Рубрикатор

Cобытия недели Ламо иень перть таштазенть - одтнэнень
Ламо иень перть таштазенть - одтнэнень

 

Исень чиде икеле Республикань Кудосо ютавтовсь войнань ветерантнэнь ды военной службань Мордовской республиканской общественной организациятнень ды Вооруженной Вийтнень, правань ванстыця органонь, трудонь, войнань ветеранонь Весероссиянь общественной организациятнень Мордовской региональной отделениянь отчетно-выборной VII конференциясь. Республикасонок общественной сехте покш те организациянь прявтось Н.М.Костин промксонть панжомсто тешкстызе, кодашка сынст путовксост республиканть, масторонть виевгавтомасо, одтнэнь патриотизмань лувсо кастомасо. Те покш промксонтень ветерантнэ пуромсть ютазь вете иетнень перть теезденть, течинь мелявкстнэде кортамо ды сы шкантень аравтлувтнень тешкстамо. Конференциянть ушодовомсто Мордовиянь ветерантнэнь тевдест, обществанть кемекстамосо, одтнэнь тонавтомасо покш путовксто пачтясь МР-нь Прявтось Н.И.Меркушкин. Сон тешкстызе ветерантнэнь республикань прявттнэнь марто велувсо важодеманть. Тень эште весть кемевтизе те иестэнть Ине Изнямонь 65 иетнень тешкстамось, зярдо Саранск ошонь эрицятнень ютксо эрьва колмоцесь лиссь те кенярксчинть явомо вейсэ ветерантнэнь марто.

 

Сы шкань покш тевтнестэ Н.И.Меркушкин ледстизе эрзя-мокшонь раськенть Россиянь лия раськетнень марто вейсэндямонь 1000 иетнень тешкстамонтень анокстамонть. Сонзэ лемдизе аволь ансяк юбилеень датакс, истя жо раськетнень ютксо ояксчинь сюлмокс, кодамо кемемаст (вераст) илязо уле. Тень коряс Николай Иванович истя жо путы покш кемемат ламонь содыця, покш опыт марто ломантнень лангс.

 

Течинь эрямосонок ветерантнэнь покш путовкстост пуромозтнень икеле истя жо кортась МР-нь Госсобраниянь Председателесь В.В.Конаков.

Ютазь вете иетнень перть теезденть, изнявкстнэде ды мелявкстнэде пачтясь Мордовиянь ветерантнэнь общественной организациянь прявтось Н.М.Костин. Николай Михайлович евтась покш сюкпря республикань прявттнэнень эрьва ушодксонть кирдеманть ды лезксэнь максоманть кисэ. Те шканть перть сыре ломантненень максозель 175 тыщат целковоень питнес материальной лезкс, ламот ветерантнэнь ютксто казезь медальсэ ды питней казнесэ Н.М.Костин ледстинзе сеть ветеранонь организациятнень, кить ламо теить республиканть, масторонть лезэс. Сон тешкстынзе Советтнэнь покш путовксост од ломантнень патриотизмань лувсо кастомасонть, «Поискень» отрядтнэнь покшолгавтомасонть.

Теке шкастонть ветеранонь конференциясонть кепедевсть истят талновтыця кевкстематне, кода ярсамопеленть, ЖКХ-нь услугатнень лангс питнетнень касомась ды седе тов.

Конференциясонть ламо од ды лезэв весень туртов евтасьЧаунзань райононь ветеранонь Советэнь прявтось Т.И.Сазонова. Тамара Ивановна тешкстызе ветеранонь Советэнь заседаниятнес райононь администрациянь важодицятнень тердемаст лезэвчинть. Эдь тосо ванкшновиця кевкстематне, лангс ливтезь асатыкстнэ витевить ансяк вейсэ, вейке-вейкень марязь ды чарькодезь.

Покш промкссонть парсте важодемань кисэ ламот ветерантнэнень максозь питней казнеть.

Меельцекс ветерантнэ кемекстасть Постановления ды кочкасть делегатт Весероссиянь конференцияв. Мордовиянь ветеранонь Советэнь прявтокс таго кочказь Н.М.Костин.

В.Юдина

 

 

Новости

Чувашиясто – казне марто

 

Мартонь 24-це чистэ И.Я.Яковлев лемсэ Чувашиянь государственной педагогической университетсэ ютась этнопедагогикань ды поликультурной образованиянь коряс студентэнь Весероссиянь олимпиада. Сон алтавсь РАО-нь академикенть Г.Н.Волковонь 90 иетненень.

Подробнее ...
 
Од ломанень ассамблея

 

Мордовия Республикасо теезь «Молодежная Ассамблея народов России «МЫ – РОССИЯНЕ» Общероссийской общественной движениянь региональной отделения. Республикасонть од ломанень движениянь теемась карми общероссийской гражданской идентичностень формированиянть коряс ушодкстнэнень, раськетнень ютксо ояксчинь кемекстамонтень ды  межкультурной вейсэнь важодеманть келейгавтомантень лездамонь площадкакс.

Подробнее ...
 
Диктантось – эрявикс тев

Те иень апрелень 8-це чистэ Саранскойсэ малав 400 ломантне кармить «Тотальной диктантонь» участникекс. Мероприятиянь ютавтомань меленть шнызе Мордовиянь Прявтось Владимир Волков.

Подробнее ...
 
Сценанть лангсо Ицялбуесь...

 

Неть оймсема читнестэ Республикань Культурань Кудосо ютасть «Шумбрат, Мордовия!» народной творчествань фестивалень меельце концерттнэ. Кадовсь ансяк Гала-концертэсь, кона карми декабрянь 11-це чистэ. Сценанть лангс лиснесть Ицялбуень, Ковылкина ёнксонь ды Саранск ошонь округонь артисттнэ.

Подробнее ...
 
Мамаева омбоце

 

Ноябрянь васенце пельксстэнть евтазельть Россиянь республикатнень государственной кельтнень коряс школасо тонавтницянь ды студентэнь Весероссиянь васенце олимпиадань итогтне.

Подробнее ...