Рубрикатор

Cобытия недели Гражданской оборонантень – 85 иеть!
Гражданской оборонантень – 85 иеть!

Неть читнестэ И.М.Яушев лемсэ Государственной музыкальной театрасонть ютавтовсь торжественной промкс, кона алтавсь Россиянь гражданской оборонань 85 иетненень. МР-нь Прявтонть пельде МЧС-нь важодицятненень лембе поздоров марто пшкадсь МР-нь Правительствань Председателесь Владимир Сушков.

– Весе неть иетнень перть гражданской оборонась ютась касомань-виевгадомань покш ки. Сонзэ мероприятиятне алтавить аволь ансяк оборонань мелявкстнэнь решамонтень, васняяк, социальной прявт функциянь топавтомантень – ломантнень эрямост ды шумбрачист ванстомантень, кода тюремань, истя сэтьме шкатнестэяк, – тешкстызе Владимир Сушков. – Тынк профессиональной роботанть вельде кемекстави масторонь оборонань кекшезь виесь, экономикань ды социальной сфератнень виевгадомась.

МР-нь Правительствань Председателенть валонзо коряс, гражданской оборонань вийтне эрязасто тевс нолдавить пертьпельксэнь ды техногенной ёнксонь зыянтнэнь изнямосонть.

– Течи минь тешкстатано сетнень, кить эрьва чистэ сюлмавозь стака ды зыянов тев марто. Те вадрясто неявсь 2010 иень вирень паломатнень мадстемстэ ды истя жо 2012 иень ведев тундостонть. Истят тевтнень ваннозь, можна меремс, идицятне ды толонь мадстицятне – те аволь ансяк профессия, те эрямонь лув, свалшкань анокчи подвигентень, конась тынк туртов ловови роботакс, – мерсь Владимир Сушков.

Службань важодемань прявт невтевксэкс ашти сядот эрямотнень идемась. Ансяк те иестэ паломатнесэ идезь 138 ломанть ды 242 миллиондо ламо целковойс сюпавчи.

Теке марто Мордовиясь ламоксть лездась масторонь лия регионтнэнень ды омбо масторонь эрицятненень, конат понгонесть зыянс. Гуманитарной лезкс ильтязь Южной Осетиянь (2008 иестэ), Дальней Востоконь (2013 иестэ) эрицятненень, республикань автоколоннатне кувать учовиця лезкс пачтясть Донецкой ды Луганской народной республикатненень, зярдо тосо ветявсть тюремат.

2017 иесь кемекстазь Гражданской оборонань иекс. Сонзэ лувсо Мордовиясо арсезь ды ютавтозь пек ламо мероприятият, конатнень юрсо ваннови зыянов тевтнень шкасто систематнень анокчись ды вадрясто важодемась.

– Республикань прявттнэ тынк тевентень максыть покш питне ды башка мель явить экстренной службатнень материально-технической базанть одкстомтомантень ды вадрялгавтомантень. Течинь чине службатнень важодемасо эрязасто нолдавить од технологиятне, – кемекстызе МР-нь Правительствань Председателесь.

Покш робота неень шкане ветяви 2018 иень Футболонь коряс масторлангонь чемпионатонтень анокстамонть лувсо. Совавтови «Безопасный город» системась, штобу мундиалень инжетненень улевель седе шожда лезкс мельга пшкадемс 112 номерэнть коряс.

Теке марто Саранскойсэ тееви МЧС-нь пожарно-спасательной куншкакуро. Республикань бюджетстэ тень лангс явозь 7 миллиондо ламо целковойть. Весе тевтнень арсеви прядомс 2018 иень васень кварталстонть.

Истя жо кенярксчинть коряс МЧС-нь важодицятненень поздоров марто пшкадсть МР-ва Прявт федеральной инспекторось Михаил Сезганов, МР-нь Государственной Собраниянь Председателень полавтыцясь Валерий Алехин, Саранск ошонь прявтось Пётр Тултаев, МР-ва Россиянь МЧС-нь ГУ-нь прявтось Андрей Наумов ды лиятне. МЧС-нь сехте вадря важодицятненень ды отраслянь ветерантнэнень те чистэнть максовсть питней казнеть.

Ю.Еремина 

 

Новости

Турчак: Власти компенсируют гражданам затраты на покупку приставок для цифрового ТВ

Правительство РФ и региональные власти предусмотрели исчерпывающий набор компенсирующих мероприятий при переходе с аналогового на цифровое телевещание для малозащищенных слоев населения. Также в региональных бюджетах предусмотрены денежные компенсации или закупка необходимого оборудования. Совет по развитию цифровой экономики при Совете Федерации представит на ПМЭФ-2019 свой рейтинг цифровизации регионов и предложит механизм поддержки лучших региональных практик. Об этом заявил вице-спикер Совета Федерации, секретарь Генерального совета «Единой России» Андрей Турчак по итогам второго заседания Совета по развитию цифровой экономики в Новосибирске.

Подробнее ...
 
Премьера!

Декабрянь 8-це чистэ 17:00 чассто Эрзянь ды мокшонь национальной драматической театрасо ваныцятнень учи премьера. Тесэ невтить М.Камолеттинь «Играем в дружную семью, или гарнир по-французски» од путовкс. Спектаклясь алтави МР-нь заслуженной артисткатнень Марина Аверкинань ды Галина Самаркинань юбилеень тешкстамонтень. Режиссёрось-путыцясь МР-нь заслуженной артисткась Л.Шахова.

 
Ардоманть кис питнетне яла касыть

Саранск ошонь общественной транспортонь частной предприятиятне бажить кепедемс ардоманть кис питнетнень декабрянь 25-це чистэ саезь. Теде сынь пачтясть ошонь администрацияв. 2, 5, 10, 15, 16, 18, 19, 21, 22, 24, 25, 28, 32, 35, 36, 37, 38, 40, 41, 44 ды 45№ маршурттнэсэ питнесь карми 25 целковойть (ней – 20). 23, 34 ды 66№ – 23 целковойть. Мэриясо пачтясть: неень шкане Саранскойсэ важодить кавто ООО-т («Сигнал С» ды «ПАТП»), конат усксить ломанть, истя жо индивидуальной кавксо предпринимательть. Частной усксицятнеде 35%.

Подробнее ...
 
Важоди Якшаматянь почта

Мордовиянь Главпочтамтсо декабрянть прядовомс карми важодеме Якшаматянь Почтась. Сёрмадомс ды нолдамс почтань ящикс телень прявт волшебникентень пачтямо мереви эрьвантень, иетнень лангс апак вано.

Подробнее ...
 
Партийцы ждут от Съезда конструктивных дискуссий

  - Именно в первый день  XVIII  Съезда Партии, который пройдет  7-8 декабря в Москве, состоится работа трех дискуссионных площадок «Обновление», «Открытость», «Партия и выборы», на которых мы сможем обсудить свои предложения и принять  решения, действительно позволяющие   наладить более эффективную и открытую работу партийных структур», -  сказал секретарь  Регионального отделения  «Единой России», Председатель Государственного Собрания республики Владимир Чибиркин.

Подробнее ...