Рубрикатор

Cобытия недели Анатолий Новиков: «Зыянонь лисемадо эрьва пачтямонть нолдынек седеенек пачк»
Анатолий Новиков: «Зыянонь лисемадо эрьва пачтямонть нолдынек седеенек пачк»

Тедеде Россиянь МВД-нь дежурной частень подразделениянтень топодсть 100 иеть. Аволь стяко кортыть, дежурной частесь – внутренней тевень органтнэнь седеест. Те подразделениянть эйстэ ашти ошонь весе полициянть важодемазо. Самай тесэ саить эрицятнень пельде весе яволявтоматнень, тей пачтявить «02» телефононть коряс зыянонь лисемадо весе гайневтематне. Дежурной частень важодицятнень виде ды эряза тевдеемаст вельде ашти аволь ансяк зыянонь теицянть кундамось, преступлениянть панжомась, истя жо ломантнень эрямост.

Анатолий Иванович Новиков дежурной частьсэ важодемантень алтась ламо иеть, ней сон – внутренней тевень органонь ветеран. Ансяк течинь чис кирди мельсэнзэ важодемань эрьва чинть, эрицятнень пельде эрьва пшкадеманть. Сонзэ валонзо коряс, эрьва гайневтеманть, зыянонь лисемадо пачтямонть дежурной частень важодицятне нолдыть седеест пачк.

 

А.И.Новиков чачсь Чаунза ёнксонь Покш Маризь велесэ. Школанть прядомадо мейле тонавтнесь Н.П.Огарев лемсэ МГУ-нь Электронной техникань факультетсэ. Зярыя иень перть важодсь Саранскоень Полупроводникень изделиянь заводсо оборудованиянь коряс мастерэкс, мейле ютась Точной приборонь заводов. Внутренней тевень органтнэсэ важодеманзо ушодызе 1995 иень апрелень 25-це чистэнть саезь.

– Монь лелям, Владимир Дмитриевич Новиков, Ине Отечественной войнань участникесь, роботась милициясо (се шкане полиция эштё арасель). Ледстнеса, вишкинеть ульнинек, сон свал сыль велев милициянь формасо (тетянзо-аванзо кудось минек шабрасоль), – ледстни Анатолий Иванович. – Минь, эйкакштне, пурнавилинек перьканзо, сон оршавтыль лангозонок картуз, погонт ды ёвтниль зыянонь теицятнень кундамодост. Сон марявсь тенек алкуксонь героекс. Неть вастоматнень-кортамотнень вельде уш вишка пингстэ седейсэнь чачсь мель – важодемс полициясо. Истя, внутренней тевень органтнэсэ важодеманть ушодыя связень отделэнь инженерэкс, мейле ютынь дежурной частев.

– Анатолий Иванович, кить лездасть тенк важодемань васенце иетнестэ?

– Дежурной частьсэ важодемстэ вастовинь кемевикс ломантнень марто. Неть – А.В. Горбунов, Д.В.Вилков, А.В. Сиднев, конатне ламосо лездасть тень, тонавтымизь: кинь марто кода кортамс, кода видестэ максомс каршо вал. Сынь истят ломанть, конатнень марто, ёвтан апак сёпо, маринь прям теке кевень стена экшсэ. Коллективенек ульнесь пек вадря ды кеме.  Ламосо лездась тень дежурной частень се шкань прявтось Г.И.Першин. Свал кунсолось пшкадеманок, энялдоманок ды вестькак эзь моле минек меленек-арсеманок каршо.

– Дежурной частьсэ важодемась стака?

– Пек стака ды ответственной. Бути кортамс важодемань башка ёнкстнэде, весе содасызь: полициянь кодамо отделс бу аволь сова ломанесь, васенцекс несы дежурной частенть, звони «02» телефонганть – понги дежурной частев. Кодамо зыян аволь лисе, васенцекс пачтямось истя жо сы дежурной частев, ды тосо важодиця сотрудникесь кучи эрявикс служба: патрульно-постовой, дорожно-патрульной, следственно-оперативной группа, бути эряви, терди медицинань куроксто лезксэнь максомань служба. Дежурной частень сотрудниктненень эряви пек эрязасто арсемс-чарькодемс лисезь тевенть, пачтямс зыяндонть седе тов. Эряви пек вадрясто содамс ошонть.

Анатолий Иванович видькстась, важодемань шкасто сон примась ламо пачтямот покш кажонь лисемадо, ламоксть лиснесь преступлениянь теема таркатнес. Пек виев вачкодькс сонзэ туртов кандсь се зыянов тевесь, зярдо маштовсь ялаксозо Евгений Иванович Новиков, сон ульнесь республиканской больницянь прявт врачокс. Те зыянов тевесь лиссь А.И.Новиковонь дежурствасо, самай сон примизе зыянонь лисемадо пачтямонть. Анатолий Иванович следственно-оперативной группанть марто ардсь кажонь таркантень, весе те трагедиясь ульнесь сельмензэ икеле… Омбоце покш вачкодькс кандсь зыянось, зярдо эсензэ кудосо чавизь омбоце ялаксонзо.

– Эрицятнень пельде эрьва яволявтоманть, эрьва пачтямонть, минь ютавтынек седеенек пачк. Пек покш ризкс кандсь мартонь 25-це чистэ Кемеровасо лисезь зыянось, тосо маштовсть ламо ломанть. Зярдо важодинь дежурной частьсэ, весе неть пачтямотне, зярдо ламо ломанть кулыть, чавовить, понгить ки лангонь зыянс, толсо палыть – те пек тандавты, рунгованть мик кельме моли. Секскак дежурной частьсэ важодемс пек стака, эряви улемс цидярдыцякс, маштомс кунсоломс пшкадицянть, зыянс понгозенть, – корты Анатолий Иванович.

А.И.Новиков отставкас туемадо мейлеяк а ашти тевтеме. Ней сон важоди «Научно-исследовательский институт технической физики и автоматизации» ОАО-нь Саранскоень филиалсонть пожарной безопасностень коряс инженерэкс. Видькстась, покш вийть ды кеняркс эрямосонть кази тензэ вечкевикс семиязо. Нинзэ, Наталья Михайловна, марто сынь кастсть кавто тейтерть. Покшось, Мария, прядызе Н.П. Огарев лемсэ МГУ-нь Медицинань институтонть. Важоди Московонь поликлиникасо терапевтэкс. Сон уш мирдень кедьсэ, кавто эйкакшонзо – Евгения ды Дарья. Новиковтнень омбоце тейтерест, Наталья, Н.П.Огарев лемсэ МГУ-нь юридической факультетэнть прядомадо мейле Рузаевкасо роботы юристэкс ды ве шкане тонавтни магистратурасо.

МР-нь Внутренней тевень министерствасо Дежурной частень подразделениянтень 100 иетнень топодеманть кувалма кенярксчинь промкссонть А.И.Новиковнень казезель «РФ-нь МВД-нь дежурной часттнень 100 иетненень» мештьсэ кандтнема медальсэ знак.

– Покш мельспаро, эйсэнек а стувтнить, явить тенек мель, тешкстыть важодемантень путозь таликанок, – тешкстызе Анатолий Иванович.

Т.Аксенова

 

Новости

В «Единой России» предлагают сделать 22 октября Днем российского футбола

Фракция «Единой России» в Государственной Думе предлагает установить в России новую памятную дату и сделать 22 октября Днем российского футбола. Как заявил сегодня на пленарном заседании член комитета Госдумы по контролю и регламенту Дмитрий Белик, соответствующий законопроект внесен в нижнюю палату парламента.

Подробнее ...
 
Законопроект о расширении категорий пенсионеров, получающих компенсацию оплаты взносов на капремонт, будет принят в третьем чтении 19 июля
Сегодня, 10 июля, Госдума приняла во втором чтении законопроект, подготовленный депутатами партии «Единая Россия», которым предлагается с 1 января 2019 года расширить перечень собственников жилых помещений, достигших возраста 70 или 80 лет, которым субъекты РФ вправе предоставлять компенсации расходов на уплату взноса на капитальный ремонт.
Подробнее ...
 
«Единая Россия» добилась гарантий компенсаций учителям за проведение государственной итоговой аттестации
Президент России Владимир Путин на днях подписал федеральный закон №
188-ФЗ «О внесении изменения в статью 47 Федерального закона «Об
образовании в Российской Федерации» в части выплаты компенсации
педагогическим работникам за работу по подготовке и проведению
государственной итоговой аттестации (ГИА) по образовательным
программам основного общего и среднего общего образования любых форм.
Закон вступит в силу с 1 января 2019 года.
Подробнее ...
 
Пакистанонь эрицясь ёвтась сюкпря полициянь важодицятненень ёмавтозь документтнэнь велявтомаст кисэ

Саранск ошонь полициянь важодицятне лездасть Пакистанонь эрицянтень, конась ёмавтызе документт ды банконь карта марто кескавненть. Цёра-ломанень портмоненть, конась ульнесь омбо масторонь эрицянть, муизь Отяжбуе ёнксонь школасо тонавтницятне Мордовиянь прявтошонь куншка куростонть. Муевкстэнть эйкакштне сеске пачтясть полициянь важодицятненень.

Подробнее ...
 
Турчак заявил о запуске конкурса социальных проектов первичных отделений «Единой России»
В ближайшее время стартует конкурс социальных проектов первичных
отделений «Единой России», лучшие проекты смогут претендовать на
грантовую поддержку Партии. Об этом сообщил секретарь Генсовета Партии
Андрей Турчак, выступая на пленарном заседании форума первичных
отделений «Единой России» в Северо-Кавказском федеральном округе.
Подробнее ...