Рубрикатор

Образование Наукань кияванть молезь
Наукань кияванть молезь

 

Октябрянь 29-це Чаткин Михаил Николаевиччистэ агробизнесэнь кадрань анокстамонь Мордовской институтонтень топодсть 50 иеть. Тень кувалма тесэ ютавтозель торжественной промкс, ков сакшность институтонь икелень прявттнэ, тесэ важодицятне, ученойтне, республикань келес содавикс велень хозяйствань предприятиянь прявттнэ, сетне, кить эсь шкасто тесэ тонавтнесть, кемекстасть содамочист велень хозяйствань предприятиятнень виевгавтомасо.

Пурнавозтненень лембе валт евтась ды кеме шумбрачи арсесь МР-нь Правительствань Председателень полавтыцясь, Велень хозяйствань ды продовольствиянь министрась В.Н.Сидоров. Сон тешкстызе, зярдо ванкшносыть зяро ды мезе теезь, сат мельс: институтось зяро паро кандсь! Эрьва иень февральстэ тесэ ушодови тонавтнемась. Эсь содамочист кемекстыть велень хозяйствань предприятиянь агрономтне, зоотехниктне, ветеринарной врачтне, бухгалтертнэ, крестьянско-фермерской хозяйствань прявттнэ. Тенень дивсемс а эряви. Тень веши эрямось. Институтонть эрямонзо перть тесэ эсь содамочист кастызь велень хозяйствань предприятиянь 15 тыщадо ламо специалистт.

– Тедеде, кода зярдояк, пек виевстэ важоди республикань агропромышленной комплексэсь, – поладсь Владимир Николаевич. – Саезь 1 миллион 120 тыщат тоннат сюро. Тедеде Мордовиянь нармунень фабрикатне арсить саемс 1 миллиард 250 миллионт штукат алт, эрьва скалсто потявтомс 4500 килограммат ловцо. Теле лангс анокстазь 2 миллиондо ламо тоннат кором. Теньсэ, нама, покш таликазо агробизнесэнь кадрань анокстамонь Мордовской институтонтькак, конань прявтсо технической наукань докторось, профессорось Михаил Николаевич Чаткин. Институтось кеместэ моли наукань кузтемаванть.

Юбиляртнэнень поздоровт евтасть ды од изнявкст арсесть аграрной институтонь, механикань ды энергетикань институтонь прявттнэ – велень хозяйствань наукань докторось, профессорось Ю.Н. Прытков ды технической наукань докторось, профессорось А.В.Котин, Рузаевкань райононь «Ключ-Сузгарьевский» ООО-нь прявтось Н.Б.Амбаев, лиятне.

Институтонть

историязо

Ютазь пингень 50-60-це иетнестэ ульнесть ламо а стувтовикс тешкст. КПСС-нь XX ды XXI съездтнэ СССР-нть эрямосо тейсть полавтомат аволь ансяк политической ды социальной енкстнэсэ, истя жо пильге лангс кармась стямо велень хозяйстваськак. 1959 иестэ примазельть масторонь виевгавтомань сисем иень аравтлувтне. Ушодовсь велень хозяйствань производстванть полавтомась. Колхозтнэнень ды совхозтнэнень мерезель рамсемс тракторт, комбайнат ды велень хозяйствань прицепной инвентарь. Виевгадсь животноводствась. Ансяк 1960 иестэ республикаванть скалтнэ ламолгадсть 4,7 %. Теке жо иестэнть колхозтнэ строясть 60,5 тыщат скалс 367 кардт.

Целанек жо республикань колхозтнэва ды совхозтнэва потявкстнэнь ды урожайностенть коряс невтевкстнэ аволь вейкеть. 1959 иестэ республикаванть эрьва гектарсто саезельть 7,4 центнерт сюро , 1960 иестэ Ицялонь конезаводонь трудий ломантне коське шкане гектарсто сайсть сюро 15 центнерт. 1958 иестэ республикаванть иезэнзэ скалсто потявтсть 1900 килограммат ловцо, 1959 иестэ Теньгушевань райононь «Доброволец» колхозонь скалонь потявтыцясь А.Р.Очкина мельганзо кемекстазь группань эрьва скалсто потявтсь 4190 литрат ловцо.

Те корты мезде? Эзть сатно велень хозяйствань специалисттнэ. Велень хозяйствань предприятиянь прявттнэстэ ламонь арасель высшей эли средне-специальной образованияст, эзть сатно агрономтне, инженертнэ, средней звенань специалисттнэ. Высшей образования марто специалистт колхозтнэс састь ансяк 1962 иестэ. Средней звенань специалистт анокстасть Кемлянь, Краснослободскоень ды Темниковань велень хозяйствань техникумтне. Велень хозяйствань наукасо ды важодемасо одтонть специалисттнэнень евтнесть Мордовской государственной велень хозяйствань опытной станциянь сотрудниктне ерокчинь кемекстамонь курсатнесэ, семинартнэсэ. Те роботанть ладясь МАССР-нь Велень хозяйствань министерствась.

Республикань тонавтомань заведениясь анокстась аволь аламо велень хозяйствань специалистт. Мордовиясо покш важодема ветявсь колхозонь ды совхозонь прявттнэнь ды специалисттнэнь ерокчист кастомань коряс. Тень вешсь теемс КПСС-нь ЦК-нь ды СССР-нь Министрань Советэнь «О подготовке и повышении квалификации руководящих кадров колхозов и совхозов» постановлениясь, кона лиссь 1961 иень августонь 18-це чистэ. 1963 иестэ хозяйствань прявтонь анокстамонь вейке иень школанть юрсо теезель велень хозяйствань специалистэнь ерокчинь кастомань комбинатось. Весемезэ 1962 иестэ саезь 1965 иес комбинатось нолдась 158 специалистт. Кото ковонь курсатнень прядызь колхозонь 123 председательть.

Республикасонть зярдояк эзть стувтне специалистэнь анокстамонть ды одс тонавтоманть. 1976 иень апрелень 1-це чинтень колхозонь председательтнестэ 92,5% ды совхозонь директортнэстэ 98,7% ульнесть высшей образования марто.

Шкась вейке таркасо а ашти. Велень хозяйствань предприятиятнесэ эрямос ушодсть совавтомо хозрасчетонть, од технологиятнень. Те вешсь вузтнэсэ ды техникумтнесэ допрок полавтомс тонавтомань лувонть. Тень кувалма велень хозяйствань кадратнень анокстамонь ды ерокчист кастомань Мордовской школась полавтызе лемензэ. Кармась – велень хозяйствань управлениянь Мордовской школакс, 1986 иестэ теевсь агропромышленной комплексэнь управлениянь Мордовской школакс.

90-це иетне АПК-нь управлениянь Мордовской школантень кандсть покш полавтомат. 1994 иестэ сон одс лемензэ полавтызе. Кармась агропромышленной комплексэнь кадрань анокстамонь ды ерокчинь кастомань коряс Мордовской тонавтомань центракс, уш 1995 иестэ сонзэ юрсо теевсь агробизнесэнь кадрань анокстамонь институтось.

Меельце 16 иетнень перть институтось важоди вадрясто, а каднови эрямонть эйстэ. Масторонть, республикань агропромышленной комплексэнть марто моли ве лувсо.

Институтось течи

2009 иестэ институтось ютызе аккредитациянть, Россиянь Образованиянь министерствась макссь свидетельства. Тень кувалма институтонть ули правазо максомс тесэ тонавтнемань прядыцятненень дипломт истямо программань коряс: «Менеджмент», «Организация воспроизводства сельскохозяйственных животных», «Организация и функционирование крестьянских (фермерских) хозяйств».

Тешкстасынек, эрьва иестэ институтонть прядыть 49 ломанть. Сынст тонавты пек виев профессоронь-преподавателень коллектив. Ламотне – наукань докторт ды кандидатт.

2008 иестэ лиссь «Развитие сельского хозяйства и регулирования рынков сельскохозяйственной продукции, сырья и продовольствия на 2008-2012 годы» Государственной программась. Тень кувалма институтось МР-нь Велень хозяйствань ды продовольствиянь министерстванть марто сермадстсть соглашения, конань юрсо – АПК-нь предприятиянь специалисттнэнь ды прявттнэнь ерокчист кастомась ды одс анокстамось.

Институтонь ректорось М.Н.Чаткин весементь теи, штобу коллективсэнть улевель шумбра лув.

Институтось кеме ояксчисэ эри Рузаевкань райононь «Агросоюз» ООО-нть марто. Тесэ эрямос совавтовить институтонь ученойтнень трудост, ванкшномаст.

Институтонтень – 50 иеть. Те, нама, аволь аламо. Пильге лангс кеместэ стямонь шка. Институтсо важодицятненень маласо иетнестэ республикань велень хозяйствань предприятиятнень марто вейсэ сави решамс покш тевть, конатнень велень трудий ломантнень икелев аравтынзе РФ-нь Правительствась ды МР-нь Прявтось. Сынь сюлмавозь 2008-2012 иетнес РФ-нь ды МР-нь велень хозяйствань кемекстамонь программанть топавтоманзо марто. Лисни, агробизнесэнь Мордовской институтось кеместэ моли наукань кузтемаванть.

Петр Зиновьев

 

 

Новости

Съезд «Единой России» будет посвящен старту избирательной кампании в Госдуму в 2021 году
Предстоящий Съезд «Единой России» будет посвящен подготовке к
избирательной кампании в Государственную Думу в 2021 году и оценке
результатов прошедших выборов. На Съезде также предстоит обновление
партийных институтов с акцентом на электоральную составляющую. Об этом
заявил секретарь Генерального совета «Единой России» Андрей Турчак на
заседании Президиума Генсовета Партии.
Подробнее ...
 
В Мордовии стартовала акция «Круг добра»
Акция «Круг добра» проводится в рамках сотрудничества Центра
поддержки гражданских инициатив, сторонников «Единой России» и
благотворительного фонда «ДаДобро». Это еще один этап реализации
Календаря Добрых дел.

Подробнее ...
 
Кочкицятне ёвтызь мелест


Сентябрянь 8-це чистэ Россиясо ютасть кочкамот местной самоуправлениянь органтнэс. Тенень алтазель журналисттнэнь туртов пресс-конференциясь, конань сентябрянь 9-це чистэ Саранскойсэ, Союзонь кудосо ютавтызе «Единая Россия» политической партиянь региононь отделениясь. Журналисттнэнь кевкстемаст лангс отвечась МР-нь Государственной Собраниянь Председателесь, «Единая Россия» Мордовиянь региононь отделениянь прявтось В.В.Чибиркин.

Пачтязель, Мордовиясо истя жо ульнесть кочкамот. 407 мандаттнэнь кис снартнесть 1054 ломанть. Республикань келес вайгелест максомо сакшность 63 % эрицят. Вайгелест максомо сехте ламо сакшность Ромодановань районсо – 74,24 %. Аламодо эйстэст кадовсть Инсаронь райононь эрицятне. Тосо – 73,01 %. Вейке проценттэ аламо сакшность Отяжелень районсо. Ламо кандидаттнэнь ютксо 98 % вайгельтне максозь «Единая Россия» политической партиянь представительтнень кис. Ды те а стяко. Ламо шкань перть мольсь анокстамонь робота. Сехте паро кандидаттнэнь эрицятне тешкстакшнызь эштё маень 26-це чистэ, зярдо ютавтозель предварительной вайгелень максомась. Сондензэ икеле ютавтозельть эрицятнень марто вастовомат, конатнесэ ломантне теевсть содавиксэкс кандидаттнэнь ды сынст проекттнэнь марто. Сестэнь изницятне вастовоматнень поладокшнызь велесэ эрицятнень марто. Ютавтозельть 114 вастовомат. Эрицятнень ламо кармавтоматне топавтозельть.

Мордовиясо кочкамотне ютатсть закононь колсемавтомо.

Подробнее ...
 
Единороссы Октябрьского района вручили юбиляру поздравительное письмо от Президента Владимира Путина
10 сентября 90-летний юбилей отмечает жительница Октябрьского района
Новикова Мария Ивановна. Родилась женщина в Нижегородской области,
всю жизнь трудилась звеньевой бригады в колхозе. Военные и
послевоенные годы вспоминает со слезами на глазах: «Мы жили небогато,
растили детей, очень много работали, сил своих не жалели».


Подробнее ...
 
Александр Воробьев осмотрел ход строительства детского сада в Ромодановском районе


6 сентября депутат Госдумы РФ, член комитета по аграрным вопросам Александр Воробьев встретился с главой Ромодановского района Анатолием Гурьяновым. Они обсудили ход строительства детского сада на 160 мест в поселке Ромоданово, который строится в рамках национальных проектов "Демография" и "Образование". По словам Анатолия Гурьянова, на 80% возведение здания завершено, ведутся работы по устройству коммуникаций.
«Мы сумели ликвидировать некоторое отставание по срокам, которое возникло ранее, но теперь строители работают в соответствии с графиком», - отметил глава Ромодановского района.

Александр Воробьев подчеркнул, что детский сад строится по наказам избирателей. По демографическим показателям Ромодановский район занимает вторую строчку в регионе после Саранска, и на данный момент существует потребность в обеспечении малышей местами в детских садах.
Детский сад планируется сдать уже в декабре текущего года.