Рубрикатор

Cобытия недели Казнеть школав туицятненень
Казнеть школав туицятненень

 Августонь 25-це чистэ «Единая Россия» политической партиянь Мордовиянь отделениясь ды «Шумбрачинь ды седеймарямонь Россиянь фондось» сенятбрянь 1-це чиденть икеле ютавтсть Саранскойсэ благотворительной акция. Лемезэ – «Здравствуй, школа!».

Мордовиясо истямось ютавтневи уш вейксэцеде. Акциянть анокстамосо примасть участия республикань промышленной предприятиятне, индивидуальной предпринимательтне. Саранскоень васенце классос 150 молицят получасть школасо тонавтнемань комплект. Сынст максынзе Партиянь региононь отделениянь секретаресь Владимир Чибиркин. Приветственной валтнэде мейле сценанть лангс кармасть тердтнеме ламо эйкакшонь триця семиятнень. Сехте васенцекс казнеть максозельть Табачковтнень семиянтень. Тесэ кавксо эйкакшт. Школасо тонавтнемань комплекттнэде башка Табачковтне получасть бытовой техника. Истямо жо казне максозь Петровтнень семиянтень. Наталья Евгеньевна ды Иван Ильич трить вете эйкакшт. Бытовой техникась сыненсткак пек эрявикс. Покш семиятнеде мейле сценанть лангс тердезельть васенце классос молицятне. Школасо тонавтнемань кедьёнкст получасть Артем Аверкин, Любовь Агапова, Екатерина Базаркина ды лият. Мертяно, истят благотворительной акцият сентябрянь васенце чис ютавтовить республикань весе районтнэсэ. Казнень явшематнеде мейле кенярксчись эзь прядово. Концертэнь программа невтсть раськеютконь ды весероссиянь конкурсонь лауреатось Лилия Амбушева ды «Веселый ананас» эйкакшонь ансамблянь артисттнэ.


Н.Евдокимов

 

Новости

Удостовереният – судьятненень

Ютазь пецясто Мордовиясо Прявт федеральной инспекторось Михаил Сезганов МР-нь судьянь сообществань представительтненень явшесь удостовереният, конатнень лангс кедьчелькензэ путызе сонсь РФ-нь Президентэсь Владимир Путин. Мероприятиянтень сакшнось МР-нь Верховной судонь прявтось Сергей Штановгак.

Подробнее ...
 
Московсо гайгить эрзянь морот!

Москов ошсо поладовить концерттнэ, конатнень анокстыть МР-нь заслуженной артисткась, «Садко» рузонь музыкань ды киштемань государственной ансамблянь морыцясь Вера Прохорова ды «Эрзянь вайгель» культурно-просветительской вейсэндявксось. Эряви меремс, васенце истямо концертэсь ютась декабрянь 17-це чистэ Московонь Раськетнень кудосо. Сон алтавсь велень моротненень.

Подробнее ...
 
Мордовиянь сехте вадря сувенирт

Декабрянь 22-це чистэ яволявтозельть «Мордовия Республикань туристической сувенир» конкурсонь изницятнень лемест. Истямо пелькстамонть ютавтсть МР-нь Культурань, национальной политикань, туризмань ды архивень тевень министерствась, Туристэнь-информациянь куншкакурось. Конкурсонть вельде эрявсть муемс сувенирэнь сехте вадря продукциянть, тешкстамс производительтнень, кочкамс лия ёнов а молиця сувениртнэнь ды невтемс сынст FIFA-нь болельщикень фестивальсэ.

Подробнее ...
 
Чемпионатонть анокстамга

Мордовиянь Прявтось Владимир Волков декабрянь 16-це чистэ ютавтсь 2018 иень масторлангонь Футболонь чемпионатонтень анокстамга оргкомитетэнь промкс, конасонть важодсть МР-нь Госсобраниянь Председателесь Владимир Чибиркин, Правительствань Председателесь Владимир Сушков, Мордовиясо Главной федеральной инспекторось Михаил Сезганов, Саранск ошонь Администрациянь прявтось Пётр Тултаев, «Оргкомитет Россия – 2018» АНО-нь операционной директорось Дмитрий Годунов.

Подробнее ...
 
Прявтось Московсоль

Мордовиянь Прявтось Владимир Волков декабрянь 18-це чистэ Московсо важодемань коряс вастовкшнось Россиянь Финансонь министрань полавтыцянть Леонид Горнинэнь марто.

Подробнее ...