Рубрикатор

Cобытия недели Чить ды веть сынь ванстыть сэтьмечинек
Чить ды веть сынь ванстыть сэтьмечинек

Обедтэ мейле кенярксчинь тешкстамось поладовсь Республикань Культурань кудосо, косо ульнесь торжественной промкс.

Мордовиянь милициянтень поздоровонь евтамо сакшность: Мордовия Республикань Прявтось Н.И. Меркушкин, МР-нь Госсобраниянь Председателесь В.В.Конаков, МР-со Главной Федеральной инспекторось А.М.Пыков, МР-нь Правительствань Председателесь В.Д.Волков, Саранск ошонь округонь Администрациянь прявтось В.Ф.Сушков, республикань правань ванстыця ведомствань прявттнэ.

Н.И.Меркушкин правань ванстыця органонь сотрудниктненень поздоровонь евтамсто тешкстызе ломантнень кеме вешемаст милициясо важодицятненень. Эдь васняяк сынст эйстэ ашти минек сэтьме эрямонок, экономикасо ды социальной сферасо тевтнень молемаст. Николай Иванович шнынзе сеть важодицятнень, кить парсте лангс ливтить зыянонь теицятнень. Келя, минек невтевксэнек сехте парт Россиянь регионтнэнь ютксо. Те, васняяк, корты минек милиционертнэнь тевест парсте содамодо, шкастонзо эрьва максозь заданиянть топавтомадо, правань ванстыця системань органтнэнь марто велувсо важодемадо.

 

 

Торжественной промкссонть кортась МР-со МВД-нь министрась, милициянь генерал-майорось Н.С.Ларьков. Сон васняяк евтась поздоровт Н.И.Меркушкиннэнь МР-нь Прявтонь тевенть топавтомо ладямонь коряс ды мерсь сюкпря внутренней тевень органтнэнень лезксэнь максомань кисэ. Николай Сергеевич пачтясь милициясо важодицятнень вийсэ теезденть:

– Иенть ушодовомсто минек сотрудниктне панжсть сядот маштомат, редясть закононь коламот Мордовияв оружиянь пачтямсто. Кеменксть седе аламолгадсть автомашинатнень, кудосто ули-паротнень саламотне. Уголовной тевтнень седе сеедьстэ кармасть судс ильтямо, корязост роботась седе виевгавтовсь. Ульцясо ды общественной таркатнесэ киртявсть зыянов тевтне, кундасть сядот преступникть ды муевсть сеть, кить емакшность кулявтомо.

Кодамо кенярксчи казневтеме. РФ-нь Президентэнть Указонзо коряс вирьсэ пожартнэнь мадстемстэ а пелеманть ды цидярдоманть кисэ «За отличие в охране общественного порядка» медальсэ казезь: МВД-нь общественной порядкань ванстомань отделэнь инспекторось, милициянь старшей лейтенантось Александр Афтайкин, МР-со МВД-нь вневедомственной охранань управлениянь старшей инспекторось, милициянь майорось Алексей Кузин.

Те чистэнть «МР-нь заслуженной юрист» почетонь лемесь максозь МВД-нь дознаниянь организациянь отделэнь прявтонтень, милициянь полковникентень Надежда Сенькинанень ды МР-со МВД-нть пингстэ следственной управлениянь следственной частень отделэнь прявтонь полавтыцянтень, юстициянь подполковникентень Владимир Тюхтяевнень.

Пуромозтнень ютксто ламот казезельть Шнамонь грамотасо, Благодарностьсэ. Истя жо казнеть ульнесть МР-нь Госсобраниянть, МР-нь Правительстванть, МР-со Главной федеральной инспекторонть ды Саранск ошонь округонь Администрациянь прявтонть пельде.

В.Юдина

 

 

Новости

Чувашиясто – казне марто

 

Мартонь 24-це чистэ И.Я.Яковлев лемсэ Чувашиянь государственной педагогической университетсэ ютась этнопедагогикань ды поликультурной образованиянь коряс студентэнь Весероссиянь олимпиада. Сон алтавсь РАО-нь академикенть Г.Н.Волковонь 90 иетненень.

Подробнее ...
 
Од ломанень ассамблея

 

Мордовия Республикасо теезь «Молодежная Ассамблея народов России «МЫ – РОССИЯНЕ» Общероссийской общественной движениянь региональной отделения. Республикасонть од ломанень движениянь теемась карми общероссийской гражданской идентичностень формированиянть коряс ушодкстнэнень, раськетнень ютксо ояксчинь кемекстамонтень ды  межкультурной вейсэнь важодеманть келейгавтомантень лездамонь площадкакс.

Подробнее ...
 
Диктантось – эрявикс тев

Те иень апрелень 8-це чистэ Саранскойсэ малав 400 ломантне кармить «Тотальной диктантонь» участникекс. Мероприятиянь ютавтомань меленть шнызе Мордовиянь Прявтось Владимир Волков.

Подробнее ...
 
Сценанть лангсо Ицялбуесь...

 

Неть оймсема читнестэ Республикань Культурань Кудосо ютасть «Шумбрат, Мордовия!» народной творчествань фестивалень меельце концерттнэ. Кадовсь ансяк Гала-концертэсь, кона карми декабрянь 11-це чистэ. Сценанть лангс лиснесть Ицялбуень, Ковылкина ёнксонь ды Саранск ошонь округонь артисттнэ.

Подробнее ...
 
Мамаева омбоце

 

Ноябрянь васенце пельксстэнть евтазельть Россиянь республикатнень государственной кельтнень коряс школасо тонавтницянь ды студентэнь Весероссиянь васенце олимпиадань итогтне.

Подробнее ...