Рубрикатор

Cобытия недели Геннадий Онищенко макссь ушодкс «Шумбрачись ды ведесь» экологиянь акциянтень
Геннадий Онищенко макссь ушодкс «Шумбрачись ды ведесь» экологиянь акциянтень

Январень 30-це чистэ Мордовия Республикав сакшнось РФ-нь Госудаственной Думань депутатось, образованиянь ды наукань коряс комитетэнь председателень васенце полавтыцясь Г.Г.Онищенко. Саранскойсэ сон ваннызе Ёроков эйкакштнень туртов республикань лицеенть, конась зярыя иень перть сови Россиянь кемень сехте вадря школатнень юткс. 

 

Теде мейле сон якась инжекс Саранскоень «Тавла – 17№ общеобразовательная средняя школа» Образованиянь центрантень. Тесэ РФ-нь Государственной Думань депутатось, образованиянь ды наукань коряс комитетэнь председателень васенце полавтыцясь Г.Г.Онищенко, МР-нь Госсобраниянь Председателесь В.В.Чибиркин ды эколидерэсь Егор Медведев путсть ушодкс «Шумбрачись ды ведесь» Весероссиянь экологиянь акциянтень.  Сон ютавтови «Здоровое будущее» партиянь проектэнть лезксэнзэ вельде. Экологиянь уроконтень пурнавкшность школань 500 тонавтницятне. Теде башка, ветявсь онлайн-трансляция интернетсэ, уроконть вансть весе, кинь ульнесь мелезэ. Од проектэнть вельде арсеви виевгавтомс важодеманть эйкакштнень экологиянь воспитаниянть коряс.

Г.Г.Онищенко тешкстызе, Мордовиясо сон аволь васенцеде. Видькстась, иестэ иес минек регионось седеяк виевгады ды мазылгады.

– Мелят Мордовиянь эколидертнэ лиссть изницякс «Сделаем вместе!» весероссиянь акциясонть. Ды сынст лангс путозель покш тев – анокстамс экологиянь ванстоманть коряс важодемань лувонть 2018 иентень. Од ломантне лемдизь проектэнть «Шумбрачись ды ведесь», – ёвтнесь Г.Г.Онищенко. Сон тешкстызе, ведень питнейчитнень ванстомань стакачись неень шкане пек актуальной. Ведесь – минек национальной питнейчинек. Сон максы эрямо ды сонзэ эряви ванстомс башка мель марто. Г.Г.Онищенко кармавтсь эйкакштненень покш мель явомс пертьпельксэнтень, ды покш технологиятнень пингестэнть бажамс вельмевтемс ды ванстомс весень туртов пек эрявикс ведень сюпавчинть.

В.В.Чибиркин тешкстызе:

– Течи минь макстано ушодкс весероссиянь покш проектэнтень – «Шумбрачись ды ведесь». Пертьпельксэнь ванстомань кевкстемась течи ашти пек пштистэ. Ведесь саи минек эрямосонть покш тарка, сонзэ ваньксчиденть ашти ломантнень шумбрачист. Мордовия Республикасо пек ламо лейть, эрькть, лисьмапрят. Ды сы шкастонть минек учи покш важодема минек ёнксонть седе ваньксэкс ды мазыекс теемга.

Владимир Васильевич ёвтызе, республикасонть школасо тонавтницятнень марто экологиянь урокт ветясть депутаттнэ, тетятне-аватне, общественной вейсэндявкстнэс совицятне. Мордовиясо «Тейсынек вейсэ!» акциясонть пряст невтизь 68 тёжат тонавтницят. Сынь анокстасть 3 тёжадо ламо экоплакатт, ютавтсть 4 тёжадо ламо эколгиянь урокт, эрьва кодат вастовомат ды пелькстамот. Акциянть шнызь республикань прявттнэяк. Экологиянь уроконь итогтнень ёвтамодост мейле 17 изницятне якасть «Артек» эйкакшонь раськеютконь центрантень.

«Тавла – 17№ общеобразовательная средняяшкола» Образованиянь центрасонть «Шумбрачись ды ведесь» экологиянь уроконть лувсо биологиянь, химиянь, географиянь, историянь тонавтыцятне ёвтнесть эйкакштнень веденть таликадонзо ломаненть эрямосо.

Теке жо чистэнть Г.Г.Онищенко ульнесь Технопарк-Мордовиясо ютавтозь «кругловой столень» важодемасонть, конась алтазель экологиянь тонавтомань кевкстематненень. Тосо ульнесть республикань министерствань ды ведомствань, вузонь важодицятне.

Т.Аксенова

 

Новости

«Единая Россия» возьмет на контроль реализацию закона о паллиативной помощи

Партия «Единая Россия» поддержит парламентский мониторинг за реализацией закона о паллиативной помощи. Об этом заявил член общественного совета партпроекта «Единой России» «Здоровое будущее», член комитета Государственной Думы по охране здоровья Юрий Кобзев. 

Подробнее ...
 
150 человек пройдут обучение в рамках модуля «Политический лидер» Высшей партийной школы «Единой России»

Первые занятия стартуют 25 февраля

Экспертной группой первого модуля Высшей партийной школы «Единой России» «Политический лидер» по итогам всех испытаний из более чем 6,6 тысяч участников были отобраны 150 слушателей. Из них 50 приступят к учебе уже с 25 февраля, еще 100 пройдут обучение в Высшей партийной школе в следующих потоках в марте-апреле. Конкурс на участие в проекте составил 44 человека на место.

Подробнее ...
 
Республикадонть – социальной сетьсэ

Печатень кудонь Пресс-центрасо аволь умок ютавтовсь мероприятия, конанть лувсо невтевсь социальной сеттнесэ Мордовия Республикань официальной аккаунтось. Пилотной нолдамось ульнесь уш даволковонь 1-це чистэ, секскак васень подписчиктне уш ванызь контентэнть вадрячинзэ.

Подробнее ...
 
Ловонть ускома шкастонзо

Неть читнестэ Саранскоень Администрациясо ютавтозь промкссонть башка мель явовсь ошсонть эйсюротнень, эенть ды ловонть урядамонь кевкстемантень. Ленинской райононь прявтось Александр Юткин ёвтнесь, управляющей компаниятне тагояк рамасть сал китнень ды ютамо таркатнень почодомс. «Эйсюротнень урядамонь коряс роботатне ветявить эрьва чистэ. Тевенть топавтыть верьга якицят ды специализированой техника», – пачтясь Александр Юткин.

Подробнее ...
 
Автобусонь од маршрут

Ошонь прявтось сонсь ловны эрицятнень сёрмаст, конат кучовить сонзэ лемс. Мэрэнть кедьсэ промкссонть Пётр Тултаев пшкадсь Транспортонь управлениянь прявтонь полавтыцянтень Елена Потапованень: «Сась пеняцямо, конасонть тешкстави, автобуссо эли троллейбуссо ардоманть кис карточкасо пандомадонть мейле ярмактне саевить аволь сеске эли аволь зняро эряви. Ломантне арсить те «Горэлектротранс» муниципальной предприятиянть вановтост ало. Ёвтадо: кие чумось ды ков пшкадема?»

Подробнее ...