Рубрикатор

Cобытия недели Депутатось вастневсь кочкицянзо марто
Депутатось вастневсь кочкицянзо марто

Неть читнестэ Мордовиянть важодемань тевень коряс содавтызе РФ-нь Государственной Думань депутатось Василий Пискарёв. Июнень 27-це чистэ «Единая Россия» Партиянь региональной общественной приёмнойсэ сон вастневсь эрицятнень марто, конат пшкадсть тензэ талновтыця кевкстематнень коряс.

Саранск ошонь эрицясь, кавто эйкакшонь авась Елена Александровна Видманова пшкадсь депутатонтень истямо мелявксонь коряс: сынст семиясь ниле иень перть ульнесь «Молодая семья» программань участникекс. Ансяк вана зярдо Елена Александровнанень топодсть 36 иеть, программастонть сынь ульнесть каязь. Неень шкане Видмановтнень семиясь вейсэ сырькаест марто эрить кавто комнатас а покшке квартирасо. Елена Александровна пшкадсь Василий Пискарёвнень консультация мельга, мереви-арась семиянтень улемс эрямо таркань условиятнень вадрялгавтомань коряс лия программань участникекс.

Те кевкстеманть коряс пшкадицянтень толковамо макссь МР-нь Эрицятнень социальной защитань министерствань доплататнень, надбавкатнень ды компенсациятнень отделэнь прявтонь полавтыцясь Екатерина Карпухина. Сон ёвтнизе од авантень, течинь чине республикасонть роботы пек вадря программа ипотекань льготной кредитэнть максомань коряс. Те программанть вельде ипотекань кредитэнь саицянтень пандома ансяк 5 %, кадовозь пельксэнть велявтсы республикась.

Нама, те программась а берянь, ансяк Видмановтнень семиянть талновты кевкстемась, мекс сынст каизь «Молодая семья» программань очередьстэнть.

В.И.Пискарёв алтась башка ванномс те кевкстеманть, улить-арасть тесэ закононь коламот. Ды маласо шкастонть максомс семиянтень каршо вал.

Эштё вейке талновтыця кевкстема марто депутатонтень те чистэнть пшкадсь Саранск ошонь пенсионеркась Раиса Владимировна Фокина. Раиса Владимировнань важодемань стажозо 42 иеть, улить шнамонь конёвонзо, дипломонзо, ансяк вана «Трудонь ветеран» лемесь тензэ эзь максово. Сон энялдсь ванномс кевкстеманть ды лездамс тензэ.

Василий Пискарёв теске макссь кармавтома республикань Эрицятнень социальной защитань министерствань специалистэнтень парсте ванномс Раиса Владимировнань кевкстеманть ды маласо читнестэ ёвтамс кода ашти тевесь.

Аволь васенцеде депутатонть марто вастовомас сы Саранск ошонь Лев Толстоень лемсэ куронь 23-це кудонь ТСЖ-нь председателесь Виктор Эрикович Денисов. Икеле вастовоматнестэ сон энялдсь Василий Пискарёвнень лездамс сынст кудосонть важодиця кальянноенть пекстамосонть. Тов якицятне свал шумить, тюрить, теке марто, свалшкань качамось пек а вечкеви эрицятненень. Кевкстемась решазель, заведениясь пекставсь кавто ковс. Ансяк Виктор Денисов мелявты, зярдо кальянноесь панжови, весемесь поладови одс. Теке марто ТСЖ-нь прявтонть мелявтовты эштё вейке кевкстема. Сынст кудонь васенце этажсонть ули спортивной комплекс. Сон аволь покшке ды тов якицятнень туртов арасть эрявикс условият. Энялдсь лездамс помещениянь явомасо.

– Мон тынк пшкадеманк кирдян вановт ало. Тынь видестэ кортатадо, истят заведениятненень а тарка эрямо кудотнесэ. Мон эштё весть ванноса те кевкстеманть, пшкадтяно эрявикс инстанциятнес. Тевенть тейсынек. Спортонь объектэнть коряс истя жо арсесынек ды тейсынек весементь эрицятнень лезэс, – мерсь Василий Иванович.

Ю.Еремина

 

Новости

Путин казизе Волковонь Александр Невскоень орденсэ

Россиянь Президентэсь Владимир Путин тешкстась Указ «О награждении государственными наградами Российской Федерации». Зярыя кементь фамилиятнень ютксо Мордовиянь Прявтось Владимир Волков. Государствань руководителенть Указонзо коряс сонензэ максови Александр Невскоень орденэсь.

Подробнее ...
 
Кулят мэриясто

Ошонь Администрациясо ютась промкс, кона ушодовсь коммунальной техниканть телентень анокстамодо кевкстематнестэ. РФ-нь МЧС-нь ГУ-нь МР-нь представительтне пачтясть, маласо читнестэ Саранскойсэ температурась валги -5 градусос, чить термометрась невти +1, +2 градуст. Карми прамо начко лов. Ошонь прявтось Пётр Тултаев тешкстызе, машинань ветницятне чарыст зярс эзизь полавто. ГИБДД-нь важодицятне мерсть, ветницятненень ютавтыть профилактической кортамот. «Чуваронь-салонь почодыця машинатне телень шкане улест весе зыянов таркатнесэ, сэдтнень вакссо, пандопряв молиця килангтнесэ. Ошонь хозяйствань департаментэнь важодицятне кадык стувтсызь оймсема читнень. Субутась тынк туртов – важодемань чи», – мерсь Пётр Тултаев.

Подробнее ...
 
Литературанть марто вейсэ

А.С.Пушкин лемсэ республикань Национальной библиотекасо ютась «Литература и природа – рука об руку» эрьва иень акциясь. Сон юты колмоцеде ды тедеде алтавсь Экологиянь иентень. Сонзэ ютавтыцятне – Ицялбуень куншкакуронь библиотекась, «Смольный» национальной паркось ды А.С. Пушкин лемсэ библиотекась.

Подробнее ...
 
Сюкпрянь валт

Мордовия Республикань Прявтонть Владимир Волковонь лемс сась благодарность Адмирал Ушаков эскадрань миноносецэнь командирэнть Игорь Никитинэнь пельде. Мордовия Республикань подшефной миноносецэнь экипажонь прявтось республикань руководителентень ёвтась сюкпрянь валт военной моряктнень эрямост ды бытэст коряс мелявтоманть кисэ.

Подробнее ...
 
Сайсть медальть

Аволь умок Московсо ютавтозель «Сырнень сёксь» 19-це весероссиянь агропромышленной выставкась. Тосо эсь продукцияст невтизь Мордовиянь комсте ламо велень хозяйствань предприятиятне. Вана «Хорошее дело» агрогруппась тов усксесь «Мечта» ды «Юбилейное» кавто предприятиятнень продукцияст.

Подробнее ...