Рубрикатор

Cобытия недели Панжадо кортамо
Панжадо кортамо

Саранск ошонь прявтонь васенце полавтыцясь – Ошонь хозяйствань департаментэнь прявтось Алексей Владимирович Егорычев вастовкшнось Саранскоень эрицятнень марто, конатнень улить мелявксост жилищно-коммунальной хозяйствань сферасонть. Вастовомась ульнесь «Единая Россия» партиянь Прявтонть региононь общественной приёмнойсэнть. Эсест кевкстемаст-талномаст марто сакшность вете ломанть. Вастовомась алтазель «Единая Россия» партиянтень 16 иень топодемантень.

 

Сынст кевкстематне ульнесть электроэнергиянть кисэ перерасчётонь тееманть, ташто лифтэнь полавтоманть, канализациянь ветямонть коряс. Департаментэнь прявтось толковинзе сыцятненень сынст праваст, макссь кармавтома ошонь лифтоуправлениянтень седе пштистэ ваномс весе ташто лифттнэнь мельга. Полежаевень ульцясо ламо этажсо кудонь лифтэсь жо ваннозель эрьва ёндо, нама, сон уш важоди 34 иеть, ансяк кодаткак асатыкст эйсэнзэ апак муе. Ялатеке путови башка вановт алов.

Алексей Владимирович эште толковинзе сыцятненень праваст, кода улемс капитальной ремонтонть  кис пандомань лувонть марто. «РФ-нь 173 ЖК-нь 1 пельксэнть коряс капитальной ремонтонь лувось полавтови ламо квартирань кудотнесэ весе азортнэнь вейсэнь промксонть ютавтомадо мейле. Лиякс меремс, квартиратнень азортнэнь улить праваст туемс капитальной ремонтонь региононь операторонь счётсто ды пурнамс капремонтонь фонд специальной счётсо. Сестэ азортнэ эсест мельсэ кармить ютавтомо роботат вейсэнь имуществань капитальной витнеманть коряс тенст эрявикс ярмактнень пурназь».

Департаментэнь прявтось эште шнынзе Саранск ошонь кой-кона эрицятнень, конатне пштистэ ваныть эсест кудосо ветявиця роботатнень мельга, ответственнойть ды пиить-палыть вейсэнь тевтнень кисэ.

 

М.Девятова

 

Новости

«СЯТКО» ДЫ «МОКША» журналтнэнень – 90!

Неть читнестэ МР-нь Пресс-центрасо ютась промкс, кона алтавсь «Сятко» ды «Мокша» журналтнэнь 90 иень топодемантень. Мокшонь кельсэ «Валда ян» журналось лиссь Пензасо, эрзянь «Сяткось» – Самарасо. Самай неть изданиятнесэ лиснесть минек ушодыця поэттнэнь ды писательтнень произведенияст.

Подробнее ...
 
Инжетне содавтовить эрзятнень эрямо коест марто

Мордовия Республикасо Эрзянь культурань ды ремеслань куншкакуронь теемань коряс дизайнерэнь арсемань объектэкс кармась Отяжелесэ пичень чочксто чапозь сокицянь-видицянь семиянь кудось. Сонзэ вакссо анок уш баняськак, кона уштови «раужосто», тунда путневить эмеж марто пандяткак.

Подробнее ...
 
Саранскойсэ панжови приют

Саранскойсэ панжови приют азортомо ракшатнень туртов. Кода пачтясть ошонь администрациясто, ней уш ули тень туртов таркаяк. Панжома шкась – те иень июнь ковс.  Приютонтень кармить кельгеме 100 каткат ды 300 кискат.

Подробнее ...
 
Удостовереният – судьятненень

Ютазь пецясто Мордовиясо Прявт федеральной инспекторось Михаил Сезганов МР-нь судьянь сообществань представительтненень явшесь удостовереният, конатнень лангс кедьчелькензэ путызе сонсь РФ-нь Президентэсь Владимир Путин. Мероприятиянтень сакшнось МР-нь Верховной судонь прявтось Сергей Штановгак.

Подробнее ...
 
Московсо гайгить эрзянь морот!

Москов ошсо поладовить концерттнэ, конатнень анокстыть МР-нь заслуженной артисткась, «Садко» рузонь музыкань ды киштемань государственной ансамблянь морыцясь Вера Прохорова ды «Эрзянь вайгель» культурно-просветительской вейсэндявксось. Эряви меремс, васенце истямо концертэсь ютась декабрянь 17-це чистэ Московонь Раськетнень кудосо. Сон алтавсь велень моротненень.

Подробнее ...