Рубрикатор

Cобытия недели Районтнэ тешкстызь чачома чист!
Районтнэ тешкстызь чачома чист!

 1928 иень июльстэ Весе Россиянь Центральной исполнительной комитетэнь Президиумось явизе Средневолжской ёнксонть вейксэ округов. Ютксост ульнесь Мордовиянь округось Саранск прявт ошонть марто. Те округось истя жо явозель 16 муниципальной ёнксов. Истя, географиянь картанть лангс лиссть Орданьбуень, Отяжелень, Дубенкань, Ельникинь, Зубова-Полянань, Инсаронь, Ковылкинань, Кочкуровань, Краснослободскоень, Ромодановань, Рузаевкань, Сыре Шайговань, Темниковань, Теньгушевань, Торбеевань ды Чаунзань районтнэ. Тедеде тенст топодсть 90 иеть.  Кой-кона районтнэ уш тешкстызь кенярксчист, кой-конатне эште анокстыть покш мероприятият. Ютазь оймсема читнестэ эсест покш кенярксчист, теевема иестэст 90 иетнень топодеманть, тешкстызь Мордовиянь ниле районтнэ: Кочкуровань, Чаунзань, Дубенкань ды Орданьбуень.

 

90 иеть топодсть

Кочкуровантень…

Кочкурова ёнксонь эрицятненень поздоровонь ёвтамо республикань прявттнэстэ сакшнось МР-нь финансонь министрась Алексей Симонов, кона Культурань кудонь сцена лангсо ёвтась ламо поздоровт ды казсь картина. Кочкуровань районось эсь чачома чикс лови 1928 иень июлень 16-це чинть, ды 90 иес те ёнксось, нама, пек полавтовсь. Тесэ строязельть од кудот, од килангот. Райононь прявтось Светлана Герасимова тешкстызе, эрямо таркань строямонь коряс сынь тедеде лиссть омбоце таркас республикань районтнэнь ютксо.                                                          

 …Орданьбуентень

 Орданьбуень муниципальной райононь чачома чись тешкставсь ДЮСШ-нь стадионсо. Эрицятненень поздоровонь ёвтамо тов сакшность райононь прявтось Александр Антипов, МР-нь велень хозяйствань министрась Владимир Сидоров, сенаторось Владимир Литюшкин, Госсобраниянь Председателень полавтыцясь Иван Москаев ды Олимпийской налксематнень участницась, Кеченьбие велень содавикс спортсменкась Елена Анюшина. Сонензэ казезель Орданьбуень райононь Почетонь грамота.

Райононь прявтось истя жо казсь ламо казнеть производствасо ды велень хозяйствасо важодицятненень, райононь эрицятненень, конатненень топодсть истя жо 90 иеть, ды те чистэнть урьвакстыцятненень-венчицятненень. Тесэ жо ютась 2018 иень Велень кизэнь налксематнень финалось.

Концертэнть мазылгавтызь эсь морамосост-киштемасост «Грани», «Русская удаль» ды «Сырнень суркске» ансамблятне. Стадионсонть панжозель декоративно-прикладной творчествань выставка, конасонть, кода свал, невтизь докачист Орозбиень кемень кевердицятне.

                                                         …Чаунзантень

 Чаунзасо кенярксчинть тешкстамонь торжественной пельксэсь ютась ДЮСШ-нь стадионсо, декоративно-прикладной выставкась жо сравтовкшнось Ленинэнь площадьсэнть. Тезэнь Чаунзань райононь весе поселениятне ускизь эсест раськень ярсамопелест, кезэрень коень-кирдань ёнксост. Вана, саемга, Пичеуры велесь невтнесь, кодамокс ульнесь кезэрень одирьванть мирденень лисемань паресь, кодат оршамопельть-карсемапельть тозонь таштыльть.

Кенярксчинтень сакшнось Мордовиянь Правительствань Председателень полавтыцясь Игорь Чадов. Поздоровт эсензэ райононь ломантненень ёвтась прявтось Вячеслав Цыбаков, конась истя жо явшесь ламо казнеть.

Торжественной пелькстэнть мейле ушодовсть киштематне-морамотне. Чаунзань артисттнэде башка эсь докачинзэ невтизе «Росичи» содавикс ансамблясь.

…Дубенкантень

 Дубенкасо кенярксчись тешкставсь перть-пельксэнть потмура чинть лангс апак вано, Культурань ды оймсемань парксонть. Тесэ васняяк ютасть асфальт лангсо артомань пелькстамот, черьпулонь кодамонь ды лия мастер-класст, ловномань вечкицятненень литературной выставка. Теске жо аравтнезельть батутт, эйкакштнень туртов аттракционт. Парксонть микшневсть Дубенка ёнксонь дока ды кедьчелькев ломантнень декоративно-прикладной ды художественной творчествань теевкстнэ-артовкстнэ. Панжозель воинтнэнень-интернационалисттнэнень ды боевой действиянь участниктненень кеврунго. Тиринь райононь эрицятненень кенярксчинть коряс поздоровонь ёвтамо сакшнось прявтось Сергей Плешаков. Сон макссь казнеть сехте вадрясто важодицятненень, куватьс вейсэ эриця семиятненень, трудонь ветерантнэнень. Мейле ушодовсь концертэсь, конань невтизь Дубенкань морыцятне-киштицятне ды Мордовиянь филармониянь артисттнэ. Теке шкастонть жо ютасть спортонь пелькстамот. Кенярксчинь площадканть чиресэ сравтовсь ярмункась. Чокшне эште ютась дискотека ды менеленть мазылгавтызе фейерверкесь.

 

Новости

Ольга Окунева: Законопроект об «ипотечных каникулах» направлен на защиту граждан, оказавшихся в трудной жизненной ситуации
Госдума на пленарном заседании в четверг, 21 марта, приняла в первом
чтении законопроект об ипотечных каникулах для граждан, оказавшихся в
трудной жизненной ситуации.
Оперативное рассмотрение и принятие Госдумой в первом чтении
законопроекта об ипотечных каникулах говорит о том, что инициативы
Президента России Владимира Путина по «ипотечным каникулам» будут
реализованы в максимально короткие сроки. Об этом рассказала
Координатор партпроекта «Крепкая семья», первый заместитель
председателя комитета Госдумы по вопросам семьи, женщин и детей Ольга
Окунева.
Подробнее ...
 
43№ лицейсэ панжовсть «Героень партат»

«Единая Россия» партиянь «Од школа» партпроектэнть лувсо ушодовсь «Парты героя» проектэсь. Сонзэ вельде кепедевить минек масторонь геройтнень лемтне, эйкакштнень трямосо-кастомасо васенце таркас аравтовить патриотической ёнкстнэ.

Неть читнестэ Саранскоень 43№ лицейсэ ютась промкс, кона алтавсь «Героень партань» панжомантень. Тесэ невтезельть кавто партат, конат алтавить Советской Союзонь Героентень Виктор Николаевич Бобковнень ды Мужествань Орденэнь кавалерэнтень Владимир Иванович Ненюковнень.

Подробнее ...
 
«Единая Россия» поддерживает законопроект Минтранса о невозможности высаживать детей из общественного транспорта

Эксперты партпроекта «Единой России» «Безопасные дороги» поддерживают законопроект Минтранса, внесенный на рассмотрение в Правительство РФ, согласно которому будет запрещено высаживать детей до 16 лет из общественного транспорта. Партия поддерживает данный законопроект, и совместно с Минтрансом доработает документ перед его внесением в Государственную Думу. Об этом заявил координатор партпроекта, заместитель председателя комитета Госдумы по транспорту и строительству Владимир Афонский на заседании общественного совета партпроекта.

Подробнее ...
 
Законопроект о «22-й кнопке» позволит поддержать местные телеканалы
Включение в обязательный цифровой пакет муниципальных
телеканалов, который распространяют операторы кабельных сетей, расширит
информационное пространство для зрителей и позволит существенно
поддержать местную тележурналистику. Об этом заявил соавтор
законопроекта о «22-й кнопке» - заместитель секретаря Генерального совета
«Единой России», член комитета Госдумы по информационной политике,
информационным технологиям Евгений Ревенко. Документ предполагает
внесение изменений в статью 32 федерального закона «О средствах массовой
информации» и статью 46 федерального закона «О связи».
Подробнее ...
 
В «Единой России» предложили расширить список оснований для получения ипотечных каникул, включив в него рождение второго ребенка
     Перечень оснований, по которым банки будут обязаны вводить ипотечные
каникулы для заемщиков, должен быть максимально широким и включать в 
себя не только потерю работы, но и вторую беременность. Об этом заявила 
член общественного совета партийного проекта «Крепкая семья», депутат 
Государственной Думы Татьяна Цыбизова в ходе заседания 
внутрипартийной дискуссионной площадки партии «Единая Россия» 
«Благополучие человека» на тему «Доступная ипотека – шаг к семейному 
благополучию».
Подробнее ...