Рубрикатор

Образование Панжовить кадетской казачей класст
Панжовить кадетской казачей класст

Эряви тешкстамс, Саранскоень крепостень васенце эрицякс ульнесть казактне ды пешей стрелецтнэ, конат кандсть тесэ ванстомань службаст. Седе тов Мордовиянь прявтошонть историязо а весть сюлмавкшнось казактнень марто. 1708 иестэнть, зярдо кармасть теевеме губерниятне, Саранскоесь совась Азовской губерниянтень. Теде мейле совавтозель Казанской, Симбирской ды Пензенской губерниятнес. Ансяк а эряви стувтнемс – ошонь теевемань юрсо аштить казактне. XVI-XVII-це пингетнестэ эрзянь-мокшонь енксонть яттнэде ванстомадонть тесэ теевсь засечной чертась. Стявтовсть башнят, острогт, ошт-крепостть. Засечной чертань оштнень юткс кандовить Темниковась, Краснослободскоесь, Инсарось, Орданьбуесь, Саранскоесь. Истя жо казактнень виест коряс те енкссонть теевсть опорной постт. Казактне кирдсть кеме сюлмот эрзятнень-мокшотнень марто.

Эряви тешкстамс, республикасонок православной васенце храмось истя жо стявтозь казактнень лезксэст вельде.

Неень шкане Мордовиясо эрить ламо казакт. Аволь умок саранскоень казактне вейсэндявсть ды пурнасть ошонь Свято-Предтеченской казаконь общества. Сонзэ атаманокс кармась донской потомственной казакось I-це рангонь капитанось Григорий Юрьевич Абрамов. Казаконь обществась вети виев важодема од ломантнень марто, касты сынст вечкемаст тиринь масторонтень. Секскак Мордовия Республикасо Главной федеральной инспекторось А.М.Пыков макссь мель казачей обществантень саемс вановтонзо алов республикань вейке школа ды панжомс тосо кадетэнь казачей класс. Тень туртов кочказель Саранск ошонь 30 № школась. Тесэ маень прядовомсто ютавтозель кенярксчинь мероприятия, кона алтазель кадетэнь казачей класстнэнь теемантень.

Августонь 17-це чистэ Саранск ошонь 30 № школань тонавтыцятнень марто вастовкшность Свято-Предтеченской казачей обществань атаманось Г.Ю.Абрамов, сонзэ полавтыцязо С.Н.Маскинсков подъесаулось, казачей обществань ревизорось А.Ю.Васильев сотникесь, «Наследники Победы» патриотической общественной движениянь МР-со прявтось Е.А.Ячинов, Святой мученицань Татиянань храмонь настоятелесь, Саранскоень ды Мордовиянь епархиянь религиозной образованиянь ды катехизациянь отделэнь прявтось отец Николай Новотрясов, «Разгуляй» казаконь моронь ды киштемань ансамблянь художественной руководителесь Т.В.Тюрина. Кортамось мольсь школасонть кадетэнь класстнэнь пурнамодост, те лувсо важодеманть видестэ ладямодонть ды тень пингстэ эйкакштнень ды тетятнень-аватнень мелест-арсемаст ванстомадост.

Васняяк тонавтыцятненень невтезель кинофильма казактнень коряс: кить сынь истят, косот ундоксост, кодат казачестват ванстовсть неень шкантень. Тешкстазель, Саранск ошонть историязо целанек сюлмавозь казактнень марто.

– Казактнень туртов прявт заповедекс свал ульнесь ды кадовсь Отечествантень, народонтень ды православиянтень кемемась. Кадетэнь казачей класстнэнь теемась – эште вейке эскелькс рузонь казачествань койтнень-кирдатнень одкстомтомантень, – пшкадсь пуромозетненень Г.Ю.Абрамов.

Мерсь, келя, неть класстнэсэ тонавтнемась лезды эйкакштненень домкалгавтомс содамочист, школань программанть лувсо теевить содавиксэкс строевой уставонть марто.

30 № школань директорось В.Б.Жаров мерсь, сентябрянь 1-це чистэнть арсеви панжомс кадетэнь казачей 17 класст. Мейле жо, бути эйкакштнень карми покш мелест понгомс неть класстнэс, кармить теезь эште. Кадеттнэнь-казактнень учи «сюпав» тонавтнемань программа: эйкакштне седе домкасто кармить тонавтнеме Россиянь государстванть историянзо, военной тевенть, теде башка, сынст туртов кармить ветявомо спецкурсат. Кармить ветявомо духовной основань урокткак. Максозель мель ютавтомс сынст классонь руководительтненень. Отец Николай тешкстызе, нама, сынст пельде карми максозь эрявикс лезкс. Е.А.Ячинов мерсь, кадетской казачей класстнэнень карми лездамо «Наследники Победы» движенияськак. Ютавтовить вастовомат-кортамот геройтнень марто.

Кадеттнэнень казаконь киштематнень ды моротнень тонавтнемасо-путомасо лездамо карми «Разгуляй» ансамблясь.

В.Б.Жаров мерсь, келя, кадетэнь казачей классонть прявт смустезэ – эйкакштнень ютксо патриотизманть кастомась-кепетемась, духовной ды социальной питнейчитнень ванстомась.

Кадетэнь классонтень понгить весе эйкакштне, конатнень ули мелест. Сынст карми эсест формаст, конась пек моли казаконсенть енов. Эряви тешкстамс, тов кармить саевеме тейтерькаткак.

Саранск ошонь 30 № школань кадетэнь казачей класстнэнь мельга ваномо карми Равчирень федеральной округсо РФ-нь Президентэнь Полномочной представителень аппаратонть МР-со Главной федеральной инспекторось, истя жо силовой структуратне: МР-со Внутренней тевень министерствась, РФ-нь ФСБ-нь МР-со управлениясь, МР-нь Прокуратурась, МР-со Следствиянь управлениянь следствиянь комитетэсь, Юстициянь тевтнень коряс МР-нь госкомитетэсь, Судебной приставонь федеральной службань МР-со управлениясь. Школанть прядомадо мейле жо од кадеттнэнень мереви молемс тонавтнеме секретной службань сотрудникекс. Тень туртов сынь кармить целанек анокстазь.

Т.Аксенова

 

Новости

Единороссы высадили еловую аллею в Саранске
Акция по высадке саженцев, посвященная 75-летней годовщине Великой
Победы, состоялась сегодня в Саранске в микрорайоне Юбилейный.
Представители регионального отделения Партии «Единая Россия», МГЕР
Мордовии, молодежных общественных организаций, студотрядов,
юнармии, поисковых отрядов посадили более 40 саженцев, которые
доставили из Краснослободского района республики.


Подробнее ...
 
В Краснослободском районе успешно реализуется проект «Наследники Гиппократа»
Сегодня в медицинском колледже прошло занятие для волонтеров-медиков
Одним из победителей конкурса общественно-значимых проектов первичных отделений Партии «Единая Россия» стал проект первичного отделения №381 Краснослободского района «Наследники Гиппократа». Этот проект уже успешно реализуется в медицинском колледже в рамках реализации партийных проектов «Здоровое будущее» и «Старшее поколение», его участниками стали студенты-волонтеры.
Как отмечает секретарь первичного отделения 381 Краснослободского района Татьяна Кутузова, на средства, полученные в рамках гранта, были закуплены тонометры для измерения артериального давления, медицинская литература.
Подробнее ...
 
Съезд «Единой России» будет посвящен старту избирательной кампании в Госдуму в 2021 году
Предстоящий Съезд «Единой России» будет посвящен подготовке к
избирательной кампании в Государственную Думу в 2021 году и оценке
результатов прошедших выборов. На Съезде также предстоит обновление
партийных институтов с акцентом на электоральную составляющую. Об этом
заявил секретарь Генерального совета «Единой России» Андрей Турчак на
заседании Президиума Генсовета Партии.
Подробнее ...
 
В Мордовии стартовала акция «Круг добра»
Акция «Круг добра» проводится в рамках сотрудничества Центра
поддержки гражданских инициатив, сторонников «Единой России» и
благотворительного фонда «ДаДобро». Это еще один этап реализации
Календаря Добрых дел.

Подробнее ...
 
Кочкицятне ёвтызь мелест


Сентябрянь 8-це чистэ Россиясо ютасть кочкамот местной самоуправлениянь органтнэс. Тенень алтазель журналисттнэнь туртов пресс-конференциясь, конань сентябрянь 9-це чистэ Саранскойсэ, Союзонь кудосо ютавтызе «Единая Россия» политической партиянь региононь отделениясь. Журналисттнэнь кевкстемаст лангс отвечась МР-нь Государственной Собраниянь Председателесь, «Единая Россия» Мордовиянь региононь отделениянь прявтось В.В.Чибиркин.

Пачтязель, Мордовиясо истя жо ульнесть кочкамот. 407 мандаттнэнь кис снартнесть 1054 ломанть. Республикань келес вайгелест максомо сакшность 63 % эрицят. Вайгелест максомо сехте ламо сакшность Ромодановань районсо – 74,24 %. Аламодо эйстэст кадовсть Инсаронь райононь эрицятне. Тосо – 73,01 %. Вейке проценттэ аламо сакшность Отяжелень районсо. Ламо кандидаттнэнь ютксо 98 % вайгельтне максозь «Единая Россия» политической партиянь представительтнень кис. Ды те а стяко. Ламо шкань перть мольсь анокстамонь робота. Сехте паро кандидаттнэнь эрицятне тешкстакшнызь эштё маень 26-це чистэ, зярдо ютавтозель предварительной вайгелень максомась. Сондензэ икеле ютавтозельть эрицятнень марто вастовомат, конатнесэ ломантне теевсть содавиксэкс кандидаттнэнь ды сынст проекттнэнь марто. Сестэнь изницятне вастовоматнень поладокшнызь велесэ эрицятнень марто. Ютавтозельть 114 вастовомат. Эрицятнень ламо кармавтоматне топавтозельть.

Мордовиясо кочкамотне ютатсть закононь колсемавтомо.

Подробнее ...