Рубрикатор

Cобытия недели Сынст вийсэ эри велесь
Сынст вийсэ эри велесь

Республикасонть улить велень хозяйствань покш предприятият, конатнеде парсте содыть аволь ансяк Мордовиясо, сонзэ томбалеяк. Сынст продукцияст мельспаросо рамить Самарань, Ульяновскоень, Пензань, Нижней Новгородонь, Рязанень, Московонь ды лия областень эрицятне. Сырась, эрьва кодамо лемень колбасась, лия продуктатне пек вадрят.

Велень хозяйствань виев предприятиятне шкастонзо соксить-виднить, урядыть паксятнень. Ды эрьва гектарсто сайнить ламо сюро, ламбамо якстерькай, скалсто потявтыть ламо ловсо. Тесэ кода а шнамс «Агрофирма «Искра», «Агрофирма «Норов», «Селищенское», «Агрофирма «Октябрьская», «Агрофирма «Атемарская», «Агрофирма «Тавла» предприятиятнень ды истя седе тов.

Неть читнестэ ульнинек Кочкуровань райононь «Тавла» предприятиясонть. Генеральной директорось Н.А.Ширманкин тенек ёвтнесь хозяйстванть течинь эрямодонзо, тесэ важодицятнеде, седе, кода таштавить изнявкстнэ.

– А мезть сёпомс, велень хозяйствасо важодемась аволь шождатнестэ, – ёвтни Николай Андреевич. – Тевтнень топавтомо стякшнома пек рана, ды важодемаськак прядовкшны позда чокшне. Ансяк тень лангс апак вано, «Тавла» велень хозяйствань предприятиясо важодицятне тевест топавтыть вадрясто. Шкастонзо андовить ды потявтовить скалтнэ.

Хозяйствасонок лововить 800 скалт, эйстэст 400 – потявтовицят. Сынь кирдевить лембе кардосо, косо ули неень шкань оборудования марто скалтнэнь потявтомс зал. Тесэ важодить эсь тевень алкуксонь специалистт.

Ванды – Мартонь 8-це чи. Те кенярксчинть кувалма минек ды весе тейтерь-аватненень арсян кеме шумбрачи, уцяска, свал улемс вечкевиксэкс ды вечкицякс!

Н.А.Ширманкин ламо лембе валт ёвтась хозяйствань прявт зоотехникенть Н.А.Учеваткинань лемс.

– Мон Вирь ало Тавла велев сынь важодеме 1989 иестэ Мордовской госуниверситетэнь зоотехниянь факультетэнть прядомадо мейле, – ёвтни Нина Андреевна. – Ды нейгак тесэ важодян. Мон аволь Тавлань. Чачинь-касынь Ицялонь райононь Селища эрзянь велесэ.

Н.А.Учеваткинань валонзо коряс, хозяйствасонть парсте важодить скалонь потявтыцятне. Ютксост – Лидия Столярова, Инна Наумкина, Мария Скрипка ды паро цёрась Александр Батырев. Мелят эрьва скалсто потявтозь 5970 килограммат ловсо, мезесь манынь коряс седе ламо.

– Минь изнявкстнэнь лангс а лотксетяно, – полады Нина Андреевна. – Тедеде аравтлувсонок – эрьва скалсто потявтомс 6000 килограммат ловсо. Тень туртов минек ули весемесь: скалтнэнень таштазь сатышка кором.

…Ванат фотографиясонть тейтерь-аватнень лангс, конатнень сниминзе минек фотокорреспондентэсь Эдуард Ретунский, ды сат мельс-арсемас – вана кинь вийсэ эри велесь!

Пётр Зиновьев

 

Новости

Премьера!

Декабрянь 8-це чистэ 17:00 чассто Эрзянь ды мокшонь национальной драматической театрасо ваныцятнень учи премьера. Тесэ невтить М.Камолеттинь «Играем в дружную семью, или гарнир по-французски» од путовкс. Спектаклясь алтави МР-нь заслуженной артисткатнень Марина Аверкинань ды Галина Самаркинань юбилеень тешкстамонтень. Режиссёрось-путыцясь МР-нь заслуженной артисткась Л.Шахова.

 
Ардоманть кис питнетне яла касыть

Саранск ошонь общественной транспортонь частной предприятиятне бажить кепедемс ардоманть кис питнетнень декабрянь 25-це чистэ саезь. Теде сынь пачтясть ошонь администрацияв. 2, 5, 10, 15, 16, 18, 19, 21, 22, 24, 25, 28, 32, 35, 36, 37, 38, 40, 41, 44 ды 45№ маршурттнэсэ питнесь карми 25 целковойть (ней – 20). 23, 34 ды 66№ – 23 целковойть. Мэриясо пачтясть: неень шкане Саранскойсэ важодить кавто ООО-т («Сигнал С» ды «ПАТП»), конат усксить ломанть, истя жо индивидуальной кавксо предпринимательть. Частной усксицятнеде 35%.

Подробнее ...
 
Важоди Якшаматянь почта

Мордовиянь Главпочтамтсо декабрянть прядовомс карми важодеме Якшаматянь Почтась. Сёрмадомс ды нолдамс почтань ящикс телень прявт волшебникентень пачтямо мереви эрьвантень, иетнень лангс апак вано.

Подробнее ...
 
Партийцы ждут от Съезда конструктивных дискуссий

  - Именно в первый день  XVIII  Съезда Партии, который пройдет  7-8 декабря в Москве, состоится работа трех дискуссионных площадок «Обновление», «Открытость», «Партия и выборы», на которых мы сможем обсудить свои предложения и принять  решения, действительно позволяющие   наладить более эффективную и открытую работу партийных структур», -  сказал секретарь  Регионального отделения  «Единой России», Председатель Государственного Собрания республики Владимир Чибиркин.

Подробнее ...
 
В рамках приема граждан Председатель ЕР поддержал социально значимые инициативы

Ряд социально значимых поручений дал Председатель «Единой России», премьер-министр Дмитрий Медведев в ответ на обращения, поступившие в рамках прима граждан, который прошел 30 ноября в Центральной общественной приемной Партии.

Подробнее ...