Рубрикатор

Cобытия недели Содамочинзэ максы одтнэнень
Содамочинзэ максы одтнэнень

 

Ванды, апрелень 6-це чистэ, профессиянь кенярксчист кармить тешкстамо Россиянь МВД-нь следствиянь органтнэнь важодицятне. Весе шкатнестэ следствиясь лововсь элитань службакс, Россиянь правань ванстомань системань прявт структуратнестэ вейкекс. Те, васняяк, сюлмавозь сень марто, кодамо покш ответственность путови сеть ломантнень лангс, кить кочкить следователень аволь шожда тевенть. Сон веши ламо вийть, содамочить, ёрокчи ды шка. Те тевенть топавтомсто прявт вешемась – зыянов вейкеяк тевесь илязо кадово апак панжо.

 

Эряви тешкстамс, следователень аволь шожда тевенть топавтыть аволь ансяк цера-ломанть, истя жо кеме обуця тейтерь-ават. Малав 20 иеть следователень тевентень алтась Мордовия Республикасо МВД-нь Следствиянь управлениянь контрольно-методической отделэнь прявтось, юстициянь подполковникесь Галина Александровна Романович.

Н.П.Огарев лемсэ МГУ-нь юридической факультетэнть прядомадо мейле Галина Александровна кемгавтово иеть важодсь Саранск ошонь Пролетарской енксонь ОВД-нь следствиянь отделсэнть, ванкшнось-панжсь уголовной тевтнень. Теде мейле сон ютась Мордовия Республикасо МВД-нь Следствиянь управлениянь контрольно-методической отделс, ды вана колмо иеть уш кода аравтозь те отделэнь прявтокс. Следователень тевесь пек стака, аволь эрьвась цидярды те профессиясонть. Ансяк Г.А.Романович вестькак эзь янксе кочказь тевенть коряс, 20 иень перть седеяк домкасто чарькодсь: улемс следователекс – те сонзэ тевесь. Сон эрьва чистэ вастневи зыянов тевтнень лангс ливтеманть марто. Лиясто эрси, важоди ветькак.

Галина Александровна парсте топавты икелензэ весе путозенть, вадрясто содасынзе правань весе акттнэнь, конатнень лувсо ветяви тевтеемась предварительной следствиянть шкасто. Г.А.Романовичень пек виевть содамочинзэ-ёрокчинзэ, конатнень сон тевень содазь максы ушодыця следовательтненень.

Контрольно-методической отделэнь прявтонь тевтнень топавтомсто Галина Александровна ламо вийть путы республикань следствиянь подразделениятнесэ важодемань лезэвчинть кастомантень. Аноксты ды ютавты эрьва кодат семинарт ды вастовомат.

Г.А.Романович тевензэ вадрясто топавтоманзо кисэ тешкстазь ламо казнесэ. 2015 иестэ сонензэ максозь Мордовия Республикань Заслуженной юрист почётонь лемесь.

 

Галина Александровна, евтатано Тыненк ды следствиянь органонь весе важодицятненень поздоровт профессиянь кенярксчинть кувалма. Арсетяно кеме шумбрачи, певтеме вийть, уцяска, минек республикасо законностень ды правопорядкань виевгавтоманть коряс служебной тевтеемасонть од саевкст.

 

Т.Аксенова

 

Новости

Чувашиясто – казне марто

 

Мартонь 24-це чистэ И.Я.Яковлев лемсэ Чувашиянь государственной педагогической университетсэ ютась этнопедагогикань ды поликультурной образованиянь коряс студентэнь Весероссиянь олимпиада. Сон алтавсь РАО-нь академикенть Г.Н.Волковонь 90 иетненень.

Подробнее ...
 
Од ломанень ассамблея

 

Мордовия Республикасо теезь «Молодежная Ассамблея народов России «МЫ – РОССИЯНЕ» Общероссийской общественной движениянь региональной отделения. Республикасонть од ломанень движениянь теемась карми общероссийской гражданской идентичностень формированиянть коряс ушодкстнэнень, раськетнень ютксо ояксчинь кемекстамонтень ды  межкультурной вейсэнь важодеманть келейгавтомантень лездамонь площадкакс.

Подробнее ...
 
Диктантось – эрявикс тев

Те иень апрелень 8-це чистэ Саранскойсэ малав 400 ломантне кармить «Тотальной диктантонь» участникекс. Мероприятиянь ютавтомань меленть шнызе Мордовиянь Прявтось Владимир Волков.

Подробнее ...
 
Сценанть лангсо Ицялбуесь...

 

Неть оймсема читнестэ Республикань Культурань Кудосо ютасть «Шумбрат, Мордовия!» народной творчествань фестивалень меельце концерттнэ. Кадовсь ансяк Гала-концертэсь, кона карми декабрянь 11-це чистэ. Сценанть лангс лиснесть Ицялбуень, Ковылкина ёнксонь ды Саранск ошонь округонь артисттнэ.

Подробнее ...
 
Мамаева омбоце

 

Ноябрянь васенце пельксстэнть евтазельть Россиянь республикатнень государственной кельтнень коряс школасо тонавтницянь ды студентэнь Весероссиянь васенце олимпиадань итогтне.

Подробнее ...