Рубрикатор

Cобытия недели Мордовиянь сехте вадря товартнэ
Мордовиянь сехте вадря товартнэ

Мокшэрзянь раськень театрасо неть читнестэ ютась алкуксонь кенярксчи. Тесэ ёвтазельть 2017 иень Мордовиянь сехте вадря товартнэ. Мероприятиядонть икеле республикань производительтне ды организациятне анокстасть весень туртов эсест продукциянь выставка. Сехте ламо ломанть пурнавкшность ярсамонь ды симемапелень теиця предприятиятнень стольтнень икеле. Тесэ эдь меревсь аволь ансяк ванномс колбасатнень, сыратнень, конфеткатнень ды печениятнень, истя жо ютавтозель сынст дегустация. Маласо аштиця университетэнь корпусонь студенттнэнь туртов те кулясь пачтязель курок, ды сыньгак сакшность выставкантень. Сехте эрязатне васняяк ванкшность «Юнион» турфирмань стендэнть, тосто «увтясть» пакетт ды аламонь-аламонь эйсэст пештясть тантей ярсамопельде. Неявсь, вачо студенттнэнень те вечкевсь. Алкукскак, выставкась удалась. Эсест од ды «Лучшие товары Мордовии» пелькстамонтень кучозь продукцияст фойесэнть невтизь Саранскоень ликёркась, «Развитие села» ГУП-сь, «Сармичесь», Саранскоень консервань заводось, Ицялонь сырань заводось, Березникень кондитертнэ, «Ламзуресь» ды Буров ИП-сь. Вере этажсо выставкась а пек каявсь сельмс, эдь тосо невтевсть промышленной товартнэ.

Торжественной промксонтень сакшность МР-нь Правительствань Председателень полавтыцясь – Промышленностень, наукань ды од технологиятнень министрась Александр Седов, «Мордовский ЦСМ» ФБУ-нь прявтось Сергей Мунтанилов, МР-нь Госсобраниянь Бюджетэнь, финансонь ды налогонь комитетэнь прявтось Светлана Киселева, фабрикатнень ды заводтнэнь прявттнэ.

«Лучшие товары Мордовии» пелькстамось тедеде ютавтови 20-ксть. Эйзэнзэ каязельть 133 яволявтомат Мордовиянь 54 предприятиятнень пельде. Эйстэст «Сто лучших товаров России» пелькстамонтень кучозель 41 заявка 31 предприятия пельде. Кода тешкстызе Александр Седов, те пелькстамосонть васенцекс ваннови товартнэнь парочист ды экологичностест. Сась шка, зярдо минек республикань производительтне конкурировить аволь ансяк шабра регионтнэнь марто­, омбо масторонь компаниятнень мартояк. Тосо вешематне товартнэнь парочист кувалма пек покшт, секскак эряви пштистэ ваномс производствань лувонть мельга. Мордовиясо ней ансяк 10-20 проценттнэ нолдавиця продукциястонть кадовить теске, 80 проценттнэ миевить лия регионга ды омбо масторга. Ней «Знак качества» ды «Сделано в России» Россиянь тешкстнэ кармасть вечкевикст ламонень, ды минек масторонь продукциясь аламонь-аламонь саи вадря таркат зярыя омбо масторонь рынкатнесэ.

Тедеде «Гордость Республики Мордовия» лемесь максозель «Оптиковолоконные системы» АО-нтень. Казнесь максозель сонзэ прявтонтень А.В.Николаевнень. «Лидер качества» лемсэнть казезельть «Консервный завод «Саранский» ОАО-сь (прявтось А.Н.Меркушкин) ды «Большеберезниковский хлебозавод» ООО-сь (прявтось П.М.Краснопольский).

«Золотая сотня» почётонь дипломсонть казезельть «Сыродельный комбинат «Ичалковский» ООО-сь («Манчего» сыранть кисэ), «Консервный завод «Саранский» ОАО-сь (ципакань сывельстэ консерватнень кисэ) ды «Оптиковолоконные системы» АО-сь (одномодовой оптиковолокнанть кисэ).

«Лучшие товары Мордовии» пелькстамонь «Продовольственные товары» номинациясонть лауреатокс кармасть эште зярыя предприятият. Тешкстасынек сынст башка, эдь ловныцятнень, арсян, ули мелест содамс, кодамо продукциянть эксперттнэ ловизь сехте парокс ды конань рамамсто кармат чарькодеме, сон аволь берянтнестэ. Ромодановань сахаронь заводонть шнызь сахаронть кисэ, Атемаронь птицефабриканть пек паро 2 процентэнь топось, «Агро-Атяшеванть» вадрят саразонь алонзо, «Чамзинский хлеб» ООО-сонть панить тантейдеяк тантей кулебякат ды топонь прякат, «Норовонть» шнызь кшинзэ ды скалоензэ, «Развитие села» ГУП-нть – колбасанзо, Ицялонь сырань заводонть  вадря «Пармезан» калгодо сырась, Покш Березникень кшинь заводось дивавтынзе весень печениясонзо.

Эште ёвтазельть изницят «Промышленные товары для населения», «Продукция производственно-технического назначения», «Услуги производственно-технического назначения» номинациятнесэ. «Изделия художественных и народных промыслов» номинациясонть лауреатокс кармасть «Мордовские узоры» ОАО-нть викшневкстнэ, П.Г.Смидович лемсэ заповедникенть сёвонень налкшкетне ды тутушкатне, О.В.Буров ИП-нть боцькатне ды истя жо сёвонень кедьгетне. «Услуги для населения» номинациясонть лауреаттнэстэ минь бу тешкставлинек «Юнион» турфирманть, Саранскоень эйкакшонь 2-це поликлиниканть ды Республикань 5-це клинической больницянть.

М.Девятова

 

Новости

«СЯТКО» ДЫ «МОКША» журналтнэнень – 90!

Неть читнестэ МР-нь Пресс-центрасо ютась промкс, кона алтавсь «Сятко» ды «Мокша» журналтнэнь 90 иень топодемантень. Мокшонь кельсэ «Валда ян» журналось лиссь Пензасо, эрзянь «Сяткось» – Самарасо. Самай неть изданиятнесэ лиснесть минек ушодыця поэттнэнь ды писательтнень произведенияст.

Подробнее ...
 
Инжетне содавтовить эрзятнень эрямо коест марто

Мордовия Республикасо Эрзянь культурань ды ремеслань куншкакуронь теемань коряс дизайнерэнь арсемань объектэкс кармась Отяжелесэ пичень чочксто чапозь сокицянь-видицянь семиянь кудось. Сонзэ вакссо анок уш баняськак, кона уштови «раужосто», тунда путневить эмеж марто пандяткак.

Подробнее ...
 
Саранскойсэ панжови приют

Саранскойсэ панжови приют азортомо ракшатнень туртов. Кода пачтясть ошонь администрациясто, ней уш ули тень туртов таркаяк. Панжома шкась – те иень июнь ковс.  Приютонтень кармить кельгеме 100 каткат ды 300 кискат.

Подробнее ...
 
Удостовереният – судьятненень

Ютазь пецясто Мордовиясо Прявт федеральной инспекторось Михаил Сезганов МР-нь судьянь сообществань представительтненень явшесь удостовереният, конатнень лангс кедьчелькензэ путызе сонсь РФ-нь Президентэсь Владимир Путин. Мероприятиянтень сакшнось МР-нь Верховной судонь прявтось Сергей Штановгак.

Подробнее ...
 
Московсо гайгить эрзянь морот!

Москов ошсо поладовить концерттнэ, конатнень анокстыть МР-нь заслуженной артисткась, «Садко» рузонь музыкань ды киштемань государственной ансамблянь морыцясь Вера Прохорова ды «Эрзянь вайгель» культурно-просветительской вейсэндявксось. Эряви меремс, васенце истямо концертэсь ютась декабрянь 17-це чистэ Московонь Раськетнень кудосо. Сон алтавсь велень моротненень.

Подробнее ...