Рубрикатор

Cобытия недели Бабич казинзе сехте вадрятнень
Бабич казинзе сехте вадрятнень

2018 иень январень 11-це чистэ Мордовия Республикасо Прявт федеральной инспекторось Михаил Сезганов торжественна казсь Сюкпрянь сёрмат ПФО-со РФ-нь Президентэнь полномочной представителенть Михаил Бабичень пельде сеть ломантненень, конатне макссть ламо вий 2017 иень декабрянь 8-це чистэ ютавтозь Отечествань Геройтнень чинть тешкстамонть анокстамонтень.

Михаил Бабичень пельде покш казнетне максозельть МР-нь Образованиянь министрань полавтыцянтень Елена Солдатованень, Саранск ошонь Администрациянь Культурань управлениянь прявтонтень Татьяна Салищеванень, И.М.Яушев лемсэ Государственной музыкальной театрань прявтонтень Владимир Шараповнень ды Мордовиянь филармониянь солистэнтень Вячеслав Зобковнень.

Истя жо Сюкпрянь сёрмат полпредэнть пельде максозельть МР-нь Эрицятнень социальной защитань, важодемань ды занятостень министрантень Игорь Князьковнень ды МР-нь Прявтонь Администрациянь организационной роботань ды протоколонь отделэнь консультантонтень Наталья Елисееванень.

«Тынк важодеманк, эсь оймень максоманк ды тевенть кисэ паломанк кастыть ансяк паро мельть. Арсян тенк кеме шумбрачи ды Тиринь масторонть кисэ важодемасонть ламо уцяскав ёнкст», – кортави Сюкпрянь сёрмасонть.

Казезтнень туртов поздоровонь ёвтамсто Прявт федеральной инспекторось мерсь: «Отечествань Геройтнень чись истя келейстэ тешкстазель васенцеде ансяк Мордовиясо. Россиянь Армиянь лементь од проспектэнтень максомань мелесь топавтозель ды те тевесь ульнесь кенярксчинь мероприятиятнень ютксо васень тевекс ды лия ёнов а молиця событиякс минек государстванть неень шкань историясо. Тынь эсь важодеманк вельде невтинк, республикась анок топавтомс истямо покш мероприятият ды тынк лездамонть вельде минек регионось, паряк, карми покш проектэнь чачома ёнксокс».

 Прявт федеральной инспекторонть валонзо коряс, неень шкане ПФО-нь регионтнэ ушодсть топавтомо «Герои Отечества» од проект, конань лувозо – ванстомс Геройтнень лемест пингеде-пингес ды кадык вейкеяк семиясь, вейкеяк ломанесь ды вейкеяк подвигесь а стувтови.

Тешкстасынек, истямо покш кенярксчись тешкстазель ПФО-со РФ-нь Президентэнь полномочной представителенть Михаил Бабичень мелензэ ды лездамонзо вельде. Эрьва иестэ те чинтень алтазь мероприятиятне ютавтневить округонть регионтнэсэ. 2017 иестэ Отечествань Геройтнень марто торжестватне ютасть Саранскойсэ. Ошонь школатнесэ ютасть кемечинь урокт, конатнень ветизь РФ-нь Геройтне.

 

Новости

Инжетне содавтовить эрзятнень эрямо коест марто

Мордовия Республикасо Эрзянь культурань ды ремеслань куншкакуронь теемань коряс дизайнерэнь арсемань объектэкс кармась Отяжелесэ пичень чочксто чапозь сокицянь-видицянь семиянь кудось. Сонзэ вакссо анок уш баняськак, кона уштови «раужосто», тунда путневить эмеж марто пандяткак.

Подробнее ...
 
Саранскойсэ панжови приют

Саранскойсэ панжови приют азортомо ракшатнень туртов. Кода пачтясть ошонь администрациясто, ней уш ули тень туртов таркаяк. Панжома шкась – те иень июнь ковс.  Приютонтень кармить кельгеме 100 каткат ды 300 кискат.

Подробнее ...
 
Удостовереният – судьятненень

Ютазь пецясто Мордовиясо Прявт федеральной инспекторось Михаил Сезганов МР-нь судьянь сообществань представительтненень явшесь удостовереният, конатнень лангс кедьчелькензэ путызе сонсь РФ-нь Президентэсь Владимир Путин. Мероприятиянтень сакшнось МР-нь Верховной судонь прявтось Сергей Штановгак.

Подробнее ...
 
Московсо гайгить эрзянь морот!

Москов ошсо поладовить концерттнэ, конатнень анокстыть МР-нь заслуженной артисткась, «Садко» рузонь музыкань ды киштемань государственной ансамблянь морыцясь Вера Прохорова ды «Эрзянь вайгель» культурно-просветительской вейсэндявксось. Эряви меремс, васенце истямо концертэсь ютась декабрянь 17-це чистэ Московонь Раськетнень кудосо. Сон алтавсь велень моротненень.

Подробнее ...
 
Мордовиянь сехте вадря сувенирт

Декабрянь 22-це чистэ яволявтозельть «Мордовия Республикань туристической сувенир» конкурсонь изницятнень лемест. Истямо пелькстамонть ютавтсть МР-нь Культурань, национальной политикань, туризмань ды архивень тевень министерствась, Туристэнь-информациянь куншкакурось. Конкурсонть вельде эрявсть муемс сувенирэнь сехте вадря продукциянть, тешкстамс производительтнень, кочкамс лия ёнов а молиця сувениртнэнь ды невтемс сынст FIFA-нь болельщикень фестивальсэ.

Подробнее ...