Рубрикатор

Cобытия недели Студентэнь Парад
Студентэнь Парад

Россиянь студенчествань парадось – те Россиясо ды весе масторлангонть келес студентэкс алтамонь сехте покш, лия ёнов а молиця од ломанень кенярксчи, конась вейсэнди кементь тёжат студентт Россиянь ламот оштнесэ. Студенчествань васенце парадось ульнесь Московсо 2002 иестэ ды кемголмово иень перть ютавтовсь минек масторонь прявтошсонть.

2016 иестэ ютавтовсь юбилейной XV Парадось, кенярксчинь те промкссонть примасть участия васенце курсонь 300 тёжат студентт тонавтнемань 350 ламо организациятнестэ.

Студенчествань парадось ютавтови сень туртов – вейсэндямс ды малавгавтомс вузонь студенттнэнь, васенце курсонь студенттнэ марявлизь эсь пряст Россиянь студенчествань покш семиянь пельксэкс. Васенце курсонь студенттнэнь туртов Парадось – те пек редявикс события, конань эрьва участникесь карми ледстнеме весе эрямонзо перть: Россиянь студентэнь Клятвань примамось, кенярксчинь шествиясь, студентэнь «сеерематнень» пелькстамось. Коень коряс, васенце курсонь студенттнэнень лембе валт ёвтыть вузонь ректортнэ, наукань, культурань ды спортонь представительтне, общественной ды политической деятельтне.

2017 иестэ оштнестэ вейкекс, косо ютавтовсь Россиянь студенчествань XVI парадось, кармась Саранскоесь. Мордовиянь прявтошсо кенярксчись ютавтовсь РФ-нь Образованиянь ды наукань министерстванть ды МР-нь Од ломантнень тевест коряс комитетэнть лезксэст вельде. Парадонть анокстыцязо – М.Е.Евсевьев лемсэ МГПИ-сь. Саранскойсэ Россиянь студенчествань Парадось ютавтовсь сентябрянь 16-це чистэ Тёжа иень площадьсэнть.

Саранскоень Парадонтень пурнавкшность 5 вузт ды 11 ССУЗт: М.Е.Евсевьев лемсэ МГПИ-сь, Н.П.Огарев лемсэ МГУ-сь, Саранскоень кооперативной институтось, Мордовиянь гуманитарной институтось, Юстициянь Весероссиянь Государственной Университетэнь (Россиянь Минюстонь РПА-сь) Средне-Волжской институтось (филиалось), Саранскоень пищевой ды перерабатывающей промышленностень техникумось, Саранскоень автомеханической техникумось, Саранскоень электромеханической колледжесь, Л.П.Кирюковонь лемсэ Саранскоень музыкальной училищась, Саранскоень медицинской колледжесь ды лият.

Парадось вешкасто ютавтовсь масторонь 40 ламо оштнесэ: Архангельск, Барнаул, Белгород, Владимир, Волгоград, Ижевск, Казань ды лият.

 

Новости

«Маска» АРТ-кафесэнть – кулинаронь-футболонь матчт

 Мейсэ Мордовиясь карми андомо ды дивавтомо 2018 иень Футболонь коряс масторлангонь чемпионатонь инжетнень? Неть салавачитнень панжомга «Маска» АРТ-кафесь ютавты кулинаронь-футболонь матчт. Кафень инжетнень туртов тесэ пидевить-паневить чемпионатонь мастортнэнь-участницатнень раськень ярсамопельть. Сынст варчамодост мейле эряви максомс вайгель вечкевикс ярсамопеленть кисэ ды анокстамс-пурнамс 2018 иень Футболонь коряс масторлангонь чемпионатонь ваныцятнень ды эсенк туртов меню.

Подробнее ...
 
Инжетненень невтема национальной культуранть мазычинзэ

Мордовиянь Прявтось Владимир Волков неть читнестэ вастневсь «Ассоциация финно-угорских народов» общественной вейсэндявксонь председателенть, Саранск ошонь администрациянь прявтонть Пётр Тултаев, ды эрзя-мокшонь раськетнень регионъютконь общественной вейсэндявксонь исполкомонь председателенть Александр Лузгин марто.

Подробнее ...
 
Кулят Ошонь Администрациясто

Пондельникстэ, мартонь 26-це чистэ, ошонь Администрациясо ютась оперативной совещания, конань ветясь ошонь округонь прявтось Петр Тултаев. Промксось ушодовсь Кемерова ошсо чавовозтнень коряс чатьмонемань минутасто. Саранскоень мэрэсь тешкстызе: «Объекттнэнь эксплуатацияс совавтомга вешематнень эрявить полавтомс. Минек ошсояк, койсэнь, микшнемань ламо комплекстнэ кандыть зыян. Саемга, ульнинь «Киномакс-Победа» кинотеатрасо ды сеансто мейле дивазевинь, лисема таркась вейке! Бути мезеяк тееви, арседе тынсь, мезе карми! Икелень шкатнестэ тосо ульнесть совамонь-лисемань кавто таркат. Сестэ строительтне арсесть зыяндо ванстоманть коряс. Паряк эряви анокстамс законодательной инициатива, проектно-сметной документациясь ютаволь экспертиза безопасностень лувтнень коряс».

Подробнее ...
 
Шумбрачинь чи

Эйзюрковонь 3-це чистэ Саранскойсэ ютавтови ошонь Шумбрачинь чи. Ленинской ды Пролетарской райононь парктнесэ, Экопарксонть ды конькасо кирякстнема таркатнесэ (Коваленконь, Гожувской куротнесэ ды «Саранск» стадионсонть) 11.00 чассто ушодовить концерттнэ, 12.00 чассто – спортонь пелькстамотне. Ленинской районсо арсевить «Тетям, авам, мон – спортонь семия» стартось, эрьва кодат пелькстамот ды квестт.

Подробнее ...
 
Чемпионатонть шкасто транспортонть ды общественной таркатнень важодемадо

Ошонь мэрэнтень эрицятнень пельде сеедьстэ максовить кевкстемат, кода Футболонь коряс масторлангонь чемпионатонь шкастонть кармить важодеме общественной транспортось, рынкатне ды микшнемань лия таркатне.

Подробнее ...