Рубрикатор

Cобытия недели ПАРТИЯНЬ ПРОЕКТЭНТЬ ТОПАВТОМГА
ПАРТИЯНЬ ПРОЕКТЭНТЬ ТОПАВТОМГА

Апрелень 7-це чистэ Саранскоень Химмаш ёнксонь Ярославская ульцянь эрицятне лисекшнесть вейсэнь промксос. Сынь кортасть «Городская среда» «Единая Россия» партиянь проектэнть топавтомадонзо. Эрицятнень марто вастовомас сакшнось проектэнь региононь кураторось – Саранск ошонь округонь Депутатонь советэнь депутатось, Октябрьской райононь ошонь управляющей компаниянь прявтось Владимир Сайгашкин. Сон макссь каршо валт ломантнень кевкстемаст лангс ды кунсолынзе ёвтазь мельтнень-арсематнень кудотнень маласо таркатнень вадрялгавтомаст коряс.

Ломантне кортасть: эрявить-арась пилямс зярыя покш чувтотнень, кона таркантень путомс эйкакшонь од площадканть. Те ульцянтень путовить од эземнеть, ацавить од тротуарт. Ярославская ульцясонть аштиця кудотнень маласо таркатнень витнемс-вадрялгавтомс весемезэ явовить 6 миллионт 150 тёжат целковойть. Важодемась ушодови маласо шкастонть, ды арсеви прядомс уш сентябрянь 1-це чинтень.

Эрицятне ёвтызь, сынст ульцясонть эрить ламо эйкакшт, ансяк кудотнень маласо налксемань весе площадкатне пек таштот. Сынь ней аштить покш мельспаросо – яволявтомаст ванкшнызь.

Владимир Сайгашкин башка тешкстызе, «Единая Россия» партиянь проектэнтень понгомга ошонь эрьва эрицянтень мереви кадомс яволявтома. Тень теемс аволь стака, эряви сёрмадомс mordov.er.ru партиянь региононь сайтонтень.

Вастовомасонть тешкстазель, 2017 иестэ «Городская среда» партиянь проектэнть лувсо витневить ламо квартирань кудотнень маласо таркатне. Яволявтоматнень мереви кадомс весе апреленть перть, седе тов сынст карми ванкшномо башка комиссиясь, ков совить ошонь ды республикань властень, общественной вейсэндявксонь представительтне. 2017 иестэ «Городская среда» партиянь проектэнть топавтомантень республикантень явозь 200 миллиондо ламо целковойть. Проектэсь карми важодеме вете иеть.

Т.Аксенова

 

 

Новости

Чувашиясто – казне марто

 

Мартонь 24-це чистэ И.Я.Яковлев лемсэ Чувашиянь государственной педагогической университетсэ ютась этнопедагогикань ды поликультурной образованиянь коряс студентэнь Весероссиянь олимпиада. Сон алтавсь РАО-нь академикенть Г.Н.Волковонь 90 иетненень.

Подробнее ...
 
Од ломанень ассамблея

 

Мордовия Республикасо теезь «Молодежная Ассамблея народов России «МЫ – РОССИЯНЕ» Общероссийской общественной движениянь региональной отделения. Республикасонть од ломанень движениянь теемась карми общероссийской гражданской идентичностень формированиянть коряс ушодкстнэнень, раськетнень ютксо ояксчинь кемекстамонтень ды  межкультурной вейсэнь важодеманть келейгавтомантень лездамонь площадкакс.

Подробнее ...
 
Диктантось – эрявикс тев

Те иень апрелень 8-це чистэ Саранскойсэ малав 400 ломантне кармить «Тотальной диктантонь» участникекс. Мероприятиянь ютавтомань меленть шнызе Мордовиянь Прявтось Владимир Волков.

Подробнее ...
 
Сценанть лангсо Ицялбуесь...

 

Неть оймсема читнестэ Республикань Культурань Кудосо ютасть «Шумбрат, Мордовия!» народной творчествань фестивалень меельце концерттнэ. Кадовсь ансяк Гала-концертэсь, кона карми декабрянь 11-це чистэ. Сценанть лангс лиснесть Ицялбуень, Ковылкина ёнксонь ды Саранск ошонь округонь артисттнэ.

Подробнее ...
 
Мамаева омбоце

 

Ноябрянь васенце пельксстэнть евтазельть Россиянь республикатнень государственной кельтнень коряс школасо тонавтницянь ды студентэнь Весероссиянь васенце олимпиадань итогтне.

Подробнее ...