Рубрикатор

Cобытия недели Прессань фестивалесь Инсарсоль
Прессань фестивалесь Инсарсоль

Эрьва иестэ кизэнь маней читнестэ Мордовиясо ютавтови райононь прессань фестивалесь. Тедеде июнень меельце чистэнть журналистэнь те покш кенярксчись ульнесь Инсаронь районсонть. Фестивалень участникекс кармасть ламо инжеть Саранскойстэ ды республикань весе районтнэстэ.

Эряви тешкстамс, тедеде райононь прессань фестивалесь юбилейной, сон ютавтови уш комсецеде. Васенце фестивалесь жо ульнесь Орданьбуесэ. Сестэ те мероприятиянть ютавтомадо мелесь ульнесь а ёвтавикс, эдь истят фестивальть арасельть Россиянь вейкеяк регионсо. Се шкастонть саезь эрьва ие журналисттнэ содавтыть республикань районтнэнь, ванныть вейкень вейкень творчестванть ды кортыть эсь тевдест-бажамодост.

Райононь прессань XX-це фестивалесь алтавсь кавто покш тевтненень — райононь печатень 100 иетненень ды Россиясо Экологиянь иентень. Инсаронь моданть лангс чалгамсто инжетне сеске чарькодсть, понгсть покш кенярксчис. Азортнэ весень вастасть кши-сал марто ды мазый моросо.

Районганть экскурсиянть журналисттнэ ушодызь «Сыроваренный завод «Сармич» ООО-нть. Заводось панжовсь 2011 иестэнть, весе роботась тесэ ветяви неень шкань технологической оборудованиянть вельде. Течинь чине «Сармичесь» Россиянь сыроваренной промышленностень сехте вадря завод. Производствась целанек автоматизированной, тесэ роботыть 180 ломанть. Ламот эйстэст тонавтнесть Европасо, сырань сехте вадря теицятнень кедьсэ. Заводсонть иезэнзэ анокстави 9 тыщат тоннат сыра, 1,5 тыщат тоннат ой ды 25 тыщат тоннат топоведь.  Инжетненень невтевсь предприятиясь, ёвтневсь важодемань лувдонть. Течинь чине заводонь продукциясь саи васенце таркатнень аволь ансяк республикань рынкатнесэ, сон содавикс весе Россиянть келес.

Теде мейле журналисттнэ ульнесть Иневанькс Ольгань авань монастырьсэнть ды ваннызь райононь ЗАГС-нть.

Экскурсиядонть мейле фестивалень весе участниктнень учость Инсаронь Культурань кудосонть. Фойесэнть пурназель а покшке выставка, стендтнэсэ  невтевсть республикань райононь прессань журналисттнэнь важодевксэст: репортаж, интервью, очерк марто газетань полосатне ды башка альбомсо фотокорреспондентнэнь роботаст, конатнесэ невтевсь минек республикань пертьпельксэсь.

Седе тов ушодовсь торжественной пельксэсь. Районкатнень важодицятненень поздоровонь ёвтамо сакшнось МР-нь Печатень ды кулянь министрась Виталий Калугин. Фестиваленть панжомсто сон тешкстызе, те покш кенярксчи аволь ансяк райононь, республикань прессантькак.

– МР-нь Правительствань Председателенть В.Ф.Сушковонь ды Печатень ды кулянь министерстванть пельде ёвтан тенк седейшкавань поздоровт  райононь прессань XX-це фестиваленть панжоманзо коряс ды «Инсарский вестник» газетань сядо иетнень тешкстамга. Эрьва ие те фестиваленть тынь учотадо покш мельсэ, анокстатадо вадря, мельстуиця программа. Эрьва ие минь седе ламо карматано содамо республикань кодамояк райононть ланга. Эдь фестивалесь свал ютавтневи лия районсо. Инсарось кармась комсеце районокс.

Мон арсян, истят фестивальтне пек эрявить, сынь седе вадрялгавтыть минек республикань массмедиатнень, – тешкстызе Виталий Калугин.

Теке марто министрась кортась сень коряс, што неень шкане эряви седе покш мель явомс газетатнень электронной версиятнень ветямонтень. Эдь течинь чине газетатнень ловныть аволь весе, а вана сайттнэсэ материалтнэнь ванныть.

Фестивалень инжетненень поздоров марто истя жо пшкадсь Инсаронь муниципальной райононь прявтось Камиль Мангутов.

– Течи минек районсонть пек вадря мероприятия. Тесэ пурнавсть сеть, кие эсь творчествасост ды тевсэст иестэ иес, чистэ чис ёвтнить республикасонть ды эсь районсонть тевтнеде. Неень шкане минь овсе а нейтяно эсь эрямонок тынстеменк, райононь прессань журналисттнэвтеме, – мерсь Камиль Аминович.

Сон ёвтнесь пурнавозтненень райононть ланга. Неень шкане Инсаронть а берянть невтевксэнзэ. Тесэ вадрясто молить тевтне велень хозяйствасонть: касы сюронь урожайностесь, ламолгавтови ловсось, теевить ракшань трямонь-кастомань комплекст. А беряньстэ молить тевтне  промышленностьсэнтькак. Районсонть кавто промышленной предеприятият – «Ксенон» ООО-сь ды «Неон» ОАО-сь.

Мордовия Республикань Государственной Собраниянь Председателенть пельде пурнавозтненень поздоровт ёвтась информационно-аналитической отделэнь прявтось Альбина Симакина.

– Эрьва чистэ, эрьва строчкасонть, эрьва фотографиясонть тынь ёвтнетядо, кода эри районось, мейсэ эри. Тынь свал эсь тевенк топавтадо покш ответственность марто.

Икеле минек тынк марто учить покш тевть — Республикань Прявтонь кочкамотне, Россиянь Президентэнь кочкамотне, 2018 иень Футболонь коряс масторлангонь чемпионатось. Арсян тынь истя жо весементь топавтсынк вадрясто, – тешкстызе Альбина Владимировна.

Ламо поздоровт ульнесть районкатнень прявт редактортнэнь пельде юбиляронтень – «Инсарский вестник» газетантень. Сынь кортасть, сядо иетне те кувака ды эрьва кодамо тевсэ сюпав эрямо. Арсесть газетантень эрямс седеяк куватьс ды кенярдовтомс эсь ловныцятнень вадря, мельстуиця материалсо.

Весе неть иетнень перть фестиваленть ладявсть эсензэ коензэ. Вейкесь эйстэст – книганть-эстафетанть максомазо. Фестивалень летописенть Зубова-Полянань «Время и жизнь» райононь газетань прявт редакторось Ф.А.Чинакаева максызе Инсаронь райононь «Инсарский вестник» газетань прявт редакторонтень М.П.Кулясовнень.

Эштё вейке вадря коекс кармась журналистэнь конкурстнэнь ютавтомась. Тедеде сон ульнесь колмо номинациянь коряс. Истя, тематической полосатнень номинациясонть сехте вадрякс ёвтазь «Темниковские известия» райононь газетась. Фотоконкурссонть изнясь «Рузаевская газета»  районкась. Эряви тешкстамс, фотороботатне те иестэнть алтавсть экологиянь темантень. Эдь кода содатано, 2017 иесь Россиянь Федерациясо ёвтазь Экологиянь иекс. А ванна «Редакторский выбор» номинациясонть сехте вадрякс ёвтавсь Орданьбуе ёнксонь «Маяк» газетась ды сонзэ прявт редакторось  В.Ф.Чеглаков.

Весе поздоровтнень ды лембе валтнэнь ёвтамодо мейле республикань райононь газетатнень ламот журналисттнэ вадря важодеманть кис тешкставсть Почётонь грамотасо, Благодарностьсэ ды Дипломсо.

Кенярксчинь программась ульнесь пек сюпав ды мольсь позда чокшнес. Инсаронь моданть лангсо улемась фестивалень весе участниктненень кадсь ансяк вадря мельть-арсемат. Туемстэ вейкест-вейкест туртов од мель-бажамо марто сынь алтасть вастовомс иень ютазь.

 

Ю.Еремина

 

Новости

«Единая Россия» будет добиваться придания захоронениям участников боевых действий статуса «воинских захоронений»

Партия «Единая Россия» займется созданием реестра захоронений ветеранов боевых действий и придания им статуса «воинских захоронений». Это позволит сохранить память о тех, кто защищал интересы нашей страны в ходе боевых действий, не допустить повторного захоронения в этих местах. Об этом заявил секретарь Генерального совета Партии Андрей Турчак на встрече с членами Всероссийской общественной организации ветеранов «Боевое братство», которые обратились к нему с соответствующей просьбой.

Подробнее ...
 
Турчак об ответственности членов «Единой России», обновлении рядов и партийной учебе

Люди ждут от власти взвешенной и справедливой позиции, а самое главное – конкретных действий и решения проблем и честных поступков. Бездумно сказанное слово воспринимается людьми как оскорбление и бьет по репутации власти в целом, заявил секретарь Генерального совета «Единой России» Андрей Турчак в своем интервью «Известиям».

Подробнее ...
 
Терминалтнэ кармасть «кортамо» эрзякс

Ютазь иень декабрянь меельце читнестэ Сбербанконь Мордовиянь отделениянь офистнэс совицятне дивавтозельть вейке ёнкссонть: терминалтнэсэ, конатне максыть обслуживаниянь талонт, информациясь кармась невтевеме аволь ансяк рузонь кельсэ – эрзянь кельсэяк. Лямбирь велень Сбербанконь офиссэ жо панжовсь приложения татаронь кельсэ. Минек республикань эрицятненень истямо од лувось пек вечкевсь. Кода кортыть банконь сотрудниктне, те оштё вейке вишка эскелькс Сбербанконь социальной проектэнть топавтомасо, конась бажи ванстомс Россиянь раськетнень ёмиця кельтнень.

Подробнее ...
 
«Школа грамотного потребителя» поможет жителям Мордовии обезопасить себя при использовании бытового газа

Партийный проект «Единой России» «Школа грамотного потребителя» подготовил комплекс мер по безопасному использованию газа в быту. Об этом рассказал координатор проекта, руководитель «Центра общественного контроля в сфере ЖКХ Республики Мордовия» Алексей Кливер. 

Подробнее ...
 
«Единая Россия» привлечет депутатов к контролю за каждым объектом в рамках реализации нацпроекта «Безопасные и качественные автомобильные дороги»

«Единая Россия» закрепит за каждым объектом, на котором ведутся работы в рамках реализации национального проекта «Безопасные и качественные автомобильные дороги», конкретного депутата, чтобы отслеживать выполнение работ и расходование выделенных на них средств. Об этом сообщил в рамках правчаса в Государственной Думе зампредседателя комитета Госдумы по транспорту и строительству, координатор партийного проекта «Безопасные дороги» Владимир Афонский.

Подробнее ...