Рубрикатор

Cобытия недели Партиянь конференция
Партиянь конференция

 

Якшамковонь 30-це чистэ Саранскойсэ ютавтовсь «Единая Россия» Партиянь Мордовиянь региононь отделениянь XXVII конференциясь. Сонзэ важодемасо ульнесть 215 делегатт, Мордовия Республикань Государственной Собраниянь ды Саранск ошонь депутатонь Советэнь депутаттнэ, республикань Правительствань, министерстватнень ды ведомстватнень важодицятне, Партиянь местной ды первичной отделениятнень секретартне, общественной организациятнес совицятне, Партиянть кис аштицятне.

 

 Важодемань прявт кевкстемакс тешкстазельть «Единой Россиянь» XVIII Съездэнь решениятнень топавтомась ды Партиянь региононь отделениянь Секретаренть ды руководящей органтнэнь важодемаст лоткавтомась ды одс кочкамось.

 «Единой Россиянь»  XVIII съездэнь решениятнень топавтомасо Партиянь Мордовиянь региононь отделениянть лезэвчинзэ тешкстамсто, Партиянь Генеральной Советэнь членэсь, региононь отделениянь Секретаресь Владимир Чибиркин Съездэнь итогтнень ланга кортамсто башка тешкстызе Партиянь одкстомтомань ёнксонть, этикань коряс партийной комиссиянть пурнамонть, эрявикс проекттнэнь тевс нолдамга грантонь лезксэнь явоманть ды Партиянь Уставс полавтоматнень совавтоманть. Региононь отделениянь Секретаресь мерсь, масторонь Президентэсь Владимир Путин Съездсэнть кортась сеть аравтлувтнеде, конат аштить масторонь политической прявт вийтнень икеле. Те, васняяк, экономиканть кепедемась, конась улезэ масторлангонседенть виев. Партиянь Председателесь Дмитрий Медведев «Единой Россиянть» лемдизе Россиянь политической системань эрявикс ёнксокс, конась саи башка тарка масторонь суверенитетэнть кемекстамосо, экономиканть касомасо, эрявикс проекттнэнь тевс нолдамосо.

 – Партиянь ды властень прявт тевекс ашти ломантнень эрямост вадрялгавтомась. Теньсэ лездыть национальной 12 проекттнэнь тевс нолдамось. Социально-экономической касомань-кепетемань кемекстазь программатне алтавить Россиянь научно-технологической ды социальной-экономической  виевгавтомантень, масторонь эрицятнень ламолгавтомантень, эрямонть вадрялгавтомантень, эрямонть туртов вадря условиятнень теемантень, – мерсь Владимир Чибиркин.

Теке марто Владимир Васильевич тешкстызе, национальной проекттнэнь эрямос совавтомасонть федеральной бюджетэсь эсь лангс саи малав 95 % софинансированиянть. Регионтнэнень жо сави пандомс 1-5 процентт. Кото иетнень перть национальной проекттнэнь топавтоманть лангс Мордовиянтень федеральной бюджетстэ явовить 54,8 миллиардт целковойть, конатне нолдавить социальной объекттнэнь, эрямо кудотнень, киланготнень теемантень, образованиянть, медицинань лезксэнть вадрялгавтомантень, промышленной производстванть ды региононь научной потенциалонть кастомантень.

Президентэнь маень Указонть топавтомга эряви теемс прявтонть – вадрялгавтома минек ломантнень эрямонть. Самай тенень алтавитькак национальной 12 проекттнэ ды федеральной 56 проекттнэ.

Владимир Чибиркин ёвтынзе прявт решениятнень, конат примазельть Партиянь Съездсэнть. Уставонтень совавтозь зярыя полавтомат, конатнесэ кемекстазь Партиянь идеологиянь прявт сюпавчитне. Этической норматнень кирдема Партиянь члентнэнень ды сторонниктненень, ды истя жо кандидаттнэнень, конат аравтозь Партиянть пельде.

 Конференциянть лувсо региононь отделениянь Секретаресь кортась, «Единой Россиянтень» совить ламо од ломанть. 2018 иенть прядовомсто ушодозель покш программа партийной высшей школасонть тонавтнеманть коряс, козо примавить Партиянь члентнэ ды исполкомтнень важодицятне. «Политический лидер» образовательной васенце модуленть коряс кочкамось уш ютась. Мордовиянть пельде тозо понгсть 120 ламо ломанть. 2019 иестэнть регионтнэсэ депутаттнэнь важодемантень питнесь карми максовомо од системань коряс. Прявтокс тесэ карми эрицятнень мелест партиецтнэнь важодемантень. Теньсэ кармить лездамо «Цифровая Партия» проектэсь ды «Избиратель-депутат» информационной системась. Максоматнень вейкине базась лезды эрицятненень эрязасто получамс информациянть депутаттнэнь  важодемадост.

– Те иестэнть Партиясь карми важодеме эрьва кодамо ёнкстнэсэ. Кода свал покш мель карми явовомо партиянь проекттнэнень, конатнестэ ламотнень ули федеральной финансирования ды сынь совить национальной приоритетной проекттнэнь юткс. Тевс нолдави «Ванькс мастор» од проектэськак. Теке марто мон тешкстаса, Партиянтень эряви улемс седе панжадокс. Партиясь – те команда, конась важоди сень туртов, штобу минек регионсонть ды целанек масторсонть эрямонть теемс седе вадрякс, – кемекстызе Владимир Чибиркин.

 Прениятнень юрсо «Единой Россиянь»  XVIII съездэнь делегаттнэ ёвтнесть эсь мельтнеде форумонь площадкатнесэ важодеманть коряс ды пачтясть эсь арсематнеде минек регионсо Съездэнь решениятнень топавтомадонть.

Партиянь Уставонтень полавтоматнень совавтоманть коряс Конференциянть юрсо шкадо икеле лоткавтозельть  Партиянь региононь отделениянь руководящей органтнэнь важодемаст ды кочказель од состав вете иес. Вайгелень салава максоманть коряс Партиянь Мордовской региональной отделениянь Секретарекс кочказель Владимир Чибиркин. Сон тешкстызе, икелепелевгак карми тееме весементь регионсонть Партиянть авторитетэнзэ кемекстамга. Вайгелень панжадо максоманть лувсо кочказель региононь политической Советэсь, весемезэ тезэ совасть 83 ломанть. Вайгелень салава максоманть коряс истя жо кочказель региононь политической советэнь Президиумось (22 ломанть).

Конференциянть прядовомсто казевсь Партиянь активесь. Федеральной казнесь – кочкамотнень ютавтоманть кисэ РФ-нь Президентэнь Благодарность максовсь республикань Профсоюзонь федерациянь Председателентень Сергей Борисовнень.

Истя жо ёвтазельть «Лучший секретарь первичного отделения 2018 года» конкурсонь изницятне. Те иестэ те лемесь максозь 15 изницятненень. Сыненст явшесть дипломт ды питней казнеть.

 Конференциядонть мейле ютавтовсь региононь политической советэнь Президиумонь келейгавтозь промксось, косо кочказельть отделениянь  Секретарень полавтыцятне.


Ю.Ерёмина


31.01.2019

 

Новости

«Единая Россия» возьмет на контроль реализацию закона о паллиативной помощи

Партия «Единая Россия» поддержит парламентский мониторинг за реализацией закона о паллиативной помощи. Об этом заявил член общественного совета партпроекта «Единой России» «Здоровое будущее», член комитета Государственной Думы по охране здоровья Юрий Кобзев. 

Подробнее ...
 
150 человек пройдут обучение в рамках модуля «Политический лидер» Высшей партийной школы «Единой России»

Первые занятия стартуют 25 февраля

Экспертной группой первого модуля Высшей партийной школы «Единой России» «Политический лидер» по итогам всех испытаний из более чем 6,6 тысяч участников были отобраны 150 слушателей. Из них 50 приступят к учебе уже с 25 февраля, еще 100 пройдут обучение в Высшей партийной школе в следующих потоках в марте-апреле. Конкурс на участие в проекте составил 44 человека на место.

Подробнее ...
 
Республикадонть – социальной сетьсэ

Печатень кудонь Пресс-центрасо аволь умок ютавтовсь мероприятия, конанть лувсо невтевсь социальной сеттнесэ Мордовия Республикань официальной аккаунтось. Пилотной нолдамось ульнесь уш даволковонь 1-це чистэ, секскак васень подписчиктне уш ванызь контентэнть вадрячинзэ.

Подробнее ...
 
Ловонть ускома шкастонзо

Неть читнестэ Саранскоень Администрациясо ютавтозь промкссонть башка мель явовсь ошсонть эйсюротнень, эенть ды ловонть урядамонь кевкстемантень. Ленинской райононь прявтось Александр Юткин ёвтнесь, управляющей компаниятне тагояк рамасть сал китнень ды ютамо таркатнень почодомс. «Эйсюротнень урядамонь коряс роботатне ветявить эрьва чистэ. Тевенть топавтыть верьга якицят ды специализированой техника», – пачтясь Александр Юткин.

Подробнее ...
 
Автобусонь од маршрут

Ошонь прявтось сонсь ловны эрицятнень сёрмаст, конат кучовить сонзэ лемс. Мэрэнть кедьсэ промкссонть Пётр Тултаев пшкадсь Транспортонь управлениянь прявтонь полавтыцянтень Елена Потапованень: «Сась пеняцямо, конасонть тешкстави, автобуссо эли троллейбуссо ардоманть кис карточкасо пандомадонть мейле ярмактне саевить аволь сеске эли аволь зняро эряви. Ломантне арсить те «Горэлектротранс» муниципальной предприятиянть вановтост ало. Ёвтадо: кие чумось ды ков пшкадема?»

Подробнее ...