсо ветявсь кортамо Росстатонь прявтонть Павел Малков марто. Вановсть сёрмадстомань шкатне ды невтевсь официальной тешксэсь.


Подробнее ...
 
В Мордовии собрано более 700 подписей на запрет «наливаек»
 
В Республике Мордовия завершились мероприятия по сбору информации и
подписей в поддержку инициативы об ограничении работы питейных заведений,
расположенных на первых этажах многоквартирных домов и придомовых
территориях в Республике Мордовия.

Подробнее ...
 
Награждение победителей акции «Здоровое питание - активное долголетие»
 
  Уже сегодня, 17 октября,  34 ученика из Мордовии отправятся на 12-ю  смену  
Международного детского центра «Артек». Победителей акции, их наставников и кураторов 
поприветствовал  секретарь Регионального отделения «Единой России» Владимир
Чибиркин. Он  подчеркнул, что пропаганда  здорового образа жизни и оздоровление нации 
являются одними из ведущих направлений деятельности «Единой России», акция 
реализуется в рамках партийного  проекта «Здоровое будущее».  Это дает свои плоды - с
каждым годом в нашей стране увеличивается  число неравнодушных людей,  которые 
начинают сами вести здоровый образ жизни и ведут за собой других.

Подробнее ...
 
В республике успешно реализуются социально значимые проекты первичных отделений «Единой России»
 
Первичные отделения поселка  Ромоданово и поселка  Зубова Поляна   успешно
реализуют на практике  свои социально  значимые проекты, удостоенные грантовой
поддержки по итогам конкурса проектов первичных отделений, инициированного 
«Единой Россией»
  Цель проекта  «Мы рядом», реализуемого в Ромоданове - помощь пожилым людям и 
инвалидам, имеющим  заболевания опорно-двигательного  аппарата.   Прокат технических 
средств реабилитации  организован на бесплатной основе для граждан пожилого возраста, не 
имеющих группы инвалидности, но,  в силу возрастных изменений или перенесенных 
заболеваний, травм, потерявших способность свободно передвигаться. В июле этого года в 
Ромодановском  местном отделении партии прошла  презентация проекта.  Открывая
презентацию,  секретарь  Ромодановского местного отделения Партии  Наталья Хомякова  
отметила, что  основная  задача проекта   помочь людям в трудный для них период 
реабилитации.


Подробнее ...
 
Баталина: Предложение Минтруда о новых правилах выплаты пособий по уходу за ребёнком создаст проблемы родителям
 
Предложение Минтруда, согласно которому претендовать на выплату 
пособия по уходу за ребенком до полутора лет может только тот, кто 
фактически ухаживает за ребенком, избыточно и может создать лишние 
проблемы родителям. Не исключено, что Фонд социального страхования при 
назначении будет требовать документально подтвердить, что именно 
заявитель (мать или отец ребенка) фактически за ним ухаживает. Об этом 
заявила первый заместитель секретаря Генерального совета «Единой России»
Ольга Баталина.
Подробнее ...