Рубрикатор

Образование Школатнень марто эряви кирдемс кеме сюлмавкст!
Школатнень марто эряви кирдемс кеме сюлмавкст!

Поладтано кортамонок культурасо, образованиясо ды лия таркасо  важодицятнень марто, кинь седеест ризны ды сэреди эрзянь ды мокшонь кельтнень ванстомаст кисэ, минек раськенть сы шкань уцясканзо кисэ. Мезе марто сынь сыть Инекужонтень, кодат асатыкст улить важодема таркасост, кода седе парсте ладямс тиринь келень тонавтоманть – неть ды лия кевкстематне талновтыть  весень, кинь марто савсь кортнемс.



Надежда Александровна  Буянова – Мордовия Республикань Ицялбуень культурань центрань прявт.



–  Надежда Александровна,    васенце кевкстемам: «Мезе учат сыця Инекужонть пельде?»

– Мезе учан? Паро, зярдо минек раськень ломантне – мокшотне ды эрзятне – таго васодевить вейсэ, несызь эсь ялгаст, панжсызь эсь сэредьксэст,  ёвтасызь эсь арсемаст-талномаст. Те съездэсь, арсян, максы од эрямо седе тов вете иес.

 Икеле, содан,  важодить школасо. Содасыть, кода молить тевтне минек школатнесэ, кода ветяви тосо тиринь келесь. Кода арсят, мезенть лангс эряви явомс васенце меленть Инекужосонть?

– Истя. Школасо тевтнень содасынь. Содан седеяк, тиринь келенть тонавтоманзо туртов икеле максозельть кавто част недлязонзо, ней кадовсь – ансяк вейке. Теде, монень маряви, аламо кить содыть. Маринь, Ицялбуень школатнень программас совавтыть лия масторонь омбоце кель. Пелян, сестэ тиринь келенть туртов шка овсе а кадови. Истя карминдеряй, эрзянь-мокшонь келень тонавтомась ёми допрок. Ней уш молить кортамот, келя, тиринь келенть тонавтоманзо туртов лияды ансяк пельчас. Те мезе истямось пельчасось? Те мезеяк арась.

 

Ламот кортыть, келя, тиринь келенть ванстомс лезды семиясь. Кода тон тень коряс арсят? 

–  Семиясь – те паро. Ансяк тесэяк улить ламо стакачить. Сайсынек сеть семиятнень, косо эрить аволь ансяк  эрзят. Монсень семиясо эрзясь ськамон. Мирдем руз. Эйкакшонок кавто.  Видькстан, сынь ансяк тия-тува чарькодить, кортамонть а кортыть. Теньсэ, нама, монськак чуман. Теке марто мерян: монень пек стака тонавтомс сынст эрзянь келенть содамо. Тень туртов арасть паро учебникть. Кудосо эйкакштнень марто вейсэ тейтяно урокт, сынь стакадояк стакат. Учебниктнень эйсэ  ки соды кодат материалт сёрмадозь. Тозонь эряволь бу совавтомс сень, мезесь эйкакштненень карми эрявомо седе тов. Ёвтнематне, пеедькшнематне, кроссвордтнэ, упражнениятне – сынь нежедевельть минек культуранть лангс, сынь кандовольть домка смусть. Произведениятне улевельть аволь ансяк ушодыця автортнэнь. Таго мекс ней лоткасть учебниктнес совавтомо истят сёрмадейтнень произведенияст, кода, саемга, Н.Ф.Мокшинэнь, М.И.Брыжинскоень, Н.В.Зиновьевень. Эйкакштнень эрявить содавтомс минек сёрмадыцятнень, артыцятнень, композитортнэнь марто. Истят сёрмадовкст тонавтома  книгатнесэ истя жо а муят. Теде башка, паро улевель совавтомс истят упражненият, конат бу налксема ладсо тонавтовольть эйкакштнень эрьва мезень тееме. Невтемга, кода эряви прянть ветямс музейсэ, больницясо, ушосо, кода эряви вастомс инжетнень, кода ильтямс сынст. Тень эряви ушодомс вишка класстнэсэ васня налксемань лувсо. А мейле ветеце классо седе келейгавтомс, теемс седе домкакс.

Нурькинестэ мерезь, тиринь келень коряс  тонавтома книгатнень эрявить полавтомс?

– Видестэ чарькодимик. Кодат ульнесть учебниктне комсь иеде ды седе икеле шкасто, истят сынь нейгак. Буто мерят, од книгат нолдыть. Книгань лангонть ды иенть полавтсызь, ды весе.  Потсо жо – весе секесь, кода ульнесь икеле. Саемс 5-це классонь учебникенть. Сон лопань-лопа весе теке.  Сонзэ, кода лия тонавтома книгатненьгак, эряви одкстомтомс. Эрямось полавтови, вешематнеяк лиякстомить. Монь койсэ, тиринь литературань коряс тонавтома книгатне седе полавтовсть. Седе парт. А вана келенть коряс – весемесь кадозь ташто ладсо.

– Теде башка, кодамо лезкс эряволь бу максомс школатненень?             

– Школатнень марто эряви кирдемс кеме сюлмавкст. Мон свал мельсэнь кирдян, кеветеешка иеде икеле минек школав сеедьстэ сакшныльть содавикс ломанть: сёрмадейть, вузсо ды школасо тонавтыцят, эйдень кужосо важодицят. Лиякс мерезь, ютавтнесть просветительской десантт. Сеедьстэ сакшность Ицялов ды Покш Игнатовав. Минекак  пурнылимизь. Кортнилинек эсенек тевтнеде. Марилинек мезе-бути од минек превсодыйтнеде, сёрмадейтнеде. Ней истят просветительской мероприятият кодаткак арасть. Паро улевель сынст велявтомс. Минь якатано лия регионга, а вана эсенек республиканть тень коряс кадынек. Те важодеманть эряви одс сыргавтомс. Те тевенть эсензэ лангс паро улевель саемс А.С.Пушкин лемсэ Национальной библиотекантень. Арсян, тенень лезды исполкомоськак. Киштемат – вадря, морамот – вадря. Ды ялатеке васенце меленть эряви явомс просвещениянтень,  эряви сонзэ кепедемс седе верев. Те кастсы тонавтыцянть мелензэ, седе паролгавтсы эсензэ важодеманзо.

Сюкпря. 

Раиса щанкина

 

Новости

Единороссы высадили еловую аллею в Саранске
Акция по высадке саженцев, посвященная 75-летней годовщине Великой
Победы, состоялась сегодня в Саранске в микрорайоне Юбилейный.
Представители регионального отделения Партии «Единая Россия», МГЕР
Мордовии, молодежных общественных организаций, студотрядов,
юнармии, поисковых отрядов посадили более 40 саженцев, которые
доставили из Краснослободского района республики.


Подробнее ...
 
В Краснослободском районе успешно реализуется проект «Наследники Гиппократа»
Сегодня в медицинском колледже прошло занятие для волонтеров-медиков
Одним из победителей конкурса общественно-значимых проектов первичных отделений Партии «Единая Россия» стал проект первичного отделения №381 Краснослободского района «Наследники Гиппократа». Этот проект уже успешно реализуется в медицинском колледже в рамках реализации партийных проектов «Здоровое будущее» и «Старшее поколение», его участниками стали студенты-волонтеры.
Как отмечает секретарь первичного отделения 381 Краснослободского района Татьяна Кутузова, на средства, полученные в рамках гранта, были закуплены тонометры для измерения артериального давления, медицинская литература.
Подробнее ...
 
Съезд «Единой России» будет посвящен старту избирательной кампании в Госдуму в 2021 году
Предстоящий Съезд «Единой России» будет посвящен подготовке к
избирательной кампании в Государственную Думу в 2021 году и оценке
результатов прошедших выборов. На Съезде также предстоит обновление
партийных институтов с акцентом на электоральную составляющую. Об этом
заявил секретарь Генерального совета «Единой России» Андрей Турчак на
заседании Президиума Генсовета Партии.
Подробнее ...
 
В Мордовии стартовала акция «Круг добра»
Акция «Круг добра» проводится в рамках сотрудничества Центра
поддержки гражданских инициатив, сторонников «Единой России» и
благотворительного фонда «ДаДобро». Это еще один этап реализации
Календаря Добрых дел.

Подробнее ...
 
Кочкицятне ёвтызь мелест


Сентябрянь 8-це чистэ Россиясо ютасть кочкамот местной самоуправлениянь органтнэс. Тенень алтазель журналисттнэнь туртов пресс-конференциясь, конань сентябрянь 9-це чистэ Саранскойсэ, Союзонь кудосо ютавтызе «Единая Россия» политической партиянь региононь отделениясь. Журналисттнэнь кевкстемаст лангс отвечась МР-нь Государственной Собраниянь Председателесь, «Единая Россия» Мордовиянь региононь отделениянь прявтось В.В.Чибиркин.

Пачтязель, Мордовиясо истя жо ульнесть кочкамот. 407 мандаттнэнь кис снартнесть 1054 ломанть. Республикань келес вайгелест максомо сакшность 63 % эрицят. Вайгелест максомо сехте ламо сакшность Ромодановань районсо – 74,24 %. Аламодо эйстэст кадовсть Инсаронь райононь эрицятне. Тосо – 73,01 %. Вейке проценттэ аламо сакшность Отяжелень районсо. Ламо кандидаттнэнь ютксо 98 % вайгельтне максозь «Единая Россия» политической партиянь представительтнень кис. Ды те а стяко. Ламо шкань перть мольсь анокстамонь робота. Сехте паро кандидаттнэнь эрицятне тешкстакшнызь эштё маень 26-це чистэ, зярдо ютавтозель предварительной вайгелень максомась. Сондензэ икеле ютавтозельть эрицятнень марто вастовомат, конатнесэ ломантне теевсть содавиксэкс кандидаттнэнь ды сынст проекттнэнь марто. Сестэнь изницятне вастовоматнень поладокшнызь велесэ эрицятнень марто. Ютавтозельть 114 вастовомат. Эрицятнень ламо кармавтоматне топавтозельть.

Мордовиясо кочкамотне ютатсть закононь колсемавтомо.

Подробнее ...