Рубрикатор

Образование Течинь выпускнойтне: кинень зепень коряс?
Течинь выпускнойтне: кинень зепень коряс?

Теевсь уш паро коекс школань прядовоманть тешкстамс выпускной чокшнесэ. Сон пачти эйкакшпорань прядовомадонть ды панжи од ломантненень эрямонтень покш килангонть. Неть кенярксчитнень ютавтомань коесь ушодовсь умок: зярыя кементь иеде икеле тешкстасть сынст минек аванок-тетянок, мейле миньгак, улить сынь течинь эйкакштненьгак. Теке марто, паряк, шкатне полавтовить, паряк, сынсь ломантне, тень лангс апак вано, течинь выпускнойтне пек явовить икеленсетнень эйстэ. Явовить весемесэнть. Ды, васняяк, течи сынь ютавтневить пек сюпавсто. Истя жо, неень эйкакштнень неть выпускнойтнеде лововить зярыя. Васенцесь – эйдень кужонть прядовомсто, омбоцесь – вишка классо тонавтнеманть, колмоцесь – вейксэце классонть, нилецесь – средней школанть ды седе тов техникумтнень-колледжтнень ды университеттнэнь-институттнэнь прядовомсто. Весе неть кенярксчитнень  кисэ жо пандома тетятненень-аватненень, конатнень аволь весень вейкеть мелест истят койтнень ютавтоманть коряс ды аволь эрьвантень сынь зепень коряскак.




 

Эйдень кужосто нолдамось

 

Мон ледстнян эсень эйкакшпорам ды мерян, эйдень кужонть прядомсто кодамояк выпускной арасель. Ульнесь утренник, косо ловнынек стихть, морынек морынеть, каванимизь компотто ды ламбамо прякадо. Теньсэ – весе. Ней жо аватненень-тетятненень сави анокстамс. Эрьва кужосонть тенень анокстави башка программа, конань коряс мазылгавтома залонть, анокстама эйкакштненень мазый оршамопельть. Улить-арасть ярмакот – аравтозь лувонть кирдема. Ялгань цёрыньказо тедеде нолдавсь эйдень кужосто. Программась кемекстазель «Стиляги» фильманть коряс, конась невти 50-це иетнестэ од ломантнень эрямонть. Истя, кужонь важодицятне макссть кармавтома оршамс эйкакштнень сеть шкатнень лувсо – эрьва кодамо тюсонь, сельмс каявиця оршамосо. Цёрынькатненень рамсесть мазый тюсонь понкст-панарт, галстукт ды бабочкат. Сэнь тюсонь джинсатнень, конат ульнесть весе цёрынькатнень, оршамс эзть мере. Савсь ютамс ошонь магазинатнень ды вешнемс пиже-ожо-якстере понкст ды истят жо мазый панарт. Теке марто, тюсонь коряс панарось ды понкстнэ ладявольть вейке-вейкенень. Кода тешксты ялгам, бути эрьва кодамо тюсонь панартнэ магазинатнесэ улить, мазый понкстнэнь савсь вешнемс. Тейтерькатнень марто тевесь истямоль жо. Сеть шкатнень ёнов молиця платиятнень муемс истя жо а шожда. Ды эрьвась парсте содатано, весементь ули питнезэ, ды аволь вишкине. А эдь тейтерькатненень эштё бажить косояк мазычинь салонсо теевтемс причёскат. Тень кисэяк ярмакт.

Оршамотнеде башка эрявить ярмакт казнетнень рамамонть лангскак. Васняяк, эрьва группась эсь пельде теи казне кужонтень. Рамави се казнесь, конанть ёвтасызь кужонь важодицятне. Вешевить киякс ланга ацавиця паласт, вальматнень мазылгавтомга шаршавт ды ламо лия мезе. Рамавить казнеть воспитателентень, эйкакш мельга якицянтень, музыкань, спортонь ветицятненень ды лия важодицятненень, кие озясь тынк эйкакшонть марто. Эрявить казнеть эстест эйкакштнененьгак: дипломт, медальть, шарнэть…

Теде башка, утренниктенть мейле эйкакштнеяк, аватне-тетятнеяк сыргить кафев. Кенярксонть поладыть тешкстамо тосо. Ней эштё истямо тамаша нолдасть – эйкакштнень ардтневтить лимузинсэ. Мон арсян, эрьвантень парсте ловови, зяро истямо выпускноенть кисэ пандома.

Нама, истямо коесь аволь эрьва тетянтень-авантень мелень коряс. Улить истят, конат кафев а молить. Седе ламотне пеень чикордозь макссызь ярмакост. Сынь тешкстыть, теить тень эйкакштнень кувалма, иляст явово лиятнень эйстэ.

 

 

Вишка классо тонавтнемась кадовсь удалов

 

Бути эйдень кужосо выпускноень ютавтоманть коряс ламот прыть ве мельс, 4-це классто мейле истямо тевенть ловить аэрявиксэкс, эдь эйкакштне ансяк ютыть лия классос, школастонть сынь а туить (бути вейке-кавто кодамояк тувталонь коряс) нама, сынст кармить ламо тонавтыцяст. Секскак ламот тетятне-аватне ловить, 4-це классонть прядомадо мейле эйкакштненень сатоволь пурнамс столь ламбамо ярсамопель ды чай-сок марто. Ней жо вешнить кафеть, рамсить питней оршамот ды аватне-тетятне пурныть эстест оймсема таркат. Эйкакштненень жо седе мелень коряс улевель экскурсия историянь таркав эли спортонь пелькстамо. Ды, эряви меремс, ламот течи истя теитькак.

 

 

Вастомазонок, школа!

 

9-це ды 11-це класстнэнь прядыцятнень коряс кортамось овсе башка. Тесэ выпускнойтнень тешкстыть келейстэ ды пек сюпавсто. Зярс кияк а арси апак максо экзаментнэде, анокстамонть ушодыть иеде икеле. Рамсить эли ставтыть оршамопельть, икелепелев вешнить кафеть, вешнить кенярксчинь ветицят, тейтерькатне сёрмадстыть эсь пряст мазычинь салонтнэс. Лимузинт, фейерверкть, салютт... Эрьва классось лиятнень коряс бажи ютавтомс эсь выпускноенть седе сюпавсто.

Аватне-тетятне прянь кундазь вешнить ярмакт, кода истямо тевсэ отказат вечкевикс эйкакшонтень. Кода покордасак, явсак лиятнень эйстэ?!

А ней арседе, кие тесэ чумось. Арась, аволь эйкакштне. Чумот сынсь аватне-тетятне, конат аравтыть истят койтнень. Конатнень вейке мелест – икельдямс лиятнень, пелькстамс сюпавчисэнть, кона арась.

Нама, улить лия ават-тетят, лия эйкакшт, кинень а эряви истямо выпускноесь. Ульнесть истят тевть Саранскойсэяк, республикань районтнэсэяк, зярдо выпускноень тешкстамонть лангс пурназь ярмактнень нолдыльть лезэв, эрявикс тевс. Невтемга, эсь ялганть лецямо лангс. Неть эйкакштнень тризь-кастызь кода эряви, сынь чарькодить эрямонть.

Юлия Еремина

 

Новости

Эрицятнень сёрмадстомантень анокстамотне ушодовсть



Малав ие кадовсь эрицятнень Весероссиянь сёрмадстоманть самс. Аволь умок МР-ва Федеральной службань государственной статистикань территориальной органсонть ютавтовсь вастовома, конанть шкасто видео-конференциянь лувсо ветявсь кортамо Росстатонь прявтонть Павел Малков марто. Вановсть сёрмадстомань шкатне ды невтевсь официальной тешксэсь.


Подробнее ...
 
В Мордовии собрано более 700 подписей на запрет «наливаек»
 
В Республике Мордовия завершились мероприятия по сбору информации и
подписей в поддержку инициативы об ограничении работы питейных заведений,
расположенных на первых этажах многоквартирных домов и придомовых
территориях в Республике Мордовия.

Подробнее ...
 
Награждение победителей акции «Здоровое питание - активное долголетие»
 
  Уже сегодня, 17 октября,  34 ученика из Мордовии отправятся на 12-ю  смену  
Международного детского центра «Артек». Победителей акции, их наставников и кураторов 
поприветствовал  секретарь Регионального отделения «Единой России» Владимир
Чибиркин. Он  подчеркнул, что пропаганда  здорового образа жизни и оздоровление нации 
являются одними из ведущих направлений деятельности «Единой России», акция 
реализуется в рамках партийного  проекта «Здоровое будущее».  Это дает свои плоды - с
каждым годом в нашей стране увеличивается  число неравнодушных людей,  которые 
начинают сами вести здоровый образ жизни и ведут за собой других.

Подробнее ...
 
В республике успешно реализуются социально значимые проекты первичных отделений «Единой России»
 
Первичные отделения поселка  Ромоданово и поселка  Зубова Поляна   успешно
реализуют на практике  свои социально  значимые проекты, удостоенные грантовой
поддержки по итогам конкурса проектов первичных отделений, инициированного 
«Единой Россией»
  Цель проекта  «Мы рядом», реализуемого в Ромоданове - помощь пожилым людям и 
инвалидам, имеющим  заболевания опорно-двигательного  аппарата.   Прокат технических 
средств реабилитации  организован на бесплатной основе для граждан пожилого возраста, не 
имеющих группы инвалидности, но,  в силу возрастных изменений или перенесенных 
заболеваний, травм, потерявших способность свободно передвигаться. В июле этого года в 
Ромодановском  местном отделении партии прошла  презентация проекта.  Открывая
презентацию,  секретарь  Ромодановского местного отделения Партии  Наталья Хомякова  
отметила, что  основная  задача проекта   помочь людям в трудный для них период 
реабилитации.


Подробнее ...
 
Баталина: Предложение Минтруда о новых правилах выплаты пособий по уходу за ребёнком создаст проблемы родителям
 
Предложение Минтруда, согласно которому претендовать на выплату 
пособия по уходу за ребенком до полутора лет может только тот, кто 
фактически ухаживает за ребенком, избыточно и может создать лишние 
проблемы родителям. Не исключено, что Фонд социального страхования при 
назначении будет требовать документально подтвердить, что именно 
заявитель (мать или отец ребенка) фактически за ним ухаживает. Об этом 
заявила первый заместитель секретаря Генерального совета «Единой России»
Ольга Баталина.
Подробнее ...