Рубрикатор

Образование Школав­ анокстамот
Школав­ анокстамот


Зярыя чить кадовсть сентябрянь 1-це  чинтень. Школасо тонавтницятне, сынст тетятне-аватне, покштятне-сырькайтне, тонавтыцятне  те чинть свал учить талнозь. Тедеде торжественной линейкась, конась алтави Содамочинь чинтень, юты пондельникстэ, сентябрянь 2-це чистэ. Кодамо мель-арсема марто сыргить школав республикань тонавтницятне, зяро ярмакт ютавтсть тетятне-аватне эйкакшост пурнамс-сэрнямс, ловнодо минек материалсонть.

 

Васенцеде – васенце классос

Максим Баранов Чаунзань райононь Комсомольской поселкань цёрынесь тедеде туи 2-це № ПСШ-нь васенце классос. Те кенярксчинть сынь учить семиянек: авазо – Ирина, тетязо – Сергей ды вишка сазорозо – Даша. Максим овсе а талны, сонензэ школав туемась – учовикс тев: букватнень содасынзе, ловномо машты, примерткак реши парсте, секс пелемс а мезде.  Маряви, аволь Максим, авазо, Ирина сырги школав. Сон видьксты: «Школав пурнамось – тевесь стака, седеень талновтыця ды, теке марто, кенярдовтыця. Васенце классос туицятненень ламо-мезе эряви рамамс: школань форма, физкультурав якамс спортивной костюм, рюкзак, канцтоварт… Школав минь уш анокстамо карминек кизэнть ушодовомсто. Ней костюмонок валакавтозь, поводезь шкафс ды учи эсензэ чинзэ. Весе эрявикс канцтовартнэнь марто рюкзаконть тенек казизе «Евроцемент» предприятиясь, косо мирдем Сергей важоди экскаваторщикекс. Васенце классос туицятнень пурнакшнызь мельстуиця мероприятияс ды тосо сыненст казизь рюкзактнень. Максим истя кенярдсь! Кенярдоманть марто сельведтькак ульнесть. Даша куватьс эзь чарькоде, мекс рюкзаконть казизь ансяк Максимнень ды бажась тосто мезеяк кекшемс эстензэ. Савсь сонензэяк пурнамс вишка канстке».




Кода ёвтни Ирина, школань формась тенст стясь малав 4 тежат целковойть, спортивкась эште 2 тежат, эрявсь рамамс кавонст-колмонст карсемапельть. Сынст питнест стясть 3,5 тёжат целковойть. Рамасть колмо панарт 700 целковоень питнесэ эрьвась. Бути ловомс весе оршамопельтнень-карсемапельтнень питнест, конатне кармить эрявомо тонавтнема иенть перть, эрьва эйкакшонть школав пурнамось сти 20-30 тёжат целковойть! Кой-кинь жо школав молицятнеде аволь вейке: кавто ды седе ламо! Лисни, ярмаконь таштамо эряви ушодомс иеде седе икеле. Школась неень шкане пек питнейстэ сти! Эште минь эзинек лово цецянь пусмотнень – сентябрянь васенце чинтень сынст лангскак касы питнесь.

Максим Барановонь жо 1-це А классозо ды целанек Комсомольской посёлкань 2-це № школась тедеде арсить совамс «Дети вместо цветов» Весероссиянь акциянтень. Тонавтыцянтень казеви мазый цецянь вейке пусмо классонть пельде, кадовозь ярмактне жо весе максовить эйкакштненень-инвалидтнэнень ды кучовить «Подсолнух» фондонтень. Торжественной линейкав эйкакштне саить эли чиньжарамонь пря, эли флажок те фондонь логотипенть «чиньжарамонть»,  марто. Ирина Баранова, кода те школань лия тетятне-аватнеяк, арсить: эйкакшонть эряви вишка пингестэ саезь уш тонавтомс теемс паро тевть ды лездамс кажовсто эрицятненень ды сэредицятненень.

 

 

Рамсематнень а кадомат

 меельце шкас



Надежда Михайловна Аксёнова Маша тейтерензэ марто, Орбаньбуень Кеченьбие велестэ:

– Кизэнь читне прядовома лангсот, малавгали таштамковонь васенце чись. Весе тетятнень-аватнень туртов те пек а шожда шка: эдь эрявить анокстамс эйкакштнень школав, те веши ламо вийть ды ярмакт. Монь колмо тейтерень, кавтотне уш покш, школаст умок прядызь. Меельцесь, Маша, тедеде моли кеменце классос. Ютазь иесь минек туртов ульнесь талновтыця: тейтерем прядызе вейксэце классонть, эрявсть максомс экзамент. Мельспаро, визьксчамас эзимизь путо, весе экзаментнэнь максынзе «ветес» ды «нилес».

Школав? Таштамковонь 1-це чинтень? Анокт! Покш стакачи марто эзинек вастово. Видькстан, школантень анокстамо минь ушодынек эштё кизэнть ушодовомсто. Те шкане лавкатнесэ очередть арасть, секскак пек а сизяткак. Кода мейле рединек, питнетнеяк седе вишкинельть, таштамковонть малавгадоманзо марто сынь седе касыть. Малав весементь раминек Орданьбуень лавкатнестэ. Тетятненень-аватненень превспутомам: эйкакштнень школав анокстамонть илянк кадно меельце шкас. Ламо ярмакт эзинек ютавто, форма эзинек рама, икеле иенсесь вадря, ансяк одкстомтынек ашо фартуконть ды сиветнень. Истя жо раминек, физкультуранть туртов форма ды карсемапельть. Сехте покш стакачись ульнесь карсемапельтнень марто. Орданьбуестэ эрявикс туфлятнень ульнесь муемс пек стака, сынст мельга савсь ардомс Саранскоев. Истя жо раминек канцтоварт. Пек вадря, минь понгинек сеть семиятнень юткс, кинь эйкакшост питневтеме кармить ярсамо школань столовойсэ. Нама, тень туртов эрявсь пурнамс ламо документт, аволь весть савсь ардомс Орданьбуень соцзащитав. Койсэнь, покш класстнэс эйкакштнень пурнамс седе шожда, ламо ярмакт сави ютавтомс сеть тетятненень-аватненень, кинь эйдест молить васенце классос. Арсян, кемень тёжатне а сатыть.

 

 

Висюлькинтнэнь семиясь анок тонавтнемань иентень



«Эрзянь правда»  газетань лопатнесэ минь аволь весть сёрмадынек Темниковань ёнкссо эриця, ламо эйкакшонь триця семиядонть – Висюлькинтнэде. Ледстясынек, мирдесь-нись Александр ды Елена Висюлькинтнэ трить-кастыть вейксэ тейтерькат ды вейксэ цёрынеть. Виде, сехте покшось, Александр, вузонь прядомадо мейле ушодсь важодеме. Аволь умок сонзэ ладизь МР-со РФ-нь Пенсиянь фондонь информационной безопасностень отделэнь прявтокс, Александр ушодсь уш лездамо тетянзо-аванзо туртов ялакстнэнь ды сазортнэнь трямосо.



Эште кавто кенярксов кулят маринек те семиянть коряс. Кудазораванть, Елена Владимировнань, неть читнестэ ладизь Темниковань муниципальной райононь администрациянь Культурань, туризмань, спортонь ды од ломанень политикань управлениянь прявтокс. Колмоце кенярксов кулясь – тейтерест, Арина, Темниковань велень хозяйствань колледженть прядомадо мейле парсте кирдинзе экзаментнэнь Н.П.Огарев лемсэ экономической факультетс ды теке шкасто теевсь юридической факультетэнь студенткакс.

Ютазь тонавтнемань иестэнть Висюлькинтнэнь покш семиястонть школав якицятнеде ульнесть 12, тедеде – 11 эйкакш.

Елена Владимировнань валонзо коряс, сынь весе анокт сентябрянь 1-це чинтень. Покш сюкпря ёвтыть Мордовия Республикань Прявтонтень В.Д.Волковнень эрьва иень лезксэнть максоманзо кисэ. Мелят эрьва эйкакшонть лемс тенст явовкшнось 1 тёжа целковойть, тедеде жо те суммась покшолгавтовсь омбоце пель тёжас.

Тешкстасынек, Висюлькинтнэнь семиясо эрьва эйкакшось – эсестэсь эли саезесь, вечкевикст вейкетьстэ, эсь ютковаст сынь эрить покш ояксчисэ ды вейке-вейкенень лездазь. Ламотнень юткстост Пазось казинзе покш ёрокчисэ. Невтемакс, Кристина машты парсте викшнеме, Ариша  мазыйстэ морамо, Вера вечки ловномо, седеяк пек стихень ды прозань парсте ёвтнеме.

Текенень поладсынек, весе эйкакштне эрьва тевсэ лездыть тетяст-аваст туртов, седейшкава топавтыть бабаст Лидия Михайловнань кармавтоматнень.

 

Весемесь питней, ансяк аволь весемесь паро…

Людмила Ломшинань тейтерезэ Софья моли 5-це классос. Школав сынь анокт, рамсизь малав весементь, мезе эрявсь:



– Школань форма раминек уш майстэ. Минек 24№ школасо эряви кандтнемс чопода-сэнь тюсонь жилет ды юбка. Сынст кисэ пандынек малав колмо тёжат целковойть. Эрявить кавтошка блузкат ды панарнэть. Блузкатнень питнест – 1500 целковойть, панартнэнь – 700. Теде башка, эряви спортивной костюм. Сонзэ лангс юты сехте аламо – кавто тёжат. Ламо ярмакт туить карсемапельтнень лангс, эдь аволь веенст эрявить. Тейтернетнень туртов эрявить колготкат, мазый бантт. Мелят раминек 1500 целковоень рюкзак, сеске весе сезневсь. Ней раминек од, пандынек кисэнзэ 2500. Паряк, седе куватьс саты? Малав колмо тёжат каинек канцтовартнэнь кис: тетрадть, ручкат, карандашт ды лия эрявикс тевть-валт.

Кода рединк, ярмакт эрявить ламо. Весемесь питней, ансяк аволь весемесь паро ды маштови питнензэ коряс. Секскак эряви пштистэ ваномс, мукшномс истят таркат, косо микшнить вадрят.


Анокстызь: Марина Девятова, Татьяна Аксенова,

Валентина Юдина, Татьяна МАТОРКИНА

 28-09-2019

 

Новости

Единороссы высадили еловую аллею в Саранске
Акция по высадке саженцев, посвященная 75-летней годовщине Великой
Победы, состоялась сегодня в Саранске в микрорайоне Юбилейный.
Представители регионального отделения Партии «Единая Россия», МГЕР
Мордовии, молодежных общественных организаций, студотрядов,
юнармии, поисковых отрядов посадили более 40 саженцев, которые
доставили из Краснослободского района республики.


Подробнее ...
 
В Краснослободском районе успешно реализуется проект «Наследники Гиппократа»
Сегодня в медицинском колледже прошло занятие для волонтеров-медиков
Одним из победителей конкурса общественно-значимых проектов первичных отделений Партии «Единая Россия» стал проект первичного отделения №381 Краснослободского района «Наследники Гиппократа». Этот проект уже успешно реализуется в медицинском колледже в рамках реализации партийных проектов «Здоровое будущее» и «Старшее поколение», его участниками стали студенты-волонтеры.
Как отмечает секретарь первичного отделения 381 Краснослободского района Татьяна Кутузова, на средства, полученные в рамках гранта, были закуплены тонометры для измерения артериального давления, медицинская литература.
Подробнее ...
 
Съезд «Единой России» будет посвящен старту избирательной кампании в Госдуму в 2021 году
Предстоящий Съезд «Единой России» будет посвящен подготовке к
избирательной кампании в Государственную Думу в 2021 году и оценке
результатов прошедших выборов. На Съезде также предстоит обновление
партийных институтов с акцентом на электоральную составляющую. Об этом
заявил секретарь Генерального совета «Единой России» Андрей Турчак на
заседании Президиума Генсовета Партии.
Подробнее ...
 
В Мордовии стартовала акция «Круг добра»
Акция «Круг добра» проводится в рамках сотрудничества Центра
поддержки гражданских инициатив, сторонников «Единой России» и
благотворительного фонда «ДаДобро». Это еще один этап реализации
Календаря Добрых дел.

Подробнее ...
 
Кочкицятне ёвтызь мелест


Сентябрянь 8-це чистэ Россиясо ютасть кочкамот местной самоуправлениянь органтнэс. Тенень алтазель журналисттнэнь туртов пресс-конференциясь, конань сентябрянь 9-це чистэ Саранскойсэ, Союзонь кудосо ютавтызе «Единая Россия» политической партиянь региононь отделениясь. Журналисттнэнь кевкстемаст лангс отвечась МР-нь Государственной Собраниянь Председателесь, «Единая Россия» Мордовиянь региононь отделениянь прявтось В.В.Чибиркин.

Пачтязель, Мордовиясо истя жо ульнесть кочкамот. 407 мандаттнэнь кис снартнесть 1054 ломанть. Республикань келес вайгелест максомо сакшность 63 % эрицят. Вайгелест максомо сехте ламо сакшность Ромодановань районсо – 74,24 %. Аламодо эйстэст кадовсть Инсаронь райононь эрицятне. Тосо – 73,01 %. Вейке проценттэ аламо сакшность Отяжелень районсо. Ламо кандидаттнэнь ютксо 98 % вайгельтне максозь «Единая Россия» политической партиянь представительтнень кис. Ды те а стяко. Ламо шкань перть мольсь анокстамонь робота. Сехте паро кандидаттнэнь эрицятне тешкстакшнызь эштё маень 26-це чистэ, зярдо ютавтозель предварительной вайгелень максомась. Сондензэ икеле ютавтозельть эрицятнень марто вастовомат, конатнесэ ломантне теевсть содавиксэкс кандидаттнэнь ды сынст проекттнэнь марто. Сестэнь изницятне вастовоматнень поладокшнызь велесэ эрицятнень марто. Ютавтозельть 114 вастовомат. Эрицятнень ламо кармавтоматне топавтозельть.

Мордовиясо кочкамотне ютатсть закононь колсемавтомо.

Подробнее ...