Рубрикатор

Образование
"Эйкакштне - минек вандынь чинек"

Содазь, финнэнь-угрань раськетнень сюлми ламось. Те – вейсэнь кезэрень историясь, культурасо, кельтнесэ, койтнесэ вейкетьксчитне. Неень шкане жо эште вейке вейсэндиця енксокс минек раськетнень туртов кармасть вейсэнь талновтыця кевкстематне. Сынст ютксо раськетнень ламочист киртямось, койтнень-кирдатнень стувтомась. Сехте пек жо мелявтовты вана мезесь: иеде иес яла седе ды седе аламолгады тиринь кельсэ кортыця эйкакштнень ламочись. Эрьвась жо содасы: еми келесь – еми раськеськак. Секскак тетятненень-аватненень, тонавтыцятненень ды целанек обществантень эряви мелявтомс аволь ансяк эйкакштнень шумбрачидест ды содамочидест, истя жо тонавтомс эйкакштнень тиринь келень, эсь масторонь ды раськень вечкеме, эряви теемс вадря условият тиринь кельсэ образованиянть туртов. Паро, меельце шкастонть тень кармасть чарькодеме. Кенярдовты сеяк, кармась явовомо седе покш мель тиринь кельсэ дошкольной образованиянтень. Анокставить ды нолдавить тевс тень туртов башка программат. Невтемга, Мордовиясо ламот эйдень кужотне важодить «Валдоня» программанть коряс. Коми Республикасо вана уш 15 иеть важоди дошкольной образованиянь раськень кевкстематнень коряс лабораториясь. Сонзэ прявтось, Зоя Васильевна Астапова, евтнесь газетанок туртов тесэ топавтовиця тевтнеде.

Подробнее...
 
Рузонь келень курсат - омбо масторсто сазетненень

МГУ-нь филологиянь факультетсэ панжовсть омбо масторонь студенттнэнь туртов рузонь келень коряс курсат. Неть курсатне важодить 2010-це иестэ панжозь «Русский язык как иностранный» магистратуранть лувсо. Сынст икеле аштиця путовксось – аволь ансяк лездамс омбо масторонь студенттнэнень седе курок тонадомс лия масторсо эрямонтень, истя жо совавтомс од ломантнень тонавтомань процессэнтень: анокстамс сынст специальностень коряс научной литературань ловномо, лекциятнень кунсоломо, тонавтомс важодеме практической занятиятнесэ.

Программась арсезь 72 часос. Седе покш пельксэсь явови кортамонь практикан тень. Эдь, васняяк, эряви тонавтомс од ломантнень чарькодеме ды кортамо рузонь кельсэ. Кирдеви мельсэ омбо масторонь студенттнэнь специальностесткак, тонавтневиця валтнэ кочкавить сень лангс ванозь, кодамо профессия кочкасть студенттнэ. Сестэ од ломантненень карми седе шожда тонавтнемс.

Ю.Камаева

 
Карматано тонавтнеме од лувонь коряс

2003-це иень сентябрясто саезь Российской Федерациясь кемекстынзе тонавтомань Болонской процессэнть. Вансынек седе домкасто, мезе те истямось, кодамо сон, кодат тонавтомань од лувт канды те системась. Болонской процессэсь – те высшей образованиянь европейской вейкине системань теема. Сонзэ пингстэ высшей образованиясь явови кавто пелькска, кона ашти бакалавриатсто (3-4 иень тонавтнема) ды магистратурасто (1-2 иень тонавтнема). Сынст ютксто студенттнэнень эряви максомс выпускной ды вступительной экзамент. Образованиянь качествась тешкстави масторлангонь стандартной лувтнень коряс. Эсеть масторсо тонавтнемадонть мейле мереви поладомс тонавтнеманть Европань вузтнэсэ.

Россиясо Болонской процессэнть коряс молить ламо кортамот ды пелькстамот сонзэ эрявиксчидензэ. Нама, пек вадря, зярдо тесэ тонавтнеманть ушодозь, можна поладомс сонзэ омбо масторсо. Ансяк килангонть ды лия масторсо эрямонть пандомо карми сонсь студентэсь. Аволь весенень те изняви. Ярмактне эрявить пек ламо – 15-20 тёжат долларт. Мереви саемс кредит, ансяк сон таго жо аволь эрьвантень пандови.

Россиянь образованиянтень стака тонадомс европейской системантень. Кой-косо важодемань максыцятне а саить эстест бакалавриаттнэнь. Кортыть, сынь педе пев эзть тонавтне… Ансяк те а истя.

Подробнее...
 
Аволь весемесь онкстневи ярмактнесэ

Меельце шкастонть сеедьстэ савкшнось марямс ламо пелькстамот сень коряс, кие эйкакштненень максы воспитания: школась эли семиясь? Ламось мезесь ашти кода школанть, истя жо семиянть эйстэ. Школантень топавтома сень, мезе учить тетятне-аватне. Ды, мекевланк, тетятненень-аватненень эряви теемс сень, мезе вешить тонавтыцятне, школась.

Нама, эйкакштнень трямосо-кастомасо тетятнень-аватнень кияк а полавтсынзе. Эрси истяяк, зярдо авась три эйдензэ ськамонзо, тетявтомо. Тетянь улемась жо канды покш смусть. Седеяк пек, зярдо семиясонть касы церыне. Эйкакшпингеде ледстнематне – сехте валдот, мазыйть, сынь кадовить эрямонь перть. А стувтовить футболсо налксематне, экскурсиява якамотне ды седе тов. Бути тетятнень-аватнень ули мелест кастомс вадря эйкакшт, эсь шкастонть копори пиядо ды тарги – кодамо лезкс учомс тень эйстэ? Кодамояк. Ламот тунь а арсить мезескак тонавтомс эйкакшост. Зяро истят семият, косо тетятне-аватне ветясызь эйдест эйдень кужов, сынсь жо чиить важодеме. Мейле тосто сайсызь, кудосо шлясызь, андсызь, удомо мадстьсызь. Ды весе. Мезеяк од ды эрявикс а тееви.

Подробнее...
 
Покш мель - урозтнэнень

Од иеде икеле Ковылкина енксонь Кочелаева велень школа-интернатось вастась инжеть. Мордовиянь духовной ды культурной наследиянь ванстомань коряс Общественной палатань комиссиясь ютавтсь тосо заседания. Сонзэ лемезэль – «Дети Мордовии: проблемы духовного развития, патриотического и этно культурного воспитания в интернатных учреждениях республики». Те вастовомантень сакшность Мордовия Республикань Культурань, Социальной защитань, Образованиянь министерстватнестэ, Од ломанень тевтнень коряс Госкомитетстэ, общественной организациянь представительть.

Подробнее...
 
<< Первая < Предыдущая 11 12 13 14 15 16 17 18 19 20 Следующая > Последняя >>

Страница 19 из 20

Новости

Конституциясь – прявт закон

Исяк, декабрянь 12-це чистэ, тешкставсь Россиянь Федерациянь Конституциянь чись – минек масторонь государственной прявт кенярксчитнестэ вейкесь.

1993 иень те чистэнть минек масторсо кемекстазель РФ-нь Конституциясь. Весе текстэсь максозель «Российская газета» изданиясонть 1993 иень декабрянь 25-це чистэ. 1994 иестэ, Россиянь Президентэнть Указонзо коряс, декабрянь 12-це чись ёвтазель государственной кенярксчикс. Зярыя иень перть те чись ульнесь официальной оймсема чикс. Ансяк 2004 иень декабрясто Госдумась совавтсь полавтомат РФ-нь Трудонь кодексэнтень. Оймсема чись полавтовсь, а сонсь кенярксчись кандозь Россиянь ледстнемань читнень юткс.

Подробнее ...
 
Косто рамамс куз?

Декабрянь 15-це чистэнть республикасонть панжовить кузтнэнь ды пичетнень микшнемань базартнэ. Саранскойсэ тень туртов кемекстасть 22 площадкат (микшнема таркатнеде жо весемезэ 77).

Подробнее ...
 
Краснослободскойсэ – од прявт

Ноябрянь 29-це чистэ Краснослободскоень муниципальной районсо ютась Депутатонь райононь советэнь 13-це  сессиясь. Мордовиянь Прявтонть В.Д.Волковонь кармавтоманзо коряс сессиянть роботасо примась участия Мордовиянь Правительствань Председателесь В.Ф.Сушков. Чинь повесткасонть ульнесь вейке кевкстема: райононь од прявтонть кочкамось.

Подробнее ...
 
Фан-зона

Саранскойсэ Футболонь коряс масторлангонь чемпионатонть ютавтомсто прявт ошонь куншкакуросо карми улеме фан-зона.

Подробнее ...
 
Кочкадо сехте мазый район

Саранскойсэ ютавтови онлайн-вайгелень максома, сонзэ вельде редяви, ошонь кона районось весемеде мазыйстэ наряжазь Од иень кенярксчитнес. Теде пачтясть ошонь Администрациясто.

Подробнее ...