Рубрикатор

Образование
Сынст кувалт школась ашти каштанчисэ

Неть читнестэ Саранскоень 9-це номер школасо ютась «Кудо, косо минь эрятано» лементь ало кенярксчи. Сонзэ ютавтыть зярыя иень перть. Те вастовомасонть теевить тонавтнема иень итогтне. Школань прявтось Лариса Владимировна Макарова весенень пшкадсь лембе вал марто, паро мельсэ яволявтынзе сехте вадрятнень лемест ды тешкстызе: «Улить ломанть, кинь кувалма минь аштетяно каштанчисэ».

Коень коряс, яволявтозельть зярыя номинацият: «2013-2014 тонавтнема иень сехте вадря класс» (изнясь 11-це «А» классось, сыненст максовсь вете тёжат целковоень премия), «Эрьва класстонть сехте вадря тонавтниця». Дипломсо казевсть 1-це классто саезь 11-це классонь сехте вадрясто тонавтницятне.

Подробнее...
 
Наукань кияванть молезь

 

Октябрянь 29-це Чаткин Михаил Николаевиччистэ агробизнесэнь кадрань анокстамонь Мордовской институтонтень топодсть 50 иеть. Тень кувалма тесэ ютавтозель торжественной промкс, ков сакшность институтонь икелень прявттнэ, тесэ важодицятне, ученойтне, республикань келес содавикс велень хозяйствань предприятиянь прявттнэ, сетне, кить эсь шкасто тесэ тонавтнесть, кемекстасть содамочист велень хозяйствань предприятиятнень виевгавтомасо.

Пурнавозтненень лембе валт евтась ды кеме шумбрачи арсесь МР-нь Правительствань Председателень полавтыцясь, Велень хозяйствань ды продовольствиянь министрась В.Н.Сидоров. Сон тешкстызе, зярдо ванкшносыть зяро ды мезе теезь, сат мельс: институтось зяро паро кандсь! Эрьва иень февральстэ тесэ ушодови тонавтнемась. Эсь содамочист кемекстыть велень хозяйствань предприятиянь агрономтне, зоотехниктне, ветеринарной врачтне, бухгалтертнэ, крестьянско-фермерской хозяйствань прявттнэ. Тенень дивсемс а эряви. Тень веши эрямось. Институтонть эрямонзо перть тесэ эсь содамочист кастызь велень хозяйствань предприятиянь 15 тыщадо ламо специалистт.

– Тедеде, кода зярдояк, пек виевстэ важоди республикань агропромышленной комплексэсь, – поладсь Владимир Николаевич. – Саезь 1 миллион 120 тыщат тоннат сюро. Тедеде Мордовиянь нармунень фабрикатне арсить саемс 1 миллиард 250 миллионт штукат алт, эрьва скалсто потявтомс 4500 килограммат ловцо. Теле лангс анокстазь 2 миллиондо ламо тоннат кором. Теньсэ, нама, покш таликазо агробизнесэнь кадрань анокстамонь Мордовской институтонтькак, конань прявтсо технической наукань докторось, профессорось Михаил Николаевич Чаткин. Институтось кеместэ моли наукань кузтемаванть.

Подробнее...
 
Университетэсь лезды важодема таркань муемасо

Вузонь прядыцятнень важодема таркань муемань коряс кевкстемась свал аштесь пштистэ. Те стакачись ульнесь социализмань шкастонть, ули нейгак. Ансяк сестэ тевесь аштесь аламодо лиякс. Ютазь пингень 90-це иетнень самс Россиянь ламот вузтнэсэ, ютксост Мордовиянсетнесэяк, выпускниктненень макснесть важодема таркав направленият. Од специалистэнть, конась прядсь институт эли университет, кучилизь важодеме профессиянзо коряс. Эрявсть роботамс сеть ярмактнень, конатнень государствась ютавтынзе те эли тона ломаненть образованиянзо лангс. Эдь, кода содатано, советской шкатнестэ образованиясь ульнесь питневтеме. Сеедьстэ прядыцятнень арасель мелест молемс тов, конась сермадозель направлениясонть, седеяк пек – велев. Велесэ жо свал эрявсть специалистт. Факультеттнэнь декантнэ тейнесть истяяк: дипломтнень выпускниктненень макссть аволь сеске вузонь прядомадо мейле, а шкань ютазь, зярдо сынь кандыть коневт важодема таркасто.

СССР-нть каладоманзо ды рыночной лувонть ушодовоманзо марто весемесь полавтовсь мекевланк. Кучоматне стувтовсть, исень студенттнэнень эстест савкшны вешнемс важодема таркат. Ансяк практикавтомо од специалисттнэнь а весе саить роботамо. Содамочитнень лангс жо ней кияк а ваны. Веенстнэ кадыть эсь профессияст, конантень тонавтнесть вете иень перть, ды туить важодеме аволь специальностень коряс. Лиятне важодемань кист ушодыть биржасто.

Те пингенть ушодовомсто Россиянь вузтнэсэ кармасть панжовомо истят структурат, конат вешнить важодема таркат эсь выпускникест туртов. Мордовиясо лезкс те тевсэнть теи МР-нь Вузтнэнь прядыцятненень важодема таркань муемань региональной центрась. Прявтсонзо – Алексей Васильевич Макаркин. 2002 иестэ саезь те центрась важодсь ансяк Н.П.Огарев лемсэ

Подробнее...
 
Панжовить кадетской казачей класст

Эряви тешкстамс, Саранскоень крепостень васенце эрицякс ульнесть казактне ды пешей стрелецтнэ, конат кандсть тесэ ванстомань службаст. Седе тов Мордовиянь прявтошонть историязо а весть сюлмавкшнось казактнень марто. 1708 иестэнть, зярдо кармасть теевеме губерниятне, Саранскоесь совась Азовской губерниянтень. Теде мейле совавтозель Казанской, Симбирской ды Пензенской губерниятнес. Ансяк а эряви стувтнемс – ошонь теевемань юрсо аштить казактне. XVI-XVII-це пингетнестэ эрзянь-мокшонь енксонть яттнэде ванстомадонть тесэ теевсь засечной чертась. Стявтовсть башнят, острогт, ошт-крепостть. Засечной чертань оштнень юткс кандовить Темниковась, Краснослободскоесь, Инсарось, Орданьбуесь, Саранскоесь. Истя жо казактнень виест коряс те енкссонть теевсть опорной постт. Казактне кирдсть кеме сюлмот эрзятнень-мокшотнень марто.

Эряви тешкстамс, республикасонок православной васенце храмось истя жо стявтозь казактнень лезксэст вельде.

Неень шкане Мордовиясо эрить ламо казакт. Аволь умок саранскоень казактне вейсэндявсть ды пурнасть ошонь Свято-Предтеченской казаконь общества. Сонзэ атаманокс кармась донской потомственной казакось I-це рангонь капитанось Григорий Юрьевич Абрамов. Казаконь обществась вети виев важодема од ломантнень марто, касты сынст вечкемаст тиринь масторонтень. Секскак Мордовия Республикасо Главной федеральной инспекторось А.М.Пыков макссь мель казачей обществантень саемс вановтонзо алов республикань вейке школа ды панжомс тосо кадетэнь казачей класс.

Подробнее...
 
Улемс тонавтыцякс - покш уцяска!

Неть читнестэ республикасонок ульнесть кавто покш событият – Тиринь келень чи ды «Учитель года – 2011» 20-це юбилейной конкурсось, кона ютась Саранскоень 19 № гимназиясо. Апрелень 15-це чистэ торжественной церемонияс пуромкшность тонавтыцят Мордовиянь весе районтнэстэ, образованиянь муниципальной управлениятнестэ, велень ды ошонь администрациятнестэ важодицят. Конкурсонь участниктненень ды инжетненень вал марто пшкадсь МР-нь Правительствань Председателень полавтыцясь М.С.Сезганов. Сон тешкстызе, келя, течи те пелькстамось теевсь алкуксонь кенярксчикс. Эрьва тонавтыцянть улить башка енксонзо важодемасо, теке марто, эйсэст вейсэнди вейке – тонавтомс эйкакшт ды кастомс сынст вадря ломанекс.

Омбоце ие «Учитель года» пелькстамось моли колмо номинациява: физкультурань сехте вадря тонавтыця, тиринь келень ды Мордовия Республикань Иень тонавтыця. Васенце номинациясонть изницякс лиссь Покш Березник енксонь 1 № школань тонавтыцясь М.И.Шамонин.

Раськень мазый оршамосо сцена лангс лиссть «Тиринь келень сехте вадря тонавтыця» номинациянь финалисткатне. Сюкпрянь валт паро важодемаст кисэ евтась Национальной политикань коряс министрань полавтыцясь А.И.Карьгин. Тешкстама, сон вейкель, кие эсь кортамонзо ушодызе мокшокс. Александр Иванович тешкстызе эрзянь ды мокшонь кельтнень тонавтыцятнень эрявиксчист: «Ансяк тынь тонавтсынк эйкакштнень кортамо тиринь кельсэ ды ванстомо раськень койтнень-кирдатнень». Жюринть мелензэ коряс сехте вадрякс те номинациясонть кочказель Орданьбуе енксонь Баеньбуе велень школань эрзянь келень ды литературань тонавтыцясь Н.В.Бояркина. Вечкевикс тевензэ Надежда Викторовна топавты 15 иеде ламо ды ули мелезэ важодемс эйкакштнень марто седе товгак. Школасост 112 тонавтницят, весе парсте кортыть эрзякс. Изницясь арси, тиринь келенть ули вандынь чизэ, ды целанек сон ашти эйкакштнень эйстэ.

Подробнее...
 
<< Первая < Предыдущая 11 12 13 14 15 16 17 18 19 Следующая > Последняя >>

Страница 17 из 19

Новости

Путин казизе Волковонь Александр Невскоень орденсэ

Россиянь Президентэсь Владимир Путин тешкстась Указ «О награждении государственными наградами Российской Федерации». Зярыя кементь фамилиятнень ютксо Мордовиянь Прявтось Владимир Волков. Государствань руководителенть Указонзо коряс сонензэ максови Александр Невскоень орденэсь.

Подробнее ...
 
Кулят мэриясто

Ошонь Администрациясо ютась промкс, кона ушодовсь коммунальной техниканть телентень анокстамодо кевкстематнестэ. РФ-нь МЧС-нь ГУ-нь МР-нь представительтне пачтясть, маласо читнестэ Саранскойсэ температурась валги -5 градусос, чить термометрась невти +1, +2 градуст. Карми прамо начко лов. Ошонь прявтось Пётр Тултаев тешкстызе, машинань ветницятне чарыст зярс эзизь полавто. ГИБДД-нь важодицятне мерсть, ветницятненень ютавтыть профилактической кортамот. «Чуваронь-салонь почодыця машинатне телень шкане улест весе зыянов таркатнесэ, сэдтнень вакссо, пандопряв молиця килангтнесэ. Ошонь хозяйствань департаментэнь важодицятне кадык стувтсызь оймсема читнень. Субутась тынк туртов – важодемань чи», – мерсь Пётр Тултаев.

Подробнее ...
 
Литературанть марто вейсэ

А.С.Пушкин лемсэ республикань Национальной библиотекасо ютась «Литература и природа – рука об руку» эрьва иень акциясь. Сон юты колмоцеде ды тедеде алтавсь Экологиянь иентень. Сонзэ ютавтыцятне – Ицялбуень куншкакуронь библиотекась, «Смольный» национальной паркось ды А.С. Пушкин лемсэ библиотекась.

Подробнее ...
 
Сюкпрянь валт

Мордовия Республикань Прявтонть Владимир Волковонь лемс сась благодарность Адмирал Ушаков эскадрань миноносецэнь командирэнть Игорь Никитинэнь пельде. Мордовия Республикань подшефной миноносецэнь экипажонь прявтось республикань руководителентень ёвтась сюкпрянь валт военной моряктнень эрямост ды бытэст коряс мелявтоманть кисэ.

Подробнее ...
 
Сайсть медальть

Аволь умок Московсо ютавтозель «Сырнень сёксь» 19-це весероссиянь агропромышленной выставкась. Тосо эсь продукцияст невтизь Мордовиянь комсте ламо велень хозяйствань предприятиятне. Вана «Хорошее дело» агрогруппась тов усксесь «Мечта» ды «Юбилейное» кавто предприятиятнень продукцияст.

Подробнее ...