Рубрикатор

Cобытия недели Алтавсь тейтерь-авань кенярксчинтень
Алтавсь тейтерь-авань кенярксчинтень

Раськеютконь тейтерь-авань кенярксчинь каршо чистэнть Республикань Культурань кудосо ютавтовсь торжественной промкс. Мордовиянь сехте покш ды мазый залонтень пурнавкшность эрьва кодамо тевень топавтыцят: велень хозяйствасо, промышленностьсэ, культурасо, образованиясо, медицинасо важодицят, правань ванстыця органонь сотрудникть, бизнесэнь ветицят ды ламо лия профессиясо парсте тевест топавтыцят.

Те чистэнть республикань весе тейтерь-аватненень поздоров ды паронь арсемань вал марто пшкадсь Мордовия Республикань Прявтось В.Д.Волков. Сон тешкстызе тейтерь-аватнень эрьва тевс чарькодемаст, цидярдомаст, эрямованть кеместэ ютамост. Ёвтась сюкпря аватненень, тейтертненень, нитненень, бабатненень эрьва чинь лембень каземанть кисэ, алкуксонь мелявксонть кисэ. Промкссонть покш мель явовсь ветерантнэнень.

– Минь содатано, кодамо стакачи тынь цидярдыде войнань шкасто, кода кепединк ятонть вийсэ калавтозь масторонть, – мерсь МР-нь Прявтось. – Тынк ине тевенк тонавтымизь улемс алкуксонь цёракс, мезе лангскак апак вано, улемс изницякс.

В.Д.Волков ледстясь, Россиянь Президентэнть В.В.Путинэнь яволявтоманзо коряс 2018 иестэ саезь сыця кемень иетне алтавить эйкакштненень. Кода мерсь МР-нь Прявтось, меельце шкастонть республикасонть ламо теезь авань ды эйкакшонь институтонть кемекстамга. Теде кортыть демографиянь невтевкстнэ. Кемень иень перть Мордовиясо чачсть малав 90 тёжат од эрицят, сынст ютксо омбоце эйкакштне ламолгадсть 25 %, колмоце – 72 %, нилеце – 75 %.

– Те пек эрявикс тев ней, зярдо демографиянь лувось а пек паро, кеман, стакачитне изнявить, – мерсь В.Д.Волков. – Тенень покш лезкс максыть сеть тевтне, конатнень ёвтынзе Россиянь Президентэсь Владимир Владимирович Путин. Тов совить эйкакштнень кисэ эрьва кодамо пандоматне, авань капиталонть программас совавтомась, ипотекань льготань условиятне.

Седе тов МР-нь Прявтось пачтясь седе, кодамо демографиянь покш лезкс максыть минек республикасо эрямо таркань теемань программатне. Невтемакс, «Од семия» программасонть эрицятненень ярмаконь явомань коряс Мордовиясь Россиянь регионтнэнь ютксто лиссь ветеце, Равчирень федеральной округсо омбоце таркас. Сонзэ  улема шкастонть 11 тёжа семият совасть эрямо од кудос.

Республикасонть вана уш колмо иень перть тевс нолдави иезэнзэ ипотекань 5 % льготань программась, конась вечкевсь аволь ансяк минек республикасо, истя жо федеральной центрасояк.

Аволь умок МР-нь Прявтось В.Д.Волков Мордовиянь опыттэнть ёвтнесь РФ-нь Правительствань Председателентень Д.А.Медведевнень ды Федерациянь Советэнь руководителентень В.И.Матвиенконень. Кода мерсь Владимир Дмитриевич, лисни, минь топавттано сеть задачатнень, конатнень мартонь 1-це чистэ эсь Кучомасонзо аравтынзе Россиянь Президентэсь В.В.Путин.

– Минь арсетяно икелепелевгак ламолгавтомс эрямо кудотнень стявтомаст, виевгавтомс льготань коряс ипотеканть, теемс весементь, штобу ломантне эрязасто тевс нолдавольть государствань лезксэнть, – мерсь В.Д.Волков. – Республикасонть виевгавтови социальной инфраструктурась. Ламо ярмакт ютавтовить образованиянть паролгавтомс. Невтемакс, вете иень перть стявтозь ды допрок витнезь 18 школат ды 116 эйдень кужот. Тень вельде эйдень кужос ней арась очередь.

Россиянь Президентэсь В.В.Путин яволявтсь од программадо, конань коряс колмо иеде седе вишкинетненень кармить явовомо ясляв таркат. Минек республикась ушодсь сонзэ топавтомо. Сонзэ вельде ней од аватне кармить поладомо тонавтнемаст эли лисить важодема тарказост квалификациянь апак ёмавто.

Ламо паро тееви медицинасояк. Ютазь вете иетнень перть кавксть киртявсть ансяк чачозтнень куломась ды абортонь теемась. Седе эрязасто кармасть тевс нолдавомо репродуктивной од технологиятне. ЭКО процедуранть вельде кемень иень перть чачсть 700 шумбра эйкакшт.

Кода мерсь В.Д.Волков, минь тевсэ кирдтяно Россиянь Президентэнть ушодксонзо. Кортамось моли эйкакшонь поликлиникатнень одкстомтомань программатнеде. Колмо иеде теде икеле од поликлиника панжовсь Светотехстройсэ, ютазь иестэ ушодовсь одонть теемась Химмашсо. Маласо шкасто Саранскоень нилеце номер больницянь витнезь корпусонтень юты эйкакшонь омбоце номер поликлиникась, Юго-Запад микрорайонсо эриця вишкинетнень истя жо карми лецямонь ды шумбрачинь ванкшномань паро таркаст.

Сы шкадонть кортамсто МР-нь Прявтось тешкстась икелепеле учиця ламо паро тевтнеде, конатнень вельде паролгавтови семиятнесэ эрямось, важодема таркасо трудонь ды бытэнь условиятне, теевить коекс демографиясо паро ёнкстнэ.

Седе тов парсте важодиця тейтерь-аватненень максовсть казнеть. Сынст ютксо МР-со Российской Федерациянь Социальной страхованиянь государственной учреждениянь региононь отделениянь управляющеесь Л.А.Иванова. Людмила Александровнанень максозь III степенень Славань орденэсь. Меельцекс невтезель мельстуиця концерт ды весе тейтерь-аватненень казезельть цецяпусмот.

 

В.Юдина

 

Новости

Ольга Окунева: Законопроект об «ипотечных каникулах» направлен на защиту граждан, оказавшихся в трудной жизненной ситуации
Госдума на пленарном заседании в четверг, 21 марта, приняла в первом
чтении законопроект об ипотечных каникулах для граждан, оказавшихся в
трудной жизненной ситуации.
Оперативное рассмотрение и принятие Госдумой в первом чтении
законопроекта об ипотечных каникулах говорит о том, что инициативы
Президента России Владимира Путина по «ипотечным каникулам» будут
реализованы в максимально короткие сроки. Об этом рассказала
Координатор партпроекта «Крепкая семья», первый заместитель
председателя комитета Госдумы по вопросам семьи, женщин и детей Ольга
Окунева.
Подробнее ...
 
43№ лицейсэ панжовсть «Героень партат»

«Единая Россия» партиянь «Од школа» партпроектэнть лувсо ушодовсь «Парты героя» проектэсь. Сонзэ вельде кепедевить минек масторонь геройтнень лемтне, эйкакштнень трямосо-кастомасо васенце таркас аравтовить патриотической ёнкстнэ.

Неть читнестэ Саранскоень 43№ лицейсэ ютась промкс, кона алтавсь «Героень партань» панжомантень. Тесэ невтезельть кавто партат, конат алтавить Советской Союзонь Героентень Виктор Николаевич Бобковнень ды Мужествань Орденэнь кавалерэнтень Владимир Иванович Ненюковнень.

Подробнее ...
 
«Единая Россия» поддерживает законопроект Минтранса о невозможности высаживать детей из общественного транспорта

Эксперты партпроекта «Единой России» «Безопасные дороги» поддерживают законопроект Минтранса, внесенный на рассмотрение в Правительство РФ, согласно которому будет запрещено высаживать детей до 16 лет из общественного транспорта. Партия поддерживает данный законопроект, и совместно с Минтрансом доработает документ перед его внесением в Государственную Думу. Об этом заявил координатор партпроекта, заместитель председателя комитета Госдумы по транспорту и строительству Владимир Афонский на заседании общественного совета партпроекта.

Подробнее ...
 
Законопроект о «22-й кнопке» позволит поддержать местные телеканалы
Включение в обязательный цифровой пакет муниципальных
телеканалов, который распространяют операторы кабельных сетей, расширит
информационное пространство для зрителей и позволит существенно
поддержать местную тележурналистику. Об этом заявил соавтор
законопроекта о «22-й кнопке» - заместитель секретаря Генерального совета
«Единой России», член комитета Госдумы по информационной политике,
информационным технологиям Евгений Ревенко. Документ предполагает
внесение изменений в статью 32 федерального закона «О средствах массовой
информации» и статью 46 федерального закона «О связи».
Подробнее ...
 
В «Единой России» предложили расширить список оснований для получения ипотечных каникул, включив в него рождение второго ребенка
     Перечень оснований, по которым банки будут обязаны вводить ипотечные
каникулы для заемщиков, должен быть максимально широким и включать в 
себя не только потерю работы, но и вторую беременность. Об этом заявила 
член общественного совета партийного проекта «Крепкая семья», депутат 
Государственной Думы Татьяна Цыбизова в ходе заседания 
внутрипартийной дискуссионной площадки партии «Единая Россия» 
«Благополучие человека» на тему «Доступная ипотека – шаг к семейному 
благополучию».
Подробнее ...