Рубрикатор

Cобытия недели Седе ламо паро тевть эрицятнень лезэс
Седе ламо паро тевть эрицятнень лезэс

Неть читнестэ Саранскойсэ ютавтовсь «Единая Россия» партиянь региононь отделениянь XXVI конференциясь. Тосо ульнесть МР-нь Прявтось, «Единой Россиянь» Высшей Советэнь членэсь В.Д.Волков, МР-нь Госcобраниянь Председателесь, Партиянь региононь отделениянь секретаресь В.В.Чибиркин, МР-нь Правительствань Председателесь В.Ф.Сушков. Делегаттнэде пурнавкшность 219, сынст ютксольть РФ-нь Государственной Думань депутаттнэ А.В.Воробьев, С.В.Чиндяскин, Мордовиянть пельде сенаторось В.В.Литюшкин.партиянь активс совицятне, государственной властень органонь представительтне, республикань промышленной предприятиятнень ды общественной организациятнень прявттнэ.

 

Те покш промкссонть кортамось мольсь ютазь шкастонть теезденть, икелепелень аравтлувдонть ды «Единой Россиянь» инекужов делегаттнэнь кочкамодо.

Партиянь региононь отделениянь секретаресь, МР-нь Госсобраниянь Председателесь В.В.Чибиркин эсь докладсонзо мель явсь истят кавто кевкстематненень, кода РФ-нь Президентэнь кочкамонтень ды Футболонь коряс масторлангонь чемпионатонть Россиясо ды минек республикасо ютавтомантень.

2018 иень мартонь 18-це чистэ РФ-нь Президентэнь кочкамотнесэ Мордовиянть Равчирень федеральной округсо кочкамонь участкатнес самонь коряс невтевксэзэ сехте покш – 77,86%, кочкамонь участкатнес сакшность 476 тёжат ломанть, В.В.Путинэнь кисэ макссть 85% седе ламо вайгельть республикань эрицятнень ютксто.

– 2018 иень июльстэ Партиянть мереманзо коряс, ушодозель пенсиянь системань одкстомтоманть коряс мельтнень-арсематнень пурнамось, – мерсь Владимир Васильевич. – МР-нь Пенсиянь фондонть лезксэнзэ вельде ютавтовсть вастовомат, косо толковазельть пенсиянь системасо тевтнень одс ладямонь тувталтнэ. В.В.Чибиркинэнь валонзо коряс, Мордовиясо те кевкстемантень явовсь покш мель.

Партиянь активисттнэнь марто вастовоматне августсто ютавтовсть республикань весе муниципальной районтнэсэ. Теде мейле партиянь региононь исполнительной комитетс састь ламо мельть-арсемат пенсиянь системанть одкстомтомадо. Весе сынь максозельть «Единой Россиянь» Центральной исполнительной комитетс, ламот эйстэст нолдавсть тевс пенсиянь системанть одкстомтомань законопроектэнть кемекстамсто.

Седе тов пурнавозтнень икеле кортась МР-нь Прявтось, «Единой Россиянь» Высшей Советэнь членэсь В.Д.Волков. Сон тешкстась, истят промкстнэсэ эряви аволь ансяк теезденть пачтямс, истя жо явомс мель сехте талновтыця ды стакасто топавтовиця кевкстематненень.

Прявт тевекс сон ёвтынзе ломантнень доходост кастоманть, чачозетнень ламолгавтоманть, кулыцятнень киртямонть ды нужасо эрицятнень аламолгавтоманть. Теньсэ сон неи партиянть смустензэ.

Покш изнявксокс ёвтазель вете иень перть Футболонь коряс масторлангонь чемпионатонтень анокстамонть. Сонзэ вельде минек республикас састь 31 млрд. целковойде  ламо ярмакт. Истя, кавксть седе ламолгавтовсть строямонь тевтне, паролгавтовсть ды мазылгавтовсть Саранск ды Рузаевка оштне, явовсть средстват коммунальной сферасо стакачитнень витемс, транспортонь парконть одкстомтомс, рамавсть седе ламо медицинань курок лезксэнь максомань машинат.

МР-нь Прявтось ёвтась сюкпрянь валт республикань эрицятненень Чемпионатонтень анокстамонь ды парсте ютавтомань ды масторонь Президентэнть лувонзо кирдемань кисэ.

Промксос сыцятне мельспаросо вастызь кулянть федеральной 60 проекттнэст Мордовиянть 16 коряс маласо шкасто важодемадо. Икелепелев ловоматнень коряс, неть проекттнэнь тевс нолдамсто маласо кото иетнень перть сыть 136 млрд. целковойде седе ламо. МР-нь Прявтонть валонзо коряс, ярмактне ютавтовить велетнесэ китнень витемс ды одс теемс, льготань коряс ипотекань идемс, эрямо таркань строямс ды социальной лия тевс.

Кода уш вере ледстинек, 2018 иень декабрянь 7-8-це читнестэ Московсо ютавтови «Единой Россиянь» инекужось, конференцияс сыцятне кочкасть тов делегатт, истя жо совавтозельть полавтомат партиянь региононь Политсоветэнь составонть коряс.

Меельцекс максозельть казнеть партийной активень члентнэнень. Истя, «За самоотверженный труд» почетонь знакось максозель МР-нь Прявтонь Администрациянь руководителень полавтыцянтень, партиянь региононь отделениянь секретарень васенце полавтыцянтень В.В.Маресьевнень. Партиянь активисттнэнень максозельть Благодарственной сёрмат региононь отделениянь секретаренть ды Партиянь Центральной исполнительной комитетэнть пельде.

В.Юдина

 

 

 

 

 

Новости

Изнямонь чинь диктант


«Единая Россия» политической партиянь Генеральной Советэсь сайсь мель ютавтомс маень 7-це чистэ Изнямонь чинь диктант. Теде пачтясь журналисттнэнень апрелень 22-це чистэ Мордовиянь «Единая Россия» партиянь региональной отделениянь председателесь В.В.Чибиркин.

Диктантось юты «Историческая память» проектэнть топавтомга масторонок зярыя регионсо ды 22 омбо масторсо. Участниктненень сави отвечамс 20 кевкстематнень лангс Ине Отечественной войнань историянть коряс. Неть кевкстематнень ней аноксты Россиянь исторической вейсэндявксось.

Подробнее ...
 
Турчак подвел итоги первого экологического форума «Единой России»
Секретарь Генерального совета «Единой России» Андрей Турчак подвел итоги Всероссийского
экологического форума «Единой России» «Чистая страна». В частности, он предложил органам власти
провести проверку того, как регионы соблюдают законодательство в части установления тарифов за
обращение с отходами.
Подробнее ...
 
«Единая Россия» предложила Правительству усовершенствовать систему целевого набора в вузы
Премьер-министр Дмитрий Медведев поддержал предложения
фракции «Единой России» в Государственной Думе, озвученные ее
руководителем, вице-спикером Сергеем Неверовым. В частности,
одобрена идея пересмотра программы целевого набора в вузы,
введения сбалансированного питания в школах и сохранения
региональных и муниципальных телеканалов при переходе на
«цифру».
Подробнее ...
 
7 мая в Мордовии пройдет Диктант Победы
Региональный организационный комитет по проведению Всероссийского
исторического диктанта подержал решение Генерального Совета «Единой России» о
проведении «Диктанта Победы»
Подробнее ...
 
Кортавсь шукшонь пурнамонь реформадонть ды «Экология» национальной проектэнть тевс нолдамодо

Неть читнестэ Саранскойсэ ютавтовсь «Единой Россиянь» региональной дискуссионной площадкань васенце промксось. Сонзэ лувсо кортавсь коммунальной шукшонь пурнамонь реформадонть ды республикасонть «Экология» национальной проектэнть тевс нолдамодо. Промксонть важодемасо ульнесть «Ремондис Саранск» региональной операторонь прявттнэ, республикань Жилищно-коммунальной хозяйствань, энергетикань ды эрицятнень гражданской ванстомань, Вирень ды охотямонь хозяйствань, Эрицятнень социальной ванстомань, трудонь ды занятостень министерствань важодицятне, тарифень коряс республиканской службань специалисттнэ, ОНФ-нь ды общественной организациятнень члентнэ.

Подробнее ...