Рубрикатор

Cобытия недели Эрицятнень сэтьмечист ванстомась – васень таркасо
Эрицятнень сэтьмечист ванстомась – васень таркасо

Россиянь МВД-нь патрульно-постовой службантень – 95 иеть

Неень шкане масторсонок патрульно-постовой службанть лангс путовить покш кемемат общественной порядоконть ды эрицятнень безопасностест ванстомась, зыянов тевтнень ды административной правонарушениятнень а нолдамось ды преступлениятнень панжомась. Сынь истя жо лездыть ки лангонь зыянов тевтнень киртямонтень, общественностень представительтнень марто вейсэ ванстыть минек ломантнень сэтьмечист. Самай те ведомствасонть важодицятнень вельде кемекставить правань ванстыця органонь сотрудниктнень коряс арсематне-мельтне, эдь сынь сехте сеедьстэ вастневить ломантнень марто эрьва чинь тевсэст. Минек республикань полициянь патрульно-постовой службанть покш путовксозо Мордовиясо правонарушениятнень аламолгавтомасо ды сынст коряс профилактикань роботанть ветямосо.

Аволь умок Саранскойсэ Футболонь коряс масторлангонь чемпионатонь матчтнень ютавтомась невтизе, кода парсте сонензэ анокстасть ды невтсть эрьвась эсензэ таркасо тевензэ вадрясто содамонть МР-ва Россиянь МВД-нь сотрудниктне. Ламо тевть неть читнестэ путовкшность патрульно-постовой службань важодицятнень лангс, кить топавтсть тевест покш ответственностень марязь.

Алкукскак, матчтнень ютавтомань читнестэ ансяк «Мордовия Арена» стадионс пурнавкшность 40 тёжадо ламо ваныцят, а лововияк, зяро инжеть содавтызь те шкастонть минек республиканть. Паро, весемесь ютась сэтьместэ. Койсэнек, теньсэ покш путовксост весе правань ванстыця структуратнень ды сехте пек сетнень, кить чинек-венек кандсть службаст. Течи минек редакциянь инженек – МР-ва Россиянь МВД-нь управлениянь ППСП-нь ОБ-нь отделениянь командирэсь, старшей прапорщикесь Николай Васильевич Кемаев.


Николай Васильевичень эйкакш пингезэ ютась Отяжеле ёнксонь Ламбаське велесэ ламо эйкакшонь триця семиясо. Тетязо-авазо, Василий Дмитриевич ды Нина Михайловна, трясть кастасть кото цёрат. Сехте покшось, Николай, школань прядомадо мейле васня тонавтнесь эсест ёнксонь Козловка велесэ СПТУ-со, мейле тонавтнеманзо поладызе Н.П.Огарёвонь лемсэ Мордовской государственной университетсэ ветврачонь специальностенть коряс. Иень ютазь чарькодсь, те аволь сонзэ тевесь. Сайсь мель туемс армияв. Ульнесь 1986 ие. Туркменистансо учёбкасо улемстэ (тонавтнесь снайперэкс), кармась содамо Афганистанов интернациональной долгонь топавтомо кучомадонзо. Кодашка покш седейризкс кирдсть Николай Васильевичень малавиксэнзэ, сехте пек авазо, Нина Михайловна, колмо иень перть, зярс ульнесь войнасо покш цёразо. Эдь се шкане сынст раськестэ интернациональной долгонь топавтомсто маштовсь малавиксэст Евгений Тутыгин. Николайнень Пазось казсь эрямо. Тосто велявтомадо мейле сон эрямонзо сюлмизе милициясо важодеманть марто. Ушодсь эсест ёнксонь Вечерлей велесэ туберкулёзной ЛТП-сэ, седе тов Отяжелень медвытрезвительсэ важодсь. Шкань ютазь тусь Саранскоев. Прядсь милициянь школа.

Пель иень перть важодсь милиционерэкс Саранскоень ГУВД-сэ. 90-це иетне стакальть аволь ансяк ошонь ды велень эрицятненень, седеяк пек – правань ванстыця органонь сотрудниктненень. Эрьва чистэ саламот-коламот, вастневсть нарьгамот. Самай сеть иетнестэ патрульно-постовой службась васенцеде кармась тевс нолдамо кинологонь тевенть. Н.В.Кемаевень ледстнеманзо коряс, сон ульнесь ППС-нь взводонь прявтонь полавтыцякс. Сестэ Саранскоесь допрок лия ульнесь, седе ламо башка азоронь кудот, ульцятне аволь истя валдомтозельть, салыцятне ялго оргодильть, кекшнильть... Азё вешник, ков кекшсь шапкань нельгицясь сёксень-телень чопода чокшне. Те эдь ней ошонок допрок полавтовсь, веньберть прок чить ды малав эрьва куросонть аравтозь камерат.

2009 иестэ саезь Н.В.Кемаев топавты МР-со Россиянь МВД-нь ОБ-нь ППСП-нь отделениянь прявтонь тевенть. Сонензэ аволь весть савсь кандомс службанзо «пси точкатнесэ», кавксть ульнесь Дагестансо (1997 ды 2001 иетне), Осетиясо (2002), Екатеринбургсо, Санкт-Петербургсо ды Московсо покш событиятнень ютавтомсто. 1991 иень августонь 18-21-це читнестэ, зярдо  Московсо ульнесь исторической политикань покш событиясь, Николай Васильевич вейсэ ялгатнень марто ванстась масторонь прявт ошсо общественной порядоконть.

Ламо иень перть службанзо парсте топавтоманть кисэ Н.В.Кемаевень  покш казнетнень ютксо: «За отвагу» ды «За боевое содружество» медальтне, «За верность долгу» знакось, Россиянь МВД-нь министрань Почетонь грамотась ды Мордовия Республикань Почётонь грамотась.

Прянь а шныця, аламо кортыця, ламонь теиця эрзянь цёранть марто вастовомсто арсезевинь, кить ульнесть сонзэ покштянзо-бабанзо, васенце тонавтыцянзо. Сындест седейшкава тенек пачтясь Николай Васильевич. Аванзо ёндо покштянзо, Михаил Георгиевич Кильдюшкинэнь, содылизь аволь ансяк эсест Ламбаськесэ, истя жо шабра велетнесэяк, сон ульнесь ёроков художникекс. Советской шкатнестэ Культурань кудотнень мазылгавтсь. Теке райононь Целпановасо Советской  Союзонь Героентень А.Ф.Пугачевнень ды Ленинэнь кеврунготнень пурныцякс. Зярдо масторсонок кармасть вельмевтеме церьковатнень, сонзэ тердтнилизь храмтнесэ артовксонь тееме, Пазавань артомо. Тешкстасынек, аволь эрьва ломанентень топавтовить неть покш тевтне.

Тетянзо ёндо покштязо, Дмитрий Ильич Кемаев, Ине Отечественной войнань участник, ятонть каршо тюремастэ стакасто ранязель, сась войнасто пильгевтеме. Войнадо мейле кувака пинге тензэ эзь саво эрямс. Кулось 63 иесэ. Нинзэ, Евдокия Андреевна, марто трясть-кастасть вете эйкакшт.

А кадныть тиринь юртонть Кемаевтнень котонест цёратне, сеедьстэ семияст марто сакшныть аваст, Нина Михайловнань, содавтомо.

Эрямосо эрьва чарькодиця ломанесь пингень перть ёвты сюкпрянь валт тонавтыцянзо туртов. Н.В.Кемаев паро  валсо ледстни школань тонавтыцянзо – Нина Николаевна Сироткинань, Василий Егорович ды Мария Степановна Русяевтнень. Важодема пингенть ушодомсто профессиянь тевтнень содамосо покш лезкс тензэ макссть се шкане отделениянь прявтнэ Александр Окунев ды Владимир Сатункин.

Народсо кортыть: ломанесь уцяскав сестэ, зярдо сон седейшкава моли важодеме ды покш мельспаросо велявты важодема таркасто кудов. Неть валтнэ пек ладить минек героентень Николай Васильевичнень. Сон алкукс вечксы тевензэ ды свал кудосо учить малавиксэнзэ: низэ, Юлия Васильевна ды кавто тейтерензэ, Валерия ды Вероника. Тешкстасынек, покшось эрямосонзо кочкизе юристэнь а шожда тевенть, веженцесь зярс тонавтни 7-це классо.

Бути ломаненть семиясо сэтьме, кенярксов эрямо, сестэ сонзэ касы мелезэ седе ламо паро тевть топавтомс важодема таркасояк!

Валентина Юдина

 

 

Новости

Повышение уровня занятости на селе – один из приоритетов «Единой России»
На XVIII Съезде «Единая Россия» предложила дать возможность расширения
рынков сбыта для личных подсобных хозяйств (ЛПХ).
 В рамках обсуждения на дискуссионной площадке XVIII Съезда Партии, 
посвященной вопросам сельского хозяйства, было предложено дать 
возможность применения добровольной патентной системы 
налогообложения для крупных личных подсобных хозяйств (ЛПХ). Тех, что 
намеренны выйти на более широкие рынки сбыта, нежели фермерские 
ярмарки.  «Но для этого им сейчас нужно оформляться в качестве 
фермерского хозяйства или индивидуального предпринимателя. Это уже 
другая отчетность и налогообложение.  подача деклараций и заполнение 
нескольких видов отчетностей. Мы предлагаем дать  возможность 
владельцам ЛПХ, которые этого захотят, приобрести патент. Если у вас есть 
личное подсобное хозяйство, вы реализуете излишки, и не планируете 
выходить на уровень более широкой торговой деятельности, то и 
приобретать патент не нужно», - пояснил заместитель Председателя
Госдумы, руководитель фракции «Единая Россия» Сергей Неверов.
Подробнее ...
 
Премьера!

Декабрянь 8-це чистэ 17:00 чассто Эрзянь ды мокшонь национальной драматической театрасо ваныцятнень учи премьера. Тесэ невтить М.Камолеттинь «Играем в дружную семью, или гарнир по-французски» од путовкс. Спектаклясь алтави МР-нь заслуженной артисткатнень Марина Аверкинань ды Галина Самаркинань юбилеень тешкстамонтень. Режиссёрось-путыцясь МР-нь заслуженной артисткась Л.Шахова.

 
Ардоманть кис питнетне яла касыть

Саранск ошонь общественной транспортонь частной предприятиятне бажить кепедемс ардоманть кис питнетнень декабрянь 25-це чистэ саезь. Теде сынь пачтясть ошонь администрацияв. 2, 5, 10, 15, 16, 18, 19, 21, 22, 24, 25, 28, 32, 35, 36, 37, 38, 40, 41, 44 ды 45№ маршурттнэсэ питнесь карми 25 целковойть (ней – 20). 23, 34 ды 66№ – 23 целковойть. Мэриясо пачтясть: неень шкане Саранскойсэ важодить кавто ООО-т («Сигнал С» ды «ПАТП»), конат усксить ломанть, истя жо индивидуальной кавксо предпринимательть. Частной усксицятнеде 35%.

Подробнее ...
 
Важоди Якшаматянь почта

Мордовиянь Главпочтамтсо декабрянть прядовомс карми важодеме Якшаматянь Почтась. Сёрмадомс ды нолдамс почтань ящикс телень прявт волшебникентень пачтямо мереви эрьвантень, иетнень лангс апак вано.

Подробнее ...
 
Партийцы ждут от Съезда конструктивных дискуссий

  - Именно в первый день  XVIII  Съезда Партии, который пройдет  7-8 декабря в Москве, состоится работа трех дискуссионных площадок «Обновление», «Открытость», «Партия и выборы», на которых мы сможем обсудить свои предложения и принять  решения, действительно позволяющие   наладить более эффективную и открытую работу партийных структур», -  сказал секретарь  Регионального отделения  «Единой России», Председатель Государственного Собрания республики Владимир Чибиркин.

Подробнее ...