Рубрикатор

Образование «Эрий вал» олимпиадасо пелькстасть келень ды культурань вечкицятне
«Эрий вал» олимпиадасо пелькстасть келень ды культурань вечкицятне

Те иень даволковсто саезь панжиковс ютась «Эрий вал» тонавтницятнень ды эйдень кужов якицятнень туртов эрзянь келень ды культурань коряс весероссиянь келес дистанционной III-це олимпиада, кона алтавсь эрзянь кельсэ васенце букварень сёрмадыцянть Авксентий Филиппович Юртовонь ледстнемга. Пелькстамонть колмоце ие ютавты «Эрий кель» эрзянь келень оnline школась (Самарань ёнкс, Тольятти ош). Олимпиадань теицятне сайнесть мель сыремтемс эйкакштнень мелест седе домкасто содамс эрзянь келенть ды культуранть, кастомс сынст ёрокчист-содамочист эрзянь келенть тонавтнеманть вельде ды седеяк вечкемс тиринь келенть.




Зяро эйкакшт пелькстасть ды кода ютась олимпиадась, миненек ёвтни «Эрий кель» эрзянь келень оnline школань прявтось Ольга Михайловна Богданова:

– Те иестэ пелькстамонь кармавтоматнень топавтсть 1-це классто саезь 11-це классонь малав 500 тонавтницят: Мордовиясто, Чувашиясто, Ульяновск, Оренбург ды Иркутск ёнкстнэстэ. Васенцеде терявтызь виест эйдень кужов малав 60 якицятнеяк. Эйкакштненень эрявсь невтемс эсь содамочист эрзянь келень, культурань ды эйдень трямонь-кастомань эрзянь койтнень-кирдатнень коряс (эрзянь раськень педагогикась) вешематнень топавтомсто. Истямо пелькстамо, зярдо ванновить аволь ансяк эйкакштнень эрзянь келень содамочист, истя жо, кода сынь содасызь эрзянь культуранть, масторсонок ютавтови васенцеде. Минь пек мелявтынек, парсте аволь сон юты, ней эряви меремс, кавтолдоманок ульнесть стяко. Пелькстамось ютась пек вадрясто. Эйкакштне, тетятне-аватне ды тонавтыцятне мельспаросольть. Сынь ёвтасть тенек пек ламо сюконямо валт ды, нама, кемемаяк: ютавтовост истят пелькстамотнеде седе ламо. Сеть тетятне-аватне, конат икеле эрзянь келень тонавтнеманть коряс мольсть каршо, ней кармасть полавтомо эсь мелест. Минек кецявты: эйкакштне, конат пелькстасть икеле иетнестэ, ней невтсть седе домка содамочить, ды сынь эрьва ие пек учить олимпиаданок. «Эрий кель» школанок свал аштесь эрзянь келень виевгавтоманть кис ды эрзянь культуранть вельде пакшатнень ёрокчист невтеманть кис. Меельце шкасто пек ламо молить кортамот эсь масторонть вечкемадо, ансяк а эряви стувтнемс: те вечкемась ушодови эсь тетятнень-аватнень, эсь келенть ды культуранть вечкемасто. Минек пелькстамонок топавтсь те тевенть.

Олимпиадась аштесь кавто пельксстэ: заочной ды очной. Заочнойсэнть эйкакштненень эрявсь топавтомс грамматикань, шкинемань, кортамонь ёрокчинь кастомань (культура речи), эрзянь культурань коряс кармавтоматнень. Эйдетне, конат сайсть 80-100 баллт, нолдавсть очной пельксэнь вешематнень тееме.

Истя, очной пельксэсь явовсь кавто лувга:

–    «Эрзянь кельсэ сехте вадря видеот»;

–    «Эрзянь кельсэ тонавкс-вебинар».

«Видеот» пелькстамосонть важодематнень ванкшныцятне (жюрись) явсь мель сенень, кода вадрясто эйкакшось содасы эрзянь литературань келенть. Тонавтницятне ёвтнесть эсь прядост, вечкевикс тевдест, эрзянь культурадонть, кода сынь лездыть тетяст-аваст туртов кудоютконь тевтнесэ ды седе тов.

Сехте ламо видеот сакшность Саранскоень 12-це № гимназиянь тонавтницятнень пельде (тонавтыцясь Г.Н.Герасимова). Сынь кортасть эрзякс сырькаест кедьсэ велесэ, кудоракшатнень ды кудонармунтнень марто. Ёвтнесть, кода лездыть тетяст-аваст туртов андомс вечкевикс каткаст, нармунест. Цыганов Никита ды Арискина Дарья макснесть кевкстемат эсь сырькаест, покштяст туртов эрзянь культурадонть, историядонть. Весе сыненст максозельть питней казнеть.

«Тонавкс-вебинар» пелькссэнть вешематнень топавтсть skype вельде сеть эйкакштне, конат тонавтнить эрзянь келенть кода тиринь. Вебинартнэ ютасть паро мельёжосо, эйкакштне ёвтнесть эрзякс эседест: кода сынь тонавтнить эрзянь келенть, кода лездыть тетяст-аваст туртов пиресэ, ракшань андомсто, кудоютконь тевтнесэ; пачтнесть, мезе сынь содыть эрзянь налксематнеде, фольклордонть, ярсамопельтнеде, оршамотнеде, литературадонть ды седе тов.

Олимпиадань алкуксонь изницякс лиссь Дубинька буень Кочкурвелень школань 9-це классонь тонавтницясь Никита Наумкин (тонавтыцясь Г.И.Наумкина), конась уш омбоце ие сайни Гран-принть. Сонзэ марто стакаль пелькстамс лиятненень, Никита аволь ансяк невтсь домка содамочить, истя жо алкуксонь вечкема эрзянь келентень. Сон уш зярыя иень перть сёрмады эрзянь кельсэ пьесат ды ёвтнемат. Тонавтницянть валонзо коряс, олимпиадасо изнямодонть мейле сон сёрмадсь седеяк ламо  ёвтнемат. Те покш тёкшонть лангс ванозь, сонзэ ялганзояк терявтызь виест сёрмадома тевсэнть. Весе сынь истя жо топавтсть кармавтомат те иестэнтькак ды ловность эсь сёрмадовксост.  Весенень максозельть питней казнеть.  

Паро казнесэ ульнесть казезь эйкакшонь морамонь ансамблятне: Теньгушева буень Шокша велень школань «Килейне» ды «Васенце эскелькст» коллективтне (ветицясь Т.И.Чекмаева). Башка тешкстазельть «Теремок» эйдень кужонь пакшатне, конат кортасть эрзякс «Шумбрат, тиринь авам!» ды «Репка» композициятнесэ. Истя жо питней казнесэ тешкстазель Саранскоень 5-це № школань тонавтыцясь Любовь Дмитриевна Осяева. Сон эйкакштнень тетяст-аваст марто вейсэ ютавтокшнось «Эрий вал» авольклассной мероприятия,  кона алтазель «Эрий вал» олимпиадантень. Тетятне-аватне анокстакшность эрзянь ярсамопельть, эйкакштне икелест невтизь эрзянь келень коряс содамочист. Весе сынь казезельть казнесэ.

Теде башка, олимпиаданть лувсо «Эрий кель» эрзянь келень оnline школась ютавтсь шкинемань пелькстамо тевть:

–    «Эрзякс марямга» (эрзянь сёрмадыцятнень сёрмадовксост ловномась);

    «Мазый арт» (эрзянь сёрмадыцятнень сёрмадовксост коряс артовксонь артомась);

    «Эрий вал» (эрзянь кельсэ эсь сёрмадовксонь сёрмадомась);

    «Тонавтомань тевесь эрзякс» (эрзянь кельсэ тонавтома тевень (научной проектэнь)  сёрмадомась.

«Эрий вал» пелькстамось ютавтозель эйкакштнень эрзянь кельсэ художественной литературань ловномань сыремтеманть кис. Эйдетне кучнесть эсь сёрмадовксост эрзянь кельсэ. Изницятнень сёрмадовксост курок лисить «Чилисема» ды «Сятко» журналтнэсэ.

Пелькстамонть пингстэ истя жо skype вельде ютавтовсь од сёрмадыцянь семинар, конасонть тонавтницятне ловность эсь сёрмадовксост эрзянь кельсэ. Мастер-класстнэнь ютавтсь О.М.Богданова. Сон ёвтнесь эрзянь кельсэ ловноманть питнейчидензэ, эрзянь синтаксисэнть башка ёнкстонзо ды эрзянь кезэрень валтнэде.

«Эрзякс марямга» шкинемань пелькстамосонть эйкакштненень эрявсь ловномс эрзянь кельсэ вечкевикс сёрмадовксстонть башка пелькс.

«Мазый арт» шкинемань пелькстамосонть эрявкшнось кочкамс эрзянь кельсэ вечкевикс сёрмадовксстонть башка пелькс ды корязонзо теемс артовкс. Те вешемась эйкакштнень мельс тусь сехте пек.

Тонавтомань тевень (научной проекттнэнь) коряс пелькстамось ульнесь сехте стакакс. Тесэ эрявкшнось арсемс эрзянь кельсэ лингвистикань  терминологиянть лангсо. Сехте вадрякс ульнесь Анастасия  Суродькинань «Лия кельстэ саезь валтнэнь тевс нолдамось неень шкань эрзянь кельсэнть» важодевксэзэ (тонавтыцясь Н.Г.Сигимова).

Олимпиадасо ды шкинемань пелькстамотнесэ весе изницятне, паро важодематнень теицятнеяк ды тонавтыцясткак (те малав 150 ломанть) казезельть Шнамонь сёрмасо, ярмаксо ды питней казнесэ. Казнетнень максызь «Эрий кель» эрзянь келень оnline школась (Тольятти ош) ды «Кор» эрзянь келень виевгавтомань Региональной фондось (Саранск ош). «Эрий келенть» ды «Коронть» башка казнесэ тешкстазельть прявт изницятнеяк: «Чилисема» ды «Сятко» журналтнэнь лангс сёрмадстомасо. Башка казнесэ казезельть лиятнеяк: Эрзянь келень идема фондонть (Саранск ош) пельде максозельть эрзянь кельсэ эйкакшонь книгат. Сехте вадря казнекс Саранск ошонь изницятненень кармась В.И.Ромашкин лемсэ «Торама» ансамблянть нудеень теемань коряс мастер-классось.

Нама, аволь шожда пурнамс ды ютавтомс истят пелькстамот. Топавтозь ине тев. Сюконятано олимпиадань ютавтыцянтень О.М.Богданованень. Сон эри республикань томбале, ансяк весе седейсэ пии-палы эсь раськензэ кувалма. Теи ськамонзо истя ламо, мезесь а топавтови зярыя ломаннень. Кемтяно, олимпиадась поладови седе товгак.

 

Татьяна Маторкина

 

Новости

Партийцы провели мониторинг реконструкции здания детсада и парковой зоны в селе Большие Березники
Ремонтные работы проходят в рамках партийных проектов «Новая
школа» и «Городская среда»
В 2019 году на ремонтные работы и строительство дополнительного
корпуса к Большеберезниковскому детсткому саду «Теремок» выделено
около 53 миллионов рублей в рамках партийного и национального
проектов. Всего в районе 424 ребенка дошкольного возраста, в райцентре
Большие Березники проживает 326 детей. В электронной очереди на
получение мест в дошкольном учреждении стоят 77 ребят. В Больших
Березниках ждут открытия реконструированного детского сада с
нетерпением. Окончание работ запланировано на 31 октября. Депутат
Государственного Собрания республики Александр Акайкин,
представители районной администрации ,местного отделения партии
остались довольны качеством проведенных работ. Строящийся новый
корпус детского сада рассчитан на 60 мест. Здесь будут размещены
ясельные группы. Уже практически закончены строительно-монтажные
работы.
Подробнее ...
 
В День физкультурника в спортивных сооружениях Мордовии прошли Дни открытых дверей
День физкультурника широко отпраздновали в Саранске и районах республики. В этот день в физкультурно-оздоровительных комплексах и бассейнах, построенных в рамках реализации федерального партийного проекта «Строительство физкультурно-оздоровительных комплексов» в Республике Мордовия прошли спортивные праздники.


 
Подробнее ...
 
«Почти половина россиян готова проголосовать за "Единую Россию"
По сообщению  информационного агенства  ИНТЕРФАКС - "Единая 
Россия", КПРФ и ЛДПР прошли бы в Госдуму нового созыва в случае, если 
бы парламентские выборы проводились в ближайшее воскресенье, 
свидетельствуют данные опроса "Левада-центра", поступившие в 
"Интерфакс".
Согласно результатам социологического исследования, среди 
участников опроса, готовых отправиться в этот день на избирательные 
участки и определиться с партией, за которую хотят голосовать, 44% 
респондентов отдали бы предпочтение партии власти.
Подробнее ...
 
«Единая Россия» поддержала создание в каждом федеральном округе учебных центров для волонтеров
В каждом федеральном округе России при поддержке «Единой России», МЧС
России и Министерства просвещения появятся учебные центры для волонтеров.
Они помогут им получить необходимые знания и умения для оказания
эффективной помощи людям во время чрезвычайных ситуаций (ЧС). Об этом
заявил секретарь Генсовета «Единой России», вице-спикер Совета Федерации
Андрей Турчак во время посещения учебного центра Всероссийского
студенческого корпуса спасателей (ВСКС) в Москве.
Подробнее ...
 
Локомотивы роста: В ходе семинара обсудили расширение доступа субъектов малого предпринимательства к закупкам крупнейших заказчиков
В Торгово-промышленной палате при поддержке рабочей группы проекта
«Единой России« «Локомотивы роста» состоялось заседание, в ходе которого
обсуждались возможности расширения предпринимательства к закупкам крупнейших заказчиков. На встрече обсудили
меры финансовой поддержки субъектов МСП, способы их участия в закупках,
систему информационного обеспечения и контроль деятельностью.
«Сейчас для нас одной из главных задач является развитие промышленного и
высокотехнологичного малого и среднего бизнеса. Для этого нужно помочь
предпринимателям участвовать в закупках, в том числе и через механизм
лизинга», - сказал координатор партийного проекта «Локомотивы роста» в
республике Юрий Левашкин.