Рубрикатор

Cобытия недели Ловонть ды эйзюротнень марто тюремась поладови
Ловонть ды эйзюротнень марто тюремась поладови

Ютазь недлясто Саранск ошонь прявтось Пётр Тултаев эрьва валске 7 чассто яксесь ошонь ульцятнева. Пондельникстэ Администрациянть промкссо сон ёвтынзе эсензэ мелензэ неезденть.
Октябрьской райононь администрациянь прявтось Сергей Мальченков ёвтнесь тензэ, кода парсте усксеви «Юбилейной» васенце микрорайонстонть ловось. ГИБДД-нть марто вейсэ сынь вешнить кадозь машинатнень азортнэнь, конатне мешить, васняяк, урядамс ульцятнень, омбоцекс – занить парковамо таркатнень. Ловось усксеви Севастопольской ды А.Невскоень ульцятнесэ сэдтнень лангстояк.

Пролетарской райононь прявтось Александр Кузьмин тешкстызе, весе тешкстазь домоуправлениятне теизь эсест тевест, урядыть китнень, правтыть латотнень прясто эйзюротнень.
Ленинской райононь прявтось Александр Юткин истя жо тешкстызе, сонзэ райононь домоуправлениятне витизь асатыкстнэнь, ломантне маризь энялдоманть саемс машинаст 4-це № ошонь больницянть вакссто, ды тосо китне урядазельть шкастонзо ды седе ваньксстэ.
Ошонь хозяйствань департаментэнь прявтонь полавтыцясь Александр Арянов ёвтась, келя, весе эйзюронь урядыцятне кармить кирдеме каршо вал а шкастонзо правтомаст кисэ. Саранск ошонь прявтось ёвтась мель содамс, кода тень лангс ваны ГЖИ-сь. Александр Арянов тешкстызе, инспекциясь чуросто якси адрестнэва ды ванкшны колавкстнэнь, сынь ансяк кучнить яволявтомат эйстэдест. Тень лангс Пётр Тултаев мерсь седе сеедьстэ тердтнемс ГЖИ-нь представительтнень вейсэнь комиссиятнень рейдтнэс.
Пётр Николаевич оштё весть тешкстызе, кода эрявикст неть ванкшноматне, эдь кабинеттнэс сыця докладтнэ овсе лият. «Эряви весементь ванномс эсь сельмсэть ды ютамс эсь пильгсэть. Те лувсонть минь карматано важодеме седе товгак», – мерсь ошонь прявтось.
Истя жо мэрэсь тешкстынзе управляющей компаниятнень, конатнень кувалма чуросто эрсить пеняцямот ды сынст роботамост лангс эряви ваномс лиятнененьгак: те «Альп-Строй» ООО-сь (прявтось В.В.Шарин), «Домоуправление №18» (прявтось С.А.Сюваткин), «Домоуправление №19» (прявтось А.М.Тарасов) ды лият. «Победань ульцянть кудотнень икеле теке телеяк арась. Тосонь управляющей компаниянь прявтось В.Д.Шарин ваны тень мельга, урядыцятне парсте роботыть, нать, прявтост тенст парсте панды. Истямо ломантнень пельде эряви тонавтнемс ды совавтомс сынст управленческой кадрань резервас. Минь весе эрятано вейке шкасто, вейке менель ало, ансяк кудо икелькстнэ ванськавтовить а вейкетьстэ. Эряви важодемс парсте, монень стяконь докладт а эрявить», – мерсь Пётр Николаевич.
Ошонь прявтось ёвтнесь сеть компаниятнеде, конатнень лангс сакшныть сехте ламо пеняцямот. «Вана, невтемга, «Веста-Дом» ООО-сь. Сон кармась уш весенень содавиксэкс, полады 45-це домоуправлениянть тевензэ. Дивсян, кода оштё эрицятне сынст саить эсест управляющей компаниякс!» – ёвтнесь П.Тултаев. Понгсь мэрэнть пельде «СанТехДом» ООО-нтень (прявтось Р.М.Кямкин) ды «Жилкоммунэксплуатация» компаниянтень (прявтось А.В. Ермаков).
Теке жо промкссонть Администрациянь Административно-технической инспекциянь прявтось Алексей Вахтеров ёвтнесь, ламо квартирас кудотнень латотнень прясто эйзюротнень а шкастонзо правтомаст кисэ сёрмадозь кемнилее протоколт. Ответственностесь каязь кода юридической, истя жо физической лицятнень лангс. Штрафтнеде сёрмадстозь 5 тёжасто саезь 35 тёжат целковойть.
Коммунальщиктне пштистэ ваныть эйдень кужотнень латост прясо эйзюротнень мельгаяк. Весе энялдоматне топавтовить шкастонзо, ансяк пертьпельксэсь эрьва чистэ бажи теемс одт. Мерезель истя жо а стувтнемс правтнемс эйзюротнень лавкатнень-супермаркеттнэнь прясто.


30.01.2019

 

Новости

«Единая Россия» возьмет на контроль реализацию закона о паллиативной помощи

Партия «Единая Россия» поддержит парламентский мониторинг за реализацией закона о паллиативной помощи. Об этом заявил член общественного совета партпроекта «Единой России» «Здоровое будущее», член комитета Государственной Думы по охране здоровья Юрий Кобзев. 

Подробнее ...
 
150 человек пройдут обучение в рамках модуля «Политический лидер» Высшей партийной школы «Единой России»

Первые занятия стартуют 25 февраля

Экспертной группой первого модуля Высшей партийной школы «Единой России» «Политический лидер» по итогам всех испытаний из более чем 6,6 тысяч участников были отобраны 150 слушателей. Из них 50 приступят к учебе уже с 25 февраля, еще 100 пройдут обучение в Высшей партийной школе в следующих потоках в марте-апреле. Конкурс на участие в проекте составил 44 человека на место.

Подробнее ...
 
Республикадонть – социальной сетьсэ

Печатень кудонь Пресс-центрасо аволь умок ютавтовсь мероприятия, конанть лувсо невтевсь социальной сеттнесэ Мордовия Республикань официальной аккаунтось. Пилотной нолдамось ульнесь уш даволковонь 1-це чистэ, секскак васень подписчиктне уш ванызь контентэнть вадрячинзэ.

Подробнее ...
 
Ловонть ускома шкастонзо

Неть читнестэ Саранскоень Администрациясо ютавтозь промкссонть башка мель явовсь ошсонть эйсюротнень, эенть ды ловонть урядамонь кевкстемантень. Ленинской райононь прявтось Александр Юткин ёвтнесь, управляющей компаниятне тагояк рамасть сал китнень ды ютамо таркатнень почодомс. «Эйсюротнень урядамонь коряс роботатне ветявить эрьва чистэ. Тевенть топавтыть верьга якицят ды специализированой техника», – пачтясь Александр Юткин.

Подробнее ...
 
Автобусонь од маршрут

Ошонь прявтось сонсь ловны эрицятнень сёрмаст, конат кучовить сонзэ лемс. Мэрэнть кедьсэ промкссонть Пётр Тултаев пшкадсь Транспортонь управлениянь прявтонь полавтыцянтень Елена Потапованень: «Сась пеняцямо, конасонть тешкстави, автобуссо эли троллейбуссо ардоманть кис карточкасо пандомадонть мейле ярмактне саевить аволь сеске эли аволь зняро эряви. Ломантне арсить те «Горэлектротранс» муниципальной предприятиянть вановтост ало. Ёвтадо: кие чумось ды ков пшкадема?»

Подробнее ...