Рубрикатор

Cобытия недели Цёратне – минек неженек
Цёратне – минек неженек

Кода бу а покшкавтневлинек прянок минь, аватне, ялатеке цёратне минек туртов кеме лавтовт ды эрявикс нежеть. Кода сынь минтеменек а эрявить, истя миненекак сынтемест пек стака. Февралень 23-це чиденть икеле, Тиринь масторонь ванстыцянь кенярксчинть тешкстамсто, ули меленек ёвтнемс сеть цёратнеде, конатне невтизь пряст алкуксонь ломанекс, служасть армиясо, важодить тиринь масторост ды вечкевикс семияст лезэс, трясть-кастсть паро эйкакшт ды ловить эсь пряст чачома ёнксонь патриотокс.

 

Юрий Учеваткин:

«Армиясь – эрямонь школа»

 

Отяжелень райононь Сабанцеле велестэ Юрий Андреевич Учеваткин армиянть некшнизе аволь телевизоронь пачк, кавто иеть савсь солдатонь кемсэ якамс Киргизиянь паксятнева. Служась сон ВВС-сэ, авиациянь полксо. Сабанцеле велень школанть прядомадо мейле тонавтнесь Орданьбуень ДОСААФ-со шофёрокс, ды, тень редязь, армиясо сонзэ сеске озавтызь «ГАЗ-66» специальной машинантень. Иень перть од солдатось усксесь уштомапель вертолёттнэнь туртов, мейле ладизь старшей водителекс ды кармавтызь ломанень усксеме. Службанзо Учеваткин прядызе ефрейторонь званиясо ды лови армиянь иетнень эрямонь школакс. «Арсян, зяро максы армиясь од цёратненень, а максы кодамояк университет. Армиясо, койсэнь, эряви служамс весенень, нама, бути шумбрачись кеме!» – корты Юрий Андреевич.

Учеваткин кавто цёранзояк вишкапингстэ саезь валсояк-тевсэяк анокстась армиянтень, сынст семиясо армиядо пелицят арасельть. Цёратне кастсть-кемекстасть физической формаст школасояк, кудосояк. Васенцесь, Николай, кеместэ мерсь: «Тетяй, кекшнемс мелем арась! Туян служамо мезе лангскак апак вано!» Омбоцесь, Анатолий, лелянзо лангс ванозь, истя жо кемекстызе эсь мелензэ молемс армияв. Цёратне служасть мельга-мельцек вейкень-вейкень ие. Николай понгсь Свердловонь ёнксонь Вере Пышма ошов связень войскав. Анатолий служась Иркутск ошсо, кода тетязояк, шофёрокс, ансяк усксесь покш начальник – сонсензэ штабонь полковникенть. Цёратне састь армиясто рядовоекс. «Кода служасть, ульнесть-арасельть мелявксост, сынь эзть ёвтне зярдояк. Яла ансяк мерильть: «Армиясь – свал армия, тетяй». Командованиянть пельде пеняцямот арасельть, ды те пек паро. Мон сынст истя тонавтынь, бути алкуксонь цёракс прянк ловтадо – пеняцямотнень стувтынк, а мезть аванк седеензэ раздемс. Туиде армияв – ютынк те кинть достойнасто. Неень шкане, арсян, служамс седе шожда. Весе армиянь лувось тетятнень-аватнень сельме икеле, цёратне недлязонзо весть-кавксть гайневтнесть телефонсо, кияк мезеяк эзь сёпо. Минь Светлана ним марто ардтнинек сынст содавтомояк, – ёвтни Юрий Андреевич. – Бути икелев весе тетятне-аватне арсесть эсест эйдест ванстомс-кекшемс армиянть эйстэ, ней, содан, ламот бажить кучомс сынст служамо. Кодамояк федеральной службас, органс роботамо ней армиявтомо а сайтядызь. Цёратнененьгак, монь койсэ, карми лезэвекс, зярдо содат, мезе оружиянть марто теемс. Пек берянь, ней школатнесэ НВП-нь урокт арасть, кода минек шкане. Тиринь масторонь алкуксонь ванстыцянтень-идицянтень эряви, кода кортыть, аламодо порох никсемс ды солдатонь честенть кандомс. Монь истямо мелем».

Юрий Андреевич тонавтынзе цёранзо роботамодояк а пелемс. Васенцесь ней важоди строицякс, омбоцесь роботы чугункань килангсо. Сонсь жо Учеваткин сеть ломантнестэ, конатне роботавтомо ве чияк эзть аште. Кода сась важодеме армиядо мейле, 1985 иестэ, трактористэкс-механизаторокс «Путь Ильича» тиринь колхозов, нейгак тоско. Ансяк ней сон «Сабанчеевское» ООО-нь тракторист ды комбайнёр. Тельня «Беларус» тракторонь руль экшсэ, фермасо роботы погрузчиксэ. Тунда види сеялкасо, кизна нуи сюро «Дон»-со, мейле пурны тикшенть покш граблясо. Учеваткин уряды сюро уш кевейксэеце сезон, а удси чинек-венек ды свал икеле молицятнень ютксо. Паро важодемань кисэ сон а весть казезель Мордовиянь Прявтонь ды Правительствань Почетонь грамотатнесэ ды Сюкпрянь конёвсо. Вана истят алкуксонь трудицят ды цёрат эрить минек республикань велетнесэ!

 Виктор Палькин:

«Трудицятненень ней явови покш мель»

Виктор Михайлович Палькин – Отяжеле ёнксонь Дюрькина велень патриот. Сон тосо эри чачома чистэнзэ саезь, прядызе школанзо, тонавтнесь Козловка велень СПТУ-со келей профилень трактористэкс-машинистэкс ды весе эрямонзо сюлмизе тиринь веленть ды велень хозяйстванть марто. Виктор Михайлович эйкакшпорасто саезь содасы, кодамо стака колхозсо важодемась. Школасо тонавтнемстэ уш роботась кизэнь каникулатнестэ паксясо, тингелангсо, ульнесь комбайнёронь лездыцякс. Палькинэнь тетязояк-авазояк алкуксонь труженикельть. Тетязо весе пингензэ перть роботась трактористэкс, авазо важодсь колхозсо ды фермасо, тензэ а стяко максозель «Ветеран труда» лемесь. Тетянзо-аванзо киява тусь Виктор цёрасткак.

Се шкатнестэ М.Калинин лемсэ Ленинэнь Орденэнь ды Якстере Знамянь кандтниця колхозось гайнесь весе масторонть келес велень хозяйствасо изнявкстнэнь кувалма, ды 1984 иестэ тов роботамо самось Виктор Михайловичнень марявсь покш уцяскакс. Важодемс савкшнось пек ламо, сонзэ васняяк ладизь трактористэкс, мейле од цёрась ютась шофёронь курсат ды кемень иеть ульнесь машинань руль экшсэ. Седе тов Палькин ютась фермав, тосо таго роботась трактористэкс ды скалонь потявтома установкатнень операторокс. 2000-це иетнестэ Дюрькинань колхозось совась «Сабанчеевское» ООО-нтень, ды Виктор Михайлович ней тосонь роботник – 11 ие, кода сон тингелангонь механик. Те тевесь пек ответственной, роботамс савкшны цела иень перть. «Роботавтомо а аштетяно, – ёвтни механикесь. – Кадык ушосонть теле, минь ялатеке уш ушодынек анокстамо видьметнень тундонтень: костятано эйсэст, сортоватано. Видема шкастонть ильтятано видьметнень паксяв. Стака ды алкуксонь пси шкась тингелангсонть ушодови июльстэ ды прядови августсто. Урожаень пурнамсто кудосо чуросто эрсетяно, бути ансяк кодамояк тамаша лиси. Чинек-венек ускить сюро, костятано эйсэнзэ, сортоватано, пешттяно утомтнес».

Пароль бу невтемс неень эйкакштненень, кодашка ки юты кшись сынст столь лангс понгомадо икеле, зяро ломанть а удсить чинек-венек сюронть кисэ «тюрема» шкастонть, сестэ, паряк, седе чарькодевлизь сонзэ питнейчинзэ ды целанек велень ломантнень покштояк покш трудост.

Паро, кода корты Виктор Михайлович, трудицятненень ней явови покш мель, «Сабанчеевское» предприятиянь прявтось Д.Н.Игушкин а стувтни эсензэ роботниктнеде. Весе кенярксчитнень каршо сон максни ярмаконь премият, продукта марто пакетт, весе велетнесэ, конатне аштить ООО-нть сёлмо ало, ютавтневить концертт ды лия кенярксов мероприятият. 

Роботамодо башка, бути шказо пры ды кудоютконь тевтнеяк теезь, Палькин вечки яксеме вирев пангонь кочкамо. Калонь кундсемаськак эйкакшпорасто саезь Виктор Михайловичень оймень кенярдовтомань ды рунгонь оймсевтемань лув. Кодашка кеняркс туемс кудов ансяк кундазь калнэть ды семиянек (Палькин нинзэ марто трясть-кастсть колмо эйкакшт ды ней сынст уш колмо нуцькинест) пидемс штюрьба садпиресэ!

Марина Девятова

 

Новости

Кудотнень перька таркатне паролгавтовить

Пондельникстэ ошонь прявтось П.Н.Тултаев ютавтсь Саранскоень районтнэнь прявттнэнь марто промкс, косо кортамось мольсь кудо вакссо таркатнень паролгавтомадо. Ленинской районсо 32 кудотнень перька тевтне топавтозь весе. Экономиянть вельде паролгавтозель эштё С.Разинэнь куросо 33№ кудонть вакссо таркась.

Подробнее ...
 
Кулят ошонь Администрациясто

Саранскоень мэрэнтень пшкалить ошонь эрицятне, конат ацирьгалить гаражтнень ды утомтнень яжамост коряс. «Весе утомтне-гаражтне стявтозь аволь закононь коряс, каладот, наксадот, сынст эрявить калавтомс! Неть таркатнесэ антисанитария. Веенст энялдыть яжамс сынст, лиятне – молить каршо. Саемга, 20№ гимназиянть вакссто кармасть усксеме аволь закононь коряс стявтозь гаражтнень. Ломантне кортыть, гаражтнень сайсынк ды тарказост стявттадо ламо этажонь кудо. Кодаткак кудот те таркасонть а улить! Гаражтнень таркас ладить эйкакшонь налксемань таркат ды парковкат. Ней прядови 20№ гимназиянть вакссо стадиононь стявтомась, перьканзо таркась истя жо паролгавтови», – мерсь Петр Тултаев.

Подробнее ...
 
Плотников: Фермеры смогут жить на своей земле, а не ездить каждый день туда как на работу

 Госдума приняла в первом чтении законопроект, который разрешает фермерам строить дом для себя на своей земле сельскохозяйственного назначения. Законопроект меняет порядок строительства жилых домов в КФХ. Такое заявление сделал координатор партпроекта «Единой России» «Российское село», депутат Государственной Думы Владимир Плотников.

Подробнее ...
 
Андрей Макаров: Проект бюджета гарантирует выполнение государством всех социальных обязательств

    Внесенный Правительством РФ проект бюджета гарантирует выполнение государством всех социальных обязательств. Об этом заявил председатель комитета Госдумы по бюджету и налогам Андрей Макаров в ходе выступления от фракции «Единой России» на пленарном заседании нижней палаты парламента. 

     - Гарантированное выполнение государством всех социальных обязательств - это важнейшая задача бюджета, которую внесенный Правительством проект, безусловно, решает», - заявил Макаров, отметив, что «Единая Россия» вместе с Правительством РФ в рамках нулевого чтения прорабатывала проект бюджета, чтобы решить задачи, поставленные Президентом России Владимиром Путиным. 

        Он обратил внимание на то, что фактические доходы в 2019 году составили 19,969 трлн рублей, превысив прогноз на 22%. «Это показатель того, в каком состоянии находится наша экономика», - отметил парламентарий. 

Подробнее ...
 
Валдонть кисэ – социальной норма

Россиясо тагояк электричестванть кисэ арсеви совавтомс социальной норманть, зярдо кемекстазь лимитэнть велькска ютавтоматнень сави пандомс седе покш тарифень коряс. Минэнергонь ды Минэкономикань сентябрянь 19-це чистэ ютавтозь промкссонть те схеманть кемекстызе вице-премьерэсь Дмитрий Козак. Ведомстватненень жо документэнь проекттнэнь анокстамат 2019 иень якшамковонтень.

Подробнее ...