Рубрикатор

Cобытия недели Эрьва чись ломантнень лезэс
Эрьва чись ломантнень лезэс

Аволь умок тешкставсь Жилищно-коммунальной важодицянь чись. Отраслянь важодицятненень кенярксчинть кувалма поздоровонь ёвтамсто, Мордовиянь Прявтось Владимир Волков тешкстызе, неень шкань эрямонть стака неемс коммунальной службатнень свалшкань, чинь-вень перть важодемавтомост – дворниктнень ды цецянь-тикшень озавтыцятнень, мастертнэнь ды кияксонь шлицятнень, слесартнень ды сантехниктнень, диспетчертнэнь ды электромонтёртнэнь, водительтнень ды отраслянь лия представительтнень. Ламот алтызь профессиянтень весе эрямост, кандыть вахтаст эрьва чистэ, кенярксчитнестэяк, куш кодамо погодане ды шкасто.

Миненек, эрицятненень, мекс-бути аволь свал неяви коммунальщиктнень важодемаст. Зярдо куротне, ютамо таркатне ды киланготне урядазь, эрямо кудотнень подъездтнэ ванькст, весе ошось ваясь цецянь мазычис – тень кияк а реди. Бути жо ловось аламодо валинзе китнень, эли тия-тува апак уряда шукшось – сёвномань-сюдомань валт ёвты малав эрьвась.

Течи эсь ловныцятненень минь ёвтнетяно жилищно-коммунальной отраслянь сеть важодицятнеде, кить аволь ансяк вадрялгавтыть минек эрямонть, сынь эсь тевсэст кепетить мельёжонть ды кемекстыть ёвтамонть: коммунальщиктнень ютксояк улить ёроков, эсь тевенть вадрясто теиця профессионалт. Видькстатано, алкукс улить. Истятнэ важодить «ЖЭК № 18» ООО-сонть, конанть прявтсо ашти ёроков, эсь тевенть парсте содыця ды топавтыця эрзянь од цёрась Сергей Сюваткин.

Елена Лизунова:

«Бути тевесь вечкевикс, стакачитне а марявить»




Е.В. Лизунова «ЖЭК № 18» ООО-сонть важоди аволь пек умок, сась кавтошка иеде икеле. Ансяк жилищно-коммунальной хозяйствань сферанть марто сюлмавозь сонзэ эрямонь покш пельксэзэ.

Елена Лизунова чачсь Саранск ошсо, прядызе школанть ды мольсь тонавтнеме музыкальной училищав. Те тевенть кочкизе а стяко, вечкилизе киштеманть-морамонть, ёроковоль музыкальной седямопельтнесэ налксемасонтькак. Тонавтнесь покш мельсэ, музыканть марто бажась сюлмамс весе эрямонзо. Ансяк вана тевесь ладявсь овсе лиякс. Прядызе училищанть, кундась тонавтыцянь тевентень, важодсь эйкакштнень марто. Ды сестэ чарькодсь, те весемесь аволь сонзэ. Кувать вешнесь эсь тевенть, ламо профессиясо варчнизе эсь прянть. Ульнесь крановщицакс, роботась суликань производствань контролёрокс, терявтнизе прянзо микшнемань сферасонтькак. Ансяк весе неть тевтне ульнесть аволь седеень коряс.

– Кода-бути сельме икелев понгсь яволявтома, домоуправленияв эрявить важодицят. Арсинь, мекс бу а варчамс. Саимизь участкань мастерэкс. Ушодынь роботамо ды эзинь арсеяк, што стака, мелявксов тевесь тень вечкеви, – корты Елена Викторовна.

Тона домоуправлениясонть авась роботась кеменде ламо иеть. Мейле организациянть тевензэ тусть аволь пек парсте, савсь туемс. Зярыя шкань перть важодсь микшницякс ды мекев велявтсь коммунальной хозяйствас.

Сынь важодеме тей, 18-це домоуправленияв. Ладимизь участкань мастерэкс, – ёвтни Елена Лизунова. – Течинь чине монь вановт ало важодить кемень ломанть: дворникть ды подъездтнэсэ киякстнэнь шлицятне-урядыцятне. Тевтнеде теемс сави ламо. Эряви ваномс, кода ветявить кудотнень перька таркатнень ды подъездтнэнь ванськавтомась, теке марто, эрьва мастерэнть ули участказо, конась истя жо сонзэ вановт ало. Покш робота ветятано домкомтнень марто, сынь миненек пшкалить куш кодамо кевкстема ды тев марто. Ламо роботамс савкшны документ марто. Видьстэ меремс, тейтяно малав весементь. Ансяк монь туртов неть тевтне кода-бути а марявитькак, роботам пек вечкса.

Ды, кода мерсь Елена Викторовна, роботась васняяк вечкеви сень коряс, што пек паро коллективесь ды, васняяк, вадрядояк-вадря прявтось.

Минек прявтонок, Сергей Александрович, ёроков, од, перспективной. Эрьванть марто муи кель-вал, эрьванть чарькодьсы. Сон пурнась истямо коллектив, конанть марто важодемась – покш уцяска, – кемекстызе Елена Лизунова.

 Ю.Еремина

Фотось Э.Ретунскоень

04.04.2019

 

Новости

«Единая Россия» предложила Правительству усовершенствовать систему целевого набора в вузы
Премьер-министр Дмитрий Медведев поддержал предложения
фракции «Единой России» в Государственной Думе, озвученные ее
руководителем, вице-спикером Сергеем Неверовым. В частности,
одобрена идея пересмотра программы целевого набора в вузы,
введения сбалансированного питания в школах и сохранения
региональных и муниципальных телеканалов при переходе на
«цифру».
Подробнее ...
 
7 мая в Мордовии пройдет Диктант Победы
Региональный организационный комитет по проведению Всероссийского
исторического диктанта подержал решение Генерального Совета «Единой России» о
проведении «Диктанта Победы»
Подробнее ...
 
Кортавсь шукшонь пурнамонь реформадонть ды «Экология» национальной проектэнть тевс нолдамодо

Неть читнестэ Саранскойсэ ютавтовсь «Единой Россиянь» региональной дискуссионной площадкань васенце промксось. Сонзэ лувсо кортавсь коммунальной шукшонь пурнамонь реформадонть ды республикасонть «Экология» национальной проектэнть тевс нолдамодо. Промксонть важодемасо ульнесть «Ремондис Саранск» региональной операторонь прявттнэ, республикань Жилищно-коммунальной хозяйствань, энергетикань ды эрицятнень гражданской ванстомань, Вирень ды охотямонь хозяйствань, Эрицятнень социальной ванстомань, трудонь ды занятостень министерствань важодицятне, тарифень коряс республиканской службань специалисттнэ, ОНФ-нь ды общественной организациятнень члентнэ.

Подробнее ...
 
Кобзев: Получение паллиативной помощи по месту пребывания сделает ее доступной для всех нуждающихся
Возможность  получения  паллиативной  помощи  по  месту  пребывания   существенно   упростит  жизнь
нуждающихся в ней людей и их родственников по всей стране. Об этом заявил член общественного
совета партпроекта «Единой России» «Здоровое будущее», член комитета Госдумы по охране здоровья
Юрий Кобзев, комментируя подписанное премьер-министром Дмитрием Медведевым постановление о
внесении   изменений   в   программу   государственных   гарантий   бесплатного   оказания   медицинской
помощи.
Подробнее ...
 
Региональная дискуссионная площадка «Единой России» на «круглом столе» обсудит реформу обращения с ТКО
17 апреля в Региональном исполнительном комитете Партии состоится первое
заседаниеРегиональной дискуссионной площадки ВПП «Единая Россия».
Ее Координатором стал заместитель Председателя Государственного Собрания
РМИван Михайлович Москаев.
"Круглый стол" Региональной дискуссионной площадки Партии будет посвящен
теме: "Ход реформы обращения с твердыми коммунальными отходами и реализация
национального проекта "Экология" в Республике Мордовия".
К обсуждению партийцы пригласили регионального оператора "Ремондис Саранск",
министерство ЖКХ, энергетики и гражданской защиты, министерство лесного и
охотничьего хозяйства, министерство социальной защиты, труда и занятости
населения, Федеральную службу по надзору в сфере природопользования,
Республиканскую службу по тарифам, ОНФ и другие заинтересованные ведомства,
общественные организации. Начало мероприятия в 15.00.